ᑖᓂᐊᓕᐅᑉ ᐊᒡᓚᖏᑦ 11:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᖓᔪᖅᑳᕐᔪᐊᑉ ᓂᕿᒃᓴᖏᓐᓂᒃ ᓂᕆᖃᑕᐅᕙᒃᑐᓂᑦ, ᑐᖁᑕᐅᔪᒫᕐᒪᑦ; ᐅᓇᑕᕐᑐᒃᓴᖁᑎᖏᓪᓗ ᐊᖑᐊᕐᑕᐅᔪᑎᑐᑦ ᓵᓚᐅᔪᒫᕐᐳᑦ, ᐅᓄᕐᑐᑦ ᑐᖁᑕᐅᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 11:26 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 8:14

ᑕᕝᕙ ᕼᐊᓯᐊᓕ ᐃᓔᓴ ᕿᒪᒡᓗᒍ ᐊᖓᔪᖅᑳᒥᓄᑦ ᐅᑎᕐᐳᖅ ᐱᓐ-ᕼᐊᑖᑦ ᐊᐱᕆᖕᒪᒍ, “ᖃᓄᖅ ᐃᓔᓴᒧᑦ ᐅᖃᐅᑎᔭᐅᕕᑦ?” ᕼᐊᓯᐊᓪ ᑭᐅᕗᖅ, “ᖃᓄᐃᑦᑐᓐᓃᕐᓂᐊᕐᑐᑎᒡᒎᖅ.”

ᐃᓐᖏᕈᑎᑦ 41:9

ᐱᖃᓐᓇᕆᔭᒪᓘᓐᓃᑦ ᖃᐅᔨᒪᑦᓯᐊᕐᑕᒪ ᓱᓕᔪᕆᑦᓯᐊᕐᑕᒪᓗ, ᓂᕆᖃᑎᒋᕙᒃᑕᒪ ᑭᖕᒥᖕᒥᓄᑦ ᐅᓗᕆᐊᕐᓵᕐᐹᖓ.

ᑖᓂᐊᓕᐅᑉ ᐊᒡᓚᖏᑦ 11:10

“ᑖᑦᓱᒪᓕ ᐃᕐᓂᖏᑦ ᐸᕐᓇᓕᕈᒫᕆᕗᑦ ᐅᓇᑕᕐᑐᒃᓴᓂᒡᓗ ᐅᓄᕐᑐᕐᔪᐊᓂᒃ ᑲᑎᑦᓯᓗᑎᒃ, ᐃᖏᕐᕋᔪᒫᕐᐳᑦ ᐃᒪᕐᑐᑦ ᐊᑭᕋᕐᑐᕐᑕᐅᔪᓐᓇᖏᓪᓗᓂ ᐅᓕᒃᓯᕙᓪᓕᐊᔪᑎᑐᑦ, ᐅᓇᑕᕈᒫᕐᐳᓪᓗ ᓄᓇᓕᒃᔪᐊᖏᑦ ᑎᑭᐅᒪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 11:22

ᐅᓇᑕᕐᑐᒃᓴᒐᓴᒡᔪᐊᑦ ᓴᓂᕐᑕᐅᔪᑎᑐᑦ ᓵᓚᒋᔪᒫᕐᐰᑦ; ᐊᖓᔪᖅᑳᕐᔪᐊᒃᓴᕐᓗ ᐊᖏᖃᑎᒌᒍᑕᐅᓯᒪᔪᖅ ᑐᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᒫᑎᐅᓯᐅᑉ ᐊᒡᓚᖏᑦ 26:23

ᔩᓱᓯᐅᑉ ᑭᐅᕔᑦ, “ᓂᐊᖂᔭᒥᒃ ᐴᒍᑕᕐᒧᑦ ᒥᓱᒃᓯᖃᑎᒋᔭᒪ, ᑖᑦᓱᒪ ᐱᔭᐅᒃᑎᓐᓂᐊᕐᐹᖓ.

ᒫᑯᓯᐅᑉ ᐊᒡᓚᖏᑦ 14:20

ᔩᓱᓯᐅᑉ ᐅᖃᐅᑎᕔᑦ, “ᐃᓚᑦᓯᓐᓂᑦ 12ᓂᑦ, ᓂᐊᖂᔭᕐᑐᕐᑕᒥᓂᒃ ᑖᓐᓇ ᒥᓱᒃᓯᖃᑎᒋᔭᕋ ᑖᓐᓇᐅᓂᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 13:18

“ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᕐᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᒪᑕ ᐅᖃᕐᑐᑦ: ‘ᓂᕆᖃᑎᒋᔭᒪ ᐊᑭᕋᕐᑐᓕᕐᐹᖓ.’