ᑖᓂᐊᓕᐅᑉ ᐊᒡᓚᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓇᓗᓁᒃᑯᑍᑦ ᐱᓂᐊᕐᓂᖏᑦ ᐊᖏᔫᕗᑦ, ᓴᓐᖏᔫᓪᓗᑎᒡᓗ ᑲᒪᓇᕐᑐᓕᓂᖏᑦ! ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᕗᖅ; ᐊᑕᓂᐅᕕᖓ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᑖᓂᐊᓕᐅᑉ ᐊᒡᓚᖏᑦ 4:3 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 25:2

“ᒎᑎ ᐊᖓᔪᖅᑳᕐᔪᐊᖑᕗᖅ ᐱᔪᓐᓇᕐᓂᕐᔪᐊᖃᕐᓗᓂᓗ; ᑕᒪᕐᒥᒃ ᓯᕘᕋᓂᖃᕐᑐᒃᓴᐅᕗᑦ ᑖᑦᓱᒥᖓ; ᑖᑦᓱᒪ ᐊᑕᓂᐅᕕᓂ ᕿᓚᖕᒦᑦᑐᖅ ᓮᒪᓇᕐᑑᑎᒻᒪᒍ.

ᐃᓐᖏᕈᑎᑦ 104:24

ᐊᑕᓃᖅ, ᐱᓂᐊᕐᓂᑎᑦ ᐊᖏᔪᕐᔪᐊᖑᕗᑦ! ᑕᒪᕐᒥᒃ ᓯᓚᑐᓂᕐᓄᑦ ᐋᖅᑭᒃᓯᒪᕙᑎᑦ. ᓄᓇᕐᔪᐊᖅ ᑕᑕᑉᐳᖅ ᐆᒻᒪᕐᑎᓯᒪᔭᕐᓂᒃ.

ᐃᓐᖏᕈᑎᑦ 105:27

ᑖᒃᑯᐊᒃ ᐱᓇᓱᐊᓚᐅᕐᐳᒃ ᑖᑦᓱᒪ ᓇᓗᓁᒃᑯᑕᖏᓐᓂᒃ ᐃᓄᖕᓂ ᑕᕝᕙᓂ, ᑲᒪᓇᕐᑐᓕᓂᕐᓂᒡᓗ ᐱᓇᓱᐊᕐᓗᑎᒃ ᕼᐋᒥᐅᑉ ᓄᓇᖓᓂ.

ᐃᓐᖏᕈᑎᑦ 145:13

ᐊᑕᓂᐅᕖᑦ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᕖᓪᓗ ᓱᖁᓯᔪᐃᑦᑑᓪᓗᓂ ᑭᖑᕚᕇᒃᐸᓪᓕᐊᔪᓕᒫᓂ. ᐊᑕᓂᖅ ᐅᖃᐅᓯᕆᔭᓕᒫᒥᓂᒃ ᑲᔪᓯᑎᑦᓯᓲᖑᕗᖅ, ᓂᑲᒍᓱᓲᖑᓪᓗᓂᓗ ᐱᓇᓱᐊᕐᑕᓕᒫᒥᓂᒃ.

ᐃᓐᖏᕈᑎᑦ 66:7

ᐊᐅᓚᑦᓯᕗᖅ ᐱᔪᓐᓇᕐᓂᕐᔪᐊᒥᓄᑦ ᐃᓱᖃᖏᑦᑐᒧᑦ, ᐃᔨᒥᓄᑦ ᑕᑯᓐᓈᕐᐳᖅ ᐃᓅᖃᑎᒌᒡᔪᐊᓂᒃ— ᐊᑭᕋᕐᑐᕐᑏᑦ ᒪᑭᓐᓂᐊᓐᖏᓚᑦ ᐊᑭᕋᕐᑐᕐᓗᑎᒃ ᑖᑦᓱᒧᖓ. ᓰᓚ

ᐃᓐᖏᕈᑎᑦ 72:18

ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᑲᒪᓇᕐᑐᓂᒃ ᑖᓐᓇ ᑭᓯᒥ ᐱᓂᐊᕐᓂᖃᕐᑐᖅ.

ᐃᓐᖏᕈᑎᑦ 77:19

ᐊᖅᑯᑎᑎᑦ ᐃᒪᕕᒃᑰᖓᓚᐅᕐᐳᑦ, ᐊᖅᑯᓯᓂᑎᓪᓗ ᐃᒪᕐᔪᐊᑎᒎᖓᓪᓗᑎᒃ, ᑭᓯᐊᓂᓕ ᑐᒥᑎᑦ ᑕᑯᔭᐅᓯᒪᓐᖏᓚᑦ.

ᐃᓐᖏᕈᑎᑦ 86:10

ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᐃᓐᖏᕈᑎᑦ 92:5

ᐊᑕᓃᖅ ᐱᓇᓱᐊᕐᓂᑎᑦ ᐃᓛᒃ ᐊᖏᔪᕐᔪᐊᖑᕗᑦ! ᐃᓱᒪᑎᓪᓗ ᐃᑎᔪᕐᔪᐊᖑᓪᓗᑎᒃ!

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 28:29

ᑍᒫᒃᑕᐅᖅ ᑕᒪᓐᓇ ᕿᓚᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᐱᕗᖅ; ᑖᑦᓱᒪ ᐅᖃᐅᑦᔪᐃᓂᖓ ᐱᐅᔪᐊᓘᖕᒪᑦ, ᓯᓚᑐᓂᖓᓗ ᐱᐅᓂᕐᐹᖑᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 2:2

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᐊᖓᒃᑯᓂᒃ, ᓇᓚᐅᑦᑍᔨᓂᒡᓗ, ᐱᔪᓐᓇᐅᑎᓕᖕᓂᒡᓗ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᑖᒃᑯᓄᖓ ᐅᖃᐅᑎᔭᐅᔪᒪᓪᓗᓂ ᓱᓇᒥᒃ ᓯᓐᓇᒃᑐᓚᐅᕐᒪᖔᕐᒥ. ᑖᒃᑯᐊᓗ ᕾᒐᒥᒃ ᐊᖓᔪᖅᑳᕐᔪᐊᑉ ᓵᖓᓂ ᓇᖏᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᐄᑉᕈᐃᓄᑦ 1:8

ᐃᕐᓂᕐᓕ ᐱᓪᓗᒍ ᐅᖃᓚᐅᕐᐳᖅ, “ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ, ᐊᑕᓂᐅᕖᓪᓗ ᐊᐅᓚᓐᓂᐊᕐᐸᑦ ᐊᔭᐅᑉᐱᐊᕐᓄᑦ ᓇᓛᒎᑦᓯᐊᕐᑐᒥᒃ.

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”