ᑖᓂᐊᓕᐅᑉ ᐊᒡᓚᖏᑦ 11:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑖᑦᓱᒪ ᑎᒍᔪᒫᕐᐰᑦ ᒎᑎᓐᖑᐊᖏᑦ, ᐃᓄᓐᖑᐊᑦ ᓴᕕᕋᔧᑦ ᐱᖁᑎᖏᓪᓗ ᐊᑭᑐᔪᑦ ᓯᐅᓪᕕᕇᑦ, ᒎᓗᐃᓪᓗ ᐊᐅᓪᓚᕈᑎᓗᒋᑦ ᐄᑦᔨᑉᑎᒧᑦ, ᐊᕐᕌᒍᓂᒡᓗ ᐅᓄᕐᑐᓂᒃ ᐊᖓᔪᖅᑳᕐᔪᐊᖅ ᐅᓐᓄᐊᑉ ᓇᓛᓃᑦᑐᖅ ᑲᒪᒋᓐᖏᑬᓐᓇᕈᒫᕐᐹ.

ᑖᓂᐊᓕᐅᑉ ᐊᒡᓚᖏᑦ 11:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:30

ᐊᐅᓪᓚᓚᐅᕋᕕᓪᓕ ᐊᖏᕐᕋᕐᓯᕐᓂᕐᒧᑦ ᐊᑖᑕᕕᑦ ᓄᓇᖓᓄᑦ, ᓱᖕᒪᓪᓕ ᐃᒡᓗᑦᑎᓐᓂ ᒎᑎᓐᖑᐊᖁᑎᒃᑲ ᑎᒡᓕᒐᕆᓚᐅᕐᐱᒌᑦ?”

ᓴᒧᐃᓕ ᐂᑉᐸᖏᑦ 5:21

ᐱᓕᔅᑍᓂᒥᐅᓪᓗ ᕿᒫᓚᐅᕐᐳᑦ ᒎᑎᓐᖑᐊᑎᒃ ᑕᕝᕗᖓ ᕿᒪᒡᓗᒋᑦ, ᑍᕕᑎᐅᓪᓗ ᐃᓄᖁᑎᖏᑕᓗ ᑖᒃᑯᐊ ᐊᐅᓪᓚᕈᑎᓚᕐᐰᑦ.

ᒨᓯᓯ ᐂᑉᐸᖏᑦ 12:12

“ᑕᕝᕙᓂ ᐅᓐᓄᒥ ᐄᑦᔨᑉᑎᐅᑉ ᓄᓇᖓᒍᑦ ᐃᖏᕐᕋᓂᐊᕋᒪ, ᐄᑦᔨᑉᑎᒥᓗ ᐃᕐᓂᐊᖑᖅᑳᕐᓯᒪᔪᓕᒫᑦ ᑐᖁᓐᓂᐊᕐᐸᒃᑲ, ᐃᓄᖕᓂᓗ ᐆᒪᔪᓂᓗ; ᐄᑦᔨᑉᑎᒥᐅᓪᓗ ᒎᑎᓐᖑᐊᓕᒫᖏᑦ ᓱᒋᐊᕐᓂᐊᕐᐸᒃᑲ ᑐᑭᓯᖁᓪᓗᒋᑦ, ᐅᕙᖓ ᐊᑕᓂᐅᒐᒪ.

ᐂᓮᐊᓯᐅᑉ ᐊᒡᓚᖏᑦ 2:16

ᐊᑭᕋᕐᑐᕐᓗᓂᓗ ᑖᕐᓯᓯᐅᑉ ᐅᒥᐊᕐᔪᐊᖁᑎᖏᓐᓂᒃ ᑕᒤᓐᓂᒃ, ᐅᒥᐊᓂᒡᓗ ᑕᑯᒥᓇᕐᑐᓂᒃ ᑕᒤᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 37:19

ᒎᑎᓐᖑᐊᖏᓐᓂᒡᓗ ᐃᑯᐊᓪᓔᕙᒡᓗᑎᒃ; ᑕᒪᒃᑯᐊ ᒎᑎᓪᓚᕆᐅᖏᒻᒪᑕ, ᐃᓅᑉ ᐊᒡᒐᖏᓐᓄᑦ ᓴᓇᔭᐅᓯᒪᓪᓗᑎᒃ ᕿᔪᒥᒃ ᐅᔭᕋᖕᓂᒡᓗ; ᑍᒤᒻᒪᑦ ᓯᖁᒥᑕᐅᓚᐅᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 46:25

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᑕᑯᒋᑦ ᑎᑭᑎᑦᓯᓕᕐᐳᖓ ᑎᐱᓯᒃᑯᑦ ᒎᑎᖓᑦᑕ ᐋᒪᓐᓇᐅᑉ ᓱᒋᐊᕐᑕᐅᑦᔪᑎᒃᓴᖓᓂᒃ, ᐰᕉᓪᓗ ᐄᑦᔨᑉᑎᒥᐅᓪᓗ ᒎᑎᓐᖑᐊᖏᑕ ᐊᖓᔪᖅᑳᕐᔪᐊᖏᑕᓗ ᓱᒋᐊᕐᑕᐅᑦᔪᑎᒃᓴᖏᓐᓂᒃ, ᑍᒃᑯᓄᖓᓗ ᐰᕉᒥᒃ ᑕᑎᖃᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 10:3

ᓂᕿᑦᓯᐊᕙᖕᓂᒃ ᓂᕆᓚᐅᓐᖏᓚᖓ; ᓂᕿᒥᒡᓘᓐᓃᑦ ᕔᓂᒥᒡᓘᓐᓃᑦ ᖃᓂᓐᓄᑦ ᐊᒃᑐᕐᓯᓚᐅᓐᖏᓚᖓ, ᐅᕙᓐᓂᒡᓗ ᐅᕐᓱᕐᑎᓚᐅᓐᖏᓚᖓ ᐱᓇᓱᐊᕈᓰᑦ ᐱᖓᓱᑦ ᐊᓂᒍᕐᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 11:9

ᐊᖓᔪᖅᑳᕐᔪᐊᖅ ᐅᓐᓄᐊᑉ ᓇᓛᓂᑦ ᐱᔪᖅ, ᐅᓇᑕᕆᐊᕈᒫᕐᐳᖅ ᐊᖓᔪᖅᑳᕐᔪᐊᒧᑦ ᓯᕿᓂᐅᑉ ᓇᓛᓂᑦᑐᒧᑦ, ᐅᑎᕈᒫᕆᕗᕐᓕ ᓄᓇᒥᓄᑦ.

ᕼᐆᓯᐊᑉ ᐊᒡᓚᖏᑦ 13:15

ᐱᕈᕐᑐᑦ ᐊᑯᕐᖓᓐᓂ ᐱᕈᕐᑐᖃᑦᓯᐊᕋᓗᐊᕐᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᕐᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᕐᑕᕐᕕᖏᓪᓗ ᐳᐊᓚᕖᑦ ᐸᓂᕐᓂᐊᕐᐳᑦ, ᑰᒐᓛᖏᓪᓗ ᐸᓂᕐᓂᐊᕐᐳᑦ; ᓯᕐᓗᐊᖏᓐᓃᑦᑐᓪᓗ ᐱᔪᒥᓇᕐᑐᖁᑎᓕᒫᖏᑦ ᐊᓯᕈᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 8:6

ᐃᓴᕆᐊᓕᒥ: ᓴᓇᔩᑦ ᓴᓇᓯᒪᔭᖓ, ᒎᑎᐅᓐᖏᓚᖅ; ᓴᒥᐊᕆᐊᒥ ᓄᕐᕋᐅᔮᕐᑐᓐᖑᐊᖅ ᓯᖁᒥᑕᐅᔪᒫᕐᐳᖅ.

ᒨᓯᓯ ᓯᑕᒪᖏᑦ 33:4

ᑍᑦᓱᒪᓂ ᐄᑦᔨᑉᑎᒥᐅᑦ ᐃᕐᓂᕐᒥᖕᓂᒃ ᐊᖓᔪᒃᓯᕐᐹᖁᑎᒥᖕᓂᒃ ᐃᓗᕕᕐᓯᓇᓱᐊᓚᐅᕐᒪᑕ, ᐊᑕᓂᐅᑉ ᑐᖁᑎᓚᐅᕐᑕᖏᓐᓂᒃ. ᐊᑕᓂᐅᓪᓗ ᒎᑎᓐᖑᐊᖏᑦ ᐃᖅᑲᕐᑐᓚᐅᕐᒪᒋᑦ.

ᒨᓯᓯ ᑕᓪᓕᒪᖏᑦ 12:3

ᑐᓂᕐᕈᓯᕐᕕᖁᑎᖏᑦ ᐅᕐᕉᕋᕐᑎᑕᒃᓴᕆᕙᓯ, ᐅᔭᕅᓪᓗ ᓇᐸᔪᖁᑎᖏᑦ ᑐᒃᓯᐊᕐᕖᑦ ᓯᖁᑦᑎᕐᓗᒋᑦ. ᒎᑎᓐᖑᐊᖏᓪᓗ ᐊᓯᕋᒥᒃ ᐊᑎᓖᑦ ᐃᑯᒪᒧᑦ ᐃᑯᐊᓪᓚᒡᓗᒋᑦ; ᒎᑎᓐᖑᐊᖏᓪᓗ ᓴᓇᓯᒪᔪᑦ ᑲᓱᐊᕐᓗᒋᑦ ᓄᖑᓪᓗᒋᑦ, ᐊᑎᖏᓪᓗ ᑕᕝᕙᓃᑦᑐᑦ ᓄᓇᒥ ᓯᖁᑦᑎᕐᓗᒋᑦ ᓄᖑᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 18:24

ᒤᑲᐅᑉ ᑭᐅᕔᑦ, “ᒎᑎᓐᖑᐊᒃᑲ ᑎᒍᒐᑦᓯᐅᒃ ᓴᓇᓚᐅᕐᑕᒃᑲ, ᑐᓂᕐᕈᓯᕐᑎᑦᓯᔨᒐᓗ ᐊᐅᓪᓚᕈᑎᓪᓗᒋᑦ ᓱᓇᒥᒡᓕ ᐊᒥᐊᒃᑯᕕᓯᓐᖔ ᖃᓄᐃᒻᒪᑦ ᑍᒤᓕᐅᕐᐱᓰ?”