ᑯᓘᓯᐊᒥᐅᓄᑦ 2:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᒪᑐᒪ ᓯᕗᓂᖓᒍᑦ ᐅᒃᐱᕐᓂᑦᓯᒍᑦ ᑐᖁᖓᓚᐅᕐᑐᓯ ᐊᔪᕐᓂᑦᓯᓐᓄᑦ ᑭᐱᔭᐅᓯᒪᖏᓐᓂᑦᓯᓐᓄᓪᓗ, ᒎᑎᐅᓪᓕ ᐃᓅᓯᕐᑖᕐᑎᓚᐅᕐᐹᓯ ᙭ᔅᑑᓯᒃᑯᑦ, ᐃᓱᒪᒋᔪᓐᓁᕐᕕᒋᓪᓗᑕᓗ ᐊᔪᕐᑐᓕᓂᑦᑎᓐᓂᑦ ᑕᒤᓐᓂᑦ.

ᑯᓘᓯᐊᒥᐅᓄᑦ 2:13 ပူးပေါင်းရင်းမြစ်များ

ᐃᓐᖏᕈᑎᑦ 119:50

ᐋᓐᓂᐊᓂᓐᓂ ᐊᖏᕈᑎᒋᓯᒪᔭᕐᓄᑦ ᐃᑲᔪᕐᑕᐅᕗᖓ ᐅᖃᐅᓯᕐᑎᑦ ᐃᓅᓯᓐᓂᒃ ᑕᓯᐅᕐᓯᖕᒪᑕ.

ᐃᓐᖏᕈᑎᑦ 32:1

ᐃᓄᒃ ᓮᒻᒪᕐᑎᑕᐅᕗᖅ ᑕᒻᒪᓂᖏᓐᓂᑦ ᐃᓱᒪᒋᔪᓐᓃᕐᕕᐅᔪᖅ, ᐊᔪᕐᓂᖏᓪᓗ ᐅᓕᒃᑕᐅᔪᑦ.

ᐃᓐᖏᕈᑎᑦ 71:20

ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᓘᑲᓯᐅᑉ ᐊᒡᓚᖏᑦ 15:24

ᐅᓇ ᐃᕐᓂᕋ ᑐᖁᖓᓚᐅᕐᑐᖅ ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᓇᓂᔭᐅᖕᒪᑦ.’ ᑕᕝᕙ ᖁᕕᐊᓱᖃᑎᒌᓕᕐᐳᑦ.

ᓘᑲᓯᐅᑉ ᐊᒡᓚᖏᑦ 15:32

ᒫᓐᓇ ᐊᑲᐅᓈᑦᓯᐊᕐᒪᑦ ᖁᕕᐊᓱᖃᑎᒌᒡᓗᑕ ᓯᕆᓗᑕᓗ, ᓄᑬᑦ ᑐᖁᖓᓚᐅᕐᑐᖅ, ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᒫᓐᓇ ᓇᓂᔭᐅᖕᒥᖕᒪᑦ.’”

ᓘᑲᓯᐅᑉ ᐊᒡᓚᖏᑦ 9:60

ᔩᓱᓯᐅᑉ ᑭᐅᕚ, “ᑐᖁᖓᔪᑦ ᑐᖁᔨᐊᒥᖕᓂᒃ ᐃᓗᕕᕐᓯᓕᕐᓕ; ᐃᕝᕕᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᖃᕆᐊᕐᑐᓕᕆᑦ.”

ᔪᐊᓇᓯᐅᑉ ᐊᒡᓚᖏᑦ 5:21

ᓲᕐᓗᑦᑕᐅᖅ ᐊᑖᑕᐅᑉ ᑐᖁᖓᔪᑦ ᒪᑭᑎᒻᒪᒋᑦ ᐆᒻᒪᕐᑎᓪᓗᒋᓪᓗ, ᑍᒫᒃᑕᐅᖅ ᐃᕐᓂᖅ ᐆᒻᒪᕐᑎᑦᓯᕗᖅ ᐆᒻᒪᕐᑎᑦᓱᒪᔭᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 6:63

ᐊᓂᕐᓂᖅ ᐃᓅᓯᕐᑖᕐᑎᑦᓯᕗᖅ; ᑎᒥᐅᑉ ᐱᔪᓐᓇᕐᓂᖓ ᐃᑲᔪᕈᓐᓇᓐᖏᓚᖅ ᑕᒪᑐᒧᖓ; ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐊᓂᕐᓂᐅᕗᑦ ᐃᓅᓯᐅᓪᓗᑎᒡᓗ.

ᕉᒪᒥᐅᓄᑦ 4:17

ᐊᒡᓔᑦ ᐅᖃᕐᒪᑕ, “ᐃᓅᖃᑎᒌᒡᔪᐊᓄᑦ ᐊᒥᓱᓄᑦ ᐊᑖᑕᒋᔭᐅᓕᕐᑎᑉᐸᒋᑦ.” ᒎᑎᐅᑉ ᓵᖓᓂ ᑖᑦᓱᒪ ᐅᒃᐱᕐᕕᒋᔭᖓᑕ, ᑖᑦᓱᒪ ᑐᖁᖓᔪᑦ ᐆᒻᒪᕐᑎᑉᐰᑦ ᐱᖁᔨᓂᕐᒥᓄᓪᓗ ᓴᖅᑭᔮᓚᐅᖏᑦᑐᓂᒃ ᓴᖅᑭᑎᑦᓯᓯᒪᓪᓗᓂ.

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:36

ᓯᓔᑦᑐᐊᓘᕗᓯ! ᐱᕈᕐᓯᐊᒃᓴᑦ ᓄᓇᒧᑦ ᑲᓐᖓᕐᓲᑎᒋᔭᓯ ᐆᒻᒪᕐᓂᐊᓐᖏᓚᑦ ᑭᓯᐊᓂ ᑐᖁᓚᐅᕐᓗᑎᒃ ᐆᒻᒪᕋᔭᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:45

ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19

ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᐃᐱᓯᒥᐅᓄᑦ 2:1

ᐃᓕᑦᓯᑦᑕᐅᖅ ᐅᒃᐱᕐᓂᕐᒥ ᑐᖁᖓᓚᐅᕐᐳᓯ, ᐱᐅᖏᑦᑐᓕᓂᕐᒧᑦ ᐊᔪᕐᑐᓕᓂᕐᒧᓪᓗ.

ᐃᐱᓯᒥᐅᓄᑦ 2:11

ᑍᒤᒻᒪᑦ ᖃᓄᐃᑦᑑᓚᐅᕐᓂᑦᓯᓐᓂᒃ ᐃᖅᑬᓚᐅᕆᑦᓯ, ᔫᑎᐅᖏᑦᑐᓯ ᑍᔭᐅᓪᓗᓯ ᑭᐱᓯᒪᖏᑦᑐᓂᒃ ᔫᑎᓄᑦ, ᐃᒻᒥᖕᓂᒃ ᑍᔪᓄᑦ ᑭᐱᓯᒪᔪᓂᒃ ᓇᖕᒥᓂᖅ ᑎᒥᒥᒃᑎᒍᑦ ᑭᐱᓯᒪᔪᑦ ᐊᒡᒐᖕᓄᑦ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᑯᓘᓯᐊᒥᐅᓄᑦ 2:12

ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᕐᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᕐᐸᓯᓗ ᐅᒃᐱᕐᓂᑯᑦ ᒎᑎᐅᑉ ᐱᔪᓐᓇᕐᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᕐᑐᒃᑯᑦ ᑐᖁᖓᔪᓂᑦ.

ᑎᒧᑎᒧᑦ ᓯᕗᓪᓖᑦ 5:6

ᐅᐃᒡᒐᕐᓂᕐᓕ ᖁᕕᐊᒋᔭᑐᐃᓐᓇᕐᒥᓂᒃ ᐊᑐᕈᒪᔪᖅ ᐆᒪᒐᓗᐊᕐᓗᓂ ᑐᖁᖓᕗᖅ.

ᑎᒧᑎᒧᑦ ᓯᕗᓪᓖᑦ 6:13

ᒎᑎᐅᑉ ᓵᖓᓂ ᐃᓅᓯᖃᕐᑎᑦᓯᔫᑉ ᑕᒤᓐᓂᒃ, ᙭ᔅᑑᓯ ᔩᓱᓯᐅᓪᓗ ᓵᖓᓂ ᑖᑦᓱᒪ ᓇᓗᓁᕐᓯᓚᐅᕐᑑᑉ ᐴᓐᑎᐅᓯ ᐰᓛᑑᓯᐅᑉ ᓵᖓᓂ, ᒪᓕᖁᓪᓗᑎᑦ ᐅᖃᐅᑎᕙᒋᑦ,

ᐄᑉᕈᐃᓄᑦ 6:1

ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 2:17

ᑍᒤᒃᑭᕗᕐᑕᐅᖅ ᐅᒃᐱᕐᓂᖅ ᑖᓐᓇᑑᓗᓂ, ᐱᓂᐊᕐᓂᕐᒥᒃ ᐃᓚᖃᖏᒃᑯᓂ, ᑐᖁᖓᕗᖅ.

ᔧᒥᓯᐅᑉ ᐊᒡᓚᖏᑦ 2:20

ᓯᓔᑦᑐᑎᑦ ᑕᑯᑎᑕᐅᔪᒪᕖ ᐅᒃᐱᕐᓂᐅᑉ ᐱᓂᐊᕐᓂᕐᒥᒃ ᐃᓚᖃᖏᑦᑑᑉ ᐊᑑᑎᖃᖏᓐᓂᖓᓂᒃ?

ᔧᒥᓯᐅᑉ ᐊᒡᓚᖏᑦ 2:26

ᓲᕐᓗ ᑎᒥ ᐊᓂᕐᓂᖃᖏᒃᑯᓂ ᑐᖁᖓᖕᒪᑦ, ᑍᒫᒃᑕᐅᖅ ᐅᒃᐱᕐᓂᖅ ᐱᓂᐊᕐᓂᕐᒥᒃ ᐃᓚᖃᖏᒃᑯᓂ ᑐᖁᖓᒋᕗᖅ.

ᔪᐊᓇᓯ ᓯᕗᓪᓖᑦ 2:12

ᕿᑐᕐᖔᐱᒃᑲ, ᑎᑎᕋᕐᕕᒋᕙᑦᓯ, ᐊᔪᕐᓂᓯ ᐃᓱᒪᒋᔪᓐᓁᕐᑕᐅᓯᒪᖕᒪᑕ ᙭ᔅᑑᓯ ᐱᑦᔪᑎᒋᓪᓗᒍ.