ᐂᒨᓯᐅᑉ ᐊᒡᓚᖏᑦ 5:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐅᕙᓐᓄᑦ ᑐᓂᕐᕈᓯᕋᓗᐊᕋᑦᓯ ᐃᑯᐊᓚᑦᓯᓂᕐᒧᑦ ᑐᓂᕐᕈᑎᓂᒃ, ᓂᐊᖂᔭᒃᓴᓂᒡᓗ ᑐᓂᕐᕈᓯᕋᓗᐊᕋᑦᓯ ᐃᓚᓕᐅᕐᓂᐊᓐᖏᓚᒃᑲ, ᑐᓂᕐᕈᓯᕋᓗᐊᕈᑦᓯᓗ ᐃᓚᒋᔭᐅᑦᓯᐊᕈᒪᓂᕐᒧᑦ ᖁᐃᒃᑎᓴᕐᑕᐅᓯᒪᔪᓂᒃ ᐃᒃᐱᒋᓂᐊᓐᖏᓚᒃᑲ.

ᐂᒨᓯᐅᑉ ᐊᒡᓚᖏᑦ 5:22 ပူးပေါင်းရင်းမြစ်များ

ᐃᓐᖏᕈᑎᑦ 116:17

ᖁᔭᓕᓂᕐᒥᒃ ᑐᓂᕐᕈᓯᕕᒋᓂᐊᕐᐸᒋᑦ ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᓕᕕᒋᓂᐊᕐᐸᕋ.

ᐃᓐᖏᕈᑎᑦ 40:6

ᐆᒪᔪᐃᑦ ᐆᑕᒃᓮᑦ ᑐᓂᕐᕈᑎᒃᓮᓪᓗ ᐊᓯᖏᑦ ᐱᔪᒪᓐᖏᓚᑎᑦ; ᓯᐅᑏᒃᑲᒃ ᐊᖕᒪᓚᐅᕋᕕᒋᒃ. ᑐᓂᕐᕈᑎᑦ ᐆᑕᒃᓮᑦ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑎᑦ ᐱᔪᒪᓚᐅᓐᖏᓚᑎᑦ.

ᐃᓐᖏᕈᑎᑦ 50:23

ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 1:11

ᓱᓇᐅᕙᑦ ᐅᓄᕐᑐᑦ ᐆᒪᔪᑦ ᑐᓂᕐᕈᑎᒋᖃᑦᑕᕐᑕᑦᓯ ᐅᕙᓐᓄᑦ? ᐊᑕᓂᖅ ᐅᖃᕐᐳᖅ; ᐊᕆᐅᑉᐸᒃᑲ ᑐᓂᕐᕈᑎᒋᖃᑦᑕᕐᑕᓯ ᓰᐲᑦ ᐊᖑᓴᓪᓗᖏᑕ ᑐᓐᓄᖏᑦ, ᐃᒻᒧᒃᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᑦ ᓄᕐᕋᐅᔧᓪᓗ ᒎᑦᓰᓪᓗᑦᑕᐅᖅ ᑐᓂᕐᕈᑕᐅᓂᖏᑦ ᖁᕕᐊᒋᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 14:10

ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ ᐃᓄᖕᓄᑦ, “ᐅᕙᓐᓂᒃ ᕿᒤᖃᑦᑕᕐᓗᑎᒃ ᖁᕕᐊᓱᓚᐅᕐᐳᑦ, ᓄᖅᑲᖓᔭᕆᐊᒃᓴᖅ ᐊᔪᓚᐅᕋᒥᒃ; ᑍᒤᒻᒪᑦ ᐊᑕᓂᐅᑉ ᐃᓚᓕᐅᕈᓐᓃᕐᐰᑦ ᐱᐅᖏᑦᑐᓕᓂᖏᑦ ᐃᖅᑲᐅᒪᔭᑐᐊᕆᓕᕐᐰᑦ ᐊᔪᕐᑐᓕᓂᖏᓪᓗ ᐱᑦᔪᑎᒋᓪᓗᒋᑦ ᓱᒋᐊᕐᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 6:20

ᐳᔫᕐᑎᑦᓯᑦᔪᑎᒃᓮᑦ ᓰᐸᒥᑦ ᐱᓯᒪᔪᑦ ᓱᓇᒧᑦ ᐊᑑᑎᖃᕐᐸᑦ, ᓄᓇᓂᓪᓘᓐᓃᑦ ᐅᖓᓯᒃᑐᓂᑦ ᓰᕐᓇᕐᑐᑦ ᐱᑖᕕᓂᖏᑦ? ᑐᓂᕐᕈᑎᓯ ᐆᒪᔪᕕᓃᑦ ᐆᓯᒪᔪᑦ ᑐᓂᕐᕈᓯᕐᕕᖕᒥ ᓈᒻᒪᒋᓐᖏᓚᒃᑲ, ᑐᓂᕐᕈᓯᕈᑎᒋᔭᓯᓗ ᖁᕕᐊᒋᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 7:21

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ ᐊᑏ ᑐᓂᕐᕈᑕᐅᕙᒃᑐᑦ ᐆᑕᒃᓴᑦ ᑐᓂᕐᕈᑎᒃᓴᓄᑦ ᐊᓯᖏᓐᓄᑦ ᐃᓚᓕᐅᑎᓕᕐᓯᐅᒃ ᓂᕿᐅᓂᖏᑦ ᓂᕆᓗᓯᐅᒃ ᓇᖕᒥᓂᖅ.

ᒨᓯᓯ ᐱᖓᔪᖏᑦ 7:11

“ᐅᑯᐊ ᑕᕝᕙ ᐱᖁᔧᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓮᑦ ᐱᓪᓗᒋᑦ ᐃᓅᑉ ᓇᓪᓕᐊᑐᐃᓐᓇᐅᑉ ᑐᓂᔪᓐᓇᕐᑕᖏᑦ ᐊᑕᓂᕐᒧᑦ.

ᐂᒨᓯᐅᑉ ᐊᒡᓚᖏᑦ 5:23

ᐃᓐᖏᕐᓂᓯ ᐅᕙᓐᓄᑦ ᓂᐸᖏᓚᐅᕐᓕᑦ, ᓂᑦᔮᑎᑦᓯᓂᓯᓗ ᓄᖃᕐᑎᓕᖕᓄᑦ ᓈᓚᖕᓂᐊᓐᖏᓚᒃᑲ.

ᒪᓚᑬᑉ ᐊᒡᓚᖏᑦ 1:9

“ᒫᓐᓇᓕ ᒎᑎᐅᑉ ᖁᕕᐊᒋᔭᖓᓂᒃ ᕿᓂᓕᕆᑦᓯ, ᐅᕙᑦᑎᓐᓄᑦ ᓈᒃᑭᒍᓱᓕᖁᓪᓗᒍ. ᑍᒤᓕᐅᓕᕈᑦᓯ, ᓈᒻᒪᒋᒐᔭᕐᐹᓰ? ᖁᕕᐊᒋᓗᓯᓗ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᒧᐃᓕ ᓯᕗᓪᓖᑦ 15:22

ᓴᒧᐃᓕᓗ ᐅᖃᕐᐳᖅ, “ᐊᑕᓂᖅ ᖁᕕᐊᒋᔭᖃᕐᓂᕐᓴᐅᕚ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ, ᓈᓚᖕᓂᕐᒥᒃ ᐊᑕᓂᐅᑉ ᓂᐱᖓᓂᑦ? ᑕᑯᒋᑦ, ᓈᓚᖕᓂᖅ ᐱᓪᓚᕆᐅᓂᕐᓴᐅᕗᖅ ᑐᓂᕐᕈᑎᓂᑦ, ᓰᐲᑦ ᐊᖑᓴᓪᓗᖏᑕ ᖁᐃᓂᔪᑦ ᑐᓂᕐᕈᑕᐅᓂᖏᓐᓂᑦ.