ᒨᓯᓯ ᑕᓪᓕᒪᖏᑦ 11:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓄᓇᓕᒫᕐᓗ ᐱᓱᒡᕕᒋᔭᓯ ᑕᒪᕐᒥᒃ ᓄᓇᑖᕆᓂᐊᕐᐸᓯ; ᓄᓇᒋᔭᓯᓗ ᑭᒡᓕᖃᕐᓂᐊᕐᐳᖅ ᓯᕿᓂᐅᑉ ᓇᓛᓂᑦ ᐃᓄᖃᖏᑦᑐᒥᑦ ᐱᒋᐊᕐᓗᒍ ᓕᐸᓇᓂᐅᑉ ᖃᖅᑲᖏᓐᓄᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑎᑭᓪᓗᒍ, ᑰᒑᓗᖕᒥᓪᓗ ᐃᕗᕅᑎᒥᑦ ᐱᒋᐊᕐᓗᒍ ᓯᕿᓂᐅᑉ ᓄᐃᕕᐊᓂᑦ ᒥᑎᑎᕆᓂᐊᒧᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓂᐱᕕᐊᓃᑦᑐᒧᑦ ᑎᑭᓪᓗᒍ.

ᒨᓯᓯ ᑕᓪᓕᒪᖏᑦ 11:24 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 4:24

ᓲᓗᒨᓂ ᐊᐅᓚᑦᓯᓚᐅᕐᐳᖅ ᓄᓇᓂᒃ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓂᒃ ᑰᑉ ᐃᕗᕅᑎᐅᑉ ᑎᑉᓴᒥᑦ ᒑᓴᒧᑦ, ᐊᒻᒪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓄᑦ ᒑᓴ ᑎᑭᓪᓗᒍ, ᑕᒪᕐᒥᒃ ᐊᖓᔪᖅᑳᕐᔪᐊᑦ ᐃᕗᕅᑎᐅᑉ ᖃᓂᒋᔭᖓᓃᑦᑐᓕᒫᑦ ᑖᑦᓱᒥᖓ ᓈᓚᓯᐊᓚᐅᕐᐳᑦ, ᓮᓕᓇᓯᐊᕐᑐᒥᒡᓗ ᐃᓅᓯᖃᕐᑎᑕᐅᓪᓗᓂ ᖃᓂᒋᔭᖓᓃᑦᑐᓕᒫᓂᑦ.

ᑯᕉᓂᑲ ᐂᑉᐸᖏᑦ 9:26

ᐊᐅᓚᑦᓯᓚᐅᕐᐳᖅ ᐊᖓᔪᖅᑳᕐᔪᐊᓕᒫᓂᒃ ᐃᕗᕅᑎᒥᑦ ᑰᖕᒥᑦ ᐱᒋᐊᕐᓗᒍ ᐱᓕᔅᑍᓂᒥᐅᑦ ᓄᓇᖓᓄᑦ ᑎᑭᓪᓗᒍ, ᐄᑦᔨᑉᑎᐅᓪᓗ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ.

ᒨᓯᓯ ᐂᑉᐸᖏᑦ 23:31

ᓄᓇᒋᓂᐊᕐᑕᑦᓯᓗ ᑭᒡᓕᖃᕐᑎᓐᓂᐊᕐᐸᕋ ᐃᒪᕐᒥᑦ ᐊᐅᐸᓗᒃᑕᒥᑦ ᐱᒋᐊᕐᓗᒍ ᐱᓕᔅᑍᓂᐅᑉ ᐃᒪᖓᓄᑦ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᐃᕗᕅᑎᐅᑉ ᑰᖓᓄᑦ ᑎᑭᓪᓗᒍ; ᑕᒫᓂᓗ ᓄᓇᖃᕐᑐᑦ ᐃᓕᑦᓯᓐᓄᑦ ᑐᓂᓂᐊᕐᐸᒃᑲ, ᐃᓕᑦᓯᓪᓗ ᑕᒫᓐᖓᑦ ᓄᓇᒥᑦ ᐊᓂᑎᓐᓂᐊᕐᐸᓯ.

ᔪᐃᓕᐅᑉ ᐊᒡᓚᖏᑦ 2:20

ᐅᓇᑕᕐᑐᒃᓮᑦ ᐅᓐᓄᐊᑉ ᓇᓛᓂᑦ ᐱᔪᑦ ᐅᖓᓯᒋᔭᑦᓯᓐᓄᑦ ᐊᐅᓪᓚᕐᑎᑦᓱᒫᕐᐸᒃᑲ, ᓯᖏᓪᓗᒋᑦ ᐃᓄᖃᔪᐃᑦᑐᒧᑦ ᓯᐅᕅᓐᓇᕐᒧᑦ, ᓯᕗᓪᓖᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓄᐃᕕᐊᓄᑦ ᐂᑎᓐᓂᐊᕐᐸᒃᑲ, ᑭᖑᓪᓖᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓂᐱᕕᐊᓄᑦ ᐂᑎᓪᓗᒋᑦ. ᑕᕝᕙᓂᓗ ᐃᒍᓇᕈᒫᕐᐳᑦ ᑎᐹᕿᓗᑎᒃ ᐱᐅᖏᑦᑐᐊᓗᖕᒥᒃ ᐃᓕᑦᓯᓐᓄᑦ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 1:7

ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ.

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 12:20

“ᐊᑕᓂᐅᓪᓕ ᒎᑎᑦᓯ ᓄᓇᒋᔭᑦᓯ ᑭᒡᓕᖓ ᐊᖏᒡᓕᒋᐊᕐᑎᑉᐸᒍ, ᑕᒪᓐᓇ ᐃᓕᑦᓯᓐᓄᑦ ᐊᖏᕈᑎᒋᓯᒪᖕᒪᒍ, ᓂᕿᒥᒃ ᓂᕆᔪᒃᓴᐅᕗᓯ ᓂᕆᕕᒋᔪᒪᔭᑦᓯᓐᓂ ᓇᓂᑐᐃᓐᓇᖅ.

ᒨᓯᓯ ᑕᓪᓕᒪᖏᑦ 34:2

ᓈᑉᑕᓕᐅᓪᓗ ᓄᓇᖁᑎᓕᒫᖓᓂᒃ; ᐃᕗᕅᒥᐅᓪᓗ ᒫᓇᓯᐅᓪᓗ ᓄᓇᖁᑎᓕᒫᖏᖕᓂᒃ; ᔫᑕᐅᓪᓗ ᓄᓇᖁᑎᓕᒫᖓᓂᒃ ᑕᐅᕗᖓ ᓯᕿᓂᐅᑉ ᓂᐱᕕᐊᓄᑦ ᒥᑎᑎᕇᓂᐊ ᐃᒪᕐᔪᐊᖅ ᑎᑭᓪᓗᒍ;

ᔮᓱᐊᑉ ᐊᒡᓚᖏᑦ 14:9

ᑍᒤᓚᐅᕐᓂᓐᓄᑦ ᒨᓯᓯᐅᑉ ᐊᖏᕐᕕᒋᓚᐅᕐᐹᖓ ᐅᓪᓗᒥ ᑍᑲᓂ, ᐅᖃᕐᓗᓂ, ‘ᓱᓕᑦᓯᐊᕐᑐᒥᒃ ᓄᓇ ᐱᓱᒃᕕᒋᓚᐅᕐᑍᑦ ᕿᑐᕐᖓᑎᓪᓗ ᑭᖑᕐᖑᑎᔪᒫᓕᕐᐸᓯ ᐃᓱᖃᖏᑦᑐᒧᑦ, ᐊᑕᓂᕐᒥᒃ ᒎᑎᖕᓂᒃ ᓱᓕᑦᓯᐊᕐᓗᑎᑦ ᒪᓕᑦᓯᐊᓚᐅᕋᕕᑦ.’