ᑖᓂᐊᓕᐅᑉ ᐊᒡᓚᖏᑦ 11:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᑐᖁᑕᐅᔭᕌᖓᑕ, ᐃᑲᔪᕐᑎᒃᓴᖃᕈᒫᓐᖏᓚᑦ, ᐅᓄᕐᑐᐊᓗᐃᑦ ᓱᓕᓪᓚᕆᖏᑦᑐᑦ ᐅᐃᕕᕐᕆᔭᐅᓂᕐᒧᑦ ᓵᓚᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 11:34 ပူးပေါင်းရင်းမြစ်များ

ᑖᓂᐊᓕᐅᑉ ᐊᒡᓚᖏᑦ 11:21

“ᑭᖑᕝᕕᕐᑕᐅᔪᒫᕐᐳᖅ ᐱᐅᖏᑦᑐᐊᓗᖕᒧᑦ, ᐊᖓᔪᖅᑳᕐᔪᐊᑎᑐᑦ ᐅᐱᒋᔭᐅᖏᑦᑐᒧᑦ, ᐊᖓᔪᖅᑲᐅᕕᒃ ᐅᓇᑕᕆᐊᕈᒫᕐᐹ, ᐃᓄᖏᑦ ᓵᓚᐅᓂᐊᕐᓂᕐᒥᒃ ᐃᓱᒪᖏᑦᓯᐊᕐᑎᓪᓗᒋᑦ, ᐅᐃᕕᕐᕆᒃᓯᓂᕐᒥᓄᑦ ᐊᖓᔪᖅᑲᐅᕕᒃ ᑎᒍᔪᒫᕐᐹ.

ᑖᓂᐊᓕᐅᑉ ᐊᒡᓚᖏᑦ 11:32

ᓯᓔᕐᕆᒃᓯᓂᕐᒥᒍᑦ ᓱᕈᕐᑎᑦᓯᔪᒫᕐᐳᖅ ᒎᑎᐅᑉ ᐊᖏᖃᑎᒌᒍᑎᖓᓂᒃ ᓈᓚᖏᑦᑐᓂᒃ, ᒎᑎᒥᒡᓕ ᖃᐅᔨᒪᔪᑦ ᑲᔪᓯᓪᓚᕆᒃᑐᒥᒃ ᐊᑭᕋᕐᑐᕈᒫᕐᐳᑦ ᑖᑦᓱᒥᖓ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᑎᒧᑎᒧᑦ ᐂᑉᐸᖏᑦ 4:3

ᓇᓪᓕᐅᑎᔪᒫᕐᒪᑦ ᓇᓛᒎᕐᑑᑉ ᐊᔪᕆᕐᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᕐᑐᐃᔪᒃᓴᕐᓯᐅᓕᕈᒫᕐᐳᑦ ᑐᓴᕐᓂᕆᔭᒥᖕᓂᒃ ᐊᔪᕆᕐᑐᐃᔪᓐᓇᕐᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᕐᑐᐃᔪᓐᓇᕐᑐᓂᒃ,

ᑍᑑᓯᒧᑦ 1:11

ᐅᖃᓪᓚᖃᑦᑕᕐᓂᖏᑦ ᓄᖅᑲᕐᑎᑕᐅᔭᕆᐊᖃᕐᐳᑦ, ᐃᒡᓗᒥᐅᖃᑎᒌᓂᒃ ᐃᓚᒌᑦᓯᐊᕈᓐᓃᕐᑎᑦᓯᖕᒪᑕ ᐊᔪᕆᕐᑐᐃᓂᕐᒥᖕᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᔪᕆᕐᑐᐃᑦᔪᑎᒃᓴᐅᖏᑦᑐᓂᒃ ᐱᓇᓱᐊᕐᓗᑎᒃ.

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.

ᔪᐊᓇᓯ ᓯᕗᓪᓖᑦ 4:5

ᑖᒃᑯᐊ ᓯᓚᕐᔪᐊᕐᒥᐅᑕᐅᕗᑦ, ᑍᒤᒻᒪᑦ ᓯᓚᕐᔪᐊᑉ ᐱᖏᓐᓂᒃ ᐅᖃᖃᑦᑕᕐᐳᑦ, ᓯᓚᕐᔪᐊᕐᒥᐅᓪᓗ ᓈᓚᒃᐰᑦ.

ᔪᐊᓇᓯᐅᑉ ᐂᑉᐸᖏᑦ 1:7

ᐊᒥᓱᑦ ᑕᒻᒪᕐᑎᑦᓯᔪᑦ ᓯᓚᕐᔪᐊᕐᒧᑦ ᑎᑭᓯᒪᖕᒪᑕ, ᑖᒃᑯᐊ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᐅᖃᐅᓯᖃᖃᑦᑕᓐᖏᑦᑐᑦ; ᑖᒃᑯᐊ ᑕᒻᒪᕐᓮᔨᐅᕗᑦ ᙭ᔅᑑᓯᒥᒡᓗ ᐊᑭᕋᕐᑐᕐᐳᑦ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:13

ᑐᕌᒎᓂ ᖃᐅᔨᓕᕋᒥ ᐃᒋᑕᐅᓯᒪᓂᕐᒥᓂᒃ ᓄᓇᕐᔪᐊᕐᒧᑦ, ᐊᕐᓇᖅ ᕿᓂᓕᕐᐹ ᑖᓐᓇ ᐃᕐᓂᕐᑖᓚᐅᕐᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:20

ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ.