ᒨᓯᓯ ᑕᓪᓕᒪᖏᑦ 10:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᒨᓯᓯ ᑕᓪᓕᒪᖏᑦ 10:17 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 4:14

ᑕᑯᓚᐅᕐᐳᖓᓕ ᐃᓄᖕᓂᒃ ᐃᓱᒪᔮᕐᑐᓂᒃ, ᑍᒤᒻᒪᑦ ᓯᕗᓕᕐᑎᖏᑦ ᐅᖃᐅᑎᓚᐅᕐᐸᒃᑲ, ᐊᖓᔪᖅᑳᖏᓪᓗ, “ᑲᑉᐱᐊᓱᒃᑍᓕᒋᑦᓯ ᐊᑭᕋᑦᑎᓐᓂᒃ, ᐃᖅᑲᐅᒪᒋᑦᓯ ᖃᓄᖅ ᐊᑕᓂᖅ ᐊᔪᖏᑦᑐᕐᔪᐊᖑᓂᖓᓂᒃ ᐊᖏᔪᕐᔪᐊᖑᓂᖓᓂᒡᓗ, ᓴᐳᓐᓂᐊᕐᓂᐊᕐᐳᕐᓗ, ᐃᓚᑦᓯᓐᓂᒃ, ᓄᓇᖅᑲᑎᑦᓯᓐᓂᒃ, ᕿᑐᕐᖓᑦᓯᓐᓂᒃ, ᓄᓕᐊᑦᓯᓐᓂᒃ, ᐊᖏᕐᕋᓯᓗ ᐱᓪᓗᒋᑦ.”

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᐃᓐᖏᕈᑎᑦ 99:3

ᐊᑏᑦ ᐊᖏᔪᕐᔪᐊᖅ ᐊᔪᖏᑦᑐᕐᔪᐊᕐᓗ ᓂᕐᑐᕐᑕᐅᓚᐅᕐᓕ ᐃᑦᔪᕐᓁᑦᑑᖕᒪᑦ.

ᒨᓯᓯ ᐂᑉᐸᖏᑦ 23:8

ᓯᓔᕐᕆᒃᓯᓇᓱᐊᕐᑐᓂᒃ ᐃᓚᓕᐅᕐᓯᔪᒃᓴᐅᓐᖏᓚᓯ, ᓯᓔᕐᕆᒃᓯᓂᖅ ᓈᒻᒪᓈᕐᑐᒥᒃ ᑕᑯᓐᓇᕈᓐᓃᕐᑎᑦᓯᖕᒪᑦ ᐸᓯᔭᒃᓴᐅᖏᑦᑐᓪᓗ ᐃᓅᓯᖏᓐᓂᒃ ᓯᖁᒥᑦᓯᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 37:16

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᐃᒃᓯᕙᐅᑕᕐᔪᐊᕐᒦᑦᑐᖅ ᓯᕈᐱᒻ ᖁᓛᓂ, ᐃᕝᕕᑐᐊᖅ ᒎᑎᑑᕗᑎᑦ, ᐊᖓᔪᖅᑲᐅᕕᖕᓂᒃ ᓯᓚᕐᔪᐊᕐᒥ ᑕᒤᓐᓂ; ᐱᓐᖑᕐᑎᑦᓯᓯᒪᔪᑎᑦ ᕿᓚᕐᒥᒃ ᓄᓇᕐᔪᐊᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 20:11

ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 32:18

ᐃᓄᒐᓴᒃᔪᐊᓄᑦ ᓇᒡᓕᒍᓱᖕᓂᕐᓂᒃ ᑕᑯᑎᑦᓯᕙᒃᐳᑎᑦ ᑭᓯᐊᓂᑦᑕᐅᖅ ᓯᕗᓕᖏᑕ ᐊᔪᕐᑐᓕᓯᒪᓂᖏᓐᓄᑦ ᑭᖑᕚᕇᑦ ᓱᒋᐊᕐᐸᒃᑭᕙᑎᑦ. ᐊᑕᓃᖅ ᐱᔪᓐᓇᕐᑐᕐᔪᐊᖑᓪᓗᑎᑦ ᒎᑎᐅᒐᕕᑦ ᖁᑦᓯᖕᓂᕐᐹᒍᓪᓗᑎᑦ ᐊᑎᖃᕐᐳᑎᓪᓗ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 2:45

ᑖᓐᓇ ᑕᕝᕙ ᐅᔭᕋᒃᔪᐊᑉ ᑐᑭᖓ, ᑕᑯᓚᐅᕐᑍᑦ ᐲᕐᑕᐅᔪᖅ ᖃᖅᑲᒥ ᐃᓅᑉ ᐊᒡᒐᖏᓐᓅᖏᑦᑐᖅ, ᓯᖁᒥᑦᓯᓚᐅᕐᑐᖅ ᓴᕕᕋᔭᖕᒥᒃ, ᖃᑯᕐᓕᕐᒥᒡᓗ, ᔭᕐᕋᕐᒥᒡᓗ, ᓯᐅᓪᕕᕆᒥᒡᓗ, ᒎᓗᒥᒡᓗ. ᒎᑎᓪᓚᕆᐊᓘᑉ ᐊᖓᔪᖅᑲᕐᔪᐊᖅ ᑕᑯᑎᓚᐅᕐᐹ ᓯᕗᓂᒃᓴᒥ ᐱᔪᒫᕐᑐᓂᒃ: ᓯᓐᓇᒃᑐᕆᔧᑦ ᓱᓕᔪᖅ ᑐᑭᖓᓗ ᐅᒃᐱᕆᔭᒃᓴᐅᓪᓗᓂ.”

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᒫᑯᓯᐅᑉ ᐊᒡᓚᖏᑦ 12:14

ᑖᒃᑯᐊ ᔩᓱᓯᒧᐊᕋᒥᒃ ᐅᖃᕐᐳᑦ, “ᐊᔪᕆᕐᑐᐃᔩ ᖃᐅᔨᒪᒐᑦᑕ ᓱᓕᔪᒥᒃ ᐅᖃᖃᑦᑕᕋᕕᑦ, ᐃᓄᐃᑦ ᐃᓱᒪᖏᑦ ᓯᕘᕋᒋᓇᒋᑦ ᓱᓕᑦᓯᐊᕐᑐᒥᒃ ᐅᖃᕐᐸᒃᑲᕕᑦ; ᐃᓄᐃᑦ ᖃᓄᐃᑦᑑᓂᖏᓐᓂᒃ ᑲᒪᒋᖏᓐᓇᕕᒋᑦ, ᐊᔪᕆᕐᑐᖃᑦᑕᕋᕕᒋᑦ ᓱᓕᔪᒥᒃ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ. ᐅᖃᐅᑎᓚᐅᕐᑎᒍᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᐹᑦ, ᑖᒃᓰᔭᕈᑎᓂᒃ ᑐᓂᓯᖃᑦᑕᕈᑦᑕ ᓰᓴᕆᒧᑦ ᐅᕝᕙᓗ ᑐᓂᓯᖃᑦᑕᕆᐊᖃᓐᖏᓚᒍᑦ?”

ᐋᐴᓯᑕᓖᑦ ᐱᓂᐊᕐᓂᖏᑦ 10:34

ᐲᑦᑐᕉᓯ ᐅᖃᓯᕗᖅ: “ᒫᓐᓇ ᑐᑭᓯᕗᖓ ᒎᑎ ᐃᓔᓐᓇᕐᓯᐅᖏᒻᒪᑦ, ᐃᓄᓕᒫᓪᓕ ᐊᑦᔨᒌᒃᑎᒻᒪᒋᑦ.

ᕉᒪᒥᐅᓄᑦ 2:11

ᒎᑎᐅᑉ ᐃᓄᓕᒫᑦ ᐊᑦᔨᒌᒃᑎᒻᒪᒋᑦ.

ᒐᓔᑎᐊᒥᐅᓄᑦ 2:6

ᑍᒃᑯᓄᖓ ᑕᓯᐅᕐᑎᐅᓇᓱᒃᑑᒐᓗᐊᑦ ᖃᓄᐃᑑᒐᓗᐊᕐᒪᖔᑕ ᐅᕙᓐᓄᓪᓕ ᐃᓱᒫᓗᓇᖏᒻᒪᑕ; ᒎᑎ ᐃᓔᓐᓇᕐᓯᐅᖏᒻᒪᑦ, ᑍᒃᑯᓂᖓ ᐅᖃᐅᓯᖃᕐᐳᖓ, ᑕᓯᐅᕐᑎᐅᓇᓱᒃᑑᒐᓗᐊᑦ ᐅᕙᓐᓂᒃ ᐃᓱᒪᑖᑎᑦᓯᒃᑲᓐᓂᖏᒻᒪᑕ.

ᐃᐱᓯᒥᐅᓄᑦ 6:9

ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᒨᓯᓯ ᑕᓪᓕᒪᖏᑦ 24:17

“ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.

ᒨᓯᓯ ᑕᓪᓕᒪᖏᑦ 27:25

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᑮᓇᐅᔭᓂᒃ ᐊᑭᓕᕐᑕᐅᔪᒪᓂᕐᒧᑦ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑎᑕᐅᔪᖅ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 7:21

ᑍᒤᒻᒪᑦ ᑖᒃᑯᓂᖓ ᓯᕘᕋᔪᒃᓴᐅᓐᖏᓚᓯ, ᐊᑕᓂᐅᑉ ᒎᑎᑦᓯ ᐃᓚᒋᖕᒪᓯ, ᑖᓐᓇ ᐊᔪᖏᑦᑐᕐᔪᐊᖑᖕᒪᑦ ᓯᕘᕋᒋᔭᐅᔭᕆᐊᖃᕐᓗᓂᓗ.

ᑯᓘᓯᐊᒥᐅᓄᑦ 3:25

ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.

ᑎᒧᑎᒧᑦ ᓯᕗᓪᓖᑦ 6:15

ᑖᓐᓇ ᓴᖅᑭᑦᓱᒫᕐᒪᑦ ᒎᑎᐅᑉ ᓈᒻᒪᒋᔭᖓᒍᑦ; ᓮᒻᒪᕐᑎᑕᐅᓯᒪᔪᖅ ᐊᐅᓚᑦᓯᔨᑑᓪᓗᓂᓗ, ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.

ᔮᓱᐊᑉ ᐊᒡᓚᖏᑦ 22:22

“ᐊᔪᒐᖃᖏᑦᑐᖅ, ᒎᑎ, ᐊᑕᓂᐅᕗᖅ! ᐊᔪᒐᖃᖏᑦᑐᖅ, ᒎᑎ, ᐊᑕᓂᐅᕗᖅ! ᑖᓐᓇ ᖃᐅᔨᒪᕗᖅ; ᓱᖕᒪᑦ ᑍᒤᓐᓂᑦᑎᓐᓂᒃ, ᐃᓴᕆᐊᓕᑎᓪᓗ ᖃᐅᔨᔪᒃᓴᐅᕗᑦ! ᑕᒪᓐᓇ ᐊᑭᕋᕐᑐᕐᓂᐅᒃᐸᑦ, ᐅᒃᐱᕐᓂᕐᒥᒡᓗ ᐊᑕᓂᕐᒧᑦ ᓱᕅᓂᐅᒃᐸᑦ, ᐅᓪᓗᒥ ᐃᓅᑎᑦᑍᓕᑎᒍᑦ!

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”