ᑖᓂᐊᓕᐅᑉ ᐊᒡᓚᖏᑦ 6:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᒎᑎᒐ ᐂᖏᓕᖁᑎᒥᓂᒃ ᑎᓕᓯᓚᐅᕐᐳᖅ, ᓛᔧᓪᓗ ᖃᓂᖏᑦ ᒪᑐᓪᓗᒋᑦ, ᑖᒃᑯᓇᖓᑦ ᖃᓄᐃᓕᔭᐅᓐᖏᓚᖓ, ᖃᐅᔨᔭᐅᒐᒪ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ; ᐃᓕᖕᓄᓪᓗ ᐊᖓᔪᖅᑳᕐᔪᐊᖅ, ᓈᒻᒪᖏᑦᑐᒥᒃ ᐱᓇᓱᐊᓚᐅᕐᓯᒪᖏᓐᓇᒪ.”

ᑖᓂᐊᓕᐅᑉ ᐊᒡᓚᖏᑦ 6:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 40:15

ᐄᑉᕈᐃᑦ ᓄᓇᖓᓂᑦ ᑎᒡᓕᒐᕆᔭᐅᓪᓗᖓ ᐊᐅᓪᓚᕈᑦᔭᐅᓚᐅᕋᒪ; ᐊᒻᒪᑦᑕᐅᖅ ᑎᒍᔭᐅᑦᔪᑎᒃᓴᒥᒃ ᐱᓚᐅᕐᑎᓐᓇᖓ ᐅᕗᖓ ᑎᒍᔭᐅᓯᒪᕕᖕᒧᐊᕐᑕᐅᓯᒪᓪᓗᖓ.”

ᓴᒧᐃᓕ ᐂᑉᐸᖏᑦ 22:7

ᐊᒃᓱᕈᕐᓇᕐᑐᒦᓕᕐᑎᓪᓗᖓ ᐊᑕᓂᕐᒧᑦ ᑐᒃᓯᐊᓚᐅᕐᐳᖓ; ᒎᑎᓐᓄᑦ ᑐᒃᓯᐊᓚᐅᕐᐳᖓ ᐃᑲᔪᕐᑕᐅᔪᒪᓪᓗᖓ. ᑐᒃᓯᐊᕐᕕᖁᑎᖕᒥᓂᑦ ᓂᐱᒐ ᑐᓴᓚᐅᕐᐹ; ᓈᓚᓚᐅᕐᐹᖓᓗ ᐃᑲᔪᕐᑕᐅᔪᒪᓂᕆᔭᓐᓂᒃ.

ᐊᑕᓃᑦ ᓯᕗᓪᓖᑦ 13:28

ᐊᐅᓪᓚᕋᒥᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᒥᖓ ᓇᓂᕚ ᐊᖅᑯᒻᒦᑦᑐᖅ, ᓯᐅᑎᖅᑯᕐᑐᔪᕐᓗ ᓛᔭᓗ ᓱᓕ ᑎᒥᖓᑕ ᓴᓂᐊᓃᑦᑑᒃ. ᓛᔭᓕ ᑖᑦᓱᒪ ᑎᒥᖓᓂᒃ ᓂᕆᓚᐅᓐᖏᓚᖅ ᓯᐅᑎᖁᕐᑐᔪᒥᒡᓘᓐᓃᑦ ᐱᒋᐊᓚᐅᕋᓂ.

ᑯᕉᓂᑲ ᐂᑉᐸᖏᑦ 32:21

ᐊᑕᓂᕐᓗ ᑎᓕᓯᕗᖅ ᐂᖏᓕᒥᒃ, ᑖᑦᓱᒪ ᑐᖁᑉᐰᑦ ᐊᖑᑎᓕᒫᑦ ᓯᕘᕋᖏᑦᑐᑦ ᐊᖓᔪᖅᑳᖏᓪᓗ, ᐊᖓᔪᖅᑳᐅᔪᓪᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᑕᖕᒫᕐᓯᒪᕕᖓᓃᑦᑐᑦ. ᑍᒤᒻᒪ ᓇᖕᒥᓂᖅ ᓄᓇᒥᓄᑦ ᐅᑎᕐᐳᖅ ᑲᓐᖑᓱᒡᓗᓂ. ᒎᑎᖓᑕᓗ ᑐᒃᓯᐊᕐᕕᖁᑎᖓᓄᐊᕋᒥ, ᓇᖕᒥᓂᖏᑕ ᐃᕐᓂᖏᑕ ᑐᖁᑉᐹᑦ ᓴᕕᒡᔪᐊᒧᑦ ᑕᕝᕙᓂ ᓇᔪᕐᑕᖓᓂ.

ᐃᓐᖏᕈᑎᑦ 118:28

ᐃᕝᕕᑦ ᒎᑎᒋᕙᒋᑦ, ᖁᔭᒋᓂᐊᕐᐸᒋᓪᓗ; ᐃᕝᕕᑦ ᒎᑎᒋᕙᒋᑦ, ᐊᖏᔪᕈᕐᑎᓐᓂᐊᕐᐸᒋᓪᓗ.

ᐃᓐᖏᕈᑎᑦ 26:6

ᐊᒡᒐᒃᑲ ᐃᕐᕈᕐᑐᕐᐸᒃᑲ ᐸᓯᔭᒃᓴᐅᖁᓇᖓ; ᑐᓂᕐᕈᓯᕐᕕᖁᑎᕕᑦ ᓴᓂᐊᓃᖁᓪᓗᖓ, ᐊᑕᓃᖅ.

ᐃᓐᖏᕈᑎᑦ 31:14

ᐅᕙᖓᓕ ᐊᑕᓃᖅ ᑕᑎᒋᕙᒋᑦ; ᐅᖃᕐᐳᖓᓗ, “ᐃᕝᕕᑦ ᒎᑎᒋᕙᒋᑦ.”

ᐃᓐᖏᕈᑎᑦ 34:7

ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.

ᐃᓐᖏᕈᑎᑦ 38:21

ᐊᑕᓃᖅ, ᕿᒪᖕᓂᐊᕐᓇᖓ; ᒎᑏᒃ, ᐅᖓᓯᖕᓂᐊᕐᓇᒃ ᐅᕙᓐᓂᑦ.

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 3:10

ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᔨᕆᒤᐊᐅᑉ ᐊᒡᓚᖏᑦ 37:18

ᐊᒻᒪ ᔨᕆᒤᐊᐅᑉ ᐊᖓᔪᖅᑳᕐᔪᐊᖅ ᔨᑎᑬᐊ ᐊᐱᕆᕚ, “ᓱᓇᒥᒃ ᓯᖁᒥᑦᓯᒐᒪ ᐱᖁᓐᖏᑕᕐᓂᒃ ᐊᖓᔪᖅᑳᖁᑎᕕᓪᓘᓐᓃᑦ ᐱᖁᓐᖏᑕᖓᓂᒃ ᑎᒍᔭᐅᑦᔪᑎᖃᕐᐳᖓ?

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᑖᓂᐊᓕᐅᑉ ᐊᒡᓚᖏᑦ 6:20

ᓛᔧᑦ ᓯᑎᖓ ᖃᒡᓕᓪᓗᒍ, ᑖᓂᐊᓕᒧᑦ ᕾᒐᓛᕐᐳᖅ ᓂᐱᒧᑦ ᖁᓱᔪᒧᑦ, “ᑖᓂᐊᓖ, ᒎᑎᐅᑉ ᐆᒪᔫᑉ ᐱᔨᖓ, ᒎᑎᕕᑦ, ᑍᒪᓐᖓᑦ ᐱᔨᑦᓯᕐᑕᕕᑦ ᓛᔭᓂᑦ ᓴᐳᑎᕙᑏᑦ?”

ᑖᓂᐊᓕᐅᑉ ᐊᒡᓚᖏᑦ 6:23

ᐊᖓᔪᖅᑳᕐᔪᐊᕐᓗ ᖁᕕᐊᓱᖕᓂᕐᒥᒃ ᑕᑕᑕᐅᕗᖅ, ᐱᖁᔨᓪᓗᓂᓗ ᑖᓂᐊᓕ ᓛᔧᑦ ᓯᑎᖓᓂᑦ ᐊᒧᔭᐅᖁᓪᓗᒍ. ᑖᓂᐊᓕᓗ ᐊᒧᔭᐅᖕᒪᑦ, ᓇᐅᒃᑯᑐᐃᓐᓇᖅ ᐃᑭᖃᓐᖏᓚᖅ, ᒎᑎᓂ ᑕᑎᒋᖕᒪᒍ.

ᑖᓂᐊᓕᐅᑉ ᐊᒡᓚᖏᑦ 6:4

ᑍᒤᒻᒪᑦ, ᐊᖓᔪᖅᑳᖑᖃᑎᖏᑦ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᖏᑦ ᕿᓂᓚᐅᕐᐳᑦ ᑖᓂᐊᓕ ᐸᓯᔪᒪᓪᓗᒍ ᐊᖓᔪᖅᑲᐅᕕᖕᒥᒃ ᐊᐅᓚᑦᓯᓂᖓᒍᑦ, ᐸᑦᓯᑎᒃᓴᕐᓯᔪᓐᓇᓚᐅᓐᖏᓚᓪᓕ, ᓈᒻᒪᖏᑦᑐᒥᒃ ᓇᓂᓯᕝᕕᒋᔪᓐᓇᓚᐅᖏᓐᓇᒥᑦᔪᒃ, ᐃᕿᐊᓱᒍᓐᓇᖏᒻᒪᑦ ᓈᒻᒪᖏᑦᑐᒥᒡᓗ ᐱᓂᐊᕐᓂᖃᕋᓂ.

ᑖᓂᐊᓕᐅᑉ ᐊᒡᓚᖏᑦ 6:7

ᓄᓇᒧᑦ ᐊᐅᓚᑦᓯᔨᐅᑎᑕᑎᑦ ᐊᖓᔪᖅᑳᑦ, ᐊᖓᔪᖅᑳᖁᑎᑎᓪᓗ, ᐃᓱᒪᓕᐅᕐᑎᖁᑎᑎᓪᓗ, ᐊᐅᓚᑦᓯᔨᐅᔪᓪᓗ ᐊᖏᖃᑎᒌᖕᒪᑕ ᐊᖓᔪᖅᑳᕐᔪᐊᖅ ᐱᖁᔭᓕᐅᖁᓪᓗᒍ ᒪᓕᒃᑕᐅᔭᕆᐊᓕᖕᒥᒃ ᐊᑐᕐᑕᐅᔭᕆᐊᖃᓪᓚᕆᒡᓗᓂ ᐃᒤᓕᔪᒥᒃ, ᓇᓪᓕᐊᑦ ᑐᒃᓯᐊᕐᑐᖅ ᒎᑎᒧᑦ ᓇᓪᓕᐊᓐᓄᑐᐃᓐᓇᖅ ᐃᓄᖕᒧᓪᓘᓐᓂᑦ, ᐅᓪᓗᐃᑦ 30 ᐊᑯᓐᓂᖓᓂ, ᐃᕝᕕᑦ ᐊᖓᔪᖅᑳᕐᔪᐊᖅ ᐊᓯᖕᓄᑦ, ᓛᔧᑦ ᓯᑎᖓᓄᑦ ᐃᒋᑕᐅᔪᒃᓴᐅᕗᖅ.

ᒤᑲᐅᑉ ᐊᒡᓚᖏᑦ 7:7

ᐅᕙᖓᓕ ᐊᑕᓂᕐᒥᒃ ᓂᕆᐅᒃᐳᖓ; ᐅᑕᖅᑭᓪᓗᖓᓗ ᒎᑎᓐᓂᒃ ᐱᐅᓕᕐᓯᔨᓐᓂᒃ, ᒎᑎᒪᓗ ᑐᓴᕐᓂᐊᕐᐹᖓ.

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᒫᑎᐅᓯᐅᑉ ᐊᒡᓚᖏᑦ 27:46

3ᒧᐊᕐᑎᓪᓗᒍ, ᔩᓱᓯ ᕾᒐᓛᓕᕐᐳᖅ ᓂᐱᖅᑯᕐᑐᓪᓗᓂ, “ᐃᓔ, ᐃᓔ, ᓛᒪ ᓴᐸᕐᑖᓃ?” ᐃᒫᒃ ᑐᑭᓕᒃ, “ᒎᑎᒐ, ᒎᑎᒐ, ᓲᖅ ᕿᒪᒃᐱᖔ?”

ᐋᐴᓯᑕᓖᑦ ᐱᓂᐊᕐᓂᖏᑦ 12:11

ᐲᑦᑐᕉᓯ ᖃᐅᔨᑦᓯᐊᓕᕋᒥ ᐅᖃᓕᕐᐳᖅ, “ᒫᓐᓇ ᖃᐅᔨᑦᓯᐊᕐᐳᖓ ᐊᑕᓂᐅᑉ ᐂᖏᓕᓂ ᑎᓕᖕᒪᒍ ᓴᐳᑎᓪᓗᖓᓗ ᐃᕉᑕᓯᒥᑦ ᔫᑎᓪᓗ ᐱᓇᓱᐊᕈᒪᔭᖏᓐᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:16

ᑍᒪᓐᖓᑦ ᐱᓇᓱᐊᕐᐳᖓ ᐃᓱᒪᒃᑯᑦ ᐸᓯᔭᒃᓴᐅᔪᒪᓇᖓ ᒎᑎᒧᑦ, ᐃᓄᖕᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 27:23

ᐅᓐᓄᐊᖅ ᒎᑎᐅᑉ ᐱᔨᑦᓯᕐᑕᒪ ᐂᖏᓕᖓ ᓴᓂᓐᓂ ᓇᖏᓚᐅᕐᐳᖅ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᐄᑉᕈᐃᓄᑦ 11:33

ᐅᒃᐱᕐᓂᑯᑦ ᓵᓚᖃᓚᐅᕐᐳᑦ ᐊᖓᔪᖅᑲᐅᕕᖕᓂᒃ, ᐃᓗᐊᕐᑐᒥᒡᓗ ᐱᓂᐊᕐᓂᖃᓚᐅᕐᐳᑦ, ᐊᖏᕈᑕᐅᓯᒪᔪᓂᒡᓗ ᐱᓚᐅᕐᐳᑦ, ᓔᔧᓪᓗ ᐃᕐᓯᓇᕐᑐᑦ ᖃᓂᖏᑦ ᐃᑦᔭᕈᓯᓚᐅᕐᐰᑦ,

ᓴᒧᐃᓕ ᓯᕗᓪᓖᑦ 17:37

ᑍᕕᑎᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐱᐅᓕᓚᐅᕐᐹᖓ ᓛᔭᑦ ᑯᑭᖏᓐᓂᑦ ᓇᓅᓪᓗ ᑯᑭᖏᓐᓂᑦ, ᐱᐅᓕᓂᐊᕆᕚᖓ ᐱᓕᔅᑍᓂᒥᐅᑉ ᐊᒡᒐᖓᓂᑦ.” ᓴᐅᓕᐅᓪᓗ ᑍᕕᑎ ᐅᖃᐅᑎᕚ, “ᐂᓕᕆᑦ ᐊᑕᓂᐅᑉ ᐃᓚᒋᓛᑎᑦ.”

ᓴᒧᐃᓕ ᓯᕗᓪᓖᑦ 26:18

ᐅᖃᕆᐊᓪᓚᒡᓗᓂᓗ, “ᓱᖕᒪᑦ ᐊᖓᔪᖅᑳᒃ, ᐅᕙᓐᓂᒃ ᓱᓕ ᕿᓂᕐᐲᑦ ᐱᔨᖕᓂᒃ? ᖃᓄᐃᓕᐅᕐᓯᒪᒐᒫ? ᓱᓇᒦᒃ ᐸᓯᔭᒃᓴᐅᑦᔪᑎᖃᕋᒫ?