ᐂᒨᓯᐅᑉ ᐊᒡᓚᖏᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᒎᑎ ᐅᖃᕐᐳᖅ, “ᑕᑯᒋᑦ, ᐃᓅᖃᑎᒋᒡᔪᐊᓂᒃ ᒪᑭᑎᑦᓯᓂᐊᕐᐳᖓ ᐃᓕᑦᓯᓐᓂᒃ ᐊᑭᕋᕐᑐᕐᓂᐊᕐᑐᓂᒃ, ᐃᓴᕆᐊᓕᒧᑦ ᑭᖑᕚᖑᔪᓯ; ᐊᒃᓱᕈᕐᑎᑦᓯᓂᐊᕐᐳᓪᓗ ᐃᓕᑦᓯᓐᓂᒃ ᕼᐊᒫᑎᐅᑉ ᐃᑎᕆᐊᕐᕕᖓᓂᑦ ᐋᕋᐸᐅᑉ ᓇᕐᓴᖓ ᑎᑭᓪᓗᒍ.”

ᐂᒨᓯᐅᑉ ᐊᒡᓚᖏᑦ 6:14 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:65

ᑕᕝᕙᓂ ᑐᒃᓯᐊᕐᕕᒡᔪᐊᒥ ᓲᓗᒨᓂ ᐃᓴᕆᐊᓕᑎᑦ ᐃᓄᓕᒫᖏᓪᓗ ᓇᓪᓕᐅᓐᓂᕐᓯᐅᕐᐳᑦ ᑐᐲᓐᓇᕐᒦᖃᑦᑕᕐᓂᕐᒥᒃ ᐅᓪᓗᓄᑦ 7ᓄᑦ, ᐃᓄᒋᕌᓗᐃᑦ ᓯᐊᒻᒪᒃᓯᒪᓚᐅᕐᐳᑦ ᕼᐊᒫᑎᐅᑉ ᐃᑎᕐᑕᕐᕕᖓᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐄᑦᔨᑉᑎᐅᑉ ᑰᖓᑕ ᑭᒡᓕᖓᓄᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᓪᓗᑎᒃ.

ᐊᑕᓃᑦ ᐂᑉᐸᖏᑦ 14:25

ᐃᓴᕆᐊᓕᒥᐅᑦ ᓄᓇᖁᑎᒋᓚᐅᕐᑕᓕᒫᖓ ᐅᑎᕐᑎᓚᐅᕐᐹ, ᕼᐊᒫᑎᒥᑦ ᑕᓯᖅ ᑐᖁᖓᔪᖅ ᑎᑭᓪᓗᒍ. ᑕᒪᓐᓇᓗ ᑍᒤᑦᓱᒫᕐᓂᖓ ᐊᑕᓂᕐᒧᑦ ᐅᖃᐅᓯᐅᓯᒪᓚᐅᕐᒪᑦ ᐅᖃᕐᑎᒥᒍᑦ ᔫᓇᒃᑯᑦ ᐅᖃᐅᓯᐅᑎᓯᒪᖕᒪᒍ ᐊᒥᑍᑉ ᐃᕐᓂᖓᒍᑦ, ᒑᑎ-ᕼᐃᐱᕆᒥᐅᑕᒃᑯᑦ.

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 7:20

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᕿᐅᕐᑍᔨᒃᓴᒥᒃ ᑰᒑᓘᑉ ᐊᑭᐊᓂᑦ ᑎᓕᓯᔪᒫᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᒻᒪᕆᖓᓐᓂᒃ, ᑖᑦᓱᒪᓗ ᐅᓐᖏᔭᕐᑕᐅᑎᑦᓱᒫᕐᐹᓯ ᕿᐅᕐᑕᕐᑕᐅᑎᓪᓗᓯᓗ, ᓂᐅᓯᓗ ᒥᖅᑯᐃᔭᕐᑕᐅᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 47:20

“ᓄᓇᐅᑉ ᐊᕕᒃᓯᒪᓂᖓ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ, ᒥᑎᑎᕇᓂᐊᒥᑦ ᑕᕆᐅᕌᓗᖕᒥᑦ ᐱᒋᐊᕐᓯᒪᔪᒃᓴᐅᕗᖅ ᐅᓐᓄᐊᓪᓗᐊᑉ ᓇᓛᓄᐊᖓᓗᓂ ᕼᐊᒫᑎᐅᑉ ᐊᑭᐊᓄᑦ ᑎᑭᓪᓗᓂ. ᑕᒪᓐᓇ ᑕᕝᕙ ᓯᕿᓂᐅᑉ ᓂᐱᕕᐊᓃᑦᑐᖅ ᑍᒤᓕᖓᔪᒃᓴᐅᕗᖅ.

ᕼᐆᓯᐊᑉ ᐊᒡᓚᖏᑦ 10:5

ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.

ᐂᒨᓯᐅᑉ ᐊᒡᓚᖏᑦ 3:11

ᑕᒪᓐᓇ ᐱᓪᓗᒍ ᐊᑕᓂᖅ ᒎᑎ ᐅᖃᕐᐳᖅ: “ᐊᑭᕋᕐᑐᕐᑎᖏᑦ ᓄᓇᒥ ᓇᓂᑐᐃᓐᓈᓕᕐᓂᐊᕐᐳᑦ, ᓴᐳᓐᓂᐊᕈᑎᖏᓪᓗ ᓯᖁᒥᓐᓂᐊᕐᐰᑦ, ᕿᒫᕕᖏᓪᓗ ᑎᒡᓕᒐᕐᕕᒋᓗᒋᑦ.”