ᒨᓯᓯ ᑕᓪᓕᒪᖏᑦ 11:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑐᒃᓯᐊᕐᕕᖃᖃᑦᑕᓕᑐᐊᕈᑦᓯ, ᐊᑕᓂᐅᑉ ᓂᓐᖓᒃᕕᒋᒐᔭᕐᒪᓯ, ᓄᓇᒧᓪᓗ ᓯᓚᓗᖃᑦᑕᕐᓂᖅ ᓄᖅᑲᕐᑎᒃᑲᔭᕐᐹ, ᓄᓇᖁᑎᓯᓗ ᐸᓂᓗᐊᓕᕋᔭᕐᐳᖅ ᓂᐊᖂᔭᒃᓴᓂᒃ ᐱᕈᕐᕕᐅᔭᕆᐊᒃᓴᖅ. ᑕᕝᕙᓂᓗ ᓄᓇᒥ ᑐᖁᑲᐅᕐᑐᕋᔭᕐᐳᓯ, ᑕᒪᓐᓇ ᓄᓇᑦᓯᐊᕚᓘᒐᓗᐊᕐᑎᓪᓗᒍ ᐊᑕᓂᐅᑉ ᑐᓂᓯᒪᔭᖓ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 11:17 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 8:35

“ᕿᓚᒃ ᒪᑐᓯᒪᓕᕌᖓᑦ ᓯᓚᓗᖃᑦᑕᕈᓐᓃᕐᐸᓪᓗ ᐊᔪᕐᑐᓕᓯᒪᓂᖏᓐᓄᑦ ᐃᓕᖕᓄᑦ, ᑐᒃᓯᐊᕐᐸᑕ ᐅᓇ ᐃᒡᓗ ᓵᓐᖓᓗᒍ, ᐊᑏᓪᓗ ᐅᐱᒋᓗᒍ, ᐊᔪᕐᑐᓕᓂᕐᒥᖕᓂᒡᓗ ᕿᒤᓗᑎᒃ, ᐃᓕᖕᓄᑦ ᐅᖁᒤᒃᓴᕐᑎᑕᐅᓯᒪᑎᓪᓗᒋᑦ,

ᑯᕉᓂᑲ ᐂᑉᐸᖏᑦ 6:26

“ᕿᓚᒃ ᒪᑐᒃᐸᑦ ᓯᓚᓗᖃᑦᑕᕈᓐᓁᕐᐸᓪᓗ ᐃᓕᓐᓄᑦ ᐊᔪᕐᑐᓕᓂᖏᑦ ᐱᓪᓗᒋᑦ, ᑐᒃᓯᐊᕐᐸᑕᓗ ᑕᕝᕙᓂ, ᖃᕿᐊᓕᕐᓗᑎᒡᓗ ᐊᑎᕐᓄᑦ, ᐊᔪᕐᑐᓕᓂᕐᒥᖕᓂᒡᓗ ᕿᒤᒃᐸᑕ, ᒥᑭᒡᓕᑎᕐᓗᑎᒃ ᐃᓕᖕᓄᑦ ᑐᒃᓯᐊᕐᐸᑕ,

ᑯᕉᓂᑲ ᐂᑉᐸᖏᑦ 7:13

ᕿᓔᑦ ᒪᑐᑐᐊᕈᒃᑭᑦ ᓯᓚᓗᒍᓐᓃᕐᐸᑕ, ᐱᒡᓕᕐᑕᐅᔮᕐᑐᓪᓗ ᑎᓕᒍᒃᑭᑦ ᓄᓇᒥᒃ ᓱᕅᓕᕐᐸᑕ, ᐅᕝᕙᓗ ᐃᓄᖁᑎᒃᑲ ᖃᓂᒪᓇᕐᑐᓄᑦ ᐅᖁᒤᑦᑐᒦᑎᑕᐅᓕᕐᐸᑕ,

ᔫᐱᐅᑉ ᐊᒡᓚᖏᑦ 12:15

ᒎᑎ ᓯᓚᓗᒃᑎᑦᓯᔪᓐᓁᕐᐸᑦ, ᑕᕝᕙ ᓄᓇ ᐸᓂᕐᐳᖅ; ᐃᒪᕐᒥᒡᓕ ᒪᑐᐃᕐᓯᑐᐊᕐᐸᑦ, ᓄᓇ ᐊᑕᖏᕐᓗᓂ ᖄᒥᑉᐳᖅ.

ᒨᓯᓯ ᐱᖓᔪᖏᑦ 26:19

ᓇᖕᒥᓂᖅ ᒪᑭᑕᔪᓐᓇᕋᓱᒋᓂᖅ ᐃᓱᒪᑦᓯᓐᓃᑦᑐᖅ ᓯᖁᒥᓐᓂᐊᕐᐸᕋ; ᓯᓚᓗᖃᑦᑕᕈᓐᓁᕐᓂᐊᕐᐳᖅ ᓄᓇᑦᓯᓐᓄᑦ ᓄᓇᓯᓗ ᓴᕕᕋᔭᒃᑐᑦ ᓯᑎᒃᑎᓐᓂᐊᕐᐳᖅ.

ᒨᓯᓯ ᐱᖓᔪᖏᑦ 26:20

ᐊᒃᓱᕈᕐᓗᓯ ᓴᓇᓇᓱᐊᕐᓂᓯ ᑕᒪᐅᖓᑐᐃᓐᓈᕐᓂᐊᕐᐳᖅ, ᓄᓇᖁᑎᓯ ᐱᕈᕐᑐᒥᓂᒃ ᓴᖅᑭᑎᑦᓯᔪᓐᓁᕐᓂᐊᕐᒪᑦ, ᓇᐹᕐᑐᐃᓪᓗ ᓄᓇᖁᑎᑦᓯᓐᓃᑦᑐᑦ ᐸᐅᕐᖓᒥᖕᓂᒃ ᓴᖅᑭᑎᑦᓯᔪᓐᓁᕐᓂᐊᕆᕗᑦ.

ᐂᒨᓯᐅᑉ ᐊᒡᓚᖏᑦ 4:7

“ᓯᓚᓗᒡᓗ ᓄᖅᑲᖓᑎᓚᐅᕐᐸᕋ, ᓱᓕ ᑕᖅᑭᓂᒃ ᐱᖓᓱᓂᒃ ᑲᑎᕐᓱᐃᕕᒃ ᓇᓪᓕᐅᑎᓚᐅᕐᑎᓐᓇᒍ, ᐃᒡᓗᒐᓴᖕᓂ ᐊᑕᐅᓯᕐᓂ ᓯᓚᓗᒃᑎᑦᓯᓚᐅᕐᐳᖓ, ᐃᒡᓗᒐᓴᖕᓂᓗ ᐊᓯᖏᓐᓂ ᓯᓚᓗᒃ ᓄᖅᑲᖓᑎᓚᐅᕐᐸᕋ, ᐱᕈᕐᓰᕖᑦ ᐃᓚᖏᑦ ᓯᓚᓗᒃᑕᐅᑎᓚᐅᕐᐸᒃᑲ; ᐱᕈᕐᓰᕖᓪᓗ ᓯᓚᓗᒡᕕᐅᓚᐅᖏᑦᑐᑦ ᑐᖁᓕᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.

ᒨᓯᓯ ᑕᓪᓕᒪᖏᑦ 6:15

ᑖᓐᓇ ᐊᑕᓂᖅ ᒎᑎᒋᔭᓯ ᐃᓕᑦᓯᓐᓃᑦᑐᖅ ᐃᓕᑦᓯᓐᓂᒃ ᓯᖕᓇᑐᔫᖕᒪᑦ, ᐊᑕᓂᐅᑉ ᒎᑎᑦᓯ ᓂᓐᖓᐅᓯᖓᓄᑦ ᑎᑭᕝᕕᐅᖁᓇᓯ, ᐃᑯᒪᔪᒧᑦ ᓄᖑᑕᐅᔪᑎᑐᑦ ᑍᒤᖁᓇᓯ ᑕᕝᕙᓂ ᓄᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 9:19

ᓯᕘᕋᓕᓚᐅᕋᒪ ᐊᑕᓂᐅᑉ ᓂᓐᖓᐅᒪᔪᐊᓘᓂᖓᓂᒃ, ᐊᖏᔪᒥᒃ ᓂᓐᖓᓚᐅᕐᒪᑦ ᐊᒡᓛᑦ ᐃᓕᑦᓯᓐᓂᒃ ᓄᖒᑦᓯᑐᐃᓐᓇᕆᐊᖃᓕᓚᐅᕐᒪᑦ; ᐊᑕᓂᐅᓪᓕ ᓱᓕ ᑐᒃᓯᐊᕐᓂᓐᓂᒃ ᑐᓴᓚᐅᕆᕚᖓ.