ᐂᒨᓯᐅᑉ ᐊᒡᓚᖏᑦ 9:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᑯᒋᑦ, ᐊᑕᓂᐅᑉ ᒎᑎᐅᑉ ᐊᖓᔪᖅᑳᐅᕕᒃ ᐊᔪᕐᑐᓕᔪᖅ ᑕᑯᓐᓇᕐᐹ, “ᓄᖑᑎᑦᓱᒫᕐᐸᕋᓗ ᐊᖓᔪᖅᑲᐅᕕᒃ ᓄᓇᕐᔪᐊᒥᑦ; ᔧᑰᓪᓕ ᑭᖑᕚᖏᓐᓂᒃ ᓄᖑᑎᑦᓯᑦᓯᐊᒻᒪᕆᖕᓂᐊᓐᖏᓚᖓ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 9:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᒨᓯᓯ ᓯᕗᓪᓖᑦ 7:4

ᐅᓪᓗᑦ 7 ᓈᒃᐸᑕ ᓯᓚᓗᒃᑎᑦᓯᓛᕋᒪ ᓄᓇᒧᑦ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ; ᐆᒪᔪᓕᒪᑦ ᑕᒪᕐᒥᒃ ᓴᓇᓯᒪᔭᒃᑲ ᓄᓇᒦᑦᑐᑦ ᓄᖑᓪᓗᒋᑦ.”

ᐊᑕᓃᑦ ᓯᕗᓪᓖᑦ 13:34

ᑕᒪᓐᓇᓗ ᔨᕈᐳᐊᒻ ᐃᒡᓗᒥᐅᖃᑎᖏᓐᓄᑦ ᐊᔪᕐᑐᓕᓂᓐᖑᓚᐅᕐᐳᖅ, ᑐᖁᑕᐅᑦᔪᑎᒋᓚᐅᕐᐹᓗ ᐊᓯᕈᕐᑕᐅᑦᔪᑎᒋᓪᓗᒍᓗ ᑕᒫᓂ ᓄᓇᕐᔪᐊᕐᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:3

ᐊᑕᓂᖅ ᑕᐅᑐᒃᐳᖅ ᓇᓃᑦᑐᓕᒫᓂᒃ, ᑕᒪᕐᒥᒃ ᑕᐅᑐᖕᒪᒋᑦ ᐱᐅᖏᑦᑐᑦ ᐱᐅᔪᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:21

ᐊᖑᑎᐅᑉ ᐱᓂᐊᕐᓂᖏᑦ ᐊᑕᓂᐅᑉ ᐃᔨᖏᒃᑕ ᓵᖓᓃᑉᐳᑦ, ᐊᖅᑯᑎᒋᔭᓕᒫᖏᓪᓗ ᑕᑯᓐᓇᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᔨᕆᒤᐊᐅᑉ ᐊᒡᓚᖏᑦ 44:27

ᑕᑯᒋᑦ, ᖃᐅᔨᓴᕐᓂᐊᓕᕐᐸᒃᑲ ᐊᓯᕈᕐᑕᐅᖁᓪᓗᒋᑦ ᐱᐅᔪᒥᒃ ᐱᕕᐅᖁᓇᒋᑦ, ᔫᑎᑦ ᐄᑦᔨᑉᑎᒦᑦᑐᑦ ᑐᖁᑕᐅᔪᒫᕐᐳᑦ ᐅᓇᑕᕐᑐᓄᑦ ᑳᖕᓇᕐᑐᕐᔪᐊᒧᓪᓗ ᑕᒪᕐᒥᒃ ᓄᖑᑕᐅᓚᐅᖏᓐᓂᓕᒫᒥᖕᓂ.

ᔨᕆᒤᐊᐅᑉ ᐊᒡᓚᖏᑦ 46:28

ᓯᕘᕋᓂᐊᕋᓯ ᔧᑯᒃᑯᑦ ᐃᓄᖁᑎᒃᑲ, ᐃᓚᒋᒐᑦᓯ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᓂᒃ ᐊᓯᕈᕐᑕᐅᑎᑦᓯᓯᒪᒐᓗᐊᕐᐳᖓ, ᓯᐊᒻᒪᕐᑎᓪᓗᓯᓗ ᓇᒧᑐᐃᓐᓇᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯᓕ ᐋᖅᑭᒋᐊᕐᓂᐊᕐᐸᑦᓯ ᐊᑲᐅᔪᒦᖁᔨᓂᓐᓄᑦ ᑭᓯᐊᓂ; ᐋᖅᑭᒋᐊᓚᐅᖏᓪᓗᑎᑦ ᓴᒃᑯᓐᓂᐊᓐᖏᓚᒋᑦ, ᐅᕙᖓ, ᐊᑕᓂᐅᔪᖓ ᑕᒪᑐᒥᖓ ᐅᖃᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 5:10

ᐸᐅᕐᖓᓕᒃᓴᓂᒃ ᐱᕈᕐᓰᕕᖁᑎᖏᑦ ᐊᓯᕈᓕᕐᓯᐅᒃ, ᑭᓯᐊᓂ ᓄᖑᑎᒻᒪᕆᒃᑍᓕᓗᒋᑦ, ᐊᕙᓚᖓᔪᖏᑦ ᐱᕈᕐᕕᐅᔪᒃᓴᑦ ᓇᑲᑎᕐᓗᒋᑦ, ᑖᒃᑯᐊ ᐊᑕᓂᐅᑉ ᐱᒋᖏᒻᒪᒋᑦ.

ᕼᐆᓯᐊᑉ ᐊᒡᓚᖏᑦ 1:4

ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ᔨᔭᕆᐅᓪᒥᒃ; ᐊᑯᓂᐅᑦᔮᔪᓐᓁᕐᒪᑦ, ᓱᒋᐊᕐᓯᓂᕆᓂᐊᕐᑕᕋ ᔨᕼᐆᑉ ᑭᖑᕚᖏᓐᓂᒃ ᔨᔭᕆᐅᑉ ᑐᖁᕋᕐᑕᐅᓯᒪᓂᖓᓄᑦ, ᐃᓴᕆᐊᓕᒥ ᐊᖓᔪᖅᑳᕐᔪᐊᖃᕐᓂᖅ ᓄᖅᑲᕐᑎᓐᓂᐊᓕᕋᒃᑯ.

ᕼᐆᓯᐊᑉ ᐊᒡᓚᖏᑦ 1:6

ᒎᒪᓗ ᕿᑐᕐᖓᕐᑖᒃᑲᓐᓂᕐᐳᖅ ᐸᓂᒃᑖᕐᓗᓂᓗ. ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᕈᕼᐊᒪᒥᒃ,’ ᓂᑲᒋᓂᐊᕈᓐᓃᕋᒃᑭᑦ ᐃᓴᕆᐊᓕᒥᐅᑦ ᑭᖑᕚᖏᑦ, ᐃᓱᒪᒋᔪᓐᓁᕐᕕᒋᓂᐊᕈᓐᓃᕐᓗᒋᓪᓗ.

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᐂᒨᓯᐅᑉ ᐊᒡᓚᖏᑦ 3:12

ᐊᑕᓂᖅ ᐃᒫᒃ ᐅᖃᕐᐳᖅ, “ᓰᐱᓕᕆᔨ ᐊᕐᓵᕐᓯᕙᖕᒪᑦ ᓛᔭᒥᒃ ᓂᐅᖕᓂᒃ ᒪᕐᕈᐃᓐᓈᖕᓂᒃ ᓯᐅᑎᐅᓪᓗ ᐃᓔᓐᓇᖓᓂᒃ; ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓔᓐᓇᖏᑦ ᓴᐳᑎᔭᐅᓂᐊᕐᐳᑦ ᓄᓇᖃᕐᑐᑦ ᓴᒥᐊᕆᐊᒥ; ᐊᔪᕐᓴᖏᑦᑐᕐᓯᐅᑎᓂ ᐃᒡᓕᕐᓂ ᓇᓚᕈᕐᑐᑦ, ᐃᒃᓯᕙᐅᑖᓗᖕᓂᓗ ᐃᒃᓯᕙᔪᑦ.

ᐂᒨᓯᐅᑉ ᐊᒡᓚᖏᑦ 7:17

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: ‘ᓄᓕᐊᑦ ᐊᖑᑎᓄᑦ ᐊᑐᒐᐅᓂᐊᓕᕐᐳᖅ ᐃᒡᓗᒐᓴᖕᓂ, ᐃᕐᓂᑎᓪᓗ ᐸᓂᑎᓪᓗ ᑐᖁᑕᐅᔪᒫᕐᐳᑦ ᓴᕕᒡᔪᐊᒧᑦ, ᓄᓇᖁᑏᑦ ᐊᕕᒃᑐᕐᑕᐅᔪᒫᕐᐳᖅ ᐆᒃᑐᕋᐅᑏᑦ ᐊᑐᕐᓗᒋᑦ; ᑐᖁᑕᐅᔪᒫᕐᐳᑎᓪᓗ ᓄᓇᒥ ᐃᑦᔪᕐᓇᕐᓂᕋᕐᑕᐅᔪᒥ, ᐃᓴᕆᐊᓕᒥᐅᓪᓗ ᐊᐅᓪᓚᕈᑦᔭᐅᓪᓚᕆᒍᒫᕐᐳᑦ ᑎᒍᔭᐅᓗᑎᒃ ᓄᓇᒥᖕᓂᑦ.’”

ᐂᒨᓯᐅᑉ ᐊᒡᓚᖏᑦ 9:10

ᐃᓄᖁᑎᓐᓂ ᐊᔪᕐᑐᓕᔪᓕᒫᑦ ᑐᖁᔪᒫᕐᐳᑦ ᓴᕕᒡᔪᐊᒧᑦ, ᐃᒫᒃ ᐅᖃᕐᑐᑦ, ‘ᐱᐅᖏᑦᑐᒧᑦ ᐊᖑᔭᐅᓂᐊᓐᖏᓚᒍᑦ ᑎᑭᑕᐅᓂᐊᓐᖏᓚᒍᓪᓘᓐᓃᑦ.’”

ᐂᒨᓯᐅᑉ ᐊᒡᓚᖏᑦ 9:4

ᑎᒍᔭᐅᒐᓗᐊᕐᐸᑕᓗ ᐊᑭᕋᒥᖕᓄᑦ, ᐱᖁᔨᔪᒫᕐᐳᖓ ᓴᕕᒡᔪᐊᒥᒃ, ᑖᑦᓱᒪᓗ ᑐᖁᑦᓱᒫᕐᐰᑦ; ᑕᑯᓐᓇᕈᒫᕐᐸᒃᑲᓗ ᐱᐅᖏᑦᑐᒧᑦ ᐱᒋᐊᕈᒪᓗᒋᑦ ᐱᐅᔪᒨᖏᑦᑐᖅ.”

ᒨᓯᓯ ᑕᓪᓕᒪᖏᑦ 4:31

ᑖᓐᓇ ᒎᑎ ᓂᑲᒍᓱᒃᑑᐊᓘᖕᒪᑦ. ᑖᑦᓱᒪ ᖁᔭᓈᕐᓂᐊᖏᒻᒪᓯ ᓄᖑᑕᐅᑎᓐᓂᐊᕐᓇᓯᓗ, ᐳᐃᒍᕐᓂᐊᓐᖏᓛᓗ ᐊᖏᖃᑎᒌᒍᑎᒋᓯᒪᔭᓂ ᓇᖕᒥᓂᖅ ᓯᕗᓕᕕᓂᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 6:15

ᑖᓐᓇ ᐊᑕᓂᖅ ᒎᑎᒋᔭᓯ ᐃᓕᑦᓯᓐᓃᑦᑐᖅ ᐃᓕᑦᓯᓐᓂᒃ ᓯᖕᓇᑐᔫᖕᒪᑦ, ᐊᑕᓂᐅᑉ ᒎᑎᑦᓯ ᓂᓐᖓᐅᓯᖓᓄᑦ ᑎᑭᕝᕕᐅᖁᓇᓯ, ᐃᑯᒪᔪᒧᑦ ᓄᖑᑕᐅᔪᑎᑐᑦ ᑍᒤᖁᓇᓯ ᑕᕝᕙᓂ ᓄᓇᑦᓯᓐᓂ.