ᒨᓯᓯ ᑕᓪᓕᒪᖏᑦ 12:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ “ᐊᑕᓂᐅᑉ ᒎᑎᑦᓯ ᐃᓅᖃᑎᒌᒡᔪᐊᓕᒫᑦ ᓄᖑᑎᓐᓂᐊᕐᐰᑦ ᓵᓚᒋᓂᐊᕐᑕᓯ ᓄᓇᑖᕆᓂᐊᕐᑕᑦᓯᓐᓃᑦᑐᑦ, ᓄᓇᒋᔭᖏᓐᓂᒃ ᐊᕐᓵᕐᓂᐊᕋᑦᓯᐅᒃ ᓄᓇᖃᖔᓕᕐᓗᓯᓗ ᑕᕝᕙᓂ.

ᒨᓯᓯ ᑕᓪᓕᒪᖏᑦ 12:29 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 33:2

ᐱᐅᖏᑦᑐᓕᓚᐅᕐᐳᖅ ᐊᑕᓂᐅᑉ ᑕᑯᓐᓇᑕᖓᒍᑦ, ᓄᓇᓖᑦ ᐱᐅᖏᑦᑐᓂ ᓇᕐᕈᓇᕐᑐᓕᓂᖏᓐᓂᒃ ᒪᓕᓚᐅᕐᒪᑦ ᐊᑕᓂᐅᑉ ᐊᓂᑎᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐃᓇᖏᕐᑕᐅᑎᓚᐅᕐᑕᖏᑕ.

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᒨᓯᓯ ᐂᑉᐸᖏᑦ 23:23

ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑖᑦᓱᒪ ᑕᓯᐅᕐᓂᐊᕐᐹᓯ ᐊᒧᕅᑎᒥᐅᓄᑦ, ᕼᐃᑍᑎᒥᐅᓄᓪᓗ, ᐱᕆᔧᑎᒥᐅᓄᓪᓗ, ᑬᓇᓂᒥᐅᓄᓪᓗ, ᕼᐃᕔᑎᓄᓪᓗ, ᔨᐳᓮᑎᒥᐅᓄᓪᓗ, ᑖᒃᑯᐊᓗ ᓄᖑᑎᓐᓂᐊᕐᐸᒃᑲ.

ᒨᓯᓯ ᑕᓪᓕᒪᖏᑦ 12:30

ᑖᒃᑯᐊᓕ ᐃᓅᖃᑎᒌᒡᔪᐊᑦ ᓄᖑᑕᐅᓯᒪᓕᕐᓂᖏᑕ ᑭᖑᓂᖓᒍᑦ, ᑲᒪᑦᓯᐊᕐᑐᒃᓴᐅᕗᓯ ᐅᒃᐱᕐᓂᕆᔭᖏᑕ ᐃᓕᖅᑯᓯᖏᓐᓄᑦ ᐅᐃᕕᕆᔭᐅᖁᓇᓯ. ᖃᐅᔨᓇᓱᐊᕐᑐᒃᓴᐅᓐᖏᓚᓯᓘᓐᓃᑦ ᖃᓄᐃᓕᐅᕐᓗᑎᒃ ᒎᑎᒥᖕᓄᑦ ᑐᒃᓯᐊᕐᐸᓚᐅᕐᒪᖔᑕ, ᑐᒃᓯᐊᕈᓯᕆᕙᓚᐅᕐᑕᖏᑎᑐᑦ ᑐᒃᓯᐊᕋᓱᓕᖁᓇᓯ.

ᒨᓯᓯ ᑕᓪᓕᒪᖏᑦ 19:1

“ᐊᑕᓂᐅᑉ ᒎᑎᑦᓯ ᐃᓅᖃᑎᒌᒡᔪᐊᓂᒃ ᓄᓇᖃᕐᑐᓂᒃ ᓄᖑᑎᑦᓯᓚᐅᕐᓂᖓᑕ ᑭᖑᓂᖓᒍᑦ ᐃᓕᑦᓯᓐᓄᑦ ᓄᓇᑖᕆᔭᐅᑎᓯᒪᓕᕐᐸᒍ ᑖᒃᑯᐊᓗ ᓄᓇᖓᑦ ᓄᓇᑖᕆᒍᑦᓯᐅᒃ ᐃᒡᓗᒐᓴᖏᓪᓗ ᐃᒡᓗᒋᓕᕈᑦᓯᐅᒃ,

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᔮᓱᐊᑉ ᐊᒡᓚᖏᑦ 21:43

ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 23:4

ᑕᑯᒋᑦ, ᓇᓚᐅᑦᑖᕈᑎᑎᒍᑦ ᑐᓂᓚᐅᕐᐸᑦᓯ ᑭᖑᕐᖑᑦᔨᖁᓪᓗᓯ ᑭᖑᕚᓯᓗ ᓄᓇᑖᖁᓪᓗᓯ ᐃᓅᖃᑎᒋᒡᔪᐊᑦ ᓄᓇᖃᕋᓗᐊᕐᑎᓪᓗᒋᑦ ᓱᓕ, ᑖᒃᑯᐊᓗ ᐅᓇᑕᕐᓂᒃᑯᑦ ᐃᓅᖃᑎᒌᒡᔪᐊᓂᑦ ᓄᓇᑖᕆᓚᐅᕐᑕᕗᑦ, ᔪᐊᕐᑕᓂᐅᑉ ᑰᖓᓂᑦ ᐱᒋᐊᕐᓗᒍ ᒥᑎᑎᕆᓂᐊᑉ ᑕᕆᐅᖓ ᓯᕿᓂᐅᑉ ᓂᐱᕕᐊᓃᑦᑐᖅ ᑎᑭᓪᓗᒍ.