ᑖᓂᐊᓕᐅᑉ ᐊᒡᓚᖏᑦ 7:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓇᒡᔪᐃᑦ ᖁᓕᑦ ᑖᒃᑯᐊᖑᕗᑦ ᐊᖓᔪᖅᑳᕐᔪᐊᑦ ᖁᓕᑦ ᑕᕝᕙᓐᖓᑦ ᐊᖓᔪᖅᑲᐅᕕᖕᒥᑦ ᐱᓯᒪᔪᑦ: ᑖᒃᑯᐊ ᑭᖑᓂᖓᑦᑎᒍᑦ ᐊᖓᔪᖅᑳᕐᔪᐊᖅ ᐊᓯᖓᑦ ᓴᖅᑭᑦᓱᒫᕐᐳᖅ, ᑖᒃᑯᓇᖓᑦ ᓯᕗᓪᓕᕐᓂᑦ ᐊᑦᔨᒋᔭᐅᖏᑦᑐᖅ; ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑳᕐᔪᐊᓂᒃ ᐱᖓᓱᓂᒃ.

ᑖᓂᐊᓕᐅᑉ ᐊᒡᓚᖏᑦ 7:24 ပူးပေါင်းရင်းမြစ်များ

ᑖᓂᐊᓕᐅᑉ ᐊᒡᓚᖏᑦ 7:20

ᑐᑭᓯᔪᒪᓚᐅᕆᕙᒃᑲᓗ ᓂᐊᖁᖓᓂ ᓇᒡᔪᖏᑦ ᖁᓕᑦ, ᐃᓚᖓᓪᓗ ᐊᑯᓐᓂᖏᑎᒍᑦ ᐱᕈᕐᑐᖅ, ᑖᑦᓱᒪᓗ ᓯᕗᓂᐊᒍᑦ ᓇᒡᔪᐃᑦ ᐱᖓᓱᑦ ᐲᕐᑐᑦ, ᑖᓐᓇ ᑕᑯᓴᐅᓂᕐᓴᐅᔮᕐᑐᖅ ᐊᓯᒥᓂᑦ, ᐃᔨᖃᕐᓗᓂᓗ ᖃᓂᕐᒥᓄᓪᓗ ᓂᓪᓕᐊᔪᖅ ᐱᐅᔪᕆᓂᕐᒥᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:1

ᐆᒪᔪᐊᓗᖕᒥᒡᓗ ᑕᑯᕗᖓ ᐃᒪᕕᖕᒥᑦ ᖃᑭᔪᒥᒃ, ᖁᓕᓂᒃ ᓇᒡᔪᖃᕐᑐᒥᒃ 7ᓂᒡᓗ ᓂᐊᖁᖃᕐᓗᓂ, ᓇᒡᔪᖏᓪᓗ ᐊᑐᓂᑦ ᐊᖓᔪᖅᑳᕐᔪᐊᕐᓯᐅᑎᓂᒃ ᓂᐊᖂᑎᖃᕐᐳᑦ, ᓂᐊᖁᖏᓐᓂᓗ ᑎᑎᕋᕐᓯᒪᔪᖃᕐᐳᖅ ᒎᑎᒥᒃ ᐅᖃᕐᓂᕐᓘᑎᖃᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:3

ᑕᕝᕙ ᐂᖏᓕᐅᑉ ᐊᓂᕐᓂᒃᑯᑦ ᐂᑎᑉᐹᖓ ᐃᓄᖃᖏᑦᑐᒧᑦ, ᑕᕝᕙᓂᓗ ᑕᑯᕗᖓ ᐊᕐᓇᒥᒃ ᐆᒪᔪᐊᓗᖕᒥ ᐊᐅᐸᕐᑐᒥ ᐃᑭᒪᔪᒥᒃ ᑖᓐᓇᓗ ᐆᒪᔪᐊᓗᒃ ᑎᑎᕋᕐᕕᒋᓯᒪᕗᖅ ᑎᒥᓕᒫᒥᒍᑦ ᒎᑎᒥᒃ ᐅᖃᕐᓂᕐᓘᑎᖃᕐᑐᓂᒃ, ᓂᐊᖁᖃᕐᐳᕐᓗ 7ᓂᒃ ᓇᒡᔪᖃᕐᓗᓂᓗ ᖁᓕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:3

ᓱᓕ ᓴᖅᑭᑦᑐᖃᕆᕗᖅ ᑕᑯᓕᒪᓇᖏᑦᑐᒥᒃ ᕿᓚᖕᒥ; ᑕᑯᒋᓪᓗ ᐊᐅᐸᕐᑐᒥᒃ ᑐᕌᒎᓂᒥᒃ ᐊᖏᔪᕐᔪᐊᕐᒥᒃ ᓴᖅᑭᑦᑐᖃᕐᐳᖅ, ᓂᐊᖁᖃᕐᑐᒥᒃ 7ᓂᒃ ᖁᓕᓂᒡᓗ ᓇᒡᔪᖃᕐᑐᒥᒃ, ᐊᖓᔪᖅᑳᕐᓯᐅᑎᓂᒡᓗ ᓂᐊᖁᓕᒫᖏᑦ ᓂᐊᖂᓯᕐᓯᒪᓪᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 7:23

“ᐃᓛᒃ ᑐᑭᖓᓂᒃ ᐅᖃᐅᑎᕚᖓ: ‘ᐆᒪᔪᐊᓗᐃᑦ ᓯᑕᒪᖓᑦ ᑖᓐᓇᐅᕗᖅ ᓄᓇᒥ ᐊᖓᔪᖅᑲᐅᕖᑦ ᓯᑕᒪᖓᑦ ᓄᓇᒥ ᓴᖅᑭᑦᓱᒫᕐᑐᖅ. ᑖᓐᓇ ᐊᖓᔪᖅᑲᐅᓂᕐᓂᑦ ᐊᑦᔨᒋᔭᐅᔪᒫᓐᖏᓚᖅ ᓄᓇᕐᔪᐊᒥᒡᓗ ᓄᖒᑦᓯᔪᒫᕐᐳᖅ, ᑐᓪᓕᕋᕐᓗᒍ ᓯᖁᑦᑎᕐᓗᒍᓗ.

ᑖᓂᐊᓕᐅᑉ ᐊᒡᓚᖏᑦ 2:41

ᑕᑯᓚᐅᕋᕕᑦ ᐃᓄᓐᖑᐊᑉ ᐃᑎᒐᖏᑦ ᐃᓄᒐᓐᖑᐊᖏᓪᓗ ᒪᕐᕋᓕᐅᕐᑎᒧᑦ ᔭᕐᕋᓕᐊᕆᔭᐅᓯᒪᖕᒪᑕ ᐃᓚᖏᑦ ᓴᕕᕋᔭᐅᓪᓗᑎᒃ, ᑍᒫᒃᑕᐅᖅ ᑖᓐᓇ ᐊᖓᔪᖅᑲᐅᕕᒃ ᐊᕕᒃᑐᕈᒫᕐᐳᖅ; ᑭᓯᐊᓂᓕ ᐃᓚᖃᕈᒫᕐᐳᖅ ᓴᕕᕋᔭᐅᑉ ᓴᖏᓂᖓᓂᒃ, ᑍᒫᒃ ᑕᑯᓚᐅᕋᕕᐅᒃ ᓴᕕᕋᔭᒃ ᔭᕐᕋᕐᒥᒃ ᐃᓚᓯᒪᔪᖅ.