ᐂᒨᓯᐅᑉ ᐊᒡᓚᖏᑦ 4:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:11 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᐂᓮᐊᓯᐅᑉ ᐊᒡᓚᖏᑦ 9:12

ᓯᕆᐊᒥᐅᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐱᓕᔅᑍᓂᒥᐅᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᑦ; ᐃᓴᕆᐊᓕᒥᐅᓂᒃ ᐄᓯᔪᒫᕐᐳᑦ ᖃᓂᑎᒃ ᐂᑦᑕᕐᓗᒋᑦ. ᑕᒪᒃᑯᐊᓕ ᑕᒪᕐᒥᒃ ᓂᓐᖓᐅᓯᖓᑕ ᓄᖅᑲᐅᑎᒋᔪᒫᓐᖏᓔᑦ, ᓱᓕᓕ ᐊᒡᒐᖏᑦ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 49:18

ᓲᕐᓗᑦᑕᐅᖅ ᓱᑑᒪᒥᐅᑦ ᒍᒨᕋᒥᐅᓪᓗ ᐊᓯᕈᕐᑕᐅᓂᕆᓚᐅᕐᑕᖓᑎᑐᑦ, ᓄᓇᓕᐅᖃᑎᒌᑦᑕᐅᖅ ᐊᓯᕈᕐᑕᐅᖃᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᑕᕝᕙᓂ ᓄᓇᖃᕐᑐᖃᕈᓐᓃᕈᒫᕐᒪᑦ ᐃᓄᖕᓄᑦ ᓄᓇᒋᔭᐅᔪᒪᔪᓐᓃᕈᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 50:40

ᒎᑎᐅᓪᓗ ᓄᖑᑕᐅᑎᑦᓯᓂᕆᓚᐅᕐᑕᖓᑐᑦ ᓱᑑᒪᒥᐅᓂᒃ ᒍᒨᕋᒥᐅᓂᒡᓗ, ᓄᓇᓖᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓗᒋᑦ, ᐊᑕᓂᖅ ᐅᖃᕐᐳᖅ, ᓄᓇᖃᕐᕕᐅᔪᓐᓃᕈᒫᕐᐳᖅ ᐃᓄᖃᐅᕈᓐᓃᕐᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 24:13

ᓴᓗᒤᑦᑑᓂᓯ ᐃᒃᓯᒎᕐᓂᖅ ᒪᓐᖏᕐᑐᕆᐅᖕᒪᑦ. ᐃᓕᑦᓯᓐᓂᒃ ᓴᓗᒻᒤᔪᓐᓇᓚᐅᕋᓗᐊᕐᐳᖓ ᓴᓗᒻᒪᕈᒪᓚᐅᓐᖏᓚᓯᓕ ᓴᓗᒤᓐᓂᑦᓯᓐᓂᑦ, ᓴᓗᒻᒪᕐᓴᕐᑕᐅᓂᐊᕈᓐᓃᕐᐳᓯ ᓂᓐᖓᐅᓯᕋ ᐃᓕᑦᓯᓐᓄᑦ ᐃᓱᓕᓚᐅᖏᓐᓂᖓᓂ.

ᕼᐆᓯᐊᑉ ᐊᒡᓚᖏᑦ 11:5

ᐅᑎᕈᒫᓕᕐᐳᑦ ᐄᑦᔨᑉᑎᒧᑦ, ᐊᓯᕆᐊᓗ ᐊᖓᔪᖅᑳᕐᔪᐊᕆᔪᒫᕐᐹᑦ, ᐅᕙᓐᓄᑦ ᐅᑎᕈᒪᓚᐅᖏᒻᒪᑕ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᐂᒨᓯᐅᑉ ᐊᒡᓚᖏᑦ 4:6

“ᑳᒃᑎᓚᐅᕐᐸᑦᓯ ᐃᒡᓗᒐᓴᓕᒫᓂ, ᓂᕿᒃᓴᖃᕐᑎᓚᐅᓐᖏᓚᑦᓯᓗ ᐃᓂᒋᔭᑦᓯᓐᓂ. ᓱᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᕼᐊᒊᑉ ᐊᒡᓚᖏᑦ 2:17

ᓱᒋᐊᓚᐅᕐᐸᑦᓯ ᐱᕈᕐᓯᐊᓯᓗ ᑕᒪᕐᒥᒃ ᑐᖁᓕᓇᕐᑐᓄᑦ ᐅᖁᖕᒧᓪᓗ ᓇᑕᖅᑯᕐᓇᓄᓪᓗ, ᐅᕙᓐᓄᓪᓕ ᓱᓕ ᐅᑎᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 3:2

ᑕᕝᕙ ᐊᑕᓂᐅᑉ ᐂᖏᓕᖓ ᐅᖃᕐᐳᖅ ᓵᑖᓇᓯᒧᑦ, “ᓵᑖᓇᓰ ᐊᑕᓂᐅᑉ ᓱᒋᐊᕐᓕᑎᑦ, ᐊᑕᓂᐅᑉ ᔨᕉᓴᓕᒥᒃ ᓂᕈᐊᕐᓯᒪᔫᑉ, ᓱᒋᐊᕐᓕᑎᑦ ᐅᓇ ᐊᖑᑦ ᐊᑦᔨᖃᕐᒪᑦ ᕿᔪᖕᒥᒃ ᓇᐹᕐᑐᕕᓂᐅᑉ ᐃᓚᖓᓂᒃ ᐃᑯᐊᓚᔪᒥᑦ ᑎᒍᔭᐅᓯᒪᔪᑐᑦ.”

ᕉᒪᒥᐅᓄᑦ 9:29

ᐂᓮᐊᓯᓗ ᓇᓚᐅᑦᓯᓚᐅᕐᐳᖅ ᐅᖃᕐᓗᓂ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑭᖑᕚᕇᒃᓴᓕᐊᕆᓚᐅᖏᑉᐸᑎᒍᑦ, ᓱᑑᒪᒥᐅᑎᑐᑦ ᒍᒨᕋᒥᐅᑎᑐᓪᓗ ᑍᒤᑕᐅᒐᔭᓚᐅᕐᐳᒍᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:15

ᓇᓪᓕᐊᑦᑕᓕ ᓴᓇᓯᒪᔭᖓ ᐃᑯᐊᓪᓚᒃᐸᑦ, ᓴᓇᓚᐅᕐᑕᒥᓂᒃ ᐊᓯᐅᔨᔪᒫᕐᐳᖅ, ᓇᖕᒥᓂᕐᓕ ᐱᐅᓕᔭᐅᔪᒫᕐᐳᖅ, ᐃᑯᒪᒃᑰᕋᓗᐊᕐᓗᓂ.

ᒨᓯᓯ ᑕᓪᓕᒪᖏᑦ 28:24

ᓯᓚᓗᓐᖏᖔᕐᓗᓂ ᐊᑕᓂᖅ ᑎᑭᑎᑦᓯᔪᒫᕐᐳᖅ ᐳᔪᕐᓗᖕᒥᒃ ᐱᕐᓯᓕᕐᓗᓂ ᓯᐅᕋᕐᒥᒡᓗ ᐱᕐᓯᕐᓗᓂ ᑐᖁᑕᐅᓗᓯ ᓄᖑᑕᐅᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᐲᑦᑐᕉᓯ ᐂᑉᐸᖏᑦ 2:6

ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;

ᔫᑎᐅᑉ ᐊᒡᓚᖏᑦ 1:23

ᐃᓚᖏᑦ ᓄᓱᒃᓯᒋᒃ ᓴᐳᑎᓗᒋᓪᓗ ᐃᑯᒪᕐᔪᐊᒥᑦ; ᐃᓚᖏᑦ ᓂᑲᒋᓗᒋᑦ ᓯᕘᕋᓂᕐᒥᑦ, ᐊᓐᓄᕌᖏᑦ ᐆᒥᒋᓗᒋᑦ ᑎᒥᐅᑉ ᐃᒃᖠᒎᕐᓂᖓᓄᑦ ᐃᑦᓴᒃᑕᐅᓯᒪᔪᑦ.

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:20

ᓯᓚᕐᔪᐊᕐᒥᐅᓪᓕ ᐃᓄᖏᑕ ᐃᓚᖏᑦ, ᑖᒃᑯᓄᖓ ᐊᓯᕈᕐᓇᕐᑐᓄᑦ ᑐᖁᑕᐅᖏᑦᑐᑦ, ᓱᓕ ᖃᕿᐊᓕᓐᖏᓚᑦ ᓴᓇᓯᒪᔭᒥᖕᓂᑦ ᑐᒃᓯᐊᕐᕕᒋᕙᒃᑕᒥᖕᓂᓪᓗ ᐊᓂᕐᓂᕐᓗᖕᓄᑦ, ᒎᑎᓐᖑᐊᒥᖕᓂᓪᓗ ᒎᓗᓂᑦ ᓯᐅᓪᕕᕆᓂᑦ, ᑲᓐᓄᔭᓂᑦ, ᐅᔭᕋᖕᓂᑦ, ᕿᔪᖕᓂᓪᓗ, ᑕᑯᔪᓐᓇᖏᑦᑐᓂᑦ ᑐᓵᔪᓐᓇᖏᑦᑐᓂᑦ ᐱᓱᒍᓐᓇᖏᑦᑐᓂᓪᓗ;