ᑖᓂᐊᓕᐅᑉ ᐊᒡᓚᖏᑦ 3:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᖓᔪᖅᑳᕐᔪᐊᑉ ᑐᖓᓕᖏᑦ, ᓄᓇᒥᓗ ᐊᐅᓚᑦᓯᔩᑦ, ᐊᖓᔪᖅᑳᕐᔪᐊᓪᓗ ᐃᑲᔪᕐᑎᖏᑦ ᑲᑎᒪᔪᑦ ᑕᕝᕗᖓ ᑲᑎᕗᑦ ᑖᒃᑯᓄᖓ. ᑕᑯᓪᓗᑎᒃᓗ ᑎᒥᖏᑦ ᐃᑭᓯᒪᖏᒻᒪᑕ, ᓄᔭᖏᓪᓘᓐᓃᑦ ᐃᑭᓯᒪᔪᖃᓐᖏᓚᑦ, ᐊᓐᓄᕌᖏᓪᓗ ᐃᑭᓯᒪᓇᑎᒃ, ᐳᔪᕐᓱᓐᓂᓐᓇᑎᒡᓘᓐᓃᑦ.

ᑖᓂᐊᓕᐅᑉ ᐊᒡᓚᖏᑦ 3:27 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:28

ᐊᐅᓪᓚᕋᒥᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᒥᖓ ᓇᓂᕚ ᐊᖅᑯᒻᒦᑦᑐᖅ, ᓯᐅᑎᖅᑯᕐᑐᔪᕐᓗ ᓛᔭᓗ ᓱᓕ ᑎᒥᖓᑕ ᓴᓂᐊᓃᑦᑑᒃ. ᓛᔭᓕ ᑖᑦᓱᒪ ᑎᒥᖓᓂᒃ ᓂᕆᓚᐅᓐᖏᓚᖅ ᓯᐅᑎᖁᕐᑐᔪᒥᒡᓘᓐᓃᑦ ᐱᒋᐊᓚᐅᕋᓂ.

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᐃᓐᖏᕈᑎᑦ 83:18

ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ, ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ, ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᑖᓂᐊᓕᐅᑉ ᐊᒡᓚᖏᑦ 3:21

ᑖᒃᑯᐊ ᐊᖑᑎᑦ ᐊᓐᓄᕌᕐᓯᒪᓪᓗᑎᒃ, ᖃᕐᓕᒃᓯᒪᓪᓗᑎᒡᓗ, ᓇᓴᕐᓯᒪᓪᓗᑎᒡᓗ, ᐊᓯᖏᓐᓂᒡᓗ ᐊᑐᕐᓗᑎᒃ ᕿᓚᒃᓱᕐᑕᐅᕗᑦ, ᐃᒋᑕᐅᓪᓗᑎᒡᓗ ᐃᒐᒧᑦ ᐃᑯᐊᓚᔪᕐᔪᐊᒧᑦ.

ᑖᓂᐊᓕᐅᑉ ᐊᒡᓚᖏᑦ 6:23

ᐊᖓᔪᖅᑳᕐᔪᐊᕐᓗ ᖁᕕᐊᓱᖕᓂᕐᒥᒃ ᑕᑕᑕᐅᕗᖅ, ᐱᖁᔨᓪᓗᓂᓗ ᑖᓂᐊᓕ ᓛᔧᑦ ᓯᑎᖓᓂᑦ ᐊᒧᔭᐅᖁᓪᓗᒍ. ᑖᓂᐊᓕᓗ ᐊᒧᔭᐅᖕᒪᑦ, ᓇᐅᒃᑯᑐᐃᓐᓇᖅ ᐃᑭᖃᓐᖏᓚᖅ, ᒎᑎᓂ ᑕᑎᒋᖕᒪᒍ.

ᑖᓂᐊᓕᐅᑉ ᐊᒡᓚᖏᑦ 6:7

ᓄᓇᒧᑦ ᐊᐅᓚᑦᓯᔨᐅᑎᑕᑎᑦ ᐊᖓᔪᖅᑳᑦ, ᐊᖓᔪᖅᑳᖁᑎᑎᓪᓗ, ᐃᓱᒪᓕᐅᕐᑎᖁᑎᑎᓪᓗ, ᐊᐅᓚᑦᓯᔨᐅᔪᓪᓗ ᐊᖏᖃᑎᒌᖕᒪᑕ ᐊᖓᔪᖅᑳᕐᔪᐊᖅ ᐱᖁᔭᓕᐅᖁᓪᓗᒍ ᒪᓕᒃᑕᐅᔭᕆᐊᓕᖕᒥᒃ ᐊᑐᕐᑕᐅᔭᕆᐊᖃᓪᓚᕆᒡᓗᓂ ᐃᒤᓕᔪᒥᒃ, ᓇᓪᓕᐊᑦ ᑐᒃᓯᐊᕐᑐᖅ ᒎᑎᒧᑦ ᓇᓪᓕᐊᓐᓄᑐᐃᓐᓇᖅ ᐃᓄᖕᒧᓪᓘᓐᓂᑦ, ᐅᓪᓗᐃᑦ 30 ᐊᑯᓐᓂᖓᓂ, ᐃᕝᕕᑦ ᐊᖓᔪᖅᑳᕐᔪᐊᖅ ᐊᓯᖕᓄᑦ, ᓛᔧᑦ ᓯᑎᖓᓄᑦ ᐃᒋᑕᐅᔪᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 10:30

ᓄᔭᓯ ᐊᒡᓛᑦ ᓂᐊᖁᑦᓯᓐᓃᑦᑐᑦ ᖃᑦᓯᐅᖕᒪᖔᑕ ᖃᐅᔨᒪᔭᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:26

ᐊᖓᔪᖅᑳᕐᔪᐊᖅ ᐊᒍᕆᐸ ᑕᒪᒃᑯᓂᖓ ᖃᐅᔨᒪᑦᓯᐊᕐᒪᑦ ᓯᕘᕋᖏᓪᓗᖓᓗ ᐅᖃᐅᑎᑦᓯᐊᕈᓐᓇᕐᐸᕋ; ᖃᐅᔨᒪᒐᒪ ᑕᒪᒃᑯᓂᖓ ᖃᐅᔨᒪᑦᓯᐊᕐᒪᑦ, ᑕᒪᓐᓇ ᐃᔨᕐᓯᒪᓗᓂ ᐱᓇᓱᐊᕐᑕᐅᖏᒻᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 27:34

ᒫᓐᓇᓕ ᓂᕆᖁᓕᕐᐸᑦᓯ ᓄᑭᖃᑦᓯᐊᖁᓪᓗᓯ; ᓄᔭᕐᒥᒃ ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᕐᓂᐊᖏᒻᒪᑦ ᐃᓕᑦᓯᓐᓂᑦ.”

ᐄᑉᕈᐃᓄᑦ 11:34

ᐃᑯᐊᓚᔪᕐᔪᐊᓂᒡᓗ ᖃᒥᑦᓯᓚᐅᕐᐳᑦ, ᓴᕕᒡᔪᐊᒥᑦ ᐊᓐᓇᓚᐅᕐᐳᑦ, ᓴᓐᖐᓐᓂᕐᒥᑦ ᐱᔪᓐᓇᕐᓂᕐᑖᓚᐅᕐᐳᑦ; ᐅᓇᑕᕐᓂᕐᒥ ᐊᔪᖏᑦᑐᕐᔪᐊᖑᓚᐅᕐᐳᑦ, ᓄᓇᑐᖃᖃᖏᑦᑐᑦ ᐅᓇᑕᕐᑐᒃᓴᖏᑦ ᕿᒫᑎᓪᓗᒋᑦ.