ᐂᒨᓯᐅᑉ ᐊᒡᓚᖏᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”

ᐂᒨᓯᐅᑉ ᐊᒡᓚᖏᑦ 4:13 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 9:7

ᓯᕿᓂᖅ ᑍᒤᖁᑐᐊᕐᐸᒍ ᓴᖅᑭᖏᑦᓱᓐᓇᕐᐳᖅ; ᐅᓪᓗᕆᐊᓪᓗ ᖃᐅᒻᒪᒃᑎᑦᑍᓕᔪᓐᓇᕐᓗᓂᒋᑦ ᐅᓐᓄᒃᑯᑦ;

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᐃᓐᖏᕈᑎᑦ 139:2

ᖃᐅᔨᒪᕙᕐᒪ ᐃᒃᓯᕙᑎᓪᓗᖓ ᓇᖏᕐᑎᓪᓗᖓᓗ; ᐃᓱᒪᒋᔭᒃᑲ ᖃᐅᔨᒪᕙᑎᑦ ᐅᖓᓯᒋᔭᓐᓂᑦ.

ᐃᓐᖏᕈᑎᑦ 147:18

ᑖᑦᓱᒪ ᐅᖃᐅᓯᓂ ᑎᓕᖕᒪᒍ, ᑕᕝᕙ ᐊᐅᒃᑎᑉᐰᑦ; ᐊᓄᕆᖁᑎᓂ ᓱᐴᓕᕐᑎᒻᒪᒍ, ᑕᕝᕙ ᐃᒪᕈᕐᓗᑎᒃ ᖁᕕᓕᕐᐳᑦ.

ᐃᓐᖏᕈᑎᑦ 65:6

ᖃᖅᑬᑦ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᓄᑦ, ᐊᔪᒐᖃᖏᓐᓂᕐᒥᒡᓗ ᐊᓐᓄᕌᕐᓯᒪᕗᑎᑦ.

ᒨᓯᓯ ᐂᑉᐸᖏᑦ 10:22

ᑕᕝᕙ ᒨᓯᓯᐅᑉ ᑕᓕᓂ ᐃᓵᒃᐹ ᕿᓚᖕᒧᑦ, ᑕᕝᕙ ᑖᕐᑐᕐᔪᐊᖅ ᑭᓪᓚᖃᖏᑦᑐᑎᑐᑦ ᑍᒤᑦᑐᖅ ᑎᑭᐅᑎᕗᖅ ᐄᑦᔨᑉᑎᓕᒫᒧᑦ ᑖᕐᑑᓕᕐᓗᓂᓗ ᐅᓪᓗᓂᒃ ᐱᖓᓱᓂᒃ.

ᒨᓯᓯ ᐂᑉᐸᖏᑦ 14:20

ᓄᖅᑲᕐᓗᓂᓗ ᐃᓴᕆᐊᓕᒥᐅᑦ ᐄᑦᔨᑉᑎᒥᐅᓪᓗ ᐊᑯᓐᓂᖓᓄᑦ, ᑖᓐᓇᓗ ᓄᕗᔮᓗᒃ ᑖᕐᓯᐅᕐᑎᑦᓯᓕᕐᐳᖅ ᐄᑦᔨᑉᑎᒥᐅᓂᒃ, ᐃᓴᕆᐊᓕᒥᐅᓪᓕ ᖃᐅᒪᔪᕐᓯᐅᕐᑎᑉᐰᑦ, ᑍᒤᓐᓂᖓᓄᓪᓗ ᐅᓇᑕᕐᓂᐊᕐᑑᒐᓗᐊᑦ ᑲᑎᔪᓐᓇᓐᖏᑎᑕᐅᓕᕐᐳᑦ ᐅᓐᓄᐊᓕᒫᖅ.

ᐂᓮᐊᓯᐅᑉ ᐊᒡᓚᖏᑦ 40:12

ᑭᓇᐅᑉ ᐆᒃᑐᕋᕐᓯᒪᕚ ᐃᒪᖅ ᑖᑦᓱᒪ ᐃᑎᒪᖓᓃᑦᑐᖅ, ᐅᕝᕙᓗ ᐊᒡᒐᖕᒥᓄᑦ ᐃᓵᒃᑕᕐᓗᒍ ᕿᓚᐅᑉ ᐊᖏᓂᖓ ᖃᐅᔨᓴᕐᓯᒪᕙᐅᒃ? ᓄᓇᕐᔪᐊᓪᓗ ᓯᐅᕋᖓᑕ ᐊᖏᓂᖓ ᐆᒃᑐᕋᕐᓯᒪᕙᐅᒃ ᖃᑦᑕᕐᒧᑦ? ᖃᖅᑳᓪᓗᐃᓪᓗ ᐱᖑᐃᓪᓗ ᐅᖁᒤᓐᓂᕐᓯᐅᕐᓯᒪᕔᑦ ᐅᖁᒤᓐᓂᕐᓂᐊᕈᑎᒧᑦ?

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 47:4

ᓂᐅᕕᐊᕆᓪᓗᑕ ᐅᑎᕐᑎᑦᓯᔨᕗᑦ, ᐊᑎᖃᕐᐳᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 48:2

ᐃᒻᒥᖕᓂᒃ ᑍᕙᒃᑐᑦ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ ᐃᓚᐅᓂᕋᕐᓗᑎᒃ, ᑕᑎᑐᐊᖃᕐᓂᕋᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ; ᑖᓐᓇ ᐊᑎᖃᕐᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 5:30

ᐃᕐᓯᓵᕐᕕᒋᔪᒫᕐᐰᑦ ᑕᒪᓐᓇ ᓇᓪᓕᐅᑎᒃᐸᑦ, ᐃᒪᕐᔪᐊᑉ ᑕᕆᐅᑉ ᓄᓇᒧᑦ ᓂᐱᕐᔪᐊᖃᕐᓂᖓᑐᑦ. ᓄᓇ ᑕᑯᔭᐅᒐᔭᕐᐸᑦ ᓇᓪᓕᐊᓐᓄᑦ, ᑕᑯᔭᐅᒐᔭᕐᐳᖅ ᑖᕐᑐᐊᓗᒃ ᑲᑉᐱᐊᓇᕐᑐᕐᓗ; ᖃᐅᒪᔪᕐᓗ ᑖᕐᓯᑎᑕᐅᕗᖅ ᓄᕗᔭᓄᑦ.

ᔨᕆᒤᐊᐅᑉ ᐊᒡᓚᖏᑦ 10:13

ᓂᓪᓕᕌᖓᑦ ᐃᒤᑦ ᕿᓚᖕᒦᑦᑐᑦ ᐃᒃᑑᓛᕐᐳᑦ, ᓄᕗᔭᓂᒡᓗ ᓴᖅᑭᑎᑦᓯᕙᒡᓗᓂ ᓄᓇᕐᔪᐊᑉ ᑭᒡᓕᖓᓂᑦ, ᖃᐅᒻᒫᓪᓚᖃᕐᑎᑦᓯᓪᓗᓂᓗ ᓯᓚᓗᒃᑐᒥ, ᐊᓄᕆᖃᕐᑎᑦᓯᓪᓗᓂᓗ ᐱᖁᑎᒃᑯᕕᖕᒥᓂᑦ.

ᔨᕆᒤᐊᐅᑉ ᐊᒡᓚᖏᑦ 10:16

ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 46:18

ᐅᕙᖓ ᐊᑕᓂᐅᒐᒪ ᐊᔪᒐᖃᖏᑦᑐᖅ, ᐊᖓᔪᖅᑳᕐᔪᐊᖑᕗᖓ, ᐆᒪᓪᓗᖓ, ᓲᕐᓗ ᖃᖅᑲᖅ ᑍᐸᕆ ᖃᖅᑲᓂᑦ ᐳᕐᑐᓛᖑᖕᒪᑦ, ᖃᖅᑲᕐᓗ ᑳᕐᒥᐅᓪ ᓄᐃᑕᖕᒪᑦ ᑕᕆᐅᕐᒧᑦ, ᑍᒫᒃᑕᐅᖅ ᐱᔪᓐᓇᕐᑐᕐᔪᐊᖑᓂᐊᕐᐳᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 51:16

ᓂᐱᒥᓄᑦ ᓂᓪᓕᕌᖓᑦ ᓯᓚ ᐃᒃᑑᓕᔮᕈᓐᓇᕐᐳᖅ, ᓄᕗᔭᓂᒃ ᓴᖅᑭᑎᑦᓯᔪᓐᓇᕐᑐᖅ ᓄᓇᕐᔪᐊᑉ ᑭᒡᓕᖓᓂᑦ, ᓯᓚᓗᓕᕌᖓᑦ ᖃᐅᒻᒪᓪᓚᖃᕐᑎᑦᓯᔪᓐᓇᕐᐳᖅ, ᐊᓄᕌᓕᕐᑎᑦᓯᕙᒃᑐᖅ ᐊᓄᕆᒃᑯᕕᖁᑎᒥᓂᑦ.

ᔨᕆᒤᐊᐅᑉ ᐊᒡᓚᖏᑦ 51:19

ᔧᑰᓪᓕ ᒎᑎᖓ ᑖᒃᑯᑎᑐᓇᖅ ᑍᒤᓐᖏᓚᖅ, ᑕᒤᓐᓂᒃ ᐱᓐᖑᕐᑎᑦᓯᔨᐅᖕᒪᑦ, ᐃᓄᖁᑎᖏᑕᓗ ᑭᖑᕚᕇᖏᑦ ᐱᒋᐊᕐᑎᓯᒪᕔᑦ, ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ ᑖᓐᓇ ᐊᑎᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:28

ᒎᑎᑕᖃᕐᐳᕐᓕ ᕿᓚᖕᒥ ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᒥᒃ, ᑖᑦᓱᒪ ᐊᖓᔪᖅᑳᕐᔪᐊᖅ ᓂᐱᑯᓁᓴ ᖃᐅᔨᑎᑉᐹ ᐅᓪᓗᓂ ᐱᔪᒫᕐᑐᓂᒃ ᓱᔪᖃᕈᒫᕐᒪᖔᑦ. ᓯᓐᓇᒃᑐᐃᑦ ᑕᑯᑎᑕᐅᓃᓪᓗ ᐃᓱᒪᒃᑯᑦ ᐃᓕᖕᓅᓚᐅᕐᑐᑦ ᓯᓂᒃᑎᓪᓗᑎᑦ ᐃᒫᒃ ᑐᑭᖃᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:30

ᐅᕙᓐᓄᓪᓕ, ᓇᓗᓇᕐᑐᖅ ᓇᓗᓁᕐᑕᐅᓚᐅᕐᐳᖅ, ᐃᓄᖕᓂᑦ ᐃᓅᔪᓂᑦ ᓯᓚᑐᓂᕐᓴᐅᓂᓐᓅᖏᑦᑐᖅ, ᐃᕝᕕᓪᓕ ᐊᖓᔪᖅᑳᕐᔪᐊᖅ ᑐᑭᖓᓂᒃ ᖃᐅᔨᖁᓪᓗᑎᑦ ᑐᑭᓯᖁᓪᓗᑎᓪᓗ ᐃᓱᒪᒃᑯᑦ ᑕᑯᓚᐅᕐᑕᑎᑦ ᓱᓇᐅᖕᒪᖔᑕ.

ᕼᐆᓯᐊᑉ ᐊᒡᓚᖏᑦ 12:6

ᒎᑎᖕᓄᑦ ᐃᑲᔪᕐᑕᐅᓗᑎᑦ ᑖᑦᓱᒧᖓ ᐅᑎᓕᕆᑦ, ᓇᒡᓕᖕᓂᕐᒥᒃ ᒪᓕᑦᓯᐊᕐᓂᕐᒥᒡᓗ ᑎᒍᒥᐊᑦᓯᐊᓕᕆᑦ, ᐅᑕᖅᑭᑦᓯᐊᕐᓗᑎᓪᓗ ᒎᑎᖕᓂᒃ ᑲᔪᓯᑦᓯᐊᕐᓗᑎᑦ.

ᔪᐃᓕᐅᑉ ᐊᒡᓚᖏᑦ 2:2

ᐅᓪᓗᖅ ᑖᕐᓯᔪᒫᕐᒪᑦ ᑲᑉᐱᐊᓇᕐᓗᓂᓗ, ᐅᓪᓗᖅ ᑖᕐᓯᔪᒫᕐᒪᑦ ᓄᕗᔭᓗᓂᓗ. ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᑖᕐᓯᑎᑦᓯᔪᒫᕐᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᕐᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᕐᐳᑦ, ᑍᒫᒃ ᐱᔪᖃᓚᐅᕐᓯᒪᓐᖏᓚᖅ ᑍᒤᑦᑐᖃᓚᐅᕐᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.

ᐂᒨᓯᐅᑉ ᐊᒡᓚᖏᑦ 3:13

ᓈᓚᒋᑦᓯ ᐊᑭᕋᕐᑐᕐᓗᓯᓗ ᔧᑰᑉ ᑭᖑᕚᖏᓐᓄᑦ,” ᐊᑕᓂᖅ ᒎᑎ ᐅᖃᕐᐳᖅ, ᕿᓚᖕᒥᐅᒐᓴᒡᔪᐊᑦ ᒎᑎᖓᑦ.

ᐂᒨᓯᐅᑉ ᐊᒡᓚᖏᑦ 5:27

ᑍᒤᒻᒪᑦ ᐊᐅᓪᓚᕈᑎᔪᒫᓕᕐᐸᑦᓯ ᑕᒫᓯᑰᓯᐅᑉ ᐅᖓᑖᓄᑦ,” ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᐊᑎᖃᕐᑐᖅ.

ᐂᒨᓯᐅᑉ ᐊᒡᓚᖏᑦ 5:8

ᑖᓐᓇ ᐅᓪᓗᕆᐊᑦ ᐃᓂᒋᔭᖏᑕ ᖃᓄᐃᓕᖓᓂᖏᓐᓂᒃ ᓴᓇᓚᐅᕐᑐᖅ, ᑖᕐᑐᕐᔪᐊᕐᒥᒡᓗ ᒧᒥᒃᑎᑦᓯᕙᒃᑐᖅ ᐅᓪᓛᓐᖑᕐᑎᓪᓗᒍ, ᐅᓪᓗᕐᒥᒡᓗ ᑖᕐᓯᑎᑦᓯᕙᒃᑐᖅ ᐅᓐᓄᐊᖑᓕᕐᓗᓂ, ᑕᕆᐅᕐᔪᐊᒥᒃ ᕾᖁᔨᕙᒃᑐᖅ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ, ᐊᑎᖃᕐᐳᖅ ᐊᑕᓂᕐᒥᒃ.

ᐂᒨᓯᐅᑉ ᐊᒡᓚᖏᑦ 6:8

ᐊᑕᓂᖅ ᒎᑎᐅᓂᕐᒥᒍᑦ ᐊᖏᒻᒪᕆᒃᐳᖅ, ᕿᓚᖕᒥᐅᒐᓴᒃᔪᐊᑦ ᐊᑕᓂᖓ ᒎᑎ ᐅᖃᕐᐳᖅ, “ᔧᑰᑉ ᐱᐅᔪᕆᓂᖓ ᓇᕐᕈᒋᕙᕋ, ᕿᒫᕕᖏᓪᓗ ᐆᒥᒋᕙᒃᑲ, ᑍᒤᒻᒪᑦ ᐃᒡᓗᒐᓴᖓ ᐂᑦᑑᑎᒋᓂᐊᕐᐸᕋ ᑕᕝᕙᓃᑦᑐᓕᒫᓪᓗ.”

ᐂᒨᓯᐅᑉ ᐊᒡᓚᖏᑦ 8:9

ᐊᑕᓂᖅ ᒎᑎ ᐅᖃᕐᐳᖅ, “ᐃᒤᑦᓱᒫᕐᐳᖅ ᐅᓪᓗᒥ ᑍᑲᓂ, ᓯᕿᓂᖅ ᓂᐱᑎᑦᓱᒫᕐᐸᕋ ᐅᓪᓘᑉ ᕿᑎᖓᓂ, ᓄᓇᕐᔪᐊᕐᓗ ᑖᕐᓯᑎᑦᓱᒫᕐᐸᕋ ᐅᓪᓘᑎᓪᓗᒍ.

ᐂᒨᓯᐅᑉ ᐊᒡᓚᖏᑦ 9:6

ᑖᓐᓇ ᖁᑦᓯᖕᓂᕐᓴᒥ ᐃᓂᒃᓴᒥᓂᒃ ᐃᒡᓗᕈᓯᓕᐅᕐᑐᖅ ᕿᓚᖕᒥ, ᓄᓇᕐᔪᐊᕐᒥᒃ ᑐᓐᖓᕕᓕᐅᕐᐹ; ᕾᖁᔨᕗᖅ ᐃᒪᕐᒥᒃ ᐃᒪᕕᖕᒥᑦ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ. ᑖᓐᓇ ᐊᑕᓂᕐᒥᒃ ᐊᑎᖃᕐᐳᖅ!

ᒤᑲᐅᑉ ᐊᒡᓚᖏᑦ 1:3

ᑕᑯᒋᑦ, ᐊᑕᓂᖅ ᑎᑭᓐᓂᐊᕐᐳᖅ ᐃᓂᒋᔭᒥᓂᑦ; ᐊᖅᑲᕐᓂᐊᕐᐳᖅ ᐱᓱᖕᓂᐊᕐᓗᓂᓗ ᓄᓇᕐᔪᐊᑉ ᐳᕐᑐᓂᖏᑕ ᖄᖏᑎᒍᑦ.

ᕼᐊᐸᑲᐅᑉ ᐊᒡᓚᖏᑦ 3:19

ᐊᑕᓂᖅ ᒎᑎ, ᐱᔪᓐᓇᕐᓂᖃᕐᕕᒋᒐᒃᑯ; ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᒻᒪᒋᑦ, ᖃᖅᑲᓂ ᐃᓐᓈᕈᕐᓂᓗ ᖁᐂᑦᑖᖁᓇᖓ ᖃᓄᐃᓕᖁᓇᖓᓗ.

ᓴᑲᕅᐊᐅᑉ ᐊᒡᓚᖏᑦ 12:1

ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:

ᒫᑎᐅᓯᐅᑉ ᐊᒡᓚᖏᑦ 9:4

ᔩᓱᓯᐅᑉ ᖃᐅᔨᒐᒥᒋᑦ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐃᓱᒪᖃᕐᐱᓰ ᐱᐅᖏᑦᑐᐊᓗᖕᒥᒃ?

ᔪᐊᓇᓯᐅᑉ ᐊᒡᓚᖏᑦ 2:25

ᐃᓄᓕᒫᑦ ᖃᐅᔨᒪᑦᓯᐊᕋᒥᒋᑦ ᐃᓄᖕᓄᑦ ᓇᓪᓕᐊᓐᓄᓪᓘᓐᓃᑦ ᓇᓗᓁᕐᓯᕕᐅᔭᕆᐊᖃᓚᐅᓐᖏᓚᖅ; ᖃᐅᔨᒪᑦᓯᐊᕋᒥ ᐃᓅᑉ ᐃᓗᒥᐅᑕᕆᔭᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 3:8

ᐊᓄᕆ ᓇᒧᑐᐃᓐᓇᖅ ᐊᓄᕌᕐᕕᒋᔪᒪᔭᒥᓄᑦ ᐊᓄᕌᕐᐸᒃᐳᖅ; ᓱᓗᒃᓱᕐᓂᖓ ᑐᓵᒐᓗᐊᕐᐸᑦ, ᖃᐅᔨᒪᓐᖏᓚᑎᓪᓕ ᓇᑭᑦ ᐱᖕᒪᖔᑦ ᓇᒧᓪᓗ ᐂᖕᒪᖔᑦ; ᑍᒤᒃᑭᕗᑦᑕᐅᖅ ᐊᓂᕐᓂᕐᒥᑦ ᐃᕐᓂᐊᖑᔪᑦ.”

ᒨᓯᓯ ᑕᓪᓕᒪᖏᑦ 32:13

ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”