ᐂᒨᓯᐅᑉ ᐊᒡᓚᖏᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐱᐅᖏᑦᑐᖅ ᐆᒥᒋᓯᐅᒃ, ᐱᐅᔪᖅ ᐅᖓᒋᓗᒍ, ᐊᑲᐅᔪᒥᒡᓕ ᐱᓇᓱᐊᕆᑦᓯ ᐃᖅᑲᕐᑐᐃᕕᖕᓂ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᓂᑲᒍᓱᓕᖁᓪᓗᒍ ᔫᓯᐱᐅᑉ ᑭᖑᕚᖏᑕ ᐊᒥᐊᒃᑯᖏᓐᓂᒃ.”

ᐂᒨᓯᐅᑉ ᐊᒡᓚᖏᑦ 5:15 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐊᑕᓃᑦ ᓯᕗᓪᓖᑦ 20:31

ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.”

ᐊᑕᓃᑦ ᐂᑉᐸᖏᑦ 13:7

ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 19:4

ᐃᒻᒪᖄ ᐊᑕᓂᐅᑉ ᒎᑎᑦᓯ ᑐᓵᓚᐅᕐᐹ ᕌᑉᓴᑭᐅᑉ ᐅᖃᐅᓯᖏᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᓚᐅᕐᑕᖏᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᑐᓂᒃ, ᐊᑕᓂᐅᑉ ᒎᑎᕕᑦ ᑕᒪᒃᑯᐊ ᐅᖃᐅᓯᐅᔪᑦ ᐅᕙᑦᑎᓐᓄᑦ ᒥᑕᐅᑎᖃᕐᓗᑎᒃ ᓱᒋᐊᕐᓕᒋᑦ ᑍᒤᑦᑐᓂᒃ ᐅᖃᓪᓚᒃᑐᕕᓃᒃ, ᑍᒤᒻᒪᑦ ᐃᓄᖁᑎᑦᑕ ᐊᒥᐊᒃᑯᖏᑦ ᒎᑎᒧᑦ ᑐᒃᓯᐅᑎᒃᑭᑦ.”

ᐃᓐᖏᕈᑎᑦ 119:104

ᐱᓇᓱᐊᕐᑕᐅᖁᔭᕐᓄᑦ ᖃᐅᔨᒪᑎᑕᐅᓕᕐᐳᖓ; ᑍᒤᒻᒪᑦ ᓱᓕᖏᑦᑐᓕᒫᓂᒃ ᐱᐅᒃᓴᓐᖏᓚᖓ.

ᐃᓐᖏᕈᑎᑦ 34:14

ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.

ᐃᓐᖏᕈᑎᑦ 36:4

ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ; ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ. ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.

ᐃᓐᖏᕈᑎᑦ 37:27

ᐱᐅᖏᑦᑐᓕᓂᖅ ᑐᓄᓕᕈᒃ, ᐱᐅᔪᒥᒡᓗ ᐱᓇᓱᐊᓕᕐᓗᑎᑦ; ᐃᓱᖃᖏᑦᑐᒧᑦ ᑕᕝᕙ ᐃᓅᓂᐊᕐᐳᑎᑦ.

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᐃᓐᖏᕈᑎᑦ 97:10

ᐊᑕᓂᐅᑉ ᓇᒡᓕᒋᕔᑦ ᐱᐅᖏᑦᑐᒥᒃ ᐆᒥᒋᔭᓖᑦ; ᑖᑦᓱᒪ ᐃᓄᖁᑎᖏᑕ ᐃᓅᓯᖏᑦ ᓴᐳᑎᓯᒪᖕᒪᒋᑦ; ᐱᐅᖏᑦᑐᑦ ᐱᓇᓱᐊᕐᓂᖏᓐᓂᑦ ᓴᐳᑎᕔᑦ.

ᒨᓯᓯ ᐂᑉᐸᖏᑦ 32:30

ᖃᐅᑎᓪᓗᒍ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᓯ ᐊᖏᔪᕐᔪᐊᒥᒃ ᐊᔪᕐᑐᓕᓂᕐᒥᒃ. ᒫᓐᓇᓕ ᖃᖅᑲᒧᑦ ᒪᔪᕋᕐᓂᐊᕐᐳᖓ ᐊᑕᓂᕐᒧᑦ; ᖃᐅᔨᔭᕐᑐᕋᓱᐊᕐᓗᖓ ᐃᓱᒪᒋᔪᓐᓁᕐᑕᐅᔪᓐᓇᕐᒪᖔᑦᓯ ᐊᔪᕐᑐᓕᓂᑦᓯᓐᓂᑦ.”

ᔨᕆᒤᐊᐅᑉ ᐊᒡᓚᖏᑦ 18:8

ᑭᖑᓂᖓᒍᓪᓗ ᐃᓅᖃᑎᒌᒡᔪᐊᑦ ᖃᕿᐊᓕᕐᐸᑕ ᐱᐅᖏᑦᑐᓕᓂᕐᒥᖕᓂᑦ, ᐊᓯᕈᕐᑕᐅᑦᔪᑎᒃᓴᕋᓗᐊᖏᓐᓂᒃ ᑲᔪᓯᕕᐅᑎᓐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 22:3

ᐃᒫᒃ ᐊᑕᓂᖅ ᐅᖃᕐᐳᖅ: ᐊᑦᔨᒌᒃᑎᑦᓯᓂᕐᒥᒃ ᐃᓱᐊᕐᑐᓕᓂᕐᒥᒡᓗ ᐱᓇᓱᐊᕆᑦᓯ, ᓴᐳᑦᔨᓯᒪᓇᓱᐊᕐᐸᒡᓗᓯᓗ ᑎᒡᓕᒡᕕᐅᓯᒪᔪᓂᒃ; ᓄᓇᑦᓯᓐᓂᒥᐅᑕᐅᖏᑦᑐᓂᒡᓗ ᐱᑦᓯᐊᖃᑦᑕᕐᓗᓯ, ᐱᓂᕐᓗᐃᑦᑍᓕᒋᑦᓯ ᐊᑖᑕᖃᖏᑦᑐᓂᒃ ᐅᐃᒡᒐᕐᓂᕐᓂᒡᓗ, ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ ᑕᒫᓂ ᓄᓇᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 31:7

ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

ᐃᓯᑭᐊᓕᐅᑉ ᐊᒡᓚᖏᑦ 45:9

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᑯᓂᓗᐊᖅ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᔪᓯ ᐱᕋᔭᒃᑐᓂᒃ ᐊᓂᒍᑐᐃᓐᓇᕐᑎᑦᓯᖃᑦᑕᕋᑦᓯ ᐊᒃᓱᕈᕐᑎᑦᓯᓪᓗᓯᓗ, ᓈᒻᒪᓈᕐᑐᒥᒃ ᐃᓱᐊᕐᑐᒥᒡᓗ ᐱᓇᓱᐊᓕᕆᑦᓯ; ᐃᓄᖁᑎᓐᓂᒃ ᐊᕐᓵᕐᑎᕆᖃᑦᑕᕈᓐᓃᕆᑦᓯ, ᐊᑕᓂᖅ ᒎᑎ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:49

ᑖᓂᐊᓕᐅᓪᓕ ᐱᖁᔨᓂᖓᓄᑦ, ᐊᖓᔪᖅᑳᕐᔪᐊᑉ ᓵᑐᕌᑭ, ᒥᓵᑭᓗ ᐊᐱᓐᑎᒎᓗ, ᑲᒪᔨᓐᖑᕐᑎᐰᑦ ᐹᐱᓘᓂᓕᒫᒧᑦ: ᑖᓂᐊᓕᓕ ᐊᖓᔪᖅᑳᕐᔪᐊᑉ ᐃᒡᓗᖓᓃᖏᓐᓇᓕᕐᐳᖅ.

ᔪᐃᓕᐅᑉ ᐊᒡᓚᖏᑦ 2:14

ᐃᒻᒪᖄᓕ ᐃᓱᒪᓂ ᐊᓯᑦᔨᕐᓂᐊᕐᐹ ᓮᒻᒪᕐᑎᓪᓗᓯᓗ, ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᐂᒨᓯᐅᑉ ᐊᒡᓚᖏᑦ 5:10

“ᐆᒥᓱᖕᒪᑕ ᐃᓂᕐᑎᕆᔪᒥᒃ, ᓇᕐᕈᓪᓗᑎᒡᓗ ᓱᓕᔪᒥᒃ ᐅᖃᐅᓯᓕᖕᒥᒃ ᐃᖅᑲᕐᑐᐃᕕᖕᒥ.

ᐂᒨᓯᐅᑉ ᐊᒡᓚᖏᑦ 5:24

ᐃᖅᑲᕐᑐᐃᑦᓯᐊᕐᓂᓯ ᑯᕕᓕᕐᓕᑦ ᐃᒪᕐᑎᑐᑦ, ᐃᓱᐊᕐᑐᓕᓂᕐᓗ ᑰᒃᑎᑐᑦ ᖄᒥᓪᓗᓂ ᐃᒤᕐᓂᐊᖏᑦᑐᑎᑐᑦ.

ᐂᒨᓯᐅᑉ ᐊᒡᓚᖏᑦ 5:6

“ᐊᑕᓂᖅ ᕿᓂᓕᕐᓯᐅᒃ ᐃᓅᓕᕐᓗᓯᓗ, ᔫᓯᐱᐅᑉ ᑭᖑᕚᖏᓐᓂᒃ ᐃᑯᐊᓪᓔᔪᑎᑐᑦ ᐱᖁᓇᒍ, ᐊᓯᕈᕐᑕᐅᓗᑎᒡᓗ, ᐱᑎᓕᓗ ᖃᒥᑕᐅᔪᓐᓇᕐᓂᐊᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 6:12

ᕿᒻᒥᕐᔪᐊᑦ ᐸᖓᓕᓲᖑᕚᑦ ᐅᔭᖅᑲᑎᒍᑦ? ᐊᖑᑏᑦ ᐃᒪᕕᖕᒥᒃ ᒪᒃᐱᕐᑎᕆᓲᖑᕚᑦ ᐃᒻᒧᒃᓯᐅᒐᕐᓄᑦ? ᐃᖅᑲᕐᑐᐃᑦᓯᐊᕐᓂᖅ ᑐᖁᓐᓇᕐᑐᓐᖑᕐᑎᑉᐸᓯ, ᐃᓱᐊᕐᑐᓕᓂᐅᓪᓗ ᐱᕈᕐᑐᖓ ᖁᐱᕐᕈᓐᖑᕐᑎᑉᐸᓯ ᓇᐹᕐᑐᓂᒃ ᓂᕆᓲᑎᑐᑦ.

ᐂᒨᓯᐅᑉ ᐊᒡᓚᖏᑦ 7:3

ᑕᕝᕙ ᐊᑕᓂᐅᑉ ᐃᓱᒪᓂ ᑕᒪᑐᒧᖓ ᐊᓯᑦᔨᓚᐅᕐᐹ, ᐅᖃᕐᓗᓂ, “ᑍᒤᑦᑐᖃᕐᓂᐊᕈᓃᕐᐳᖅ,” ᐊᑕᓂᖅ ᐅᖃᕐᐳᖅ.

ᔫᓇᐅᑉ ᐊᒡᓚᖏᑦ 1:6

ᑕᕝᕙ ᐅᒥᐊᕐᔪᐊᑉ ᐊᖓᔪᖅᑳᖓᑕ ᐅᐸᒃᐹ ᐅᖃᐅᑎᓪᓗᒍᓗ: “ᖃᓄᐃᒻᒪᑦ ᓯᓐᓇᕆᒃᐲᑦ? ᒪᑭᓪᓗᑎᑦ ᒎᑏᑦ ᑐᒃᓯᐊᕐᕕᒋᓚᐅᕈᒃ, ᐃᒻᒪᖄ ᒎᑎᐅᑉ ᓇᒡᓕᒋᓕᕈᓂᑎᒍᑦ ᐱᐅᓕᒐᔭᕐᐹᑎᒍᑦ ᐊᓯᐅᖁᓇᑕ.”

ᔫᓇᐅᑉ ᐊᒡᓚᖏᑦ 3:9

ᑭᓇ ᖃᐅᔨᒪᕚ? ᒎᑎ ᓴᖑᓂᐊᖏᒻᒪᖔᑦ ᖃᕿᐊᓕᕐᓗᓂ ᓄᖅᑲᕐᑎᑦᓯᓗᓂᓗ ᓂᓐᖓᖕᓂᕐᔪᐊᒥᓂᒃ ᐊᓯᕈᕐᑕᐅᖁᓇᑕ!”

ᒤᑲᐅᑉ ᐊᒡᓚᖏᑦ 2:12

ᓱᓕᑦᓯᐊᕐᓗᖓ ᑲᑎᕐᓱᕈᒫᕐᐸᑦᓯ, ᔧᑯᒧᑦ ᑭᖑᕚᖑᔪᓯ; ᑲᑎᕐᓱᕈᒫᕐᐸᒃᑲ ᐃᓴᕆᐊᓕᒥ ᐊᒥᐊᒃᑰᔪᑦ; ᓰᐱᑎᑐᑦ ᓰᐱᒃᑯᕕᖕᒧᑦ ᑲᑎᕐᓱᕐᑕᐅᔪᑎᑐᑦ, ᓰᐱᑎᑐᓪᓗ ᓂᕿᒃᓴᓕᖕᒦᑦᑐᑎᑐᑦ; ᑐᓴᒡᒐᕕᒃᓴᐅᓛᓐᖏᓚᕐᓗ ᐃᓄᒋᐊᓗᐊᒧᑦ.

ᒤᑲᐅᑉ ᐊᒡᓚᖏᑦ 3:2

ᐃᓕᑦᓯ ᐱᐅᔪᒥᒃ ᓇᕐᕈᔪᓯ ᐱᐅᒃᓴᕐᓗᓯᓗ ᐱᐅᖏᑦᑐᒥᒃ; ᐃᓕᑦᓯ ᐃᓄᖁᑎᒪ ᐅᕕᓂᖏᓐᓂᒃ ᐊᓕᒃᑐᐃᔪᓯ, ᓴᐅᓂᖏᑕ ᐅᕕᓂᖏᑦ ᐲᔭᕋᑦᓯᒋᒃ.

ᒤᑲᐅᑉ ᐊᒡᓚᖏᑦ 5:3

ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᕉᒪᒥᐅᓄᑦ 7:22

ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.