ᐂᒨᓯᐅᑉ ᐊᒡᓚᖏᑦ 5:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑍᒤᒻᒪᑦ ᓯᓚᑐᔪᖅ ᓂᐱᖃᕐᓂᐊᓐᖏᓚᖅ ᑍᒤᑦᑐᒥ, ᐱᕕᒃᓴᖅ ᓇᓪᓕᐅᑎᔪᖅ ᐱᐅᖏᑦᑑᖕᒪᑦ.

ᐂᒨᓯᐅᑉ ᐊᒡᓚᖏᑦ 5:13 ပူးပေါင်းရင်းမြစ်များ

ᑎᒧᑎᒧᑦ ᐂᑉᐸᖏᑦ 3:1

ᐅᓇ ᖃᐅᔨᒪᓕᕈᒃ, ᐅᓪᓗᐃᑦ ᑭᖑᓪᓕᖏᓐᓂ ᐃᓅᓯᕐᒧᑦ ᐊᒃᓱᕈᕐᓇᕐᑐᖃᕈᒫᕐᒪᑦ.

ᒤᑲᐅᑉ ᐊᒡᓚᖏᑦ 2:3

ᑍᒤᒻᒪᑦ ᐊᑕᓂᖅ ᐅᖃᕐᐳᖅ: “ᑕᑯᒋᑦ, ᐅᖁᒤᒃᓴᕐᓇᕐᑐᓂᒃ ᐋᖅᑭᒃᓱᐃᕗᖓ ᐃᓄᖕᓄᑦ ᑖᒃᑯᓄᖓ, ᐃᒻᒥᖕᓂᒡᓗ ᓴᐳᑎᔪᓐᓇᕐᓂᐊᓐᖏᓚᑦ; ᐱᐅᔪᕆᓗᑎᒡᓗ ᐱᓱᖃᑦᑕᕐᓂᐊᕈᓐᓁᕐᐳᑦ, ᐅᖁᒤᓐᓇᕐᑐᖅ ᑕᒪᓐᓇ ᓇᓪᓕᐅᑎᓂᐊᓕᕐᒪᑦ.

ᕼᐆᓯᐊᑉ ᐊᒡᓚᖏᑦ 4:4

ᐊᑕᓂᖅ ᐅᖃᕐᐳᖅ, “ᑭᓇᓘᓐᓃᑦ ᐃᓄᖕᓂᒃ ᐸᓯᒃᓯᕐᑍᓕᓕ, ᐅᕝᕙᓗ ᐅᖃᐅᑦᔭᐅᒋᐊᕐᑍᓕᓕ, ᐃᓱᐊᕐᓴᓐᖏᓚᖓᓕ ᐃᓕᑦᓯᓐᓂᒃ ᑐᓂᕐᕈᓯᕐᑎᑦᓯᔨᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:7

ᓇᓪᓕᐅᓐᓂᖃᕐᐳᖅ ᐊᓕᒃᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᒥᕐᓱᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᓂᐰᓐᓂᕐᒥᒃ, ᓇᓪᓕᐅᓐᓂᖃᕆᕗᖅ ᐅᖃᕆᐊᖃᕐᓂᕐᒥᒃ;

ᐃᐱᓯᒥᐅᓄᑦ 6:13

ᑍᒤᒻᒪᑦ ᒎᑎᐅᑉ ᐅᓇᑕᕐᑐᒃᓴᖁᑎᖓᑕ ᐊᓐᓄᕌᖏᑦ ᑕᒪᕐᒥᒃ ᐊᑎᓕᕐᓯᐅᒃ, ᐅᓪᓗᖅ ᐱᐅᖏᑦᑐᖅ ᓇᓪᓕᐅᑎᒃᐸᑦ ᓵᓚᐅᖁᓇᓯ, ᐊᑭᕋᕐᑐᕐᑎᐅᑉ ᐱᒋᐊᕐᑕᕐᓂᖓᓂᒃ ᐃᓕᑦᓯᓐᓂᒃ; ᐅᓇᑕᕐᑎᓪᓗᓯ ᓵᓚᐅᖁᓇᓯ.

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᐂᒨᓯᐅᑉ ᐊᒡᓚᖏᑦ 6:10

ᑐᖁᔪᓪᓗ ᐃᓚᒋᔭᖓᑦ, ᑎᒥᖏᓐᓂᒃ ᐃᑯᐊᓪᓔᓂᐊᕐᑐᖅ, ᐊᓂᑦᔨᔭᕐᑐᓕᕐᐸ ᐃᒡᓗᒥᑦ, ᐃᒡᓗᒦᑦᑐᒧᑦ ᐊᐱᕆᒃᐸᑦ, “ᓱᓕ ᑕᕝᕙᓃᑦᑐᖃᕐᐹ?” ᑭᐅᔭᐅᓂᐊᕐᐳᖅ, “ᓄᖑᑉᐳᑦ!” ᑕᕝᕙ ᐃᓚᒋᔭᖓ ᐅᖃᕐᓂᐊᕐᐳᖅ, “ᓂᐸᖏᕆᑦ, ᐊᑕᓂᐅᑉ ᐊᑎᖓᓂᒃ ᑍᓯᔭᕆᐊᖃᖏᓐᓇᑦᑕ.”

ᐂᓮᐊᓯᐅᑉ ᐊᒡᓚᖏᑦ 37:3

ᐃᒫᒡᓗ ᐅᖃᕐᐳᑦ, “ᕼᐃᓯᑬᐊ ᐅᖃᖁᔨᖕᒪᑦ, ‘ᐅᓪᓗᒥ ᐅᖁᒤᒃᓴᕐᓇᕐᑑᖕᒪᑦ; ᓱᒋᐊᕐᑕᐅᒐᑦᑕ, ᑲᓐᖑᓇᕐᑐᒦᑎᑕᐅᕗᒍᑦ; ᐊᕐᓇᒥᒃ ᐃᕐᓂᓱᒃᑐᒥᒃ ᐊᑦᔨᖃᓕᕐᐳᒍᑦ ᓄᑭᖃᑦᓯᐊᕈᓐᓃᒧᑦ ᐃᕐᓂᔪᓐᓁᓪᓕᖅᑲᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 36:21

ᑖᒃᑯᐊᓕ ᓂᓪᓕᓚᐅᓐᖏᓚᑦ ᑭᐅᓚᐅᓐᖏᓚᓪᓘᓐᓃᑦ, ᐊᖓᔪᖅᑳᕐᔪᐊᒥᖕᓄᑦ ᐃᒫᒃ ᐱᖁᔭᐅᓯᒪᒐᒥᒃ, “ᑭᐅᓂᐊᕋᓯᐅᒃ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:12

ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.

ᐊᑕᓃᑦ ᐂᑉᐸᖏᑦ 18:36

ᐃᓄᐃᑦ ᑐᓵᔪᑦ ᓂᓪᓕᕐᑐᖃᓚᐅᓐᖏᓚᑦ, ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑍᒫᒃ ᐱᖁᓚᐅᕐᒪᒋᑦ ᑭᐅᒪᓇᓱᐊᕐᑐᖃᖁᓇᒍ.

ᔫᐱᐅᑉ ᐊᒡᓚᖏᑦ 32:16

ᓱᓕ ᐅᑕᖅᑭᔭᕆᐊᖃᕐᐳᖔ ᑖᒃᑯᐊ ᓂᐱᖃᓐᖏᑎᓪᓗᒋᑦ? ᑕᕝᕙᓂ ᓇᖏᑐᐃᓐᓇᓕᕐᒪᑕ, ᐅᖃᐅᓯᒃᓴᖃᕈᓐᓁᕐᓗᑎᒃ.

ᐃᓐᖏᕈᑎᑦ 38:14

ᑐᓵᖏᑦᑐᑐᑦ ᑍᒤᓕᕐᐳᖓ, ᖃᓂᕐᒥᓄᓪᓗ ᑭᐅᔪᓐᓇᖏᑦᑐᑐᑦ.