ᑯᓘᓯᐊᒥᐅᓄᑦ 3:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓂᐅᕕᕐᑕᐅᓪᓗᓯ ᐱᔨᑖᕆᔭᐅᓯᒪᔪᓯ, ᐊᖓᔪᖅᑳᓯ ᓄᓇᒦᑦᑐᑦ ᓈᓚᒃᓯᒋᒃ ᓱᓇᓕᒫᓄᑦ, ᑕᑯᓐᓇᕐᑎᓪᓗᒋᑦ ᑭᓯᐊᓂᐅᖏᑦᑐᖅ, ᐱᐅᒋᔭᐅᔪᒪᓂᑐᐃᓐᓇᕐᒨᖏᑦᑐᕐᓗ, ᓱᓕᑦᓯᐊᕐᑐᒥᒡᓕ ᐆᒻᒪᑎᑦᓯᓐᓂᑦ ᐱᔪᒧᑦ, ᐊᑕᓂᖅ ᓯᕘᕋᒋᓗᒍ.

ᑯᓘᓯᐊᒥᐅᓄᑦ 3:22 ပူးပေါင်းရင်းမြစ်များ

ᒐᓔᑎᐊᒥᐅᓄᑦ 1:10

ᑍᒤᓕᐅᕐᐳᖔ ᐃᓄᖕᓄᑦ ᓈᒻᒪᒋᔭᐅᓇᓱᐊᕐᑐᑎᑐᑦ ᒎᑎᒧᓪᓘᓐᓃᑦ ᓈᒻᒪᒋᔭᐅᓇᓱᐊᕐᑐᑎᑐᑦ? ᐃᓄᖕᓂᒡᓘᓐᓃᑦ ᖁᕕᐊᓱᒃᑎᑦᓯᓇᓱᐊᕐᐳᖔ? ᓱᓕ ᐃᓄᖕᓂᒃ ᖁᕕᐊᓱᒃᑎᑦᓯᓇᓱᐊᕋᔭᕈᒪ, ᙭ᔅᑑᓯᒧᑦ ᐱᔨᒋᔭᐅᒐᔭᓐᖏᓚᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:4

ᒎᑎᐅᓪᓕ ᐅᖃᕐᑕᐅᖁᔭᖏᓐᓂᒃ ᐅᖃᐅᓯᖃᖃᑦᑕᓚᐅᕐᐳᒍᑦ ᑖᑦᓱᒪ ᖃᐅᔨᓴᖅᑳᓚᐅᕐᒫᑎᒍᑦ, ᐱᑦᓯᐊᕈᓐᓇᕐᓂᑦᑎᓐᓄᓪᓗ ᑭᓯᐊᓂ ᑎᓕᓚᐅᕐᒪᑎᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᑕ, ᐃᓄᖕᓄᑦ ᖁᕕᐊᒋᔭᐅᓇᓱᐊᕐᓗᑕ ᐱᓚᐅᓐᖏᓚᒍᑦ, ᒎᑎᒧᓪᓕ ᖁᕕᐊᒋᔭᐅᓇᓱᐊᓚᐅᕐᐳᒍᑦ, ᑖᓐᓇ ᐱᓂᐊᕐᓂᑦᑎᓐᓂᒃ ᖃᐅᔨᓴᕐᒪᑦ.

ᑯᓘᓯᐊᒥᐅᓄᑦ 3:20

ᕿᑐᕐᖓᐅᔪᓯ, ᐊᖓᔪᖅᑳᓯ ᓱᓇᓕᒫᓄᑦ ᓈᓚᒃᓯᒋᒃ, ᑕᒪᓐᓇ ᐊᑕᓂᐅᑉ ᐊᑲᐅᒋᖕᒪᒍ.

ᓘᑲᓯᐅᑉ ᐊᒡᓚᖏᑦ 6:46

“ᖃᓄᐃᒻᒪᑦ ᐊᑕᓃᕆᓂᕋᖃᑕᕐᐱᓯᓐᖓ ᐅᖃᓪᓗᓯ, ‘ᐊᑕᓃᖅ, ᐊᑕᓃᖅ,’ ᐊᑐᖁᔭᓐᓂᒡᓗ ᒪᓕᒐᓯ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:7

ᐅᓄᕐᑐᓂᒃ ᓯᓐᓇᒃᑑᒪᓂᖃᕐᑎᓪᓗᒍ, ᐅᓄᕐᑐᓂᒡᓗ ᐅᖃᐅᓯᕐᑕᖃᕐᑎᓪᓗᒍ ᓱᓕᖏᓐᓂᕐᑕᖃᕐᒪᑦ. ᒎᑎᓕ ᓯᕘᕋᒋᒍᒃ.

ᐰᓕᒨᓂᒧᑦ 1:16

ᒫᓐᓇ ᐱᔨᑐᑦ ᑍᒤᑦᓱᓐᓁᕐᐳᖅ ᐱᔨᒥᓪᓕ ᐱᓪᓚᕆᐅᓂᕐᓴᐅᓕᕐᐳᖅ, ᓇᒡᓕᖕᓇᕐᑑᓪᓗᓂᓕ ᐅᒃᐱᕐᑑᖃᑎᐅᓕᕐᐳᖅ, ᐅᕝᕙᓐᓄᑦ ᐃᓕᖕᓄᓪᓕ ᐊᑐᕐᓇᕐᓂᕐᓴᐅᓕᕐᐳᖅ, ᑎᒥᒃᑯᑦ ᐊᑕᓂᕐᒥᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᓘᑲᓯᐅᑉ ᐊᒡᓚᖏᑦ 7:8

ᐅᕙᖓᑦᑕᐅᖅ ᐊᖓᔪᖅᑳᖃᕋᒪ, ᐅᓇᑕᕐᑐᒃᓴᖁᑎᖃᕐᓗᖓᓗ ᓯᐊᓛᕆᔭᓐᓂᒃ; ᐃᓚᖓᓐᓄᑦ ᐅᖃᕈᒪ, ‘ᐃᑯᓐᖓᕆᑦ’ ᑍᑯᓐᖓᕐᐳᖅ ᑕᕝᕙ; ᐊᓯᐊᓄᓪᓗ ᐅᖃᕈᒪ ‘ᕾᒋᑦ,’ ᕾᕗᖅ ᑕᕝᕙ; ᐱᔨᓐᓄᑦ ᐅᖃᕈᒪ ‘ᐅᓇ ᓴᓇᓚᐅᕈᒃ, ᓴᓇᕚ ᑕᕝᕙ.’”

ᒫᑎᐅᓯᐅᑉ ᐊᒡᓚᖏᑦ 8:9

ᐅᕙᖓᑦᑕᐅᖅ ᐊᖓᔪᖅᑳᖃᕐᒥᒐᒪ, ᐅᓇᑕᕐᑐᒃᓴᖁᑎᖃᕐᓗᖓ ᓯᐊᓛᕆᔭᓐᓂᒃ, ᐃᓚᖓᓐᓄᑦ ᐅᖃᕈᒪ, ᐃᑯᓐᖓᕆᑦ! ᑍᑯᓐᖓᕐᐳᖅ ᑕᕝᕙ; ᐊᓯᐊᓄᑦ ᐅᖃᕈᒪ, ᕾᒋᑦ! ᕾᕗᖅ ᑕᕝᕙ; ᐱᔨᓐᓄᑦ ᐅᖃᕈᒪ, ᐅᓇ ᓴᓇᓚᐅᕈᒃ! ᓴᓇᕚ ᑕᕝᕙ.”

ᒫᑎᐅᓯᐅᑉ ᐊᒡᓚᖏᑦ 6:22

“ᐃᔩᒃ ᓇᓂᕈᐊᖑᕘᒃ ᑎᒥᒧᑦ. ᐃᔩᒃᑭᒃ ᑕᐅᑐᑦᓯᐊᕐᐸᑎᒃ ᑎᒥᓕᒫᑦ ᖃᐅᒪᓂᐊᕐᐳᖅ;

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᐃᓐᖏᕈᑎᑦ 123:2

ᑕᑯᒋᑦ, ᓲᕐᓗ ᐱᔨ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ, ᐱᔨᐅᔪᕐᓗ ᐊᕐᓇᖅ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ; ᑍᒫᒃᑕᐅᖅ ᑕᑎᖃᕐᓂᐊᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᑖᑦᓱᒪ ᓂᑲᒍᓱᓕᕐᓂᐊᕐᓂᖓᓂᒃ ᐅᕙᑦᑎᓐᓂᒃ ᐅᑕᖅᑭᓗᑕ.

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᒨᓯᓯ ᓯᕗᓪᓖᑦ 42:18

ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:12

ᐊᔪᕐᑐᓕᔪᖅ ᐅᓄᕐᑐᕐᔪᐊᓂᒃ ᐱᐅᖏᑦᑐᓕᒐᓗᐊᕐᐸᑦ ᓱᓕ ᐊᑯᓂ ᐃᓅᕗᖅ, ᖃᐅᔨᒪᕗᖓᓕ ᐃᓄᐃᑦ ᒎᑎᒥᒃ ᓯᕘᕋᔪᑦ ᐱᐅᓂᕐᓴᒥᒃ ᐱᔭᐅᔪᒫᕐᒪᑕ, ᒎᑎᐅᑉ ᓵᖓᓂ ᐅᐱᒍᓱᒃᑐᑦ ᑖᑦᓱᒥᖓ.

ᓂᕼᐃᒤᐊᐅᑉ ᐊᒡᓚᖏᑦ 5:9

ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.