ᒨᓯᓯ ᑕᓪᓕᒪᖏᑦ 12:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᕐᒧᓪᓕ ᑐᓂᕐᕈᑎᒃᓴᕆᔭᓯ ᓄᓇᒥ ᓇᔪᕐᑕᑦᓯᓐᓂ ᓂᕆᔭᒃᓴᕆᓐᖏᓚᓯ: ᑕᓪᓕᒪᐅᔪᐃᕈᑎᒋᒍᑦᓯᐅᒃ ᐱᕈᕐᑐᕕᓂᐅᒃᐸᑦ ᓂᐊᖂᔭᒃᓴᖅ, ᕔᓂᒃᓴᖅ, ᓇᐹᕐᑑᓪᓗ ᐱᕈᕐᑐᖓ ᐅᕐᓱᒃᓴᐅᒃᐸᑦ, ᐃᒻᒧᒃᓯᐅᒐᖁᑎᑦᓯᓗ ᕿᑐᕐᖏᕐᖓᐅᑎᒋᒃᐸᒍ ᓰᐱᖁᑎᑦᓯᓘᓐᓃᑦ, ᐊᑕᓂᕐᒧᑦ ᐊᖏᕈᑎᒋᓯᒪᒍᕕᐅᒃ ᑐᓂᕐᕈᑎᒃᓴᕆᔪᒪᓗᒍ, ᐃᓱᒪᕐᓱᕐᓗᑎᑦ ᑐᓂᔪᒪᔭᕐᓂᒃ ᑐᓂᕐᕈᓯᕐᓂᐊᕈᕕᑦ, ᐊᓯᖏᓐᓂᒡᓘᓐᓃᑦ ᑐᓂᕐᕈᑎᒃᓴᕆᔭᕐᓂᒃ.

ᒨᓯᓯ ᑕᓪᓕᒪᖏᑦ 12:17 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 26:14

ᓂᕆᓚᐅᓐᖏᓚᖓ ᑕᓪᓕᒪᐅᔪᐃᕈᑎᒃᓴᓐᓂᒃ ᐃᓚᓐᖓᕋᑖᕐᓯᒪᓂᕐᒧᑦ ᕿᒃᓵᒃᑎᓪᓗᖓ; ᐃᒡᓗᓐᓂᓪᓗ ᐊᓐᓂᑦᔨᓚᐅᓐᖏᓚᖓ ᐅᒃᐱᕐᓂᒃᑯᑦ ᓴᓗᒤᓕᓯᒪᓂᕋᕐᑕᐅᑎᓪᓗᖓ; ᑐᓂᕐᕈᑎᖃᓚᐅᕐᓇᖓᓗ ᑖᒃᑯᐊ ᐃᓚᖏᓐᓂᒃ ᑐᖁᖓᔪᓄᑦ, ᐊᑕᓃᖅ, ᓈᓚᑦᓯᐊᓚᐅᕐᐸᒋᑦ ᐱᖁᔨᑦᔪᑎᒋᓯᒪᔭᓕᒫᑎᑦ ᐅᕙᓐᓄᑦ ᐊᑐᕐᓯᒪᕙᒃᑲ ᑕᓪᓕᒪᐅᔪᐃᕐᓂᕐᒧᑦ.

ᒨᓯᓯ ᑕᓪᓕᒪᖏᑦ 12:6

ᑕᕝᕙᓂ ᑐᓂᕐᕈᓯᕈᓐᓇᖁᓪᓗᓯ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᓯ ᑐᓂᕐᕈᑎᓯᓗ ᑮᓇᐅᔧᑦ ᑕᕝᕗᖓ ᑐᓂᖃᑦᑕᖁᓪᓗᓯᐅᒃ, ᑐᓂᕐᕈᑎᒃᓮᑦ ᐊᑕᓂᕐᒧᑦ ᑐᓂᕐᕈᑎᒋᔪᒪᓪᓗᒋᑦ ᐊᖏᕈᑎᒋᓯᒪᔭᓯ, ᐃᓱᒪᕐᓱᕐᓗᓯᓗ ᑐᓂᔪᒪᔭᑦᓯᓐᓂᒃ ᑐᓂᕐᕈᑎᒋᔪᒪᔭᓯ, ᓯᕗᓪᓕᕐᐹᒥᒡᓗ ᐃᕐᓂᐊᕆᔭᐅᓯᒪᔪᑦ ᐃᒻᒧᒃᓯᐅᒐᖁᑎᑦᓯ ᓰᐱᖁᑎᑦᓯᓗᑦᑕᐅᖅ;

ᒨᓯᓯ ᑕᓪᓕᒪᖏᑦ 26:12

“ᐊᕐᕌᒍᑦ ᐱᖓᓱᑦ ᓈᔭᕌᖓᑕ ᑕᒫᑦ ᓂᐊᖂᔭᒃᓴᓂᒃ ᐱᕈᕐᑎᑕᕕᓂᕐᓯ ᑕᓪᓕᒪᐅᔪᖏᓐᓂᒃ ᑐᓂᓯᖃᑦᑕᕐᑐᒃᓴᐅᕗᓯ, ᓕᕔᑎᒃᑯᓐᓄᑦ, ᓄᓇᖃᕐᑐᑐᖃᐅᖏᑦᑐᓄᓪᓗ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ, ᓄᓇᓕᓕᒫᓂ ᓂᕆᔪᒪᔭᓕᒫᒥᖕᓂᒃ ᓂᕿᒃᓴᕐᑕᖃᑦᓯᐊᖁᓪᓗᒍ. ᑍᒤᓕᐅᕇᕈᑦᓯᓕ,

ᒨᓯᓯ ᑕᓪᓕᒪᖏᑦ 12:26

ᐊᑕᓂᐅᓪᓕ ᑐᒃᓯᐊᕐᕕᒃᓴᐅᑎᑕᖓᓄᑦ ᐊᑕᐅᓯᕐᒧᑦ ᐋᑦᓯᔪᒃᓴᐅᕗᑎᑦ ᑐᓂᕐᕈᑎᒃᓴᕆᔭᕐᓂᒃ ᑐᓂᔭᒃᓴᕆᔭᕐᓂᒡᓗ ᐊᑕᓂᕐᒧᑦ ᐊᖏᕈᑎᒋᓯᒪᔭᕐᓂᒃ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:18

ᐃᓴᕆᐊᓕᒥᐅᑦ ᐃᓱᒪᒋᓯᐅᒃ; ᑐᓂᕐᕈᑕᐅᔪᓂᒃ ᒎᑎᒧᑦ ᓂᕆᔪᑦ ᐱᖃᑕᐅᓐᖏᓛᑦ ᑐᓂᕐᕈᓯᕐᕕᖕᒥᑦ?

ᓴᒧᐃᓕ ᓯᕗᓪᓖᑦ 1:4

ᑍᒪᓐᖓᑦ ᐃᐅᓪᑳᓇ ᑐᓂᕐᕈᓯᕌᖓᒥ, ᐂᑦᑐᐃᕙᓚᐅᕐᐳᖅ ᑐᓂᔭᒥᑕ ᐃᓚᖓᓂᒃ ᐱᓃᓇᒧᑦ ᕿᑐᕐᖓᖏᓐᓄᓪᓗ.

ᑯᕉᓂᑲ ᐂᑉᐸᖏᑦ 31:14

ᑯᕆᓗ ᐃᒻᓇᐅᑉ ᐃᕐᓂᖓ ᓕᕔᑎ, ᐃᑎᕐᑕᕐᕕᖕᒥᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ ᑲᒪᔨᐅᔪᖅ, ᑖᓐᓇ ᑲᒪᔨᐅᕗᖅ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᑎᐅᔪᓂᒃ ᒎᑎᒧᑦ, ᑐᓂᓯᔨᐅᖁᓪᓗᒍ ᑐᓂᕐᕈᑎᓂᒃ ᐃᑦᔪᕐᓁᓐᓂᕐᐹᓂᒃ ᐊᑕᓂᕐᒧᑦ.