ᒨᓯᓯ ᑕᓪᓕᒪᖏᑦ 1:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’

ᒨᓯᓯ ᑕᓪᓕᒪᖏᑦ 1:28 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 11:4

ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.”

ᒨᓯᓯ ᐂᑉᐸᖏᑦ 15:15

ᑕᕝᕙ ᐄᑐᒥᐅᑦ ᐊᖓᔪᖅᑳᖏᑦ ᖁᓚᓕᕐᐳᑦ; ᒧᐊᐱᒥᐅᓪᓗ ᐱᔪᓐᓇᕐᑐᖁᑎᒋᔭᖏᑦ ᓴᔪᓕᕐᓗᑎᒃ; ᑬᓇᓂᒥᐅᓪᓗ ᐃᓄᓕᒫᖏᑦ ᓴᐱᓕᑦᓯᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 13:7

ᑍᒤᒻᒪᑦ ᐊᒡᒐᓕᒫᑦ ᓄᑮᕈᑎᔪᒫᕐᐳᑦ, ᐃᓄᓕᒫᓪᓗ ᐆᒻᒪᑎᖏᑦ ᓴᐱᓕᕈᒫᕐᐳᑦ,

ᐃᓯᑭᐊᓕᐅᑉ ᐊᒡᓚᖏᑦ 21:7

ᐊᐱᕆᔭᐅᒍᕕᑦ ᖃᓄᐃᒻᒪᑦ ᕿᒃᓵᖕᓂᕐᒧᑦ ᐊᓂᕐᓴᐅᒥᖕᒪᖔᕐᐱᑦ, ᐅᖃᕐᑐᒃᓴᐅᕗᑎᑦ, ‘ᑐᓴᕐᑕᐅᔭᕆᐊᓕᖕᓂᒃ ᐱᑦᔪᑎᖃᕐᐳᖓ. ᑐᓴᕐᑕᐅᓕᕈᑎᒃ ᐆᒻᒪᑎᖏᑦ ᑲᑉᐱᐊᓱᓕᕈᒫᕐᐳᑦ ᑲᑉᐱᐊᓱᖕᓂᕐᒧᑦ ᑕᓕᖏᑦ ᓄᑮᕈᑎᔪᒫᕐᐳᑦ, ᓴᐱᕐᓇᕐᑐᕐᔪᐊᒧᓪᓗ ᑎᑭᐅᑎᓗᑎᒃ ᓂᐅᖏᓪᓗ ᓴᓐᖐᓕᔪᒫᕐᐳᑦ ᐃᒥᕐᑎᑐᑦ. ᑕᑯᒋᑦ, ᑎᑭᓕᕐᐳᖅ ᓇᓪᓕᐅᑎᓂᐊᕐᓗᓂᓗ,’ ᐊᑕᓂᖅ ᒎᑎ ᐅᖃᕐᐳᖅ.”

ᒨᓯᓯ ᑕᓪᓕᒪᖏᑦ 1:29

“ᐅᖃᓚᐅᕐᐳᖓᓕ, ‘ᐅᑯᐊ ᐃᓄᐃᑦ ᓴᐱᕆᔭᕆᐊᖃᓐᖏᑕᓯ ᓯᕘᕋᒋᖏᓪᓗᒋᓪᓗ.

ᒨᓯᓯ ᑕᓪᓕᒪᖏᑦ 2:10

(ᓴᓐᖏᔪᕐᔪᐊᕌᓗᐃᑦ ᐃᒥᒻᒥᒃ ᑍᔭᐅᔪᑦ ᐃᓄᒃᐹᓘᓪᓗᑎᒡᓗ ᐅᓄᕐᑐᐊᓘᑦᓱᑎᒃ ᑕᕝᕙᓂ ᓄᓇᒥ ᐊᕐᒥ ᓄᓇᖃᕐᐸᓚᐅᕐᐳᑦ. ᐊᓇᑭᒥᓂᒃ ᐃᓅᖃᑎᒌᓂᒃ ᑍᔭᐅᔪᑎᑐᑦ ᐊᖏᔫᑕᐅᑎᒋᓚᐅᕐᐳᑦ, ᑖᒃᑯᑎᑐᓇᖅ ᐊᓇᑭᒥᐅᑎᑐᑦ ᐊᖏᔫᑎᐊᓗᒃᑎᑐᑦ.

ᒨᓯᓯ ᑕᓪᓕᒪᖏᑦ 20:20

ᓇᐹᕐᑐᐃᓪᓕ ᐊᓯᖏᑦ ᓇᑲᑎᕈᓐᓇᕐᐸᓯ ᖃᐅᔨᒪᔭᓯ ᓂᕿᒃᓴᓕᐅᕈᓐᓇᖏᑦᑐᑦ ᑕᒪᒃᑯᐊ ᓇᑲᑎᕐᓗᒋᑦ ᓴᐴᓗᑕᓕᐊᕆᓗᒋᓪᓗ ᐃᒡᓗᒐᓴᒡᔪᐊᓄᑦ ᐃᓕᑦᓯᓐᓂᒃ ᐅᓇᑕᕋᓱᐊᕐᑐᓄᑦ, ᓵᓚᖃᓚᐅᖏᓐᓂᑦᓯᓐᓂ ᑖᒃᑯᓂᖓ.”

ᒨᓯᓯ ᑕᓪᓕᒪᖏᑦ 20:8

“ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖏᑦ ᐅᖃᒃᑲᓐᓂᕋᔭᕆᕗᑦ ᐅᓇᑕᕐᑐᒃᓴᓄᑦ, ‘ᐅᕙᓃᑦᑐᖃᕐᐹ ᓯᕘᕋᓂᕐᒧᑦ ᓄᑭᖃᑦᓯᐊᕈᓐᓃᕐᑐᒥᒃ? ᑍᒤᑦᑐᖃᕐᐸᑦ ᑖᓐᓇ ᐊᖏᕐᕋᕐᑐᒃᓴᐅᕗᖅ, ᐊᖏᕐᕋᖏᒃᑯᓂ, ᐃᓚᒥᓂᒃ ᓯᕘᕋᓕᕐᑎᑦᓯᒐᔭᕐᒪᑦ.’

ᒨᓯᓯ ᑕᓪᓕᒪᖏᑦ 7:17

“ᐃᓱᒪᔪᒃᓴᐅᓐᖏᓚᓯ, ‘ᐅᑯᐊ ᐃᓅᖃᑎᒌᒡᔪᐊᑦ ᐅᕙᑦᑎᓐᓂᑦ ᐅᓄᕐᓂᕐᓴᕐᔪᐊᕌᓗᐃᑦ; ᖃᓄᐊᓗᒡᓕ ᓵᓚᒋᔪᓐᓇᕐᓂᐊᕋᑦᑎᒋᑦ?’

ᔮᓱᐊᑉ ᐊᒡᓚᖏᑦ 11:22

ᐊᓇᑭᒥᐅᓂᑦ ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᓚᐅᓐᖏᓚᖅ ᐃᓴᕆᐊᓕᒥᐅᑦ ᓄᓇᖓᓂ; ᐅᓄᖏᑦᑐᑦ ᐊᒥᐊᒃᑯᒋᔭᑑᓚᐅᕐᐳᑦ ᓄᓇᓕᖕᓂ ᐅᑯᓇᓂ ᒑᓴᒥ, ᒑᑎᒥ, ᐋᔅᑖᑦᒥᓗ.

ᔮᓱᐊᑉ ᐊᒡᓚᖏᑦ 14:8

ᐊᖑᑏᓪᓕ ᑍᒃᑯᐊ ᐱᖃᑎᒋᓚᐅᕐᑕᒃᑲ ᑲᑉᐱᐊᓱᓕᕐᑎᑦᓯᓚᐅᕐᐳᑦ ᐃᓄᖕᓂᒃ; ᐅᕙᖓᓕ ᓈᓚᑦᓯᐊᓚᐅᕐᐳᖓ ᐊᑕᓂᕐᒥᒃ ᒎᑎᓐᓂᒃ.

ᔮᓱᐊᑉ ᐊᒡᓚᖏᑦ 15:14

ᑬᓚᐱ ᐊᓇᑭᐅᑉ ᐃᕐᓂᖏᓐᓂᒃ ᐱᖓᓱᓂᒃ ᓯᖏᑦᓯᓚᐅᕐᐳᖅ: ᓯᓮᒥᒃ, ᐊᕼᐂᒪᓐᒥᒡᓗ, ᑕᓪᒤᑎᒥᒡᓗ, ᑖᒃᑯᐊ ᐋᓇᑭᐅᑉ ᑭᖑᕚᕆᓚᐅᕐᒪᒋᑦ.

ᔮᓱᐊᑉ ᐊᒡᓚᖏᑦ 2:11

ᑐᓴᑐᐊᕋᑦᑕᓗ ᑲᑉᐱᐊᓱᓕᓚᐅᕐᐳᒍᑦ, ᓴᐱᓕᕐᓗᑎᒡᓗ ᐊᖑᑎᓕᒫᑦ ᐃᓕᑦᓯᓐᓂᒃ; ᐊᑕᓂᖅ ᒎᑎᓯ ᒎᑎᐅᖕᒪᑦ ᕿᓚᖕᒥᐅᓄᑦ ᓄᓇᕐᔪᐊᕐᒥᐅᓄᓪᓗ.

ᔮᓱᐊᑉ ᐊᒡᓚᖏᑦ 2:24

ᔮᓱᐊᓗ ᐅᖃᐅᑎᓪᓗᒍ, “ᓱᓕᓪᓚᕆᒃᑐᒥᒃ ᐊᑕᓂᐅᑉ ᑐᓂᓚᐅᕐᐹᑎᒍᑦ ᓄᓇᓕᒫᒥᒃ; ᐃᓄᓕᒫᓪᓗ ᓄᓇᖃᕐᑐᑦ ᑍᑲᓂ ᓴᐱᓕᕐᓗᑎᒃ ᐅᕙᑦᑎᓐᓂᒃ.”

ᔮᓱᐊᑉ ᐊᒡᓚᖏᑦ 2:9

ᐅᖃᐅᑎᓪᓗᒋᓪᓗ, “ᖃᐅᔨᒪᕗᖓ ᐊᑕᓂᐅᑉ ᓄᓇ ᐃᓕᑦᓯᓐᓄᑦ ᑐᓂᓚᐅᕐᒪᒍ, ᐃᓕᑦᓯᓐᓂᒃ ᑲᑉᐱᐊᓱᖕᓂᕐᔪᐊᖃᓕᕋᑦᑕ, ᓄᓇᓕᓕᒫᓪᓗ ᐃᓕᑦᓯᓐᓂᒃ ᓯᕘᕋᓕᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 1:10

ᔫᑕᒥᐅᓪᓗ ᑲᔪᓯᓚᐅᕐᐳᑦ ᑬᓇᓂᒥᐅᓄᑦ ᓄᓇᓕᖕᓄᑦ ᐃᒡᓗᒐᓴᖕᓄᑦ ᕼᐃᐸᕋᓐᒥᑦ, ᓯᕗᓂᖓᒍᑦ ᑍᔭᐅᓚᐅᕐᑑᒐᓗᐊᖅ ᑭᕆᐊᑦ-ᐊᕋᐸᒥᒃ, ᓵᓚᒋᓚᐅᕐᐰᓪᓗ ᐃᓚᒌᑦ ᓯᓮᒃᑯᑦ, ᐊᕼᐂᒪᓐᑯᑦ, ᑕᓪᒤᒃᑯᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 1:20

ᒨᓯᓯᐅᑉ ᐱᖁᔨᓂᕆᓚᐅᕐᑕᖓ ᒪᓕᒡᓗᒍ ᕼᐃᐸᕋᓐ ᑐᓂᔭᐅᓚᐅᕐᐳᖅ ᑬᓚᐱᒧᑦ, ᓵᓚᖃᓚᐅᕐᒪᑦ ᐊᐅᓪᓚᕐᑎᑦᓯᓪᓗᓂ ᐱᖓᓱᐃᓂᒃ ᐃᓚᒌᓂᒃ ᐊᓇᑭᐅᑉ ᑭᖑᕚᖏᓐᓂᒃ.