ᐂᒨᓯᐅᑉ ᐊᒡᓚᖏᑦ 5:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᓇᓪᓕᐅᓐᓂᕐᓯᐅᕐᕕᓯ ᐆᒥᒋᕙᒃᑲ ᓇᕐᕈᒋᓪᓗᒋᑦ, ᑐᒃᓯᐊᕆᐊᕐᓯᒪᓂᓯᓗ ᖁᕕᐊᒋᓐᖏᓚᒃᑲ.

ᐂᒨᓯᐅᑉ ᐊᒡᓚᖏᑦ 5:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:9

ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ, ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᔨᕆᒤᐊᐅᑉ ᐊᒡᓚᖏᑦ 6:20

ᐳᔫᕐᑎᑦᓯᑦᔪᑎᒃᓮᑦ ᓰᐸᒥᑦ ᐱᓯᒪᔪᑦ ᓱᓇᒧᑦ ᐊᑑᑎᖃᕐᐸᑦ, ᓄᓇᓂᓪᓘᓐᓃᑦ ᐅᖓᓯᒃᑐᓂᑦ ᓰᕐᓇᕐᑐᑦ ᐱᑖᕕᓂᖏᑦ? ᑐᓂᕐᕈᑎᓯ ᐆᒪᔪᕕᓃᑦ ᐆᓯᒪᔪᑦ ᑐᓂᕐᕈᓯᕐᕕᖕᒥ ᓈᒻᒪᒋᓐᖏᓚᒃᑲ, ᑐᓂᕐᕈᓯᕈᑎᒋᔭᓯᓗ ᖁᕕᐊᒋᓐᖏᓚᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 23:18

ᐊᖑᓐᓂᐊᕐᓂᓂᓕ ᑲᔪᓯᑎᓐᓇᒥᐅᒃ ᑲᓐᖑᓱᒐᓂ ᐊᓐᓄᕌᖃᖏᓐᓂᓂ ᓴᖅᑭᔮᕐᑎᓕᕐᒪᒍ, ᑐᓄᓚᐅᕐᐸᕋ ᓇᕐᕈᒋᓕᕐᓗᒍ, ᐊᖓᔪᐊᑦᑕᐅᖅ ᑍᒤᓚᐅᕐᒥᒐᒃᑯ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.

ᕼᐆᓯᐊᑉ ᐊᒡᓚᖏᑦ 5:6

ᓰᐱᖁᑎᒥᖕᓂᒃ ᐆᒪᔪᖁᑎᒥᖕᓂᒡᓗ ᐂᑦᑐᐃᕗᑦ ᑐᓂᕐᕈᓯᕐᓗᑎᒃ ᐊᑕᓂᕐᒧᑦ, ᓇᒡᕚᕐᓂᐊᓐᖏᓚᓪᓕ ᑖᑦᓱᒥᖓ; ᑖᑦᓱᒪ ᕿᒪᒃᓯᒪᓕᕐᒪᒋᑦ.

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᐂᒨᓯᐅᑉ ᐊᒡᓚᖏᑦ 4:4

“ᐱᑎᓕᒧᐊᕆᑦᓯ ᐊᔪᕐᑐᓕᓗᓯᓗ, ᒋᐅᓪᒐᐅᓪᒥᓗ ᐊᔪᕐᑐᓕᓂᓯ ᐊᖏᒡᓕᒋᐊᕐᑎᓯᒋᒃ, ᑐᓂᕐᕈᓯᕐᓗᓯᓗ ᐅᓪᓛᑕᒫᑦ, ᑕᓪᓕᒪᐅᔪᐃᕆᑦᓯᓗ ᐅᓪᓗᐃᑦ ᐱᖓᓱᖏᓐᓂ ᑕᒫᑦ.

ᐂᒨᓯᐅᑉ ᐊᒡᓚᖏᑦ 4:5

ᑐᓂᕐᕈᓯᓕᕆᑦᓯ ᖁᔭᓕᓂᕐᒧᑦ ᓂᐊᖂᔭᓂᒃ ᐳᕙᓪᓚᕐᓴᐅᑎᓕᖕᓂᒃ, ᐅᖃᕆᑦᓯ ᓇᓗᓁᕐᓯᓗᓯᓗ ᐃᓱᒤᓐᓇᕐᕆᓯᐅᑎᒥᒃ ᑐᓂᕐᕈᓯᕐᓂᑦᓯᓐᓂᒃ, ᑕᒪᓐᓇ ᐱᐅᒋᒐᑦᓯᐅᒃ, ᐃᓕᑦᓯ ᐃᓴᕆᐊᓕᒥᐅᖑᔪᓯ!” ᐊᑕᓂᖅ ᒎᑎ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 6:8

ᐊᑕᓂᖅ ᒎᑎᐅᓂᕐᒥᒍᑦ ᐊᖏᒻᒪᕆᒃᐳᖅ, ᕿᓚᖕᒥᐅᒐᓴᒃᔪᐊᑦ ᐊᑕᓂᖓ ᒎᑎ ᐅᖃᕐᐳᖅ, “ᔧᑰᑉ ᐱᐅᔪᕆᓂᖓ ᓇᕐᕈᒋᕙᕋ, ᕿᒫᕕᖏᓪᓗ ᐆᒥᒋᕙᒃᑲ, ᑍᒤᒻᒪᑦ ᐃᒡᓗᒐᓴᖓ ᐂᑦᑑᑎᒋᓂᐊᕐᐸᕋ ᑕᕝᕙᓃᑦᑐᓕᒫᓪᓗ.”

ᐂᒨᓯᐅᑉ ᐊᒡᓚᖏᑦ 8:10

ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.