ᐂᒨᓯᐅᑉ ᐊᒡᓚᖏᑦ 9:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐅᓪᓗᐃᑦ ᕾᕗᑦ, ᐱᕈᕐᓰᕕᖕᒥᒃ ᒪᒃᐱᕐᑎᕆᔪᖅ ᑲᑎᕐᓱᐃᔪᒥᒃ ᐊᖑᓯᔪᒫᕐᐳᖅ. ᐸᐅᕐᖓᓂᒡᓗ ᑐᓪᓕᕋᕐᓗᒋᑦ ᕔᓂᓕᐅᕐᑐᖅ ᐊᖑᒻᒪᑎᓕᕐᓗᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ. ᖃᖅᑬᓪᓗ ᑰᒐᕈᒫᕐᐳᑦ ᕔᓂᒥᒃ ᓰᕐᓇᕐᑐᒥᒃ, ᐱᖑᓕᒫᓪᓗ ᑰᖃᓯᐅᑎᓕᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 9:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:11

ᑖᑦᓱᒪ ᓄᕐᕋᖅ ᓯᐅᑎᖅᑯᑐᔪᖁᑎᓂ ᕔᓂᒃᓴᓕᖕᒧᑦ ᐃᐱᕈᒫᕐᐹ, ᓯᐅᑎᖅᑯᑐᔪᖁᑎᖓᑕᓕ ᓄᕐᕋᖓ ᕔᓂᒃᓴᓂᑦ ᐱᐅᓂᕐᐹᖑᔪᒧᑦ ᐱᑎᑦᓱᒫᕐᐹ, ᑖᑦᓱᒪ ᐊᓐᓄᕌᓂ ᐃᕐᕈᕐᑐᕈᒫᕐᐰᑦ ᕔᓂᒧᑦ ᐊᓐᓄᕌᓂᓗ ᐃᕐᕈᕐᑐᕈᒫᕐᐰᑦ ᕔᓂᐅᑉ ᐊᐅᖓᓄᑦ;

ᐃᓐᖏᕈᑎᑦ 97:5

ᖃᖅᑬᑦ ᐊᐅᒃᐳᑦ ᓂᓚᒃᑎᑐᑦ ᐊᑕᓂᐅᑉ ᓇᔫᑎᓂᖓᓄᑦ, ᐊᑕᓂᐅᑉ ᓇᔫᑎᓂᖓᓂ ᓄᓇᕐᔪᐊᓕᒫᖅ ᑍᒤᑉᐳᖅ.

ᐂᓮᐊᓯᐅᑉ ᐊᒡᓚᖏᑦ 16:10

ᖁᕕᐊᓱᖕᓂᖅ ᐊᓕᐊᓁᒍᓱᖕᓂᕐᓗ ᐲᕐᑕᐅᓯᒪᖕᒪᑎᒃ ᐱᕈᕐᓰᕕᖕᒥᑦ ᐱᕈᑦᓯᐊᕐᕕᐅᕙᓚᐅᕐᑐᒥᑦ; ᐱᕈᕐᓰᕕᖕᓂ ᕔᓂᒃᓴᓕᐅᕐᕕᖕᓂ ᐃᓐᖏᕐᑐᖃᕈᓐᓃᕐᒪᑦ, ᕾᒐᓛᕐᓂᖃᕈᓐᓃᕐᓗᓂᓗ; ᕔᓂᒃᓴᓂᒃ ᐃᑦᑏᔧᔪᖃᕈᓐᓃᕆᕗᖅ ᕔᓂᓕᐅᕐᕕᖕᓂ; ᖁᕕᐊᓱᒡᕙᓗᒃᑐᓂᖅ ᑐᓴᕐᓴᐅᔪᖃᕈᓐᓃᕐᐳᖅ ᕔᓂᓕᐅᕐᕕᖕᓂ.

ᐂᓮᐊᓯᐅᑉ ᐊᒡᓚᖏᑦ 55:13

ᐅᕐᐲᑦ ᑲᑭᓐᓇᕐᑐᓖᑦ ᐃᓇᖏᕐᑕᐅᔪᕐᒫᕐᐳᑦ ᓇᐹᕐᑐᓪᓚᕆᖕᓂᒃ ᐱᕈᕐᑐᓕᖕᓂᒃ; ᐊᕚᓚᕿᐊᑦ ᐃᓇᖏᕐᑕᐅᔪᒫᕐᐳᑦ ᐱᕈᕐᑐᓕᖕᓂᒃ ᓇᐹᕐᑐᑦᓯᐊᓂᒃ ᒨᕐᑐᓂᒃ ᐅᖃᐅᔭᕆᒃᑐᓂᒃ; ᑕᒪᒃᑯᐊ ᐊᑕᓂᐅᑉ ᐃᓕᑕᕆᔭᐅᑦᔪᑎᒃᓴᕆᓪᓗᒋᑦ, ᓇᓗᓁᒃᑯᑕᐅᑎᑦᓱᒫᕐᐰᑦ ᐃᓱᖃᖏᑦᑐᒧᑦ ᓱᕋᒃᑕᐅᔪᓐᓇᖏᓪᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 28:26

ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 36:35

ᐃᓄᐃᓪᓗ ᐅᖃᕈᒫᕐᐳᑦ, ‘ᒪᓐᓇ ᓄᓇ ᓱᓇᖃᓚᐅᖏᑦᑐᖅ ᐄᑕᓂᐅᑉ ᐱᕈᕐᓰᕕᖓᑐᑦ ᑍᒤᓕᕐᐳᖅ; ᐃᒡᓗᒐᓴᒡᔪᐊᕕᓃᓪᓗ ᐃᓄᖃᓚᐅᖏᑦᑐᑦ ᓱᓇᑕᖃᓚᐅᕈᓐᓃᕐᑐᓪᓗ ᒫᓐᓇ ᐃᓄᖃᓕᕆᕗᖅ ᐊᕙᓗᕐᔪᐊᖃᓕᕐᓗᓂᓗ.’

ᔪᐃᓕᐅᑉ ᐊᒡᓚᖏᑦ 2:24

ᓂᐊᑰᔭᒃᓮᑦ ᐃᕖᔭᕐᑕᐅᕕᖏᑦ ᑕᑕᓐᓂᐊᕐᐳᑦ ᓂᐊᖂᔭᒃᓴᓂᒃ, ᐴᒃᓮᑦ ᕔᓂᒧᑦ ᐸᐅᕐᖎᓪᓗ ᐅᕐᓱᖏᓐᓄᑦ ᑕᑕᑦᓱᒫᕐᐳᖅ ᖄᒥᓪᓗᑎᒃ.

ᔪᐃᓕᐅᑉ ᐊᒡᓚᖏᑦ 3:18

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᔪᐃᓕᐅᑉ ᐊᒡᓚᖏᑦ 3:20

ᔫᑕ ᐃᓄᕾᓐᓇᐅᔭᕐᓂᐊᕐᐳᖅ ᐃᓱᖃᖏᑦᑐᒧᑦ, ᔨᕉᓴᓕᓗᑦᑕᐅᖅ ᐃᓄᕾᓐᓇᕐᓂᐊᕐᐳᖅ ᑭᖑᕚᕇᓂᑦ ᑭᖑᕚᕇᓄᑦ.

ᒨᓯᓯ ᐱᖓᔪᖏᑦ 26:5

ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᐂᒨᓯᐅᑉ ᐊᒡᓚᖏᑦ 9:5

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ, ᓄᓇᕐᔪᐊᖅ ᐊᒃᑐᕐᒪᒍ ᐊᐅᒃᐳᖅ, ᓄᓇᖃᕐᑐᓪᓗ ᑕᕝᕙᓂ ᑕᒪᕐᒥᒃ ᐃᓚᓐᖓᕐᑐᑐᑦ ᕿᐊᓕᕐᐳᑦ, ᓄᓇᓕᒫᖅ ᑰᒃᑐᑦ ᓁᓕᑐᑦ ᖄᒥᑦᑐᑐᑦ ᑍᒤᓕᕐᐳᖅ; ᐃᒤᕐᒥᓗᓂᓗ ᐄᑦᔨᑉᑎᐅ ᑰᖓᑐᑦ ᓁᓕᑐᑦ.

ᔪᐊᓇᓯᐅᑉ ᐊᒡᓚᖏᑦ 4:35

ᐅᖃᕐᐸᓐᖏᓚᓰ, ‘ᑕᖅᑮᑦ ᓱᓕ ᓯᑕᒪᐅᕗᑦ, ᑖᒃᑯᐊ ᓈᒃᐸᑕ ᑲᑎᕐᓱᐃᕕᖃᓛᕐᓂᐊᕐᐳᖅ?’ ᐅᖃᐅᑎᕙᑦᓯᓕ, ᐱᕈᕐᓰᕕᒃ ᑕᑯᑦᓯᐊᓚᐅᕐᓯᐅᒃ; ᐱᕈᕐᑐᑦ ᐱᕈᕇᕐᐳᑦ ᖃᑯᕐᓯᓪᓗᑎᒃ ᑲᑎᕐᓱᕐᑕᐅᑐᐃᓐᓇᕆᐊᖃᓕᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 5:5

ᖃᖅᑬᓪᓗ ᓴᔪᒃᐱᓗᓚᐅᕐᐳᑦ ᐊᑕᓂᐅᑉ ᓵᖓᓂ, ᓮᓁᒥ ᐊᑕᓂᐅᑉ ᓵᖓᓂ, ᐃᓴᕆᐊᓕᐅᑉ ᒎᑎᖓᑕ.