ᒨᓯᓯ ᑕᓪᓕᒪᖏᑦ 11:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑕᕝᕙ ᐃᓅᖃᑎᒌᒡᔪᐊᑦ ᕿᒪᒃᓯᑎᓐᓂᐊᕐᐰᑦ ᐱᕕᒃᓴᖃᖔᖁᓪᓗᓯ, ᓄᓇᖏᓐᓂᒡᓗ ᓄᓇᑖᕐᓂᐊᕐᐳᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐊᔪᖏᓐᓂᕐᓴᐅᔪᓄᑦ ᐱᔪᓐᓇᕐᓂᖃᕐᓂᕐᓴᐅᔪᓄᓪᓗ ᓄᓇᒋᔭᐅᓚᐅᕐᑐᒥᒃ.

ᒨᓯᓯ ᑕᓪᓕᒪᖏᑦ 11:23 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 34:11

ᐅᓪᓗᒥ ᐱᖁᔧᑦ ᐃᓕᖕᓄᑦ ᑐᓂᔭᒃᑲ ᒪᓕᖕᓂᐊᕐᐸᑎᑦ. ᐃᓅᖃᑎᒌᑦ ᐊᐅᓪᓚᕐᑎᓐᓂᐊᕐᐸᒃᑲ ᒪᑯᐊ ᐊᒧᕅᑎᒃᑯᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ, ᔨᐳᓮᑎᒥᐅᓪᓗ, ᐃᕝᕕᑦ ᐊᖅᑯᑎᒋᓗᑎᑦ.

ᒨᓯᓯ ᑕᓪᓕᒪᖏᑦ 4:38

ᐃᓕᑦᓯ ᐱᑦᔪᑎᒋᓪᓗᓯ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ ᓄᓇᖏᓐᓂᑦ ᐊᓂᑎᓚᐅᕐᐰᑦ, ᓄᓇᒋᔭᖏᓐᓂ ᓄᓇᑖᖔᕈᓐᓇᖁᓪᓗᓯ, ᒫᓐᓇ ᓱᓕ ᓄᓇᒋᔭᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 9:1

“ᐃᓴᕆᐊᓕᒥᐅᑦ ᓈᓚᒋᑦᓯ! ᐅᓪᓗᒥ ᐃᑳᕐᓂᐊᓕᕐᐳᓯ ᔪᐊᕐᑕᓂᐅᑉ ᑰᖓᒍᑦ, ᓄᓇᑖᖁᓪᓗᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐅᓄᕐᓂᕐᓴᕐᔪᐊᖑᔪᓄᑦ ᐊᔪᖏᓐᓂᕐᓴᕐᔪᐊᖑᔪᓄᓪᓗ ᓄᓇᒋᔭᐅᔪᒥᒃ. ᐃᒡᓗᒐᓴᒡᔪᐊᓂᒃ ᐊᖏᔪᕐᔪᐊᖑᔪᓂᒃ, ᐊᕙᓗᕐᔪᐊᖏᓪᓗ ᕿᓚᖕᒧᑦ ᑎᑭᐅᒪᔪᓂᒃ.

ᒨᓯᓯ ᑕᓪᓕᒪᖏᑦ 9:5

ᐱᐅᔫᓂᓯᓕ ᐋᖅᑭᑦᓯᐊᕐᓯᒪᓂᓯᓗ ᐱᑦᔪᑎᒋᓇᒋᑦ ᐊᑕᓂᐅᑉ ᒎᑎᑦᓯ ᑖᒃᑯᐊ ᓄᓇᖏᓐᓂᒃ ᓄᓇᑖᕐᑎᓯᒪᓐᖏᓛᓯ. ᐃᓅᖃᑎᒌᒡᔪᐊᓪᓕ ᓄᓇᖏᓐᓂᑦ ᐊᓂᑎᓐᓂᐊᕐᐰᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ ᐊᖏᕈᑎᒋᓯᒪᔭᓂᓗ ᓯᕗᓕᕕᓂᑦᓯᓐᓄᑦ ᐱᑦᔪᑎᒋᓪᓗᒍ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.

ᔮᓱᐊᑉ ᐊᒡᓚᖏᑦ 23:9

ᐊᑕᓂᐅᑉ ᓯᖏᓚᐅᕐᒪᒋᑦ ᐃᓕᑦᓯ ᐱᓪᓗᓯ ᐱᓯᑎᐊᓗᐃᑦ ᓴᓐᖏᔪᐊᓗᐃᓪᓗ ᐃᓅᖃᑎᒌᒡᔪᐊᑦ; ᐃᓕᑦᓯᓗ ᑭᓇᒧᓪᓘᓐᓃᑦ ᓵᓚᐅᔪᓐᓇᓚᐅᓐᖏᓚᓯ ᐅᓪᓗᒥᒧᑦ ᑎᑭᓪᓗᒍ.