ᐂᒨᓯᐅᑉ ᐊᒡᓚᖏᑦ 3:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᐅᓪᓗᒥ ᑍᑲᓂ ᐃᓴᕆᐊᓕᑎᑦ ᓱᒋᐊᕈᒃᑭᑦ ᐊᔪᕐᓂᖏᑦ ᐱᓪᓗᒋᑦ, ᐱᑎᓕᐅᓪᓗ ᑐᓂᕐᕈᓯᕐᕕᖏᑦ ᓯᑯᒥᖃᓯᐅᑎᓂᐊᕐᐸᒃᑲ; ᑐᓂᕐᕈᓯᕐᕕᖏᑕᓗ ᓇᒡᔪᖏᒃ ᓇᑲᑦᓱᒫᕐᐳᒃ ᒪᓂᖅᑲᒧᓪᓗ ᑲᑕᒡᓗᑎᒃ.

ᐂᒨᓯᐅᑉ ᐊᒡᓚᖏᑦ 3:14 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 23:15

ᐱᑎᓕᒥᑦᑕᐅᖅ ᑐᓂᕐᕈᓯᕐᕕᒃ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ, ᓴᓇᔭᐅᑎᓚᐅᕐᑕᕕᓂᖓ ᐃᓴᕆᐊᓕᒥᐅᓂᒃ ᐊᔪᕐᑐᓕᑎᑦᓯᓚᐅᕐᑐᖅ, ᐱᓪᓚᕆᒋᔭᐅᓪᓗᓂ ᒎᑎᓐᖑᐊᒧᑦ ᑐᒃᓯᐊᕐᕕᒃ ᓯᖁᑦᑎᕐᑕᐅᑎᑉᐹ, ᐃᑯᐊᓪᓚᒃᑎᓚᐅᕐᓗᒋᑦ ᓯᖃᓕᔭᐅᑎᓪᓗᒋᑦ ᓄᖑᑕᐅᑎᑉᐰᑦ; ᓇᐸᔪᖁᑎᖏᓪᓗᑦᑕᐅᖅ ᐊᓯᕅᑦ ᐃᑯᐊᓚᒃᑕᐅᑎᒃᑭᕔᑦ.

ᐂᒨᓯᐅᑉ ᐊᒡᓚᖏᑦ 9:1

ᐊᑕᓂᖅ ᑕᑯᓚᐅᕐᐸᕋ ᓇᖏᕐᑐᖅ ᑐᓂᕐᕈᓯᕐᕕᐅᑉ ᓴᓂᐊᓂ, ᐅᖃᕐᓗᓂᓗ, “ᑐᒃᓯᐊᕐᕕᒡᔪᐊᑉ ᓱᑲᖏᑕ ᓄᕗᖏᑦ ᐊᓇᐅᒃᑭᑦ ᑐᓐᖓᕕᖓ ᓴᔪᖁᓪᓗᒍ, ᑖᒃᑯᓄᖓᓗ ᐃᓄᓕᒫᑦ ᓂᐊᖁᖏᑦ ᓯᖁᒥᑕᐅᖁᓪᓗᒋᑦ, ᐊᒥᐊᒃᑯᖏᓪᓗ ᑐᖁᑦᓱᒫᕐᐸᒃᑲ ᓴᕕᒡᔪᐊᒧᑦ; ᐊᑕᐅᓯᕐᒥᒡᓘᓐᓃᑦ ᕿᒫᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᕐᓂᐊᕋᓂ.

ᑯᕉᓂᑲ ᐂᑉᐸᖏᑦ 31:1

ᑕᒪᒃᑯᐊᓕᒫᑦ ᐱᔭᕇᕐᒪᑕ, ᐃᓴᕆᐊᓕᒥᐅᓕᒫᑦ ᑍᑲᓃᓚᐅᕐᑐᑦ ᐂᕗᑦ ᔫᑕᐅᑉ ᐃᒡᓗᒐᓴᖏᓐᓄᑦ ᓇᐸᔪᐃᓪᓗ ᒎᑎᓐᖑᐊᑦ ᓯᖁᑦᑎᕐᐰᑦ ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᒎᑎᓐᖑᐊᑦ ᐊᓯᕅᑦ ᓇᑲᑎᕐᐰᑦ ᐃᒋᓪᓗᒋᓪᓗ ᑐᓂᕐᕈᓯᕐᕕᖁᑎᖏᑦ ᔫᑕᒦᑦᑐᑦ ᐱᓐᔭᒥᓂᒦᑦᑐᓪᓗ, ᐃᕗᕅᑎᒦᑦᑐᓪᓗ ᒫᓇᓯᒦᑦᑐᓪᓗ, ᐊᑕᖏᕐᓗᒋᑦ ᓯᖁᑦᑎᕐᐰᑦ. ᐃᓴᕆᐊᓕᒥᐅᓪᓗ ᐃᒡᓗᒐᓴᖕᒥᓄᑦ ᐅᑎᕐᐳᑦ, ᐊᑐᓂᑦ ᓄᓇᒥᖕᓄᐊᕐᓗᑎᒃ.

ᒨᓯᓯ ᐂᑉᐸᖏᑦ 32:34

ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᐂᒨᓯᐅᑉ ᐊᒡᓚᖏᑦ 2:8

ᑐᓂᕐᕈᓯᕐᕕᓕᒫᓪᓗ ᑭᒡᓕᖏᓐᓂ ᓇᓚᖃᑦᑕᕐᒪᑕ ᐊᑭᓕᐅᑕᐅᓯᒪᔪᑦ ᐊᓐᓄᕌᑦ ᖄᖏᓐᓂ; ᒎᑎᖏᑦᑕᓗ ᐃᒡᓗᖓᓂ ᕔᓂᑐᖃᑦᑕᕐᒪᑕ ᐊᑭᓖᔭᕆᐊᓖᑦ ᐊᑭᓕᐅᑎᕕᓂᖏᓐᓂᒃ.

ᐂᒨᓯᐅᑉ ᐊᒡᓚᖏᑦ 4:4

“ᐱᑎᓕᒧᐊᕆᑦᓯ ᐊᔪᕐᑐᓕᓗᓯᓗ, ᒋᐅᓪᒐᐅᓪᒥᓗ ᐊᔪᕐᑐᓕᓂᓯ ᐊᖏᒡᓕᒋᐊᕐᑎᓯᒋᒃ, ᑐᓂᕐᕈᓯᕐᓗᓯᓗ ᐅᓪᓛᑕᒫᑦ, ᑕᓪᓕᒪᐅᔪᐃᕆᑦᓯᓗ ᐅᓪᓗᐃᑦ ᐱᖓᓱᖏᓐᓂ ᑕᒫᑦ.

ᐂᒨᓯᐅᑉ ᐊᒡᓚᖏᑦ 7:10

ᐊᒪᔧᐊ ᐱᑎᓕᒥ ᑐᓂᕐᕈᓯᕐᑎᑦᓯᔨ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑎᑦᓯᓪᓗᓂ ᔨᕈᐳᐊᒻᒧᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒫᒃ, “ᐂᒨᓯ ᐃᓱᒪᓕᐅᓕᕐᒪᑦ ᐊᑭᕋᕐᑐᕈᒪᓪᓗᓂ ᐃᓕᖕᓄᑦ ᐃᓴᕆᐊᓕᒥᐅᑎᒍᑦ, ᐅᖃᐅᓯᖏᓪᓗ ᐊᓯᕈᐃᓂᐊᕐᐳᑦ ᓄᓇᖁᑎᑦᑎᓐᓂᒃ.

ᐂᒨᓯᐅᑉ ᐊᒡᓚᖏᑦ 7:13

ᐅᖃᓪᓚᓚᐅᕐᓯᒪᓂᐊᕈᓐᓃᕐᐳᑎᑦ ᐱᑎᓕᒥ, ᐊᖓᔪᖅᑳᕐᔪᐊᑉ ᐃᑦᔪᕐᓁᑦᑐᕕᖁᑎᒋᖕᒪᒍ, ᑐᒃᓯᐊᕐᕕᒃᔪᐊᖃᕐᕕᐅᓪᓗᓂᓗ ᐊᖓᔪᖅᑳᕐᔪᐊᖃᕐᕕᖕᒥ.”

ᐂᒨᓯᐅᑉ ᐊᒡᓚᖏᑦ 7:9

ᐂᓴᑭᐅᑉ ᐳᕐᑐᔪᒦᑦᑐᑦ ᑐᒃᓯᐊᕐᕕᒋᕙᒃᑕᕕᓂᖏᑦ ᐃᓄᖃᕈᓐᓃᕈᒫᕐᐳᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᕕᖁᑎᖏᑦ ᑕᒫᓃᕐᕆᓕᕈᒫᕐᐳᑦ, ᒪᑭᓐᓂᐊᕐᐳᖓᓗ ᓴᕕᒡᔪᐊᓕᔭᕐᓗᖓ ᔨᕈᐳᐊᒻ ᐊᖓᔪᖅᑲᐅᕕᖓ ᐅᓇᑕᕆᐊᕐᓗᒍ.”