ᑖᓂᐊᓕᐅᑉ ᐊᒡᓚᖏᑦ 2:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᑕᑯᓐᓇᕐᑎᓪᓗᑎᑦ, ᐅᔭᕋᒃᔪᐊᖅ ᐲᕐᑕᐅᕗᖅ ᐃᓅᑉ ᐊᒡᒐᖏᓐᓅᖏᑦᑐᖅ, ᐃᑎᒐᖏᑦ ᓴᕕᕋᔧᑦ ᔭᕐᕋᐅᓪᓗᑎᒡᓗ, ᒥᓗᕐᑕᐅᕗᑦ ᓯᖁᒥᓪᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 2:34 ပူးပေါင်းရင်းမြစ်များ

ᐃᓐᖏᕈᑎᑦ 118:22

ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᒋᐊᕐᕕᐅᓕᕐᐳᖅ ᑐᓐᖓᕕᒋᔭᐅᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 60:12

ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕖᓪᓗ ᐃᓕᑦᓯᓐᓂᒃ ᐱᔨᑦᓯᕈᒪᖏᑦᑐᑦ ᐊᓯᕈᕈᒫᕐᐳᑦ; ᓄᓇᒥᓗ ᐃᓅᖃᑎᒌᒡᔪᐊᑦ ᑐᖁᖓᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:9

ᐃᓅᔪᓯ ᓴᔪᓕᕆᑦᓯ, ᓯᖁᒥᓪᓗᓯᓗ, ᑐᓴᓕᕆᑦᓯ ᑕᒪᑦᓯ, ᐅᖓᓯᒃᑐᒥ ᓄᓇᖃᕐᑐᓯ; ᐸᕐᓇᓕᕆᑦᓯ ᓯᖁᒥᓪᓗᓯᓗ; ᐸᕐᓇᓕᕆᑦᓯ ᓯᖁᒥᓪᓗᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 32:28

“ᑍᒫᒃᑕᐅᖅ ᐃᓕᑦᓯ ᑐᖁᕋᕐᑕᐅᔪᒫᕐᐳᓯ ᑭᐱᓯᒪᖏᑦᑐᓄᓪᓗ ᐃᓗᕕᕐᑕᐅᓯᒪᖃᑕᐅᓗᓯ, ᓴᕕᒡᔪᐊᒧᑦ ᑐᖁᑕᐅᓚᐅᕐᑐᕕᓂᕐᓄᑦ ᐃᓚᒋᔭᐅᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 47:5

ᐊᒻᒪ 560ᑲᓐᓂᕐᓂᒃ ᐆᒃᑐᕋᕐᒥᖕᒪᑦ, ᑰᖑᖕᒪᑦ ᐃᐸᕋᒃᓴᑐᐃᓐᓇᕈᓐᓁᓪᓕᕙᕋ, ᐃᑎᓗᐊᓕᕐᒪᑦ ᐳᐃᑦᔭᕐᓗᓂ ᑭᓯᐊᓂ ᐃᖏᕐᕋᕕᒃᓴᐅᓕᕐᐳᖅ, ᐱᓱᒡᕕᒃᓴᐅᔪᓐᓃᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 2:33

ᓂᐅᖏᒃ ᓴᕕᕋᔭᖕᒥᒃ ᓴᓇᓯᒪᓪᓗᑎᒃ, ᐃᑎᒐᖏᓪᓗ ᓴᕕᕋᔭᐅᓪᓗᑎ ᐃᓚᖓᓗ ᔭᕐᕋᐅᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᑖᓂᐊᓕᐅᑉ ᐊᒡᓚᖏᑦ 8:25

ᑖᓐᓇ ᐅᐃᕕᕐᕆᒃᓯᓂᕐᒥᒍᑦ ᐊᔪᕈᓐᓁᕈᒫᕐᐳᖅ, ᐃᒻᒥᓂᒡᓗ ᐊᔪᖏᑦᑐᕐᔪᐊᖑᓂᕋᓕᕐᓗᓂ. ᓵᓚᐅᓂᐊᕋᓱᒋᖏᑦᑐᑦ, ᐅᓄᕐᑐᑦ ᓯᖁᒥᑦᓱᒫᕐᐰᑦ, ᐊᑭᕋᕐᑐᕐᓗᓂᓗ ᐊᖓᔪᖅᑲᐅᔪᓄᑦ ᐊᖓᔪᖅᑳᕐᔪᐊᓄᓪᓗ. ᑭᓯᐊᓂᓕ ᓵᓚᐅᔪᒫᕆᕗᖅ, ᐃᓅᑉ ᐱᔪᓐᓇᕐᓂᖓᓅᖏᑦᑐᖅ.

ᓴᑲᕅᐊᐅᑉ ᐊᒡᓚᖏᑦ 12:3

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐅᔭᕋᓱᒡᔪᒃᑎᑐᑦ ᐅᖁᒤᑦᑑᑎᑦᓱᒫᕐᐸᕋ, ᑖᑦᓱᒥᖓ ᐊᐅᓚᑦᔧᓇᓱᐊᕐᑐᑦ ᐃᒻᒥᖕᓂᒃ ᐋᓐᓂᖃᑦᑕᕈᒫᕐᐳᑦ, ᐃᓅᖃᑎᒌᒡᔪᐊᑦ ᓇᑭᑐᐃᓐᓇᖅ ᐱᓯᒪᔪᑦ ᐊᑭᕋᕐᑐᕋᓱᒃᑲᓗᐊᕐᐸᑕ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.

ᔪᐊᓇᓯᐅᑉ ᐊᒡᓚᖏᑦ 1:13

ᑖᒃᑯᐊ ᐃᕐᓂᐊᖑᕗᑦ, ᐊᖑᒻᒥᑦ ᐱᓇᑎᒃ ᑎᒥᐅᓪᓘᓐᓃᑦ ᐱᔪᒪᔭᖓᓂᑦ, ᐃᓅᓪᓗ ᐱᔪᒪᔭᖓᓂᑦ ᐱᖕᒥᓇᑎᒃ, ᒎᑎᒥᓪᓕ ᐃᕐᓂᐊᖑᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:11

ᐅᔭᕋᒃ ᑖᓐᓇᐅᕗᖅ ᐃᓕᑦᓯ ᐃᒡᓗᓕᐅᕐᓗᓯ ᓇᕐᕈᒋᓚᐅᕐᑕᓯ, ᑖᓐᓇ ᑎᕆᖅᑯᕆᔭᐅᓕᕐᐳᖅ ᐊᑐᕆᐊᖃᕐᓂᕐᐹᖑᓪᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:1

ᖃᐅᔨᒪᒐᑦᑕ ᓄᓇᒥ ᑐᐱᕗᑦ ᓇᔪᕐᑕᕗᑦ ᐊᓯᕈᕐᐸᑦ, ᐃᒡᓗᒃᓴᖃᕋᑦᑕ ᒎᑎᒥᑦ ᐱᔪᒥᒃ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ, ᕿᓚᖕᒥ ᐃᒡᓗᒋᔪᒫᕐᑕᑦᑎᓐᓂᒃ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.

ᐲᑦᑐᕉᓯ ᓯᕗᓪᓖᑦ 2:7

ᐃᓕᑦᓯᓐᓄᓪᓕ ᐅᒃᐱᕐᑐᓄᑦ, ᐅᔭᕋᒃ ᑖᓐᓇ ᐅᐱᒋᔭᐅᕗᖅ. ᐅᒃᐱᕈᒪᓐᖏᑦᑐᓄᓪᓕ, “ᐅᔭᕋᒃ ᐃᒡᓗᓕᐅᕐᑐᓄᑦ ᓇᕐᕈᒋᔭᐅᔪᖅ, ᑐᓐᖓᕕᓪᓚᕆᐅᓪᓗᓂ ᑎᕆᖅᑯᕆᔭᐅᓂᖓ ᐊᑑᑎᖃᕐᓂᕐᐹᖑᓕᕐᐳᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”