ᑖᓂᐊᓕᐅᑉ ᐊᒡᓚᖏᑦ 1:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 1:17 ပူးပေါင်းရင်းမြစ်များ

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᔫᐱᐅᑉ ᐊᒡᓚᖏᑦ 32:8

ᒎᑎᐅᓪᓕ ᐊᔪᒐᖃᖏᑦᑑᑉ ᐊᓂᕐᓂᖓᑕ ᐃᓄᖕᒦᑦᑑᑉ, ᓇᔫᑎᓂᖓᓄᑦ ᐃᓄᒃ ᑐᑭᓯᔪᓐᓇᕐᑎᑕᐅᔪᓐᓇᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᑯᓘᓯᐊᒥᐅᓄᑦ 1:9

ᑍᒤᒻᒪᑦ ᐅᓪᓗᒥᑦ ᑍᑦᓱᒪᓂ ᑐᓴᓚᐅᕐᓂᑦᑎᓂᑦ, ᑐᒃᓯᐅᑦᔩᓐᓇᕐᐳᒍᑦ ᐃᓕᑦᓯᓐᓂᒃ, ᖃᐅᔨᑎᑕᐅᖁᓪᓗᓯ ᑖᑦᓱᒪ ᐱᔪᒪᔭᖓᓂᒃ ᑕᒤᓐᓂᒡᓗ ᐊᓂᕐᓂᒃᑯᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 6:10

ᓯᑎᐹᓇᓯ ᓯᓚᑐᓂᖃᕐᑎᑕᐅᓂᖓᓄᑦ ᐊᓂᕐᓂᕐᒧᑦ ᐅᖃᐅᑎᒋᔭᖏᑦ ᑭᐅᒪᔪᓐᓇᓚᐅᓐᖏᓛᑦ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 7:22

ᒨᓯᓯ ᐃᓕᓐᓂᐊᕐᑎᑕᐅᓚᐅᕐᐳᖅ ᐄᑦᔨᑉᑎᒥᐅᑦ ᐃᓕᓯᒪᓂᓕᒫᖏᓐᓂᒃ ᐱᔪᓐᓇᑦᓯᐊᓕᕐᓗᓂ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ.

ᑖᓂᐊᓕᐅᑉ ᐊᒡᓚᖏᑦ 10:1

ᐊᖓᔪᖅᑳᕐᔪᐊᑉ ᓮᕋᓯᐅᑉ, ᐴᕐᓯᐊᒥᐅᑕᐅᑉ, ᐊᖓᔪᖅᑲᐅᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᑖᓂᐊᓕ ᓇᓗᓁᕐᓯᕕᐅᓚᐅᕐᐳᖅ, ᑖᓐᓇ ᐊᑎᖃᕐᑎᑕᐅᔪᖅ ᐱᐊᓪᓴᔮᕆᒥᒃ. ᐅᖃᐅᓯᖅ ᑕᒪᓐᓇ ᓱᓕᑦᓯᐊᕐᐳᖅ ᐱᑦᔪᑎᖃᕐᓗᓂᓗ ᐅᓇᑕᕐᔪᐊᕐᓂᕐᒥᒃ: ᐅᖃᐅᑦᔭᐅᓂᐅᑉ ᑐᑭᓯᓇᕐᓂᖓ ᓴᖅᑭᓚᐅᕐᐳᖅ ᑕᑯᑎᑕᐅᓂᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 28:3

ᓯᓚᑐᓂᕐᓴᐅᒐᓗᐊᕐᐳᑎᑦ ᑖᓂᐊᓕᒥᑦ; ᐃᓕᖕᓄᑦ ᓇᓗᓇᕐᑐᖃᖏᒻᒪᑦ;

ᑯᕉᓂᑲ ᐂᑉᐸᖏᑦ 26:5

ᒎᑎᒥᒃ ᑕᑎᖃᓚᐅᕐᐳᖅ ᓴᑲᕅᐊ ᐃᓅᑎᓪᓗᒍ, ᑖᑦᓱᒪ ᐃᓱᒻᒥᕐᑐᖃᑦᑕᓚᐅᕐᒪᒍ ᒎᑎᒥᒃ ᓯᕘᕋᒋᔭᖃᖁᓪᓗᒍ; ᐊᑕᓂᕐᒥᒃ ᑕᑎᖃᕐᓂᓕᒫᖓᓂ, ᒎᑎᐅᑉ ᐱᕙᓪᓕᐊᑎᑦᓯᐊᓚᐅᕐᐹ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᑖᓂᐊᓕᐅᑉ ᐊᒡᓚᖏᑦ 7:1

ᐊᕐᕌᒍᑦ ᓯᕗᓪᓕᕐᐹᖓᓐᓂᒃ ᐱᐅᓪᓴᔭᐅᑉ ᐹᐱᓘᓂᒥ ᐊᖓᔪᖅᑳᕐᔪᐊᖑᓂᖓᓂ, ᑖᓂᐊᓕ ᓯᓐᓇᒃᑐᓚᐅᕐᐳᖅ ᑕᑯᑎᑕᐅᓪᓗᓂᓗ ᐃᒡᓕᕐᒥᓂ ᓇᓚᑎᓪᓗᒍ. ᐃᒫᒃ ᓯᓐᓇᒃᑐᕐᒥᓂᒃ ᑎᑎᕋᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:19

ᐅᓐᓄᐊᖑᑎᓪᓗᒍ ᓇᓗᓇᕐᑐᖅ ᑕᒪᓐᓇ ᓇᓗᓇᕈᓐᓃᕐᑎᑕᐅᕗᖅ ᑖᓂᐊᓕᒧᑦ ᑕᑯᑎᑕᐅᓂᒃᑯᑦ. ᑖᓂᐊᓕᐅᓪᓗ ᒎᑎ ᕿᓚᖕᒦᑦᑐᖅ ᓂᕐᑐᕐᐹ:

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᐂᓮᐊᓯᐅᑉ ᐊᒡᓚᖏᑦ 28:26

ᑕᕝᕙ ᑖᑦᓱᒪ ᐊᔪᕆᕐᑐᕐᓯᒪᕚ ᓱᓕᔪᒥᒃ ᐱᓇᓱᐊᖁᓪᓗᒍ; ᒎᑎᐅᑉ ᐊᔪᕆᕐᑐᕐᓯᒪᖕᒪᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᑯᕉᓂᑲ ᐂᑉᐸᖏᑦ 1:10

ᒫᓐᓇᓕ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᑐᓂᓯᕕᒋᓚᐅᓐᖓ ᐃᓄᐃᑦ ᓵᖓᓄᐊᖃᑦᑕᖁᓪᓗᖓ, ᑭᐊᓕ ᐊᐅᓚᑦᓯᐊᕈᓐᓇᕐᐰᑦ ᐃᓄᖁᑎᑎᑦ, ᐃᓄᒋᐊᒃᑐᕐᔪᐊᖑᖕᒪᑕ?”

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 8:1

ᐊᖓᔪᖅᑳᕐᔪᐊᑉ ᐱᐅᓪᓴᔮᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᐅᕙᖓ ᑖᓂᐊᓕ, ᑕᑯᑎᑕᐅᓚᐅᕐᐳᖓ, ᑍᑦᓱᒪ ᑕᑯᑎᑕᐅᓂᕐᒪ ᓯᕗᓪᓕᐅᑉ ᑭᖑᓂᖓᒍᑦ.

ᑖᓂᐊᓕᐅᑉ ᐊᒡᓚᖏᑦ 5:14

ᑐᓴᓚᐅᕋᒪ ᒎᑎᑦ ᐊᓂᕐᓂᖏᑕᒎᖅ ᐃᓚᒋᖕᒪᑎᑦ, ᖃᐅᔨᔪᓐᓇᕋᕕᒡᒎᖅ ᐃᓱᒪᑖᕈᓇᕐᓗᑎᓪᓗ ᑐᑭᓯᔪᓐᓇᕐᓗᑎᓪᓗ ᓯᓚᑐᓂᒃᑯᑦ.

ᑯᕉᓂᑲ ᐂᑉᐸᖏᑦ 1:12

ᓯᓚᑐᓂᖅ ᖃᐅᔨᒪᓂᕐᓗ ᐃᓕᖕᓄᑦ ᑐᓂᔭᐅᕗᑦ. ᐊᒃᓗᐃᓐᓂᕐᒥᒃ ᐱᖁᑎᖃᕐᓂᕐᒥᒡᓗ ᐅᐱᒋᔭᐅᓂᕐᒥᒡᓗ ᑐᓂᓯᕕᒋᒋᕙᒋᑦ, ᐊᖓᔪᖅᑳᕐᔪᐊᓄᑦ ᓯᕗᓪᓕᕐᓄᑦ ᑐᓂᔭᐅᓚᐅᕐᓯᒪᖏᑦᑐᒥᒃ, ᑭᖑᓂᕐᓂᓗ ᑍᒤᓪᓗᐊᕐᑐᒥᒃ ᑐᓂᔭᐅᔪᖃᓚᐅᕐᓯᒪᓂᐊᓐᖏᓚᖅ.”

ᑖᓂᐊᓕᐅᑉ ᐊᒡᓚᖏᑦ 1:4

ᐊᖑᑎᓂᒃ ᐃᓅᓱᒃᑐᓂᒃ ᐃᓗᓯᕐᓗᖃᖏᑦᑐᓂᒃ, ᐃᓂᖁᓇᕐᑑᓗᑎᒃ, ᓯᓚᑐᔪᓂᒃ ᐃᓕᑦᓯᓴᕅᑦᑑᓗᑎᒃ, ᖃᐅᔨᒪᑦᓯᐊᕐᓗᑎᒃ ᓱᓇᓕᒫᓂᒃ, ᑐᑭᓯᓴᕅᑦᑑᓗᑎᒡᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐱᓇᓱᐊᕈᓐᓇᕐᓗᑎᒃ. ᐃᓕᓐᓂᐊᕐᑎᑕᐅᖁᓪᓗᒋ ᐹᐱᓘᓂᒥᐅᑦ ᐅᖃᐅᓯᖏᓐᓂᒃ ᐱᐅᓯᖏᓐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 1:18

ᐅᓪᓗᐃᓪᓕ ᐃᓕᓐᓂᐊᕐᑎᑕᐅᕖᑦ ᐃᓱᓕᒻᒪᑕ ᐊᖓᔪᖅᑳᕐᔪᐊᑉ ᐱᖁᓯᒪᔭᖏᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᐋᑉᐰᑦ ᓂᐱᑯᓁᓴᒧᑦ.

ᑖᓂᐊᓕᐅᑉ ᐊᒡᓚᖏᑦ 1:20

ᓯᓚᑐᓂᕐᓂᒃ ᑐᑭᓯᐅᒪᓂᕐᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᕐᓱᓪᓗᐊᕐᓗᑎᒃ ᖃᐅᔨᒪᓂᕐᓴᐅᓚᐅᕐᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᕐᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ.

ᑖᓂᐊᓕᐅᑉ ᐊᒡᓚᖏᑦ 2:30

ᐅᕙᓐᓄᓪᓕ, ᓇᓗᓇᕐᑐᖅ ᓇᓗᓁᕐᑕᐅᓚᐅᕐᐳᖅ, ᐃᓄᖕᓂᑦ ᐃᓅᔪᓂᑦ ᓯᓚᑐᓂᕐᓴᐅᓂᓐᓅᖏᑦᑐᖅ, ᐃᕝᕕᓪᓕ ᐊᖓᔪᖅᑳᕐᔪᐊᖅ ᑐᑭᖓᓂᒃ ᖃᐅᔨᖁᓪᓗᑎᑦ ᑐᑭᓯᖁᓪᓗᑎᓪᓗ ᐃᓱᒪᒃᑯᑦ ᑕᑯᓚᐅᕐᑕᑎᑦ ᓱᓇᐅᖕᒪᖔᑕ.

ᑖᓂᐊᓕᐅᑉ ᐊᒡᓚᖏᑦ 4:6

ᐱᖁᔨᓚᐅᕐᐳᖓᓗ ᓯᓚᑐᔪᓕᒫᑦ ᐹᐱᓘᓂᒦᑦᑐᑦ ᓵᓐᓄᑦ ᕾᑎᑕᐅᖁᓪᓗᒋᑦ ᓯᓐᓇᒃᑐᒪ ᑐᑭᖓᓂᒃ ᐅᖃᐅᑎᔭᐅᔪᒪᓪᓗᖓ.