ᒨᓯᓯ ᑕᓪᓕᒪᖏᑦ 11:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐱᕈᕐᓰᕕᖁᑎᑦᓯᓐᓂᓗ ᐃᕕᒐᕐᓂᒃ ᐱᕈᕐᑐᖃᑦᓯᐊᕐᓂᐊᕐᐳᖅ ᐃᒻᒧᒃᓯᐅᒐᖁᑎᓯ ᓂᕿᒃᓴᖃᑦᓯᐊᖁᓪᓗᒋᑦ, ᓂᕿᒃᓴᖃᑦᓯᐊᕐᓂᐊᕐᐳᓯᓗ ᓂᕆᔪᓐᓇᕐᑕᓕᒫᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 11:15 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:5

ᐂᕼᐊᑉᓗ ᐅᖃᕐᐳᖅ ᐅᐸᑍᐊᒧᑦ, “ᐂᓕᕆᑦ ᓄᓇᒧᑦ ᕿᓂᕆᐊᕐᓗᑎᑦ ᓄᓇᐅᑉ ᐃᓗᐊᓂᑦ ᐃᒥᕐᒥᒃ ᑰᓲᓕᒫᖕᓄᑦ ᓇᕐᓴᓕᒫᓄᓪᓗ, ᐃᒻᒪᖄ ᓇᓂᓯᖁᓪᓗᑕ ᐃᕕᒃᓱᒐᕐᓂᒃ ᐱᐅᓕᓗᑎᒍᓗ ᕿᒻᒥᕐᔪᐊᑦ ᓯᐅᑎᖅᑯᕐᑐᔪᓪᓗ ᕿᒻᒥᕐᔪᐊᑦ ᕿᑐᕐᖓᖏᑕ ᓂᕿᒃᓴᖏᓐᓂᒃ ᐃᓅᔪᓐᓇᖁᓪᓗᒋᑦ, ᑐᖁᔨᐊᖃᖁᓇᑕ ᐆᒪᔪᖁᑎᑦᑎᓐᓂᒃ.”

ᐃᓐᖏᕈᑎᑦ 104:14

ᐃᕕᒃᓱᒃᑲᓂᒃ ᐱᕈᕐᑎᑦᓯᕗᑎᑦ ᐃᒻᒧᒃᓯᐅᒐᕐᓄᑦ, ᐱᕈᕐᑐᓂᒃ ᐱᕈᕐᑎᑦᓯᒋᕗᑎᑦ ᐃᓄᐃᑦ ᐊᑐᒐᒃᓴᖏᓐᓂᒃ, ᓂᕿᒃᓴᓂᒃ ᓴᖅᑭᑎᑦᓯᖁᓪᓗᒋᑦ ᓄᓇᕐᔪᐊᕐᒥᑦ ᐱᔪᓂᒃ,

ᔨᕆᒤᐊᐅᑉ ᐊᒡᓚᖏᑦ 14:5

ᐊᒡᓛᑦ ᑐᒃᑐᖓᔪᑦ ᐊᕐᓇᓪᓗᖏᑦ ᓄᕐᕋᒥᓂᒃ ᕿᒤᕗᑦ ᐃᕕᒃᓱᒐᖃᖏᓐᓂᖓᓄᑦ.

ᔪᐃᓕᐅᑉ ᐊᒡᓚᖏᑦ 1:18

ᐃᒻᒧᒃᓯᐅᒊᑦ ᓂᓪᓕᐊᖏᓐᓇᓕᕐᐳᑦ ᑳᖕᓂᕐᒧᑦ, ᕿᑲᕈᓐᓁᓪᓕᕗᑦ ᓂᕆᔭᒃᓴᖃᖏᓐᓇᒥᒃ, ᓰᐲᓪᓗ ᐱᕐᓕᓕᕐᐳᑦ.

ᔪᐃᓕᐅᑉ ᐊᒡᓚᖏᑦ 2:19

ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᔪᐃᓕᐅᑉ ᐊᒡᓚᖏᑦ 2:22

ᓯᕘᕋᓂᐊᕋᓯ ᐆᒪᔪᐃᑦ ᓄᔪᐊᕐᑐᑦ ᐱᕈᕐᑐᐃᑦ ᓇᑎᕐᓇᒦᑦᑐᑦ ᑐᖑᔪᕐᓯᓕᕐᒪᑕ; ᓇᐹᕐᑐᓪᓗ ᐸᐅᕐᖓᕐᑖᓕᕐᒪᑕ, ᓇᐹᕐᑐᐃᑦ ᐱᒋᓕᒃᓮᑦ ᕔᓂᒃᓮᓪᓗ ᐸᐅᕐᖓᖏᑦ ᐱᕈᑦᓯᐊᓕᕐᒪᑕ.

ᔪᐃᓕᐅᑉ ᐊᒡᓚᖏᑦ 2:26

ᐊᒥᒐᖏᑦᑐᒥᒃ ᓂᕆᔪᒫᕐᐳᓯ ᐊᕿᐊᑦᑐᕐᓗᓯᓗ, ᓂᕐᑐᕈᒫᕐᐸᓯ ᐊᑕᓂᐅᑉ ᒎᑎᐅᑉ ᐊᑎᖓ. ᑲᒪᓇᕐᑐᓂᒃ ᐱᓂᐊᕐᓯᒪᓂᖓ ᐃᓕᑦᓯᓐᓄᑦ ᐱᓪᓗᒍ, ᐃᓄᖁᑎᒃᑲ ᑲᓐᖑᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑦ.

ᒨᓯᓯ ᐱᖓᔪᖏᑦ 26:5

ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᕼᐊᒊᑉ ᐊᒡᓚᖏᑦ 1:6

ᑲᓐᖓᕐᓱᐃᓚᐅᕐᐳᓯ ᐊᖏᔪᓂᒃ, ᑲᑎᕐᓱᕐᑕᓯ ᒥᑭᔫᑎᓪᓗᒋᑦ; ᓂᕆᕗᓯ, ᐊᕿᐊᑦᑐᕈᓐᓇᕋᓯ; ᐃᒥᕐᐳᓯ, ᐃᒥᕈᐃᕈᓐᓇᕋᓯ, ᐊᓐᓄᕌᕋᓗᐊᕐᐳᓯ ᐅᖅᑰᓯᓇᓯᓕ, ᑮᓇᐅᔭᓕᐅᕐᑐᕐᓗ, ᐴᖅᑬᕗᖅ ᑮᓇᐅᔭᒥᓂᒃ ᐃᒃᐱᐊᕐᔪᖕᒧᑦ ᐊᖕᒪᔪᓕᖕᒧᑦ.’

ᒨᓯᓯ ᑕᓪᓕᒪᖏᑦ 6:11

ᐃᒡᓗᐃᓪᓗ ᑖᒃᑯᐊ ᐱᐅᔫᑎᐊᓗᖕᓂᒃ ᑕᑕᓐᓂᐊᕐᐳᑦ ᑕᕝᕗᖓ ᐃᓕᐅᕋᓚᐅᓐᖏᑕᑦᓯᓐᓂᒃ, ᐃᒥᕐᑕᕐᕕᖃᐅᕐᓂᐊᕐᐳᓪᓗ ᐃᑎᕐᓴᓕᐊᕆᓚᐅᓐᖏᑕᑦᓯᓐᓂᒃ, ᕔᓂᒃᓴᓂᒃ ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕐᕕᖏᓐᓂᒃ ᐱᑕᖃᕈᒫᕐᐳᖅ ᑲᓐᖓᕐᓱᓚᐅᓐᖏᑕᑦᓯᓐᓂᒃ. ᐊᑕᓂᐅᑉ ᑕᕝᕗᖓ ᓄᓇᒧᑦ ᑎᑭᐅᑎᑎᒍᓂᓯ ᓂᕆᔪᒪᔪᓐᓇᕐᑕᓕᒫᑦᓯᓐᓂᒃ ᑕᒪᓐᓇ ᓄᓇ ᐱᑕᖃᕈᒫᕐᐳᖅ,

ᒨᓯᓯ ᑕᓪᓕᒪᖏᑦ 8:10

ᑕᕝᕙᓂ ᓂᕆᔪᒪᓲᓕᒫᑦᓯᓐᓂᒃ ᓂᕆᔪᓐᓇᕐᓂᐊᕐᐳᓯ, ᐊᑕᓂᕐᓗ ᒎᑎᓯ ᑕᒪᒃᑯᓄᖓ ᖁᔭᒋᓂᐊᕐᐸᓯ ᓱᓇᑐᐃᓐᓇᖃᑦᓯᐊᕐᑐᒥᒃ ᓄᓇᒥᒃ ᐃᓕᑦᓯᓐᓄᑦ ᑐᓂᓯᓯᒪᓂᖓ ᐱᑦᔪᑎᒋᓗᒍ.”