ᒨᓯᓯ ᑕᓪᓕᒪᖏᑦ 10:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓯᕗᓕᕕᓂᓯᓕ ᐄᑦᔨᑉᑎᒧᐊᓕᕐᑎᓪᓗᒋᑦ ᑍᑯᓐᖓᕐᑐᑦ 70ᑐᐃᓐᓇᐅᓚᐅᕐᐳᑦ; ᒫᓐᓇᓕ ᐊᑕᓂᐅᑉ ᒎᑎᑦᓯ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᓯᑎᓯᒪᓕᕐᐹᓯ.”

ᒨᓯᓯ ᑕᓪᓕᒪᖏᑦ 10:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 46:27

ᔫᓯᐱᐅᓪᓕ ᐃᕐᓂᖏᒃ ᐄᑦᔨᑉᑎᒥ ᐃᕐᓂᕐᑖᕆᓚᐅᕐᑕᖏᒃ, ᒪᕐᕉᓚᐅᕐᐴᒃ; ᔧᑰᑉ ᐃᒡᓗᒥᐅᖃᑎᓕᒫᖏᑦ ᑕᒪᕐᒥᒃ ᑲᑎᓪᓗᒋᑦ ᐄᑦᔨᑉᑎᒧᐊᓚᐅᕐᑐᑦ 70ᐅᓚᐅᕐᐳᑦ.

ᒨᓯᓯ ᐂᑉᐸᖏᑦ 1:5

ᑖᒃᑯᐊᓕᒫᑦ ᐃᓄᐃᑦ ᑲᑎᓪᓗᒋᑦ ᔧᑰᑉ ᑭᖑᕚᖏᑦ 70ᐅᓚᐅᕐᐳᑦ. ᐃᕐᓂᖓᓕ ᔫᓯᐱ ᐄᑦᔨᑉᑎᒦᓕᕇᓚᐅᕐᒪᑦ.

ᒨᓯᓯ ᓯᕗᓪᓖᑦ 15:5

ᐊᓂᑎᓪᓗᓂᐅᒃ ᓯᓚᒧᑦ ᐅᖃᐅᑎᕚ, “ᐸᐅᖓ ᕿᓚᖕᒧᑦ ᑕᑯᓴᕆᑦ, ᐅᓪᓗᕆᐊᑦ ᓈᓴᒃᑭᑦ, ᓈᓴᕈᓐᓇᕈᕕᒋᑦ.” ᐅᖃᐅᑎᒃᑲᓐᓂᕐᓗᒍᓗ, “ᑍᒫᒃ ᐅᓄᕐᑐᑎᒋᔪᓂᒃ ᑭᖑᕚᖃᕈᒫᕐᐳᑎᑦ.”

ᒨᓯᓯ ᑕᓪᓕᒪᖏᑦ 1:10

ᐊᑕᓂᐅᑉ ᒎᑎᑦᓯ ᐃᓄᒋᐊᒃᑐᕐᔪᐊᓐᖑᕐᑎᓯᒪᓕᕐᒪᓯ ᐅᓪᓗᕆᐊᑎᑐᑦ ᕿᓚᖕᒦᑐᑎᑐᑦ.

ᓂᕼᐃᒤᐊᐅᑉ ᐊᒡᓚᖏᑦ 9:23

ᕿᑐᕐᖓᕐᑖᕐᑎᓚᐅᕐᐸᑎᓪᓗ ᐅᓄᕐᑐᐊᓗᖕᓂᒃ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ, ᓄᓇᑖᕐᑎᓚᐅᕐᐸᑎᓪᓗ ᐊᖏᕐᕋᒃᓴᖏᓐᓂᒃ ᓯᕗᓪᓕᖏᓐᓄᑦ ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᒨᓯᓯ ᑕᓪᓕᒪᖏᑦ 28:62

ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᑎᒋᓕᕋᓗᐊᕈᑦᓯ, ᐃᓕᑦᓯᓐᓂᑦ ᖃᑦᓰᓐᓇᑯᓗᐃᑦ ᐊᓐᓇᒍᒫᕐᐳᑦ, ᐊᑕᓂᖅ ᒎᑎᓯ ᓈᓚᓚᐅᖏᓐᓇᑦᓯᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:14

ᔫᓯᐱᐅᑉ ᐊᑖᑕᓂ ᔧᑯ, ᐅᖃᐅᑦᔭᐅᔭᕐᑐᖁᕚ ᐄᑦᔨᑉᑎᒧᐊᖁᓪᓗᒍ, ᐃᓚᒌᓕᒫᑦ ᑍᒃᑯᐊ ᐄᑦᔨᑉᑎᒧᐊᓚᐅᕐᐳᑦ; ᑲᑎᓪᓗᒋᑦ 75ᖑᔪᑦ;

ᒨᓯᓯ ᓯᑕᒪᖏᑦ 26:51

ᑖᒃᑯᐊᓕᒫᑦ ᐃᓴᕆᐊᓕᒥᐅᓂᑦ ᓈᓴᕐᑕᐅᔪᑦ ᑲᑎᓪᓗᒋᑦ: 601,730ᓂᒃ ᐅᓄᕐᓂᖃᓚᐅᕐᐳᑦ.

ᐄᑉᕈᐃᓄᑦ 11:12

ᑍᒤᒻᒪᑦ ᐊᖑᒻᒥᑦ ᐊᑕᐅᓯᕐᒥᑦ ᑭᑐᕐᖓᕐᑖᑎᑦᓯᔪᓐᓇᕐᓂᖓ ᑐᖁᖓᓕᕐᑐᒥᒃ, ᑭᖑᕚᕐᑖᕈᓐᓇᕐᓯᓯᒪᕗᖅ ᐅᓄᕐᑐᕐᔪᐊᓂᒃ ᐅᓪᓗᕆᐊᑎᑐᑦ ᕿᓚᖕᒥ ᐅᓄᕐᑎᒋᔪᓂᒃ ᓯᐅᖅᑲᑎᑐᓪᓗ ᐃᒪᐅᑉ ᓯᓈᓂᑦᑐᑎᑐᑦ ᓈᓴᒐᒃᓴᐅᓐᖏᑎᒋᔪᓂᒃ.

ᒨᓯᓯ ᓯᑕᒪᖏᑦ 26:62

ᓕᕔᑎᓪᓕ ᐊᖑᑎᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒍ ᓈᓴᕐᑕᐅᔪᑦ 23,000ᐅᓚᐅᕐᐳᑦ. ᐃᓴᕆᐊᓕᐅᖃᑎᒥᖕᓂᑦ ᓈᓴᖃᓯᐅᑎᔭᐅᓚᐅᓐᖏᓚᑦ ᓄᓇᒥᒃ ᓇᖕᒥᓂᑖᓚᐅᖏᒻᒪᑕ.

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᑕᓪᓕᒪᖏᑦ 26:5

ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ.

ᒨᓯᓯ ᓯᕗᓪᓖᑦ 46:26

ᑖᒃᑯᐊ ᑕᕝᕙ ᔧᑰᑉ ᐃᓚᖏᑦ ᐃᓚᒋᓚᐅᕐᑕᖏᑦ ᐄᑦᔨᑉᑎᒧᐊᕐᑎᓪᓗᒋᑦ, ᑖᒃᑯᐊ ᓇᖕᒥᓂᕆᓪᓗᒋᑦ ᑭᖑᕚᕆᓚᐅᕐᐰᑦ, ᔧᑰᑉ ᐅᑯᐊᖏᑦ ᐃᕐᓂᖏᑦᑕ ᓄᓕᐊᖏᑦ ᐃᓚᐅᑎᓐᓇᒋᑦ, ᑲᑎᓪᓗᒋᑦ ᑕᒪᕐᒥᒃ 66ᐅᓚᐅᕐᐳᑦ;

ᒨᓯᓯ ᑕᓪᓕᒪᖏᑦ 1:11

ᐊᑕᓂᐅᑉ, ᓯᕗᓕᕕᓂᑦᓯ ᒎᑎᖓᑦᑕ, ᐅᓄᕐᓯᕙᓪᓕᐊᑎᓪᓕᓯ 1,000ᐃᕐᓱᓪᓗᐊᕐᑐᒥᒃ, ᐊᔪᕐᓴᖏᑦᓯᐊᕐᑎᓪᓗᓯᓗ, ᑍᒫᒃ ᐊᖏᕐᕕᒋᓯᒪᖕᒪᓯ ᑕᒪᑐᒥᖓ!