ᒨᓯᓯ ᑕᓪᓕᒪᖏᑦ 11:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙ ᑕᒫᓂ ᐊᑯᓂ ᐃᓅᔪᓐᓇᕐᓂᐊᕐᐳᓯ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᔪᕐᓴᕐᓇᖏᑦᑐᒥᓗ ᐊᑕᓂᐅᑉ ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᖓᓂᒃ ᓯᕗᓕᕕᓂᑦᓯᓐᓄᑦ ᑭᖑᕚᖏᓐᓄᓪᓗ.

ᒨᓯᓯ ᑕᓪᓕᒪᖏᑦ 11:9 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 6:2

ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 20:6

ᑍᑦᓱᒪᓂ ᐅᓪᓗᒥ ᐅᖃᕕᒃᓗᖓ ᐊᖏᕐᕕᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓛᕐᓂᕋᕐᓗᒋᑦ ᑕᓯᐅᕐᓗᒋᓪᓗ ᓄᓇᒧᑦ ᓄᓇᑖᕆᔭᐅᖁᓪᓗᒍ ᓂᕈᐊᕆᓯᒪᔭᓐᓄᑦ, ᓄᓇᑦᓯᐊᕙᐅᓂᕐᐹᒧᑦ ᓄᓇᒥ ᓂᕿᒃᓴᖃᑦᓯᐊᕐᓇᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ.

ᒨᓯᓯ ᑕᓪᓕᒪᖏᑦ 9:5

ᐱᐅᔫᓂᓯᓕ ᐋᖅᑭᑦᓯᐊᕐᓯᒪᓂᓯᓗ ᐱᑦᔪᑎᒋᓇᒋᑦ ᐊᑕᓂᐅᑉ ᒎᑎᑦᓯ ᑖᒃᑯᐊ ᓄᓇᖏᓐᓂᒃ ᓄᓇᑖᕐᑎᓯᒪᓐᖏᓛᓯ. ᐃᓅᖃᑎᒌᒡᔪᐊᓪᓕ ᓄᓇᖏᓐᓂᑦ ᐊᓂᑎᓐᓂᐊᕐᐰᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ ᐊᖏᕈᑎᒋᓯᒪᔭᓂᓗ ᓯᕗᓕᕕᓂᑦᓯᓐᓄᑦ ᐱᑦᔪᑎᒋᓪᓗᒍ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.

ᒨᓯᓯ ᑕᓪᓕᒪᖏᑦ 5:16

“‘ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ, ᐅᕙᖓ ᐊᑕᓂᖅ ᒎᑎᒋᔭᓯ ᑍᒫᒃ ᐱᖁᔨᒐᒪ ᐃᓕᖕᓂᒃ, ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:27

ᐊᑕᓂᕐᒥᒃ ᓯᕗᕋᓂᖅ ᐃᓅᓯᕐᒥᒃ ᐅᐃᒍᓯᕗᖅ, ᐱᐅᖏᑦᑐᓪᓕ ᐊᕐᕌᒍᖏᑦ ᓁᑦᑑᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:11

ᐅᕙᒃᑯᑦ ᐅᓪᓗᕆᓛᕐᑕᑎᑦ ᐅᓄᕐᓯᑎᑕᐅᓂᐊᕐᐳᑦ, ᐊᕐᕌᒍᐃᓪᓗ ᐃᓅᕕᒋᓂᐊᕐᑕᑎᑦ ᐃᓚᔭᐅᓂᐊᕐᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:16

ᐃᓅᑯᑖᒃᑎᑕᐅᓂᖅ ᑕᓕᕐᐱᖕᒥᓄᑦ ᑎᒍᒥᐊᕐᐹ, ᓴᐅᒥᖕᒥᓂᓗ ᐊᒃᓗᐃᓂᕐᒥᒃ ᐅᐱᒋᔭᐅᓂᕐᒥᒡᓗ ᑎᒍᒥᐊᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:2

ᐅᓪᓗᐃᑦ ᐊᕐᕌᒍᑦ ᐃᓅᓯᕐᓂᒃ ᑕᑭᒡᓕᑎᑕᐅᓂᐊᕐᐳᑦ ᐊᒥᒐᕐᓯᖏᓐᓂᕐᒥᒡᓗ ᑐᓂᓯᕕᐅᑦᔪᑎᒋᓂᐊᕐᐸᑎᑦ.

ᒨᓯᓯ ᑕᓪᓕᒪᖏᑦ 6:18

ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ,

ᒨᓯᓯ ᐂᑉᐸᖏᑦ 20:12

“ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ ᐊᑯᓂ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᒨᓯᓯ ᑕᓪᓕᒪᖏᑦ 8:7

ᐊᑕᓂᐅᑉ ᒎᑎᑦᓯ ᓄᓇᒧᑦ ᓂᕿᒃᓴᖃᑦᓯᐊᕐᑐᒧᑦ ᑎᑭᐅᑎᑎᒻᒪᓯ, ᑰᒐᓛᖃᐅᑦᓯᐊᕐᑐᒧᑦ ᓄᓇᐅᓪᓗ ᐃᓗᐊᓂᑦ ᑰᖏᓐᓇᕐᑐᖃᕐᑐᒧᑦ ᐃᒪᖃᕐᑐᒧᓪᓗ, ᓇᕐᓴᑎᒍᓪᓗ ᖃᖅᑲᑎᒍᓪᓗ ᑰᖃᐅᕐᑐᒧᑦ.

ᒨᓯᓯ ᑕᓪᓕᒪᖏᑦ 11:10

ᑕᒪᓐᓇ ᓄᓇ ᓄᓇᑖᕆᓂᐊᓕᕐᑕᓯ ᐄᑦᔨᑉᑎᐅᑉ ᓄᓇᖓᑎᑐᑦ ᑍᒤᑦᑑᓐᖏᓚᖅ, ᓄᓇᒋᓚᐅᕐᑕᑦᓯᑐᑦ. ᑍᑲᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔭᕌᖓᑦᓯ, ᐱᔭᕐᓂᖏᑦᑐᒃᑯᑦ ᐱᕈᕐᑎᑦᓯᓇᓱᖃᑦᑕᓚᐅᕋᑦᓯ, ᐱᕈᕐᓰᕕᖕᒥ ᐱᕈᕐᑐᕕᓂᕐᑎᑐᑦ ᑍᒤᑎᓐᓇᓱᐊᕐᓗᒋᑦ.

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

ᒨᓯᓯ ᑕᓪᓕᒪᖏᑦ 11:21

ᑕᕝᕙ ᕿᑐᕐᖓᓯᓗ ᐊᑯᓂ ᐃᓅᓂᐊᕐᐳᓯ ᑕᒫᓂ ᓄᓇᒥ ᐊᑕᓂᐅᑉ ᒎᑎᑦᓯ ᐊᖏᕈᑎᒋᓯᒪᔭᖓᓂ ᑐᓂᔪᒪᓪᓗᓂᐅᒃ ᓯᕗᓕᕕᓂᑦᓯᓐᓄᑦ. ᑕᕝᕙᓂᓗ ᐃᓅᓂᐊᕐᐳᓯ ᓄᓇᐅᑉ ᖁᓛᒍᑦ ᕿᓚᖃᕐᓂᓕᒫᖓᓂ.