ᑯᓘᓯᐊᒥᐅᓄᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑯᓘᓯᐊᒥᐅᓄᑦ 1:5 ပူးပေါင်းရင်းမြစ်များ

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᓘᑲᓯᐅᑉ ᐊᒡᓚᖏᑦ 12:33

ᐱᖁᑎᓯ ᓂᐅᕐᕈᑎᒋᓯᐅᒃ, ᑮᓇᐅᔧᑦ ᑐᓂᓗᒋᑦ ᐊᔪᕐᓴᕐᑐᓄᑦ; ᐴᒃᓴᕐᑖᕆᑦᓯ ᐱᑐᖃᓐᖑᕐᓂᐊᖏᑦᑐᓂᒃ, ᐱᒃᓴᕐᑖᕐᓗᓯᓗ ᕿᓚᖕᒥ ᓄᖑᓐᓂᐊᖏᑦᑐᓂᒃ, ᑎᒡᓕᒃᑎᓄᑦ ᐱᔭᐅᔪᓐᓇᖏᑦᑐᓂᒃ, ᖁᐱᕐᕈᓄᓪᓗ ᖃᓪᓗᓈᕐᑕᓂᒃ ᓂᕆᓲᓄᑦ ᓱᒃᑯᑕᐅᓂᐊᖏᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 23:6

ᐸᐅᓗᓯ ᖃᐅᔨᒪᒐᒥ, ᐃᓚᖏᑦ ᓵᑦᔪᓰᐅᖕᒪᑕ ᐃᓚᖏᓪᓗ ᐹᕆᓯᐅᖕᒪᑕ, ᐃᖅᑲᕐᑐᐃᔨᕐᔪᐊᓄᑦ ᐅᖃᕐᐳᖅ, “ᐃᓚᒃᑳ, ᐹᕆᓯᐅᕗᖓ, ᐹᕆᓯᒧᑦ ᐃᕐᓂᕆᔭᐅᕗᖓ; ᒫᓐᓇ ᓇᖏᕐᐳᖓ ᐃᖅᑲᕐᑐᕐᑕᐅᓪᓗᖓ, ᓂᕆᐅᒋᔭᖃᕐᓂᕋ ᐱᑦᔪᑎᒋᓪᓗᒍ ᑐᖁᖓᔪᑦ ᒪᑭᑦᓱᒫᕐᓂᖏᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:15

ᓂᕆᐅᖕᓂᖃᕐᐳᖓᓗ ᒎᑎᒥᑦ ᑖᒃᑯᐊ ᓂᕆᐅᖕᓂᕆᔭᖏᑕ ᐊᑦᔨᖓᓂᒃ, ᑐᖁᒥᓪᓗ ᒪᑭᓐᓂᖃᕈᒫᕐᒪᑦ ᑕᒤᓐᓄᑦ ᓇᓛᒎᕐᑐᓄᑦ ᓇᓛᒎᖏᑦᑐᓄᓪᓗ.

ᕉᒪᒥᐅᓄᑦ 10:8

ᖃᓄᕐᓕ ᐅᖃᕐᐹ? ᐅᖃᐅᓯᐅᑉ ᖃᓂᒋᕚᑎᑦ, ᖃᓂᕐᓃᑉᐳᖅ ᐃᓗᖕᓃᓪᓗᓂᓗ (ᐃᒫᒃ, ᐅᖃᐅᓯᖅ ᐅᒃᐱᕐᓂᖅ ᐅᖃᐅᓯᕆᔭᕗᑦ);

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:13

ᒫᓐᓇᓕ ᐅᑯᐊ ᐱᖓᓱᑦ ᑲᔪᓰᓐᓇᕐᓂᐊᕐᐳᑦ: ᐅᒃᐱᕐᓂᖅ, ᓂᕆᐅᖕᓂᖅ, ᓇᒡᓕᖕᓂᖅ; ᓇᒡᓕᖕᓂᕐᓕ ᑖᒃᑯᓇᖓ ᐊᖏᓂᕐᐸᐅᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:19

ᐃᓅᓂᑦᑎᓐᓂ ᑭᓯᐊᓂ ᙭ᔅᑑᓯᒥᒃ ᓂᕆᐅᒋᔭᒃᓴᖃᕈᑦᑕ, ᐃᓄᖕᓂᑦ ᑕᒤᓐᓂᑦ ᐅᒡᒍᐊᕐᓇᕐᑐᒦᓐᓂᕐᐹᖑᕗᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19

ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:7

ᓱᓕᔪᒥᒃ ᐅᖃᐅᓯᖃᕐᓗᑕ, ᒎᑎᒥᓪᓗ ᐱᔪᓐᓇᕐᓂᖃᕐᑎᑕᐅᓪᓗᑕ; ᐃᓗᐊᕐᑐᓕᓂᕐᒥᒃ ᐅᓇᑕᐅᑎᖃᕐᓗᑕ ᑕᓕᕐᐱᑦᑎᒍᑦ ᓴᐅᒥᑦᑎᒍᓪᓗ;

ᒐᓔᑎᐊᒥᐅᓄᑦ 2:14

ᑕᒪᑐᒥᖓᓕ ᖃᐅᔨᒐᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓇᓛᒎᑦ ᒪᓕᒍᓐᓃᕐᓂᖏᓐᓂᒃ, ᓰᐸᓯ ᐅᖃᐅᑎᓚᐅᕐᐸᕋ, ᐃᓄᐃᑦ ᑐᓵᔪᐃᓐᓇᐅᑎᓪᓗᒋᑦ, “ᔫᑎᐅᓪᓗᑎᑦ, ᔫᑎᐅᖏᑦᑐᑎᑐᑦ ᐃᓅᖃᑕᐅᓕᓚᐅᕐᐳᑎᑦ ᔫᑎᑎᑑᖏᑦᑐᖅ. ᓱᖕᒪᑦ ᔫᑎᐅᖏᑦᑐᑦ ᔫᑎᑎᑐᑦ ᐃᓄᓯᕐᑖᕐᑎᓐᓇᓱᐊᕐᐱᒌᑦ?”

ᒐᓔᑎᐊᒥᐅᓄᑦ 2:5

ᐅᖃᐅᓰᑦ ᑐᓴᕈᒥᓇᕐᑐᑦ ᓱᓕᓂᖓ ᐃᓕᑦᓯᓐᓄᑦ ᐱᓯᒪᔭᐅᖁᒐᑦᑎᒍ, ᑖᒃᑯᓄᖓ ᓵᓚᒋᔭᐅᓂᐅᓴᓚᐅᓐᖏᓚᒍᑦ.

ᒐᓔᑎᐊᒥᐅᓄᑦ 5:5

ᐊᓂᕐᓂᒃᑯᑦ ᐅᑕᖅᑭᕗᒍᑦ ᐅᒃᐱᕐᓂᑦᑎᒍᑦ, ᓂᕆᐅᒃᓗᑕ ᐃᓗᐊᕐᓯᑎᑕᐅᓂᒃᓴᑦᑎᓐᓂᒃ.

ᐃᐱᓯᒥᐅᓄᑦ 1:13

ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ.

ᐃᐱᓯᒥᐅᓄᑦ 4:21

ᑖᑦᓱᒥᖓᑦ ᑐᓴᑦᓯᐊᓚᐅᕐᐳᓯ ᑖᑦᓱᒪᓗ ᒪᓕᒃᑎᖏᑎᑐᑦ ᐊᔪᕆᕐᑐᕐᑕᐅᓯᒪᕗᓯ, ᓱᓕᓂᖅ ᑕᕝᕙ ᔩᓱᓯᒦᒻᒪᑦ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᑎᒧᑎᒧᑦ ᓯᕗᓪᓖᑦ 1:15

ᐅᖃᐅᓯᖅ ᐃᒤᓕᔪᖅ ᓱᓕᕗᖅ ᓈᒻᒪᒋᔭᐅᔭᕆᐊᓕᒃ ᐅᒃᐱᕆᔭᐅᓗᓂᓗ, ᙭ᔅᑑᓯ ᔩᓱᓯ ᓯᓚᕐᔪᐊᕐᒧᑦ ᑎᑭᓚᐅᕐᒪᑦ ᐊᔪᕐᑐᓕᔪᑦ ᐱᐅᓕᔭᕐᑐᕐᓗᒋᑦ; ᐅᕙᖓᓕ ᑖᒃᑯᓇᓐᖓᑦ ᐊᔪᕐᑐᓕᔪᓂᑦ ᐱᐅᖏᓐᓂᕐᐹᖑᕗᖓ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐄᑉᕈᐃᓄᑦ 7:19

(ᐱᖁᔭᑦ ᓈᒻᒪᒃᓯᑎᑦᓯᔪᓐᓇᖏᒻᒪᑕ), ᓂᕆᐅᒃᕕᒃᓴᖃᑦᓯᐊᕐᓇᕐᓂᕐᓴᒥᒡᓕ ᐱᕕᒃᓴᕐᑖᕐᑎᑕᐅᓯᒪᕗᒍᑦ, ᑕᒪᑐᒨᓇᓗ ᒎᑎᒧᑦ ᖃᓂᒡᓕᑎᑕᐅᓪᓗᑕ.

ᐲᑦᑐᕉᓯ ᓯᕗᓪᓖᑦ 2:2

ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,

ᐲᑦᑐᕉᓯ ᓯᕗᓪᓖᑦ 3:15

ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;

ᐲᑦᑐᕉᓯ ᐂᑉᐸᖏᑦ 1:12

ᑍᒤᒻᒪᑦ ᐃᖅᑬᑏᓐᓇᕈᒪᕙᑦᓯ ᑕᒪᒃᑯᓂᖓ, ᐅᓃᑦ ᖃᐅᔨᒪᒐᓗᐊᕐᑎᓪᓗᓯ ᐊᑦᑕᕐᓇᖏᑦᑐᒦᓕᕋᑦᓯ ᓱᓕᓂᕐᒥᒃ ᑐᓐᖓᕕᖃᓕᕐᓂᑦᓯᓐᓄᑦ.

ᔪᐊᓇᓯ ᓯᕗᓪᓖᑦ 3:3

ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.