ᐂᒨᓯᐅᑉ ᐊᒡᓚᖏᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑲᑉᐱᐊᓇᒦᒃ ᐃᓕᑦᓯ ᐊᒃᓱᕈᕐᓇᖏᑦᑐᒥ ᐃᓅᔪᓯ ᓮᐅᓂᒥ, ᑕᑎᖃᕐᑐᓪᓗ ᓴᒥᐊᕆᐊᑉ ᖃᖅᑲᖓᓂᒃ, ᓯᕗᓕᕐᑎᐅᔪᓯᓗ ᐅᐱᒋᔭᐅᓪᓗᓯ ᐃᓅᖃᑎᒌᒡᔪᐊᓂ ᐊᔪᖏᑦᑐᕐᔪᐊᓂ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᑕᑎᒋᔭᐅᕙᒃᑐᓯ!

ᐂᒨᓯᐅᑉ ᐊᒡᓚᖏᑦ 6:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 16:24

ᓴᒥᐊᕆᐊᒥᐅᑦ ᖃᖅᑲᖓᓂᒃ ᓂᐅᕕᕐᐳᖅ ᓯᒥᕆᒥᑦ ᓯᐅᓪᕕᕆᓄᑦ ᑖᓚᓐᑏᖕᓄᑦ ᒪᕐᕉᖕᓄᑦ, ᖃᖅᑲᐅᓪᓗ ᖄᖓ ᓴᐴᓗᑕᓕᐅᕐᐹ, ᐃᒡᓗᒐᓮᓪᓗ ᑍᕔᑦ ᓴᓇᔭᓂ, ᓴᒥᐊᕆᐊᒥᒃ, ᑍᒫᒃ ᐊᑎᖃᕐᑎᑉᐹ ᓯᒧᕐ ᐱᓪᓗᒍ, ᓇᖕᒥᓂᖃᓚᐅᕐᒪᑦ ᖃᖅᑲᒥᒃ.

ᐃᓐᖏᕈᑎᑦ 123:4

ᐊᑯᓂᐅᓗᐊᕐᑐᖅ ᐱᐅᔪᕆᔪᓄᑦ ᒥᑕᐅᑎᒋᔭᐅᕐᔪᐊᕐᓯᒪᓕᕋᑦᑕ, ᓇᕐᕈᓇᕐᓯᑎᑕᐅᓯᒪᒻᒪᕆᒃᓗᑕᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:32

ᓯᓔᑦᑐᑦ ᑐᖁᒧᑦ ᑎᑭᑉᐸᒃᐳᑦ ᑲᒪᓐᖏᒧᑦ, ᓯᓔᑦᑐᑦ ᐊᓯᕈᕐᑕᐅᓕᕐᐸᒃᐳᑦ ᓈᒻᒪᒐᓱᒋᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᔨᕆᒤᐊᐅᑉ ᐊᒡᓚᖏᑦ 2:3

ᐃᓴᕆᐊᓕ ᐃᑦᔪᕐᓁᓚᐅᕐᐳᖅ ᐊᑕᓂᕐᒧᑦ; ᓯᕗᓪᓕᕐᐸᐅᕗᖅ ᐸᐅᕐᖓᓂ ᐱᕈᕐᑐᓂᑦ ᑲᑎᕐᓱᐃᕕᖕᒥ, ᓂᕆᔪᓕᒪᑦ ᐸᓯᔭᒃᓴᐅᓕᕐᐳᑦ; ᐱᐅᖏᑦᑐᓄᑦ ᑎᑭᑕᐅᕗᑦ, ᐅᕙᖓ ᐊᑕᓂᐅᔪᖓ ᐅᖃᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 48:11

“ᒧᐊᐱᒥᐅᑦ ᑍᒪᓐᖓᑦ ᐸᒡᕕᓴᒃᑕᐅᓚᐅᕐᓯᒪᓐᖏᓚᑦ ᓄᓇᓕᓐᖑᓚᐅᕐᓯᒪᓐᓂᕋᒥᒃ, ᕔᓂᑎᑐᑦ ᐊᐅᓚᑎᑕᐅᓚᐅᕐᓯᒪᖏᑦᑐᑎᑐᑦ ᑯᕕᐅᕋᕐᑕᐅᓚᐅᕐᓯᒪᖏᑦᑐᑎᑐᓪᓗ, ᑎᒍᔭᐅᓗᓂ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᓚᐅᕐᓯᒪᖏᓐᓇᒥ, ᕔᓂᐅᑉ ᑎᐱᖃᑦᓯᐊᕐᓂᖓᑕ ᐊᑦᔨᒋᕔᑦ, ᒪᒪᕐᓂᖓᑕ ᐊᓯᓐᖑᕐᓯᒪᖏᓐᓂᖓᑐᑦ.

ᔨᕆᒤᐊᐅᑉ ᐊᒡᓚᖏᑦ 49:31

ᐃᓅᖃᑎᒌᒡᔪᐊᑦ ᐃᓕᒪᓱᖏᑦᑐᑦ ᐅᓇᑕᕐᕕᐅᓂᐊᕋᓱᒋᓗᑎᒃ ᐅᐸᒃᑐᓕᕐᓯᐅᒃ, ᐊᑕᓂᖅ ᐅᖃᕐᐳᖅ, ᓄᓇᓕᒡᔪᐊᖏᑦ ᐃᑎᕐᑕᕐᕕᖃᖏᑦᑐᑦ ᐃᑎᕇᒃᑯᑎᖃᕋᑎᒡᓗ ᐃᓄᖏᑦ ᐱᔭᐅᑦᔧᒃᑯᑎᖃᖏᑦᑐᑦ.

ᔨᕆᒤᐊᐅᑉ ᐊᒡᓚᖏᑦ 5:5

ᐊᖓᔪᖅᑳᓄᑦ ᐂᓂᐊᕐᐳᖓ, ᐅᖃᓪᓚᒡᕕᒋᓗᒋᓪᓗ ᓇᓗᓇᓐᖏᓚᖅ ᖃᐅᔨᒪᒐᔭᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᐱᓂᐊᕐᑕᐅᖁᔭᖏᓐᓂᒡᓗ, ᑭᓯᐊᓂᑦᑕᐅᖅ ᓇᖕᒪᐅᑎᒥᖕᓂᒃ ᓱᕅᓯᒪᕗᑦ, ᕿᓚᕈᑎᖏᓪᓗ ᕿᒃᑐᕋᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:4

ᐅᖃᐅᓯᑦᓯᓐᓄᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᓕᕌᖓᑦᓯ, ‘ᐊᑕᓂᐅᑉ ᐅᓇ ᑐᒃᓯᐊᕐᕕᒃᔪᐊᖁᑎᖓ, ᐊᑕᓂᐅᑉ ᑕᕝᕙ ᑐᒃᓯᐊᕐᕕᒡᔪᐊᖁᑎᖓ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓ!’

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:1

ᐃᒡᓗᒐᓴᒡᔪᐊᑦ ᐃᓄᒋᐊᒃᑑᕙᓚᐅᕐᑐᑦ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᐳᑦ! ᐃᓅᖃᑎᒌᒡᔪᐊᓪᓗ ᐅᐱᒋᔭᐅᑦᓯᐊᓚᐅᕐᑐᑦ, ᒫᓐᓇ ᐅᐃᒡᒐᕐᓂᕐᑎᑐᑦ ᑍᒤᓕᕐᐳᑦ; ᓄᓇᓖᑦ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑳᕆᔭᐅᓚᐅᕐᑐᑦ, ᒫᓐᓇ ᓯᐊᓛᕆᔭᐅᓕᕐᐳᑦ.

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᐂᒨᓯᐅᑉ ᐊᒡᓚᖏᑦ 3:9

ᐅᖃᕆᐊᕐᑐᕆᑦ ᕿᒫᕕᖕᓄᑦ ᐋᔅᑖᑦᒧᑦ, ᐄᑦᔨᑉᑎᐅᓪᓗ ᕿᒫᕕᖏᓐᓄᑦ, ᐃᒫᒃ ᐅᖃᕐᓗᑎᑦ, “ᑲᑎᓕᕆᑦᓯ ᓴᒥᐊᕆᐊᑉ ᖃᖅᑲᖓᓄᑦ; ᑕᑯᓕᕆᑦᓯᓗ ᑕᕝᕙᓂ ᐅᐃᒪᔮᕐᑐᓂᒃ, ᐱᑦᓯᐊᕐᑕᐅᖏᑦᑐᓂᒡᓗ ᐃᓄᖕᓂᒃ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 5:27

ᑍᒤᒻᒪᑦ ᐊᐅᓪᓚᕈᑎᔪᒫᓕᕐᐸᑦᓯ ᑕᒫᓯᑰᓯᐅᑉ ᐅᖓᑖᓄᑦ,” ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᐊᑎᖃᕐᑐᖅ.

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”

ᐂᒨᓯᐅᑉ ᐊᒡᓚᖏᑦ 9:10

ᐃᓄᖁᑎᓐᓂ ᐊᔪᕐᑐᓕᔪᓕᒫᑦ ᑐᖁᔪᒫᕐᐳᑦ ᓴᕕᒡᔪᐊᒧᑦ, ᐃᒫᒃ ᐅᖃᕐᑐᑦ, ‘ᐱᐅᖏᑦᑐᒧᑦ ᐊᖑᔭᐅᓂᐊᓐᖏᓚᒍᑦ ᑎᑭᑕᐅᓂᐊᓐᖏᓚᒍᓪᓘᓐᓃᑦ.’”

ᒤᑲᐅᑉ ᐊᒡᓚᖏᑦ 3:1

ᐅᖃᕐᐳᖓ, “ᑐᓴᓚᐅᕆᑦᓯ, ᐃᓕᑦᓯ ᓯᕗᓕᕐᑎᐅᔪᓯ ᔧᑯᒃᑯᓐᓂ, ᐃᓕᑦᓯᓗ ᐊᐅᓚᑦᓯᔨᐅᔪᓯ ᐃᓴᕆᐊᓕᒥᐅᓄᑦ: ᖃᐅᔨᒪᔪᒃᓴᐅᓐᖏᓚᓰ ᐃᖅᑲᕐᑐᐃᑦᓯᐊᕐᓂᕐᒥᒃ?

ᔨᐸᓁᐊᐅᑉ ᐊᒡᓚᖏᑦ 1:12

“ᑕᒪᓐᓇ ᐊᑐᓕᕐᐸᑦ ᔨᕉᓴᓕᒻ ᕿᓂᕐᕕᒋᔪᒫᕐᐸᕋ ᓇᓂᕈᐊᓄᑦ, ᓱᒋᐊᕈᒫᕐᐸᒃᑲᓗ ᐃᒻᒥᖕᓂᒃ ᓈᒻᒪᒐᓱᒋᔪᑦ ᐱᔪᓐᓇᕋᓱᒋᔪᓪᓗ, ᐆᒻᒪᑎᒥᒍᓪᓗ ᐃᓱᒪᔪᑦ, ‘ᐊᑕᓂᖅ ᐱᐅᔪᓂᒃ ᐱᐅᖏᑦᑐᓂᒡᓘᓐᓃᑦ ᐱᓇᓱᐊᕐᓂᐊᓐᖏᓚᖅ.’

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᔧᒥᓯᐅᑉ ᐊᒡᓚᖏᑦ 5:5

ᒫᓂ ᓄᓇᒥ ᐊᔪᕐᓴᖏᑦᑐᐊᓘᓪᓗᓯ ᖁᕕᐊᓱᑐᐃᓐᓇᕋᓱᐊᕐᓗᓯᓗ ᐃᓅᓚᐅᕐᐳᓯ; ᐃᓕᑦᓯᓐᓂᒃ ᖁᐃᓂᔪᓐᖑᕐᑎᑉᐳᓯ ᐅᓪᓗᒧᑦ ᑐᖁᑕᐅᓂᒃᓴᑦᓯᓐᓄᑦ.

ᐲᑦᑐᕉᓯ ᓯᕗᓪᓖᑦ 5:7

ᐃᓱᒫᓗᒍᑎᓕᒫᓯ ᑖᑦᓱᒧᖓ ᐱᑎᓯᒋᒃ, ᑖᑦᓱᒪ ᑲᒪᒋᑦᓯᐊᕈᒪᖕᒪᓯ.

ᐃᓗᐊᕐᓮᔩᑦ ᐊᒡᓚᖏᑦ 18:7

ᑖᒃᑯᐊ ᐊᖑᑎᑦ ᑕᓪᓕᒪᑦ ᐊᐅᓪᓚᕐᐳᑦ ᐂᓪᓗᑎᒡᓗ ᓄᓇᓕᖕᒧᑦ ᓔᓯᒧᑦ. ᐃᓄᖏᓪᓗ ᑍᑲᓃᑦᑐᑦ ᑕᑯᓪᓗᒋᑦ, ᓄᓇᖃᕐᑐᑦ ᐊᑭᕋᕐᑐᕐᑎᖃᕋᑎᒃ, ᓮᑐᓂᒥᐅᑎᑐᑦ ᐃᓂᓪᓚᖓᑦᓯᐊᕐᓗᑎᒃ, ᐅᐃᒪᖏᑦᑑᓚᐅᕐᐳᑦ, ᐊᑭᕋᕐᑐᕐᓂᖃᕋᑎᒃ ᑭᓇᒧᓪᓘᓐᓃᑦ; ᓈᒻᒪᑦᓯᐊᓚᐅᕐᐳᑦ. ᓄᓇᖃᓚᐅᕐᐳᑦ ᓮᑐᓂᒥᐅᑦ ᐅᖓᓯᒋᔭᖓᓂ, ᐃᓅᖃᑎᖃᓚᐅᕐᓇᑎᒡᓗ ᖃᓂᒋᔭᒥᖕᓂ.