ᒨᓯᓯ ᑕᓪᓕᒪᖏᑦ 12:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᒨᓯᓯ ᑕᓪᓕᒪᖏᑦ 12:18 ပူးပေါင်းရင်းမြစ်များ

ᐃᓐᖏᕈᑎᑦ 32:11

ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ; ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!

ᐃᓐᖏᕈᑎᑦ 68:3

ᐃᓱᐊᕐᑐᓪᓕ ᖁᕕᐊᓱᒡᓕᑦ; ᐊᓕᐊᓁᒍᓱᒡᓕᑦ ᒎᑎᐅᑉ ᓵᖓᓂ; ᐃᓛᒃ, ᐊᒃᓱᐊᓗᒃ ᐊᓕᐊᓁᒍᓱᒻᒪᕆᒡᓕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:17

ᐱᓂᐊᕐᓂᖏᑦ ᓮᒪᓇᕐᑐᒥᒃ ᐱᓂᐊᕐᓂᐅᕗᑦ, ᐊᖅᑯᓯᓂᖏᓪᓗ ᓮᓕᓇᕐᑑᓪᓗᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:12

ᖃᐅᔨᒪᕗᖓᓕ ᐱᐅᓂᕐᓴᒥᒃ ᐱᑕᖃᓐᖏᓚᖅ ᑖᒃᑯᐊ ᖁᕕᐊᓱᒋᐊᖃᕐᓂᖏᓐᓂᑦ, ᐱᐅᔪᒥᒡᓗ ᐱᓇᓱᐊᕆᐊᖃᕐᓂᖏᓐᓂᑦ ᐃᓅᓂᕐᒥᖕᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:18

ᐃᒫᒃ ᑕᕝᕙ ᐱᐅᔪᖅ ᑕᑯᓚᐅᕐᑕᕋ: ᓈᒻᒪᒃᐳᖅ ᓂᕆᓗᓂ ᐃᒥᕐᓗᓂᓗ ᖁᕕᐊᒋᔭᖃᕐᓗᓂᓗ ᓴᓇᔭᒥᓂᒃ ᐊᒃᓱᕈᕐᓂᕐᒥᓄᑦ ᓴᓇᔭᒥᓂᒃ ᓯᕿᓂᐅᑉ ᐊᑖᓂ ᓴᓇᔭᐅᕙᒃᑐᒥᒃ ᐅᓪᓗᓂᒃ ᐅᓄᖏᑦᑐᓂᒃ ᒎᑎᐅᑉ ᑐᓂᔭᖏᓐᓂᒃ ᑖᑦᓱᒧᖓ; ᑕᒪᓐᓇ ᑖᑦᓱᒧᖓ ᑐᕌᖓᖕᒪᑦ.

ᐂᓮᐊᓯᐅᑉ ᐊᒡᓚᖏᑦ 12:3

ᑍᒤᒻᒪᑦ ᖁᕕᐊᓱᒡᓗᑎᑦ ᐃᒥᕐᒥᒃ ᖃᓗᔭᕐᑐᕈᒫᕐᐳᑎᑦ ᐱᐅᓕᔭᐅᕕᐅᑉ ᐃᒥᕐᑕᕐᕕᖓᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:34

ᐃᒡᓗᒥᓄᑦ ᐊᖏᕐᕋᐅᑎᓪᓗᒋᒃ ᓂᕆᑎᑉᐹᒃ; ᐃᒡᓗᒥᐅᖃᑎᓂ ᐃᓚᒋᓪᓗᒋᑦ ᖁᕕᐊᓱᒻᒪᕆᓕᕐᐳᑦ, ᒎᑎᒧᑦ ᐅᒃᐱᓕᕋᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:19

ᐃᒃᐱᒍᓱᑦᓯᐊᕐᑐᒃᓴᐅᕗᓯ, ᓕᕔᑎᓂᒃ ᐱᖃᑕᐅᑎᑦᓯᖏᑦᑑᖁᓇᓯ, ᑕᒫᓂ ᓄᓇᒋᓕᕐᑕᑦᓯᓐᓂ ᓄᓇᖃᕐᓂᓕᒫᑦᓯᓐᓂ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 14:23

ᑕᕝᕙ ᐊᑕᓂᐅᑉ ᒎᑎᑦᓯ ᓵᖓᓂ, ᑐᒃᓯᐊᕐᕕᒃᓴᐅᖁᓪᓗᒍ ᓂᕈᐊᕐᓯᒪᔭᖓᓄᐊᕐᑐᒃᓴᐅᕗᓯ; ᑕᓪᓕᒪᐅᔪᐃᕈᑎᓯ ᓂᕆᔭᒃᓴᕆᕙᓯ ᓂᐊᖂᔭᒃᓮᑦ, ᐅᐂᓃᓪᓗ, ᓇᐹᕐᑐᐃᓪᓗ ᐸᐅᕐᖓᖏᑕ ᐅᕐᓱᖏᑦ, ᐃᒻᒧᒃᓯᐅᒐᖁᑎᑦᓯᓪᓗ ᓰᐱᖁᑎᑦᓯᓗ ᓯᕗᓪᓕᕐᐹᒥᒃ ᐃᕐᓂᐊᕆᓯᒪᔭᖏᑦ. ᑐᑭᓯᕙᓪᓕᐊᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ ᑍᒪᓐᖓᓕᒫᖅ ᐃᓕᕋᓱᒋᐊᖃᕐᓂᕐᒥᒃ.

ᒨᓯᓯ ᑕᓪᓕᒪᖏᑦ 15:20

ᑕᒪᒃᑯᐊᓕ ᐊᕐᕌᒍᑕᒫᑦ ᑍᒤᑦᑐᑦ ᓂᕆᔭᒃᓴᕆᕙᓯ, ᐃᓚᓯ ᐃᓚᒋᓗᒋᑦ ᐊᑕᓂᐅᑉ ᒎᑎᑦᓯ ᓵᖓᓂ ᑐᒃᓯᐊᕐᕕᖕᒥ.

ᓴᒧᐃᓕ ᓯᕗᓪᓖᑦ 1:4

ᑍᒪᓐᖓᑦ ᐃᐅᓪᑳᓇ ᑐᓂᕐᕈᓯᕌᖓᒥ, ᐂᑦᑐᐃᕙᓚᐅᕐᐳᖅ ᑐᓂᔭᒥᑕ ᐃᓚᖓᓂᒃ ᐱᓃᓇᒧᑦ ᕿᑐᕐᖓᖏᓐᓄᓪᓗ.