ᑖᓂᐊᓕᐅᑉ ᐊᒡᓚᖏᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓂᐱᑯᓁᓴᓕ ᓂᓐᖓᒃᑐᒻᒪᕆᐊᓘᒐᒥ, ᓵᑐᕌᑭᒧᑦ, ᒥᓵᑭᒧᓪᓗ, ᐊᐱᓐᑎᒎᒧᓪᓗ, ᑮᓇᖓ ᐊᓯᑦᔨᕐᐳᖅ ᑖᒃᑯᓄᖓ: ᐱᖁᔨᕗᖅ ᐃᒐᐅᑉ ᐃᑯᒪᖓ ᐃᑯᐊᓪᓚᒃᑎᑕᐅᖁᓪᓗᒍ ᐆᓇᕐᓂᕆᕙᒃᑕᖓᓂᑦ 7ᐃᕐᑑᑎᓪᓗᐊᖓᓂᒃ ᐆᓇᕐᓂᕐᓴᐅᓕᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 3:19 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:2

ᔧᑯᓗ ᑐᑭᓯᓕᕐᐳᖅ ᓔᐸᓂᐅᑉ ᐱᑦᓯᐊᕐᓂᖓ ᓯᕗᓪᓕᕐᑑᕈᓐᓃᕐᐸᓪᓕᐊᓂᖓᓂᒃ.

ᐃᔅᑕᐅᑉ ᐊᒡᓚᖏᑦ 3:5

ᕼᐂᒪᓂᓕ ᑕᑯᒐᒥ ᒧᐊᑎᑬᑉ ᓰᖅᑯᕐᓗᓂ ᐅᑯᔪᒪᖏᓐᓂᖓᓂᒃ ᐅᐱᒍᓱᒍᒪᖏᓐᓂᖓᓂᒡᓗ, ᐃᓗᒥᒍᑦ ᓂᓐᖓᕕᒡᔪᐊᕐᐳᖅ.

ᐃᔅᑕᐅᑉ ᐊᒡᓚᖏᑦ 7:7

ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒡᔪᐊᕐᓗᓂ ᓂᑯᕕᑉᐳᖅ ᓂᕆᕕᒡᔪᐊᕐᕕᖕᒥᑦ ᐊᖓᔪᖅᑳᕐᔪᐊᒃᑯᕕᐅᓪᓗ ᐱᕈᕐᓰᕕᖓᓄᐊᕐᓗᓂ; ᕼᐂᒪᓂᓕ ᐃᔅᑕᕐᒧᑦ ᕿᓄᕗᖅ ᐃᓅᓯᕐᒥᓂ ᓴᐳᑎᔭᐅᔪᒪᓪᓗᓂ, ᖃᐅᔨᒐᒥ ᐊᖓᔪᖅᑳᕐᔪᐊᖅ ᑖᑦᓱᒧᖓ ᓈᒻᒪᖏᑦᑐᒥᒃ ᐃᓱᒪᖃᓕᕐᒪᑦ.

ᐃᓐᖏᕈᑎᑦ 76:10

ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:14

ᐊᖓᔪᖅᑳᕐᔪᐊᑉ ᓂᓐᖓᖕᓂᖓ ᑐᖁᒥᒃ ᑐᓴᕐᑎᑦᓯᑦᔪᑎᐅᕗᖅ, ᓯᓚᑐᔪᕐᓕ ᓮᒻᒪᕈᑎᒃᓴᖓᓂᒃ ᐱᓇᓱᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:24

ᐱᐅᔪᕆᔪᖅ ᐱᔪᓐᓇᕋᓱᒋᓗᐊᕐᑐᕐᓗ ᑍᔭᐅᕗᖅ, “ᒥᑕᐅᑎᒃᓴᕐᑎᒥᒃ” ᐱᓂᐊᕐᓂᖃᕐᒪᑦ ᐊᔪᖏᓐᓇᓱᒋᓂᕐᒥᒃ ᐱᐅᔪᕆᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 51:23

ᐃᓕᑦᓯᓐᓂᒡᓗ ᐋᓐᓂᐊᑎᑦᓯᔪᓄᑦ ᐃᓕᖔᕐᓂᐊᓕᕐᐸᕋ, ᑍᒃᑯᐊ ᐃᓕᑦᓯᓐᓄᑦ ᐅᖃᕐᒪᑕ, ‘ᐅᕐᕈᖓᓚᐅᕆᑦᓯ ᖄᑦᓯᒍᑦ ᐱᓱᖕᓂᐊᕋᑦᑕ.’ ᑐᓄᓯᓗ ᓄᓇᑐᑦ ᑍᒤᑎᓚᐅᕐᐸᓯ, ᐊᖅᑯᑎᑎᑐᑦ ᐱᓱᒃᕕᐅᖃᑦᑕᕐᓗᑎᒃ.”

ᑖᓂᐊᓕᐅᑉ ᐊᒡᓚᖏᑦ 2:12

ᑕᒪᓐᓇ ᐱᑦᔪᑎᒋᓪᓗᒍ, ᐊᖓᔪᖅᑳᕐᔪᐊᖅ ᓂᓐᖓᒃᐳᖅ ᓂᓐᖓᐅᒪᕕᒡᔪᐊᓕᕐᓗᓂ, ᐹᐱᓘᓂᒥᐅᓪᓗ ᓯᓚᑐᔪᖁᑎᓕᒫᖏᑦ ᑐᖁᕋᕐᑕᐅᖁᕔᑦ.

ᑖᓂᐊᓕᐅᑉ ᐊᒡᓚᖏᑦ 3:13

ᓂᐱᑯᓁᓴ ᓂᓐᖓᒃᑐᐊᓘᒐᒥ, ᓵᑐᕌᑭ, ᒥᓵᑭᓗ, ᐊᐱᓐᑎᒎᓗ, ᕾᑕᐅᖁᕔᑦ. ᑖᒃᑯᐊᓗ ᐊᖓᔪᖅᑳᕐᔪᐊᑉ ᓵᖓᓄᑦ ᐱᑎᑕᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 3:20

ᐱᖁᔨᓪᓗᓂᓗ ᐅᓇᑕᕐᑐᒃᓴᖁᑎᒥ ᓴᓐᖏᓂᕐᐹᖏᓐᓂᒃ ᐊᑦᑐᖏᕐᓱᐃᖁᓪᓗᒋ ᓵᑐᕌᑭᒥᒃ ᒥᓵᑭᒥᒃ, ᐊᐱᓐᑎᒎᒥᒡᓗ, ᐃᒋᓪᓗᒋᓗ ᐃᒐᒧᑦ ᐃᑯᐊᓚᔪᐊᓗᖕᒧᑦ.

ᑖᓂᐊᓕᐅᑉ ᐊᒡᓚᖏᑦ 5:6

ᑮᓇᖓᑕ ᑕᐅᑦᑐᐊ ᖃᑯᕐᓯᕗᖅ, ᑲᑉᐱᐊᓱᒻᒪᕆᓕᕐᓗᓂ ᓰᖅᑯᖏᒡᓗ ᓴᔪᒃᐴᒃ, ᓂᐅᖏᒃ ᓄᑮᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 6:24

ᐊᖓᔪᖅᑳᕐᔪᐊᑉ ᐱᖁᔨᓂᖓᓄᑦ, ᐊᖑᑎᑦ ᑖᓂᐊᓕᒥᒃ ᓱᓕᖏᑦᑐᒥᒃ ᐸᓯᒃᓯᕋᓱᓚᐅᕐᑐᑦ, ᕾᑎᑕᐅᕗᑦ ᐃᒋᑕᐅᓪᓗᑎᒃᓗ ᓛᔧᑦ ᓯᑎᖓᓄᑦ, ᓄᓕᐊᖏᑦ ᕿᑐᕐᖓᖏᓪᓗ ᐃᓚᒋᓪᓗᒋᑦ; ᓛᔭᒃᑯᕕᐅᑉ ᓇᑎᖓᓄᑦ ᓱᓕ ᑐᓚᐅᕐᑎᓐᓇᒋᑦ ᓛᔭᓂᑦ ᐊᑯᕐᑕᐅᓪᓗᑎᒃ ᓴᐅᓂᖏᑦ ᓯᖁᓪᓗᕐᑕᐅᕗᑦ.

ᒨᓯᓯ ᐱᖓᔪᖏᑦ 26:18

“ᑕᒪᒃᑯᐊ ᐊᑐᓚᐅᕐᑎᓪᓗᒋᑦ ᓱᓕ ᓈᓚᖏᒃᑯᑦᓯ, ᓱᒋᐊᒃᑲᓐᓂᕈᒫᕐᐸᑦᓯ 7ᐃᕐᑑᑎᓪᓗᐊᖏᓐᓂᑦ ᐱᐅᖏᓐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:21

“ᓱᓕ ᐅᕙᓐᓄᑦ ᓵᖓᓇᓱᐊᖏᒃᑯᑦᓯ ᓈᓚᒍᒪᖏᓪᓗᓯᓗ ᐅᕙᓐᓂᒃ, ᓱᒋᐊᕐᑕᐅᓂᓯ ᐊᖏᒡᓕᑎᒃᑲᓐᓂᕐᓂᐊᕐᐸᕋ 7ᐃᕐᑑᑎᓪᓗᐊᖏᓐᓂ, ᐱᐅᖏᑦᑐᓕᓂᓯ ᒪᓕᒡᓗᒍ.

ᒨᓯᓯ ᐱᖓᔪᖏᑦ 26:24

ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᓂᐊᕐᐸᑦᓯ, ᓱᒋᐊᕐᓂᐊᕐᐸᑦᓯᓗ ᐱᐅᖏᑦᑐᓕᓂᓯ ᐱᓪᓗᒍ ᓱᒋᐊᕐᑕᐅᓂᒃᓮᑦ ᐅᖃᐅᓯᕆᔭᒃᑲ 7ᐃᕐᑐᕐᓗᒋᑦ ᑲᑉᐱᐊᓇᕐᓂᕐᓴᓂᒃ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:33

ᑕᒪᓐᓇ ᑐᓴᕋᒥᑦᔪᒃ ᓂᓐᖓᕕᒡᔪᐊᕐᐳᑦ ᑐᖁᑦᓯᔪᒪᓕᕐᓗᑎᒃ ᑖᒃᑯᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 7:54

ᑲᑎᒪᔨᕐᔪᐊᑦ ᓯᑎᐹᓇᓯᒥᒃ ᓈᓚᒃᑐᑦ ᑕᒪᑐᒥᖓ ᑐᓴᕋᒥᒃ ᓂᓐᖓᒃᑐᐊᓘᕗᑦ, ᓂᓐᖓᐅᒪᓂᕐᒧᑦ ᑮᒻᒥᓕᕐᓗᑎᒃ ᑖᑦᓱᒧᖓ.