ᐂᒨᓯᐅᑉ ᐊᒡᓚᖏᑦ 8:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᐂᒨᓯᐅᑉ ᐊᒡᓚᖏᑦ 8:10 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:16

ᐱᓱᒃᓗᓂᓗ ᐃᖏᑉᐳᖅ ᐅᖓᓯᒋᐊᕐᔪᒃᑕᖓᓄᑦ. ᐱᓯᒃᓯᐅᑉ ᖃᕐᔪᖓᑕ ᑎᑭᑦᓱᓐᓇᕐᑕᖓᓄᑦ; ᐃᒻᒥᓄᓪᓗ ᐅᖃᓕᕐᓗᓂ, “ᕿᑐᕐᖓᕋ ᑐᖁᓕᕐᑎᓪᓗᒍ ᑕᑯᓐᓇᕈᒪᓐᖏᓚᖓ.” ᐊᑭᐊᓂ ᐃᒃᓯᕚᕐᑎᓪᓗᒍ, ᓄᑲᑉᐱᐊᖅ ᓂᐱᖅᑯᕐᑐᓪᓗᓂ ᕿᐊᓯᕗᖅ.

ᔫᐱᐅᑉ ᐊᒡᓚᖏᑦ 20:23

ᓂᕆᓗᓂ ᐊᕿᐊᑦᑐᓕᕐᑎᓪᓗᒍ, ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᔪᒫᕐᐹ, ᓱᒋᐊᕈᒫᕐᐹᓗ ᓯᓚᓗᒡᕕᐅᔪᑎᑐᑦ ᓱᓕ ᓂᕆᑎᓪᓗᒍ.

ᔫᐱᐅᑉ ᐊᒡᓚᖏᑦ 3:5

ᐅᓪᓗᖅ ᑍᓐᓇ ᓄᒫᓇᕐᓯᓗᓂ ᑖᕐᓯᒻᒪᕆᓕᕐᓕ. ᓄᕗᔭᓄᑦ ᐅᓕᒃᑕᐅᓕ; ᕿᕐᓈᖓᔪᓄᑦ ᑲᑉᐱᐊᓵᕐᑕᐅᓕ.

ᔫᐱᐅᑉ ᐊᒡᓚᖏᑦ 30:31

ᑐᓴᕐᓂᕐᑐᒥᒃ ᓂᓪᓕᐊᓂᕆᕙᓚᐅᕐᑕᕋ ᕿᒃᓵᒡᕙᓗᓐᖑᕐᐳᖅ, ᓱᐴᒐᕐᕙᓗᒐᓗ ᕿᐊᕙᓗᖕᒥᒃ ᓂᐱᖃᓕᕐᓗᓂ.”

ᐂᓮᐊᓯᐅᑉ ᐊᒡᓚᖏᑦ 3:24

ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 48:37

ᓂᐊᖁᓕᒫᑦ ᓄᔧᔭᕐᓯᒪᔪᐃᓐᓇᐅᓕᕐᐳᑦ, ᐅᒥᖃᕐᑐᓕᒫᓪᓗ ᐅᓐᖏᔭᕐᓯᒪᓕᕐᐳᑦ, ᐊᒡᒐᓕᒫᓪᓗ ᑭᓪᓕᐊᓯᒪᕗᑦ, ᕿᑎᕈᓯᕐᓯᒪᔪᐃᓐᓇᐅᓕᕐᓗᑎᒡᓗ ᐆᒪᔫᑉ ᒥᖅᑯᖏᓐᓂᒃ ᓴᓇᓯᒪᔪᓂᒃ.

ᔨᕆᒤᐊᐅᑉ ᐊᒡᓚᖏᑦ 6:26

“ᐃᓄᖁᑎᒃᑲ, ᐆᒪᔪᑦ ᒥᖅᑯᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᕐᑐᓕᕆᑦᓯ, ᐊᕐᔭᓕᓂᒃᑯᓪᓗ ᐊᒃᓴᑳᓗᓯ, ᕿᐊᒋᑦᓯ ᕿᒃᓵᒃᑐᐊᓗᒃᑎᑐᑦ ᐃᕐᓂᑐᐊᒥᓂᒃ ᑐᖁᔨᐊᖃᕋᑖᕐᑐᑎᑐᑦ, ᐅᒡᒍᐊᕐᓗᓯᓗ ᐊᓯᕈᐃᔭᐅᕐᑐᕐᑐᑦ ᑎᑭᓐᓂᐊᕐᒪᑕ ᓂᕆᐅᒡᕕᒋᓐᖏᑕᑦᓯᒍᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:15

ᐆᒻᒪᑎᑦᑕ ᖁᕕᐊᓱᖕᓂᖏᑦ ᓄᖅᑲᕐᐳᑦ, ᑖᓂᓯᕐᓂᕗᑦ ᒧᒥᒃᐳᖅ ᕿᒃᓵᖕᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 7:18

ᐳᑐᕐᓛᓂᒃ ᐊᓐᓄᕌᕈᒫᕐᐳᑦ, ᑲᑉᐱᐊᓱᖕᓂᕐᒧᑦ ᑕᑕᒥᓯᒪᓗᑎᒃ; ᑲᓐᖑᓱᖕᓂᖅ ᑮᓇᖏᓐᓂ ᑕᑯᒃᓴᐅᔪᒫᕐᐳᖅ, ᓂᐊᖁᑎᒡᓗ ᓴᓕᓗᒋᑦ ᓄᔧᕈᑎᔪᒫᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 7:2

“ᐃᕝᕕᑦ, ᐃᓅᑉ ᐃᕐᓂᖓ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐃᓴᕆᐊᓕᒥᐅᓄᑦ: ᐃᓱᓕᑉᐳᖅ! ᓄᓇᓕᒫᖅ ᐃᓘᓐᓈᑦ ᐃᓱᓕᕝᕕᒃᓴᒥᓄᑦ ᑎᑭᑉᐳᖅ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᔪᐃᓕᐅᑉ ᐊᒡᓚᖏᑦ 1:8

ᕿᐊᒋᑦᓯ, ᐃᓕᑦᓯ ᐃᓅᔪᓯ, ᐊᕐᓇᑐᑦ ᐃᓅᓱᒃᑑᓪᓗᓂ ᕿᒃᓵᒍᑎᖃᕐᑐᑐᑦ ᐅᐃᑖᕆᓂᐊᓚᐅᕐᑕᖓ ᑐᖁᖕᒪᑦ.

ᒨᓯᓯ ᐱᖓᔪᖏᑦ 13:40

“ᐊᖑᓪᓕ ᓄᔧᕐᐸᑦ, ᓂᐊᖁᐊ ᓄᔭᖃᕈᓐᓃᕐᓗᓂ, ᑖᓐᓇ ᓴᓗᒤᑦᑑᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 5:21

“ᓇᓪᓕᐅᓐᓂᕐᓯᐅᕐᕕᓯ ᐆᒥᒋᕙᒃᑲ ᓇᕐᕈᒋᓪᓗᒋᑦ, ᑐᒃᓯᐊᕆᐊᕐᓯᒪᓂᓯᓗ ᖁᕕᐊᒋᓐᖏᓚᒃᑲ.

ᐂᒨᓯᐅᑉ ᐊᒡᓚᖏᑦ 5:23

ᐃᓐᖏᕐᓂᓯ ᐅᕙᓐᓄᑦ ᓂᐸᖏᓚᐅᕐᓕᑦ, ᓂᑦᔮᑎᑦᓯᓂᓯᓗ ᓄᖃᕐᑎᓕᖕᓄᑦ ᓈᓚᖕᓂᐊᓐᖏᓚᒃᑲ.

ᐂᒨᓯᐅᑉ ᐊᒡᓚᖏᑦ 8:3

ᑐᒃᓯᐊᕐᕕᒡᔪᐊᒥ ᐃᓐᖏᕐᓃᑦ, ᐅᓪᓗᒥ ᑍᑲᓂ ᕿᐊᓂᕐᔪᐊᓐᖑᕐᑎᑦᓱᒫᕐᐸᒃᑲ,” ᐊᑕᓂᖅ ᒎᑎ ᐅᖃᕐᐳᖅ, “ᑐᖁᖓᔪᑦ ᑎᒥᖏᑦ ᐅᓄᕐᑐᕐᔪᐊᖑᔪᒫᕐᐳᑦ. ᓇᓂᑐᐃᓐᓇᖅ ᐊᓂᐅᖃᕐᑕᐅᔪᒫᕐᐳᑦ ᓂᐰᑦᑑᓗᑎᒃ.”

ᓇᕼᐅᒥᐅᑉ ᐊᒡᓚᖏᑦ 1:10

ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.