ᐂᒨᓯᐅᑉ ᐊᒡᓚᖏᑦ 5:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 5:11 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 20:19

ᐊᒃᓱᔪᓂᒃ ᐅᖁᒤᒃᓴᕐᑎᑦᓯᓚᐅᕐᒪᑦ ᑲᒪᒋᔪᒪᓇᓂᒋᓪᓗ, ᐃᒡᓗᒥᒡᓗ ᐊᕐᓵᕐᓯᓪᓗᓂ ᐃᒡᓗᖃᓕᓚᐅᕐᐳᖅ ᓴᓇᓚᐅᓐᖏᑕᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 16:10

ᖁᕕᐊᓱᖕᓂᖅ ᐊᓕᐊᓁᒍᓱᖕᓂᕐᓗ ᐲᕐᑕᐅᓯᒪᖕᒪᑎᒃ ᐱᕈᕐᓰᕕᖕᒥᑦ ᐱᕈᑦᓯᐊᕐᕕᐅᕙᓚᐅᕐᑐᒥᑦ; ᐱᕈᕐᓰᕕᖕᓂ ᕔᓂᒃᓴᓕᐅᕐᕕᖕᓂ ᐃᓐᖏᕐᑐᖃᕈᓐᓃᕐᒪᑦ, ᕾᒐᓛᕐᓂᖃᕈᓐᓃᕐᓗᓂᓗ; ᕔᓂᒃᓴᓂᒃ ᐃᑦᑏᔧᔪᖃᕈᓐᓃᕆᕗᖅ ᕔᓂᓕᐅᕐᕕᖕᓂ; ᖁᕕᐊᓱᒡᕙᓗᒃᑐᓂᖅ ᑐᓴᕐᓴᐅᔪᖃᕈᓐᓃᕐᐳᖅ ᕔᓂᓕᐅᕐᕕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 26:12

ᑎᒎᖅᑬᔪᒫᕐᐳᑦ ᐊᒃᓗᐃᑦᔪᑎᑦᓯᓐᓂᒃ ᓂᐅᕕᐊᒃᓴᖁᑎᑦᓯᓐᓂᒡᓗ; ᐃᒡᓗᑦᓯ ᐊᑭᓐᓇᖏᑦ ᐅᕐᕈᑎᑦᓱᒫᕐᐰᑦ ᐃᒡᓗᑦᓯᐊᕙᓯ ᐊᓯᕈᕐᑕᐅᓗᑎᒃ; ᐅᔭᕋᖁᑎᓯ ᕿᔪᐃᓪᓗ ᓄᓇᔭᖁᑎᓯᓗ ᐃᒫᓄᑦ ᐃᒋᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 34:21

ᐊᔭᐅᕆᕙᒃᑲᑦᓯ ᐱᖑᔭᕐᓗᓯᓗ, ᓴᓐᖐᑦᑐᓕᒫᓪᓗ ᓇᒡᔪᖕᒥᒑᕆᓪᓗᒋᑦ ᐊᕙᓚᒃᑎᑉᐸᒃᐸᓯ, ᓰᐱᒃᑯᕕᖕᒥᑦ ᐊᓂᑎᑦᓯᖏᓐᓂᓕᒫᑦᓯᓐᓂ.

ᕼᐆᓯᐊᑉ ᐊᒡᓚᖏᑦ 9:2

ᐃᕖᔧᕕᐅᑉ ᓇᑎᖓᑕ ᕔᓂᓕᐅᕐᕕᐅᓪᓗ ᓂᕆᑎᓐᓂᐊᓐᖏᓔᑦ, ᕔᓂᐅᓪᓗ ᓄᑖᑉ ᐱᔪᓐᓇᕐᑎᑦᓱᒫᓐᖏᓔᑦ.

ᒨᓯᓯ ᐱᖓᔪᖏᑦ 26:16

ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᐂᒨᓯᐅᑉ ᐊᒡᓚᖏᑦ 2:7

ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ.

ᐂᒨᓯᐅᑉ ᐊᒡᓚᖏᑦ 3:15

ᐃᒡᓗᐃᓪᓗ ᐅᑭᐅᕐᓯᐅᑎᑦ ᐊᐅᔭᕐᓯᐅᑎᓪᓗ ᐊᓇᐅᓂᐊᕐᐸᒃᑲ, ᑑᒑᓪᓗ ᐃᒡᓗᐃᑦ ᓯᑯᒥᓐᓂᐊᕐᐳᑦ, ᐃᒡᓗᑦᓯᐊᕚᓗᐃᓪᓗ ᓄᖑᓪᓗᑎᒃ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 3:9

ᐅᖃᕆᐊᕐᑐᕆᑦ ᕿᒫᕕᖕᓄᑦ ᐋᔅᑖᑦᒧᑦ, ᐄᑦᔨᑉᑎᐅᓪᓗ ᕿᒫᕕᖏᓐᓄᑦ, ᐃᒫᒃ ᐅᖃᕐᓗᑎᑦ, “ᑲᑎᓕᕆᑦᓯ ᓴᒥᐊᕆᐊᑉ ᖃᖅᑲᖓᓄᑦ; ᑕᑯᓕᕆᑦᓯᓗ ᑕᕝᕙᓂ ᐅᐃᒪᔮᕐᑐᓂᒃ, ᐱᑦᓯᐊᕐᑕᐅᖏᑦᑐᓂᒡᓗ ᐃᓄᖕᓂᒃ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 6:11

ᑕᑯᒋᑦ, ᐊᑕᓂᖅ ᐱᖁᔨᓕᕐᐸᑦ, ᐃᒡᓗᕐᔪᐊᖅ ᓯᖁᑦᑎᕐᓂᐊᕐᐳᖅ, ᐃᒡᓗᕋᓛᕐᓗ ᓯᖃᓪᓕᓗᓂ.

ᐂᒨᓯᐅᑉ ᐊᒡᓚᖏᑦ 6:12

ᕿᒻᒥᕐᔪᐊᑦ ᐸᖓᓕᓲᖑᕚᑦ ᐅᔭᖅᑲᑎᒍᑦ? ᐊᖑᑏᑦ ᐃᒪᕕᖕᒥᒃ ᒪᒃᐱᕐᑎᕆᓲᖑᕚᑦ ᐃᒻᒧᒃᓯᐅᒐᕐᓄᑦ? ᐃᖅᑲᕐᑐᐃᑦᓯᐊᕐᓂᖅ ᑐᖁᓐᓇᕐᑐᓐᖑᕐᑎᑉᐸᓯ, ᐃᓱᐊᕐᑐᓕᓂᐅᓪᓗ ᐱᕈᕐᑐᖓ ᖁᐱᕐᕈᓐᖑᕐᑎᑉᐸᓯ ᓇᐹᕐᑐᓂᒃ ᓂᕆᓲᑎᑐᑦ.

ᐂᒨᓯᐅᑉ ᐊᒡᓚᖏᑦ 8:4

ᑐᓴᕐᓯᐅᒃ ᐃᓕᑦᓯ ᓱᒃᑯᔨᐊᖃᕐᑐᓯ ᐊᔪᕐᓴᕐᑐᓂᒃ, ᓄᓇᖁᑎᑦᓯᓐᓂᓗ ᐊᒃᓗᔪᓂᒃ ᐊᔪᓕᕐᑎᑦᓯᔪᓯ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᒤᑲᐅᑉ ᐊᒡᓚᖏᑦ 1:6

“ᑍᒤᒻᒪᑦ ᓴᒥᐊᕆᐊ ᓯᖁᑦᑎᕈᒫᕐᐸᕋ, ᐱᕈᕐᓰᕕᐅᓕᕐᓗᓂ ᕔᓂᒃᓴᓂᒃ, ᐅᔭᕋᖏᓪᓗ ᑎᓲᒃᑎᑦᓱᒫᕐᐸᒃᑲ ᓇᕐᓴᒧᑦ, ᑐᓐᖓᕕᖏᑦ ᑭᓯᐊᓂ ᐊᒥᐊᒃᑰᓗᑎᒃ.

ᒤᑲᐅᑉ ᐊᒡᓚᖏᑦ 2:2

ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.

ᒤᑲᐅᑉ ᐊᒡᓚᖏᑦ 6:15

ᑲᓐᖓᕐᓱᐃᒐᓗᐊᕈᑦᓯ, ᑲᑎᕐᓱᐃᓛᓐᖏᓚᓯ; ᓇᐹᕐᑐᐃᓪᓗ ᐅᕐᓱᒃᓴᖏᓐᓂᒃ ᑐᓪᓕᕋᓗᐊᕈᑦᓯ, ᐃᓕᑦᓯᓐᓄᑦ ᐊᑐᕈᓐᓇᓛᓐᖏᓚᑦ; ᐸᐅᕐᖓᓂᒃ ᕔᓂᒃᓴᓂᒃ ᓴᓇᖓᓗᐊᕈᑦᓯ, ᐃᒥᕐᕕᒋᔪᒫᓐᖏᓚᓯ.

ᔨᐸᓁᐊᐅᑉ ᐊᒡᓚᖏᑦ 1:13

ᑍᒤᒻᒪᑦ ᐱᖁᑎᖏᑦ ᐊᕐᓵᕐᓂᒐᐅᔪᒫᕐᐳᑦ, ᐃᒡᓗᖏᓪᓗ ᓯᖁᑦᑎᕐᑕᐅᔪᒫᕐᐳᑦ ᓱᓇᐅᔪᓐᓁᕐᓗᑎᒃ. ᐃᒡᓗᓕᐅᕈᒫᕐᐳᑦ ᐃᓂᒋᓂᐊᓐᖏᑕᒥᖕᓂᒃ; ᕔᓂᒃᓴᓕᐅᕈᒫᕐᐳᑦ ᐃᒥᕐᓂᐊᓐᖏᑕᒥᖕᓂᒃ.”

ᕼᐊᒊᑉ ᐊᒡᓚᖏᑦ 1:6

ᑲᓐᖓᕐᓱᐃᓚᐅᕐᐳᓯ ᐊᖏᔪᓂᒃ, ᑲᑎᕐᓱᕐᑕᓯ ᒥᑭᔫᑎᓪᓗᒋᑦ; ᓂᕆᕗᓯ, ᐊᕿᐊᑦᑐᕈᓐᓇᕋᓯ; ᐃᒥᕐᐳᓯ, ᐃᒥᕈᐃᕈᓐᓇᕋᓯ, ᐊᓐᓄᕌᕋᓗᐊᕐᐳᓯ ᐅᖅᑰᓯᓇᓯᓕ, ᑮᓇᐅᔭᓕᐅᕐᑐᕐᓗ, ᐴᖅᑬᕗᖅ ᑮᓇᐅᔭᒥᓂᒃ ᐃᒃᐱᐊᕐᔪᖕᒧᑦ ᐊᖕᒪᔪᓕᖕᒧᑦ.’

ᒪᓚᑬᑉ ᐊᒡᓚᖏᑦ 1:4

ᐄᑐᒥ ᐅᖃᕋᓗᐊᕐᐸᑦ, “ᐊᔪᓕᕐᑎᑕᐅᓯᒪᒐᓗᐊᕐᐳᒍᑦ ᐅᑎᕐᓂᐊᕐᐳᒍᓪᓕ, ᐋᖅᑭᒃᓱᕆᐊᕐᑐᕐᓗᒋᑦ ᓱᕋᒃᓯᒪᔪᑦ ᐃᓂᒋᓚᐅᕐᑕᕗᑦ.” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; “ᓴᓇᓂᐊᕋᓗᐊᕐᐳᑦ, ᓱᕋᖕᓂᐊᕆᕙᒃᑲᓕ; ᑍᔭᐅᓕᓚᐅᕐᑎᓐᓇᒋᑦ ᐱᐅᖏᑦᑐᓕᔪᑦ ᓄᓇᖓᓂᒃ, ᐃᓄᐃᓪᓗ ᑍᔭᐅᔪᒫᕆᕗᑦ ᐊᑕᓂᐅᑉ ᓂᓐᖓᐅᑎᓯᒪᓕᕐᐰᑦ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 28:30

“ᓄᓕᐊᒃᓴᕐᑖᕈᒫᕐᐳᓯ, ᐊᓯᕕᓪᓕ ᐃᓐᓇᖓᖃᑎᒋᔪᒫᕐᐹ; ᐃᒡᓗᓕᐅᕈᒫᕐᐳᓯ ᐊᖏᕐᕋᕆᔪᒫᓐᖏᓚᓪᓕ; ᕔᓂᒃᓴᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᔪᒫᕐᐳᓯ, ᐸᐅᕐᖓᖏᓐᓂᒡᓕ ᑲᑎᕐᓱᐃᔪᒫᓐᖏᓚᓯ.

ᔧᒥᓯᐅᑉ ᐊᒡᓚᖏᑦ 2:6

ᐃᓕᑦᓯᓕ ᐊᔪᕐᓴᕐᑐᓂᒃ ᓇᕐᕈᖃᑕᐅᕙᒃᑲᑦᓯ. ᐊᔪᕐᓴᖏᑦᑐᓅᑦ ᐅᖁᒤᒋᔭᑦᓯᓐᓃᑎᑕᐅᕙᓐᖏᓚᓯ? ᑖᒃᑯᓇᓐᖓᓪᓗ ᐃᖅᑲᕐᑐᒐᒃᓴᓐᖑᕐᑎᑕᐅᕙᒡᓗᓯ.