1 “ᑕᕝᕙ ᐊᑕᓂᐅᑉ ᐅᖃᐅᑎᕚᖓ, ‘ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓚᐅᕆᑦ ᐅᓕᒻᒫᓗᒋᒃ ᓯᕗᓪᓕᕐᑎᑐᑦ ᓴᓇᓯᒪᓗᖏᒃ ᕿᔪᖕᒥᒡᓗ ᐴᓕᐅᕐᓗᒋᒃ ᐃᓂᒃᓴᖏᖕᓂᒃ. ᐅᕙᓐᓄᓪᓗ ᕾᓂᐊᕐᐳᑎᑦ ᒪᔪᕋᕐᓗᑎᑦ ᖃᖅᑲᒧᑦ.
ᑍᒤᒻᒪᑦ ᒨᓯᓯ ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓕᕆᕗᖅ ᓯᕗᓪᓕᕐᑎᑐᑦ ᑍᒤᑦᑐᓂᒃ, ᖃᐅᑎᓪᓗᒍᓗ ᐅᓛᒻᒪᕆᒃᑯᑦ ᑖᒃᑯᐊᒃ ᐅᔭᕌᒃ ᓇᒃᓴᕐᓗᒋᒃ ᖃᖅᑲᒧᑦ ᓮᓁᒧᑦ ᒪᔪᕋᓕᕐᐳᖅ, ᑍᒫᒃ ᐊᑕᓂᐅᑉ ᐱᖁᓚᐅᕐᒪᒍ.
ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.