ᑖᓂᐊᓕᐅᑉ ᐊᒡᓚᖏᑦ 4:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᑖᓂᐊᓕᐅᑉ ᐊᒡᓚᖏᑦ 4:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 11:4

ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.”

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐃᓐᖏᕈᑎᑦ 119:46

ᐃᓕᓮᑦᔪᑎᒋᔭᑎᑦ ᐅᖃᐅᓯᕆᓂᐊᕐᐸᒃᑲ ᐊᖓᔪᖅᑳᕐᔪᐊᓄᑦ, ᑕᒪᑐᒧᖓᓗ ᑲᓐᖑᓱᒃᑎᑕᐅᓂᐊᕐᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:2

ᐱᐅᔪᕆᓂᖅ ᐊᑐᕐᑕᐅᓕᕋᖓᑦ ᑕᕝᕙ ᑲᓐᖑᓲᑎᒃᓴᑦ ᕾᒋᕗᑦ, ᒥᑭᒡᓕᑎᕐᓯᒪᔪᕐᓕ ᓯᓚᑐᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:6

ᑲᒪᑦᓯᐊᕐᓂᕐᒧᑦ ᓱᖁᓯᔪᐃᑦᑑᓂᕐᒧᓪᓗ ᐊᔪᕐᑐᓕᓃᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᖃᕐᐳᑦ, ᐊᑕᓂᕐᒥᒃ ᓯᕘᕋᓂᒃᑯᑦ ᐃᓄᒃ ᐱᐅᖏᑦᑐᓂᒃ ᓂᒍᐃᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 10:13

ᐃᒫᒃ ᐅᖃᓚᐅᕐᒪᑦ, “ᓇᖕᒥᓂᖅ ᐱᔪᓐᓇᕐᓂᓐᓄᑦ ᐱᓇᓱᐊᓚᐅᕐᐳᖓ, ᓯᓚᑐᓂᓐᓄᓪᓗ ᑐᑭᓯᑦᓯᐊᕈᓐᓇᕋᒪ; ᐃᓄᐃᓪᓗ ᓄᓇᖏᑕ ᑭᒡᓕᒋᔭᖏᑦ ᐲᔭᓚᐅᕐᐸᒃᑲ, ᐊᑭᑐᔪᖁᑎᖏᓐᓂᒡᓗ ᐊᕐᓵᓚᐅᕐᐸᒃᑲ; ᐃᒻᒧᒃᓯᐅᒐᐅᓪᓗ ᐸᖕᓂᖏᑎᑐᑦ ᐃᒃᓯᕙᐅᑕᕐᔪᐊᕐᒦᑦᑐᑦ ᐅᕐᕈᑎᓚᐅᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 47:10

ᑲᑉᐱᐊᓇᕐᑐᒦᓐᓇᓱᒋᖏᒃᑲᓗᕐᐳᓯ ᐱᐅᖏᑦᑐᓂᒃ ᐃᓕᖅᑯᓯᖃᕐᑎᓪᓗᓯ, ᐅᖃᕐᓗᓯ, ‘ᑭᓇᒧᑦ ᑕᑯᓐᓇᕐᑕᐅᓐᖏᓚᖓ’; ᓯᓚᑐᓂᑦᓯ ᖃᐅᔨᒪᓂᑦᓯᓗ ᑕᒻᒪᕐᑎᓚᐅᕐᐹᓯ; ᐆᒻᒪᑎᑦᓯᒍᑦ ᐅᖃᓚᐅᕋᑦᓯ, ‘ᐅᕙᖓᑑᕗᖓ ᐊᓯᖃᕐᓇᖓᓗ.’

ᐂᓮᐊᓯᐅᑉ ᐊᒡᓚᖏᑦ 47:8

ᒫᓐᓇᓕ ᑍᒤᒻᒪᑦ ᑐᓵᓕᕆᑦ, ᖁᕕᐊᒋᔭᖃᕐᑐᑎᑦ ᐊᓕᐊᓁᒍᓱᖕᓂᕐᒥᒃ, ᐃᒃᓯᕙᑦᓯᐊᕐᑐᑎᑦ, ᐆᒻᒪᑎᖕᓂ ᐅᖃᕐᐸᒃᑐᑎᑦ, ‘ᐅᕙᖓᑑᕗᖓ ᐊᓯᖃᕐᓇᖓᓗ; ᐅᐃᒡᒐᓲᓗᖓ ᐃᒃᓯᕙᓂᐊᓐᖏᓚᖓ, ᕿᑐᕐᖎᕐᓂᕐᒥᒡᓗ ᖃᐅᔨᓂᐊᕐᓇᖓ’;

ᔨᕆᒤᐊᐅᑉ ᐊᒡᓚᖏᑦ 29:7

ᐃᓅᖃᑎᒌᑦᓯᐊᕋᓱᐊᕐᓯᒋᒃ ᐱᕙᓪᓕᐊᖃᑎᒋᑦᓯᐊᕋᓱᐊᕐᓗᒋᓪᓗ ᓄᓇᖃᑎᑖᕆᓚᐅᕐᑕᓯ ᐊᐅᓪᓚᕐᑎᑕᐅᕕᑦᓯᓐᓄᑦ, ᐊᑕᓂᕐᒧᑦ ᑐᒃᓯᐊᕈᑎᒋᖃᑦᑕᕐᓗᒍ, ᐱᔪᓐᓇᕐᓯᑦᓯᐊᕐᐸᑕᓗ ᐱᔪᓐᓇᕐᓯᑦᓯᐊᕐᓂᐊᕆᕗᓯ.

ᔨᕆᒤᐊᐅᑉ ᐊᒡᓚᖏᑦ 38:20

ᔨᕆᒤᐊᐅᑉ ᐅᖃᐅᑎᕚ, “ᑍᒃᑯᓄᖓ ᑐᓂᑦᔪᑕᐅᓂᐊᓐᖏᓚᑎᑦ, ᐊᑕᓂᖅ ᓈᓚᒃᑯᕕᐅᒃ ᐅᖃᐅᓯᕆᔭᒃᑲ ᒪᓕᒡᓗᒋᑦ ᖃᓄᐃᑕᐅᑦᔮᓐᖏᓚᑎᑦ, ᑐᖁᑕᐅᑦᔮᓇᑎᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 18:7

ᓇᓪᓕᐊᓐᓂᒡᓗ ᐅᖁᒤᑎᑦᓯᕙᖏᓪᓗᓂ, ᑎᒡᓕᒃᐸᖏᓪᓗᓂᓗ, ᐊᑐᕐᑐᐊᕐᑕᕕᓂᕐᒥᓂᒡᓗ ᐊᑕᖏᕐᓗᒋᑦ ᐊᑭᓖᑦᓯᐊᖃᑦᑕᕐᓗᓂ, ᑳᒃᑐᓂᒃ ᓂᕆᑎᑦᓯᕙᒡᓗᓂ, ᐊᓐᓄᕌᒃᓴᖃᖏᑦᑐᓂᒡᓗ ᐊᓐᓄᕌᕐᑎᑦᓯᕙᒡᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᐃᓯᑭᐊᓕᐅᑉ ᐊᒡᓚᖏᑦ 29:9

ᐄᑦᔨᑉᑎᐅᓪᓗ ᓄᓇᖓ ᓱᓁᕈᑎᔪᒫᕐᐳᖅ ᐊᓯᕈᕐᑕᐅᓗᓂᓗ. ᖃᐅᔨᖁᓪᓗᓯ ᐅᕙᖓᐅᒐᒪ ᐊᑕᓂᖅ. “ᐅᖃᓚᐅᕋᕕᑦ, ‘ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᔪᐃᓕᐅᑉ ᐊᒡᓚᖏᑦ 2:14

ᐃᒻᒪᖄᓕ ᐃᓱᒪᓂ ᐊᓯᑦᔨᕐᓂᐊᕐᐹ ᓮᒻᒪᕐᑎᓪᓗᓯᓗ, ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᐂᒨᓯᐅᑉ ᐊᒡᓚᖏᑦ 6:13

ᐃᓕᑦᓯ ᖁᕕᐊᓲᑎᖃᕐᑐᓯ ᓵᓚᒃᓴᕐᓂᕐᒥᒃ ᓘ-ᑎᐹᕐᒥᒃ, ᐅᖃᕐᑐᓯᓗ, “ᑳᕐᓁᒻ ᑎᒍᓚᐅᓐᖏᓚᕘᑦ ᓇᖕᒥᓂᖅ ᓴᓐᖏᓂᑦᑎᓐᓅᑦ?”

ᔫᓇᐅᑉ ᐊᒡᓚᖏᑦ 3:9

ᑭᓇ ᖃᐅᔨᒪᕚ? ᒎᑎ ᓴᖑᓂᐊᖏᒻᒪᖔᑦ ᖃᕿᐊᓕᕐᓗᓂ ᓄᖅᑲᕐᑎᑦᓯᓗᓂᓗ ᓂᓐᖓᖕᓂᕐᔪᐊᒥᓂᒃ ᐊᓯᕈᕐᑕᐅᖁᓇᑕ!”

ᕼᐊᐸᑲᐅᑉ ᐊᒡᓚᖏᑦ 1:11

ᑕᕝᕙ ᑲᔪᓰᓐᓇᕐᓗᑎᒃ ᐊᖅᑯᓵᕐᐳᑦ ᐊᓄᕆᑎᑐᑦ ᐊᓂᒍᕐᑐᑎᑐᑦ, ᐸᓯᔭᒃᓴᐅᓪᓗᑎᒡᓗ, ᐱᔪᓐᓇᕐᓂᕐᒥᖕᓂᒡᓗ ᒎᑎᖃᕐᓗᑎᒃ.”

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 3:8

ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ,

ᓘᑲᓯᐅᑉ ᐊᒡᓚᖏᑦ 11:41

ᑏᑑᑎᐅᑉ ᓂᕐᕆᓰᓪᓗ ᐃᓗᐊᓃᑦᑐᑦ ᑐᓂᓯᒋᒃ ᐊᒃᖢᔪᓄᑦ; ᑕᑯᒋᑦ, ᑕᕝᕙ ᓴᓗᒻᒪᑦᓯᐊᓕᕐᓂᐊᕐᐳᓯ ᐃᓘᓐᓇᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 24:25

ᐸᐅᓗᓯ ᓇᓗᓇᕈᓐᓁᕐᑎᑦᓯᕗᖅ ᓇᓛᒎᑦᓯᐊᕐᓂᕐᒥᒃ ᓇᖕᒥᓂᕐᓗ ᐱᓯᒪᑦᓯᐊᕈᓐᓇᕐᓂᕐᒥᒃ, ᐃᖅᑲᕐᑐᕐᑕᐅᔪᒫᕐᓂᕐᒥᒃ, ᕖᓕᒃᓯ ᓯᕘᕋᓕᕐᓗᓂ ᐅᖃᕐᐳᖅ, “ᒫᓐᓇ ᐊᓂᑲᓚᐅᕆᑦ; ᐱᕕᒃᓴᑖᑲᓐᓂᕈᑦᑕ ᕾᖁᓛᕆᕙᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:22

ᑍᒤᒻᒪᑦ ᖃᕿᐊᓕᓕᕆᑦ ᐱᐅᖏᑦᑐᐊᓗᖕᒥᑦ ᑕᒪᑐᒪᓐᖓᑦ ᐱᓇᓱᐊᕐᑕᕐᓂᑦ, ᐊᑕᓂᕐᒧᑦ ᑐᒃᓯᐊᕐᓗᑎᑦ, ᐊᔪᕐᓇᕐᑎᑕᐅᓐᖏᑉᐸᑦ, ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐆᒻᒪᑎᖕᓃᑦᑐᒥᑦ ᓈᒻᒪᓐᖏᑦᑐᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:11

ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.

ᒐᓔᑎᐊᒥᐅᓄᑦ 5:13

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᒨᓯᓯ ᑕᓪᓕᒪᖏᑦ 24:13

ᓯᕿᓂᕐᓕ ᓂᐱᒃᐸᑦ, ᑖᑦᓱᒧᖓ ᐅᑎᕐᑎᑕᒃᓴᕆᕙᑦ ᐅᑎᕐᑎᑦᓯᓛᕐᓂᕐᒧᑦ ᓇᓗᓁᒃᑯᑕᖓ ᐱᓯᒪᔪᓐᓇᖁᓪᓗᓂᐅᒃ ᓯᓂᖕᓂᕐᒥᓂ ᑖᑦᓱᒪ ᑕᕝᕙ ᖁᔭᒋᒐᔭᕐᐹᑎᑦ ᓈᒻᒪᑦᓯᐊᕐᑐᒥᒡᓗ ᐱᒐᔭᕐᐳᑎᑦ ᐃᓕᖕᓄᑦ ᐊᑕᓂᐅᑉ ᒎᑎᑦᓯ ᓵᖓᓂ.

ᒨᓯᓯ ᑕᓪᓕᒪᖏᑦ 32:27

ᐊᑭᕋᕐᑐᕐᑎᖏᑦ ᐱᐅᔪᕆᓂᐊᕋᓱᒋᖏᒃᑯᒃᑭᑦ ᑍᒤᓕᐅᕋᔭᕐᐳᖓ, ᐊᑭᕋᖏᑦ ᓱᓕᖏᑦᑐᒥᒃ ᐅᖃᐅᓯᖃᕐᓂᐅᓴᖏᑉᐸᑕ, ᐅᖃᓕᖁᓇᒋᑦ, ᐱᔪᓐᓇᕐᓂᑦᑎᓐᓄᑦ ᓵᓚᖃᕐᐳᒍᑦ ᐊᑕᓂᖅ ᐃᑲᔪᕐᑎᒋᓇᒍ ᓵᓚᖃᕐᐳᒍᑦ.’

ᒨᓯᓯ ᑕᓪᓕᒪᖏᑦ 8:17

ᑍᒤᒻᒪᑦ ᐃᓱᒪᔪᒃᓴᐅᓐᖏᓚᑎᑦ ᐃᓕᖕᓂᒃ ᓇᖕᒥᓂᖅ ᐊᔪᕐᓴᕈᓐᓁᕐᑎᓯᒪᓇᓱᒋᓗᑎᑦ ᐱᔪᓐᓇᕐᓂᕐᓄᑦ ᓴᓐᖏᓂᕐᓄᓪᓗ.

ᐲᑦᑐᕉᓯ ᓯᕗᓪᓖᑦ 4:8

ᐊᖏᓂᕐᐹᒥᒡᓕ ᓱᓕᓪᓚᕆᒃᑐᒥᒃ ᓇᒡᓕᒃᑎᒌᒃᑐᒃᓴᐅᕗᓯ ᐃᓕᑦᓯᓐᓄᑦ, ᓇᒡᓕᖕᓂᐅᑉ ᑲᒪᒋᔪᓐᓇᕐᒪᒋᑦ ᐊᔪᕐᑐᓕᓃᑦ ᐊᒥᓱᑦ.