ᑖᓂᐊᓕᐅᑉ ᐊᒡᓚᖏᑦ 8:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑖᓐᓇ ᐅᐃᕕᕐᕆᒃᓯᓂᕐᒥᒍᑦ ᐊᔪᕈᓐᓁᕈᒫᕐᐳᖅ, ᐃᒻᒥᓂᒡᓗ ᐊᔪᖏᑦᑐᕐᔪᐊᖑᓂᕋᓕᕐᓗᓂ. ᓵᓚᐅᓂᐊᕋᓱᒋᖏᑦᑐᑦ, ᐅᓄᕐᑐᑦ ᓯᖁᒥᑦᓱᒫᕐᐰᑦ, ᐊᑭᕋᕐᑐᕐᓗᓂᓗ ᐊᖓᔪᖅᑲᐅᔪᓄᑦ ᐊᖓᔪᖅᑳᕐᔪᐊᓄᓪᓗ. ᑭᓯᐊᓂᓕ ᓵᓚᐅᔪᒫᕆᕗᖅ, ᐃᓅᑉ ᐱᔪᓐᓇᕐᓂᖓᓅᖏᑦᑐᖅ.

ᑖᓂᐊᓕᐅᑉ ᐊᒡᓚᖏᑦ 8:25 ပူးပေါင်းရင်းမြစ်များ

ᑖᓂᐊᓕᐅᑉ ᐊᒡᓚᖏᑦ 8:11

ᐃᒻᒥᓂᒡᓗ ᐊᖏᔪᕈᕐᑎᑉᐳᖅ ᕿᓚᖕᒥᐅᒐᓴᒃᔪᐊᓄᓪᓗ ᐊᖓᔪᖅᑳᕐᔪᐊᒧᑦ ᑐᖏᓕᕆᔭᐅᓕᕐᓗᓂ, ᑐᓂᕐᕈᓯᕐᓃᓪᓗ ᖃᐅᑕᒫᕐᓯᐅᑎᑦ ᓄᖅᑲᕐᑎᑉᐰᑦ ᑖᑦᓱᒧᖓ ᑐᓂᕐᕈᑕᐅᕙᒃᑐᑦ, ᑐᓂᕐᕈᓯᕐᕕᐅᓪᓗ ᐃᓂᖓ ᐊᒃᐸᓯᒃᑐᓐᖑᕐᑎᑉᐹ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔫᐱᐅᑉ ᐊᒡᓚᖏᑦ 34:20

ᑕᕝᕔᓐᓇᖅ ᑐᖁᕙᒃᐳᑦ; ᐅᓐᓄᐊᑉ ᕿᑎᕋᕐᓂᖓᓂ ᐃᓄᐃᑦ ᐊᐅᓚᑎᑕᐅᒐᒥᒃ ᑐᖁᕗᑦ, ᐊᔪᖏᑦᑐᕐᔪᐊᓪᓗ ᐊᐅᓪᓚᕈᑦᔭᐅᕗᑦ ᐃᓄᖕᓄᑦ ᑎᒍᔭᐅᓚᐅᕋᑎᒃ.

ᑖᓂᐊᓕᐅᑉ ᐊᒡᓚᖏᑦ 11:45

ᐊᖓᔪᖅᑳᕐᔪᐊᕐᓯᐅᑎᓂᒃ ᑐᐱᕐᓯᒪᔪᒫᕐᐳᖅ ᐃᒪᐅᓪᓗ ᖃᖅᑲᐅᓪᓗ ᐃᑦᔪᕐᓁᑦᑑᑉ ᐊᑯᓐᓂᖓᓂ. ᑕᕝᕙᓂᓕ ᑐᖁᔪᒫᕐᐳᖅ ᑭᓇᒧᓪᓘᓐᓃᑦ ᐃᑲᔪᕐᑕᐅᔪᓐᓇᖏᓪᓗᓂ.”

ᑖᓂᐊᓕᐅᑉ ᐊᒡᓚᖏᑦ 7:26

ᐃᖅᑲᕐᑐᐃᓂᕐᓕ ᓇᓪᓕᐅᑎᔪᒫᕐᐳᖅ, ᐊᖓᔪᖅᑲᐅᓂᖓᑕᓗ ᐱᔪᓐᓇᕐᓂᖓᓂᒃ ᐊᕐᓵᕐᑕᐅᔪᒫᕐᐳᖅ ᓱᓇᐅᔪᓐᓃᕐᑎᑕᐅᓗᓂᓗ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 7:8

ᓇᒡᔪᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᑎᓪᓗᖓ, ᓇᒡᔪᒃ ᒥᑭᔪᖅ ᓄᐃᕗᖅ ᓇᒡᔪᐃᑦ ᐊᑯᓐᓂᖓᑦᑎᒍᑦ, ᓇᒡᔪᐃᑦ ᓯᕗᓪᓖᑦ ᐱᖓᓱᑦ ᒪᓐᖑᖏᑎᒍᑦ ᑖᑦᓱᒪ ᐲᕐᑎᑉᐰᑦ, ᓇᒡᔪᒃ ᑖᓐᓇ ᐃᔨᖃᕐᐳᖅ ᐃᓅᑉ ᐃᔨᖏᒃᑎᑐᑦ ᖃᓂᖃᕐᓗᓂᓗ ᓂᓪᓕᐊᔪᒥᒃ ᐱᐅᔪᕆᓂᕐᒥᓂᒃ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:6

ᐃᓄᖁᑎᒪ ᓱᒋᐊᕐᑕᐅᓂᖓᑦ ᐊᖏᓂᕐᓴᐅᓯᒪᕗᖅ ᓱᑑᒪᒥᐅᑦ ᓱᒋᐊᕐᑕᐅᓂᖓᓂᑦ, ᐊᓯᕈᕐᑕᐅᓇᕐᑐᒧᑦ ᑕᕝᕔᓐᓇᖅ ᑎᑭᑕᐅᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 48:26

“ᐋᖓᔮᓕᕐᑎᑕᐅᓕᑦ, ᐊᑕᓂᕐᒥᑦ ᐱᔪᓐᓇᕐᓂᕐᓴᐅᓇᓱᒋᓕᓚᐅᕐᒪᑕ, ᒧᐊᐱᒥᐅᑦ ᒥᕆᐊᒥᓂᒃ ᓇᓪᓚᖓᕕᖃᓕᕐᓕᑦ, ᒥᑕᐅᑎᒋᔭᒃᓴᐅᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 12:23

ᑕᕝᕔᓐᓇᖅ ᐊᑕᓂᐅᑉ ᐂᖏᓕᖓᑕ ᐊᓇᐅᕚ, ᒎᑎᒥᒃ ᓂᕐᑐᕐᓇᕐᑎᑦᓯᖏᒻᒪᑦ; ᖁᐱᕐᕈᓄᑦ ᓂᕆᔭᐅᓪᓗᓂ ᑐᖁᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:3

ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:8

ᑕᕝᕙ ᐱᑯᔭᖃᖏᑦᑐᕐᔪᐊᖅ ᓴᖅᑭᑎᑕᐅᔪᒫᕐᐳᖅ, ᐊᑕᓂᐅᓪᓕ ᔩᓱᓯᐅᑉ ᑎᑭᒃᑯᓂ ᑐᖁᑦᓱᒫᕐᐹ ᐊᓂᕐᓂᕐᒥᓄᑦ ᖃᓂᖓᓂᑦ ᐊᓂᔪᒧᑦ; ᐊᓯᕈᕐᓗᓂᐅᒡᓗ ᓴᖅᑭᓐᓂᕐᒥᓄᑦ ᐱᓐᓇᕐᓇᕐᑐᕐᔪᐊᒧᑦ.

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 11:12

ᐅᓇᑕᕐᑐᒃᓴᕐᔪᐊᓪᓕ ᐊᐅᓪᓚᕐᑎᑕᐅᒃᐸᑕ, ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓃᑦᑐᖅ ᐱᐅᔪᕆᓕᕈᒫᕐᐳᖅ ᑐᖁᕅᓗᓂᓗ ᑕᐅᓴᓐᑎᓂᒃ ᐅᓄᕐᑐᓂᒃ, ᓵᓚᖃᕐᓂᖓᓕ ᑲᔪᓯᔪᒫᓐᖏᓚᖅ.