ᐂᒨᓯᐅᑉ ᐊᒡᓚᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᖅ ᐃᒫᒃ ᐅᖃᕐᐳᖅ: “ᐱᖓᓱᑦ ᑕᒫᓯᑰᓯᐅᑉ ᐊᔪᕐᑐᓕᓂᖏᑦ ᐱᓪᓗᒋᑦ, ᓯᑕᒪᖓᓪᓕ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᒋᓕᐊᑎᒥᐅᓂᒃ ᑐᓪᓕᕋᕐᓯᒪᓂᖏᑦ ᐱᓪᓗᒋᑦ, ᑐᓪᓕᕅᑦᔪᑎᓄᑦ ᓴᕕᕋᔭᓕᖕᓄᑦ.

ᐂᒨᓯᐅᑉ ᐊᒡᓚᖏᑦ 1:3 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 19:17

ᐃᒤᑦᓱᒫᕐᐳᖅ ᕼᐊᔧᐅᓪ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᔨᕼᐆᑉ ᑐᖁᑦᓱᒫᕐᐰᑦ, ᔨᕼᐆᓪᓗ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᐃᓔᓴᐅᑉ ᑐᖁᑦᓱᒫᕐᐰᑦ.

ᐊᑕᓃᑦ ᐂᑉᐸᖏᑦ 13:3

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓂᓐᖓᐅᒪᕝᕕᒋᓕᓚᐅᕐᐰᑦ, ᐊᑯᓂᓗ ᕼᐊᔧᐅᓪᒧᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᕐᓂᖓᓄᓪᓗ ᐱᓐ-ᕼᐊᑖᑦᒧᑦ ᓵᓚᒋᔭᐅᓯᒪᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 13:7

ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᐊᑕᓃᑦ ᐂᑉᐸᖏᑦ 16:9

ᑎᒡᓚ-ᐰᓖᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐂᕼᐊᓯᐅᑉ ᐱᔪᒪᔭᖓ ᒪᓕᒡᓗᒍ ᐅᐸᒍᑎᕗᖅ ᐅᓇᑕᕐᑎᖁᑎᓂ ᐅᓇᑕᕆᐊᕐᑎᓪᓗᓂᒋᑦ ᑕᒫᓯᑰᓯᒥᒃ, ᓵᓚᖃᕐᓗᓂᓗ ᓄᓇᓖᑦ ᑎᒍᕔᑦ ᐊᖓᔪᖅᑳᕐᔪᐊᖅ ᕆᔨᓐ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᑕᐅᑎᓪᓗᓂᐅᒃ ᐃᓄᖏᑦ ᑎᒍᓪᓗᓂᒋᑦ ᐊᐅᓪᓚᕈᑎᕔᑦ ᑭᕆᒥᐅᓄᑦ, ᑎᒍᓯᒪᓂᐊᓕᕐᓗᒋᑦ.

ᐊᑕᓃᑦ ᐂᑉᐸᖏᑦ 8:12

ᕼᐊᔧᐅᓪᓗ ᐊᐱᕆᓕᕐᐹ, “ᓱᖕᒪᑦ ᐊᑕᓂᕋ ᖁᕝᕕᐅᕐᐹ?” ᐃᓔᓴᐅᑉ ᑭᐅᕚ, “ᖃᐅᔨᒪᒐᒪ ᐃᓴᕆᐊᓕᒥᐅᓂᒃ ᐱᑦᓯᐊᖏᑦᓱᒫᕋᕕᑦ, ᐃᑯᐊᓪᓔᔪᒫᕐᐳᑎᑦ ᐃᒡᓗᒐᓴᖁᑎᖏᓐᓂᒃ ᐱᔭᐅᑦᔧᕐᓯᒪᔪᓂᒃ, ᐅᕕᒐᕐᑐᖁᑎᖏᓪᓗ ᑐᖁᕋᕈᒫᕐᐸᑎᑦ ᓴᕕᒡᔪᐊᕐᒧᑦ, ᓄᑕᕋᖏᓪᓗ ᐃᖅᑲᑦᑖᕆᓗᒋᑦ ᑐᖁᑦᓱᒫᕐᐸᑎᑦ, ᐊᕐᓇᖏᓪᓗ ᓄᑕᕋᒃᓴᓖᑦ ᓈᖏᑦ ᓰᒡᓗᒋᑦ ᐊᕐᒪᕐᑎᕈᒫᕐᐸᑎᑦ.”

ᔫᐱᐅᑉ ᐊᒡᓚᖏᑦ 19:3

ᖁᓖᕐᑐᕐᓗᓯ ᐅᕙᓐᓂᒃ ᓵᓐᖓᓯᓯᒪᓕᕐᐳᓯ; ᑲᓐᖑᓱᓐᖏᓚᓰ ᐅᕙᓐᓂᒃ ᓱᒃᑯᔨᐊᖃᕋᓱᐊᕐᓂᑦᓯᓐᓂᒃ?

ᔫᐱᐅᑉ ᐊᒡᓚᖏᑦ 5:19

ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ; 7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:16

ᐅᑯᐊ ᐱᖓᓲᔪᕐᑐᑦ ᐊᑕᓂᐅᑉ ᐆᒥᒋᕔᑦ, 7ᖓᓪᓗ ᓇᕐᕈᓇᕐᓂᕋᕐᑕᖓᓃᑉᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:2

ᐂᑦᑐᕐᑐᐃᓕᕆᑦ ᓂᕆᔭᒃᓴᓂᒃ 7ᓄᑦ, 8ᓄᓪᓘᓐᓃᑦ, ᖃᐅᔨᒪᖏᓐᓇᕕᑦ ᐱᐅᖏᑦᑐᒥᒃ ᓄᓇᒥ ᓱᔪᖃᕐᓂᐊᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 28:27

ᕿᕐᓂᕐᑍᑦ ᑯᒥᓐᑏᑦ ᐸᐅᕐᖎᔭᕐᑕᐅᕙᓐᖏᓚᑦ ᐊᒃᓴᑳᔪᒧᑦ ᒪᓂᖅᑲᒃᓴᐅᑎᒧᑦ, ᐊᒃᓴᑳᔪᒧᓪᓗ ᑯᒥᓐᑏᑦ ᖃᓪᓕᕐᑕᐅᓪᓗᑎᒃ ᐊᒃᓴᑳᕕᐅᕙᓐᖏᓚᑦ; ᕿᕐᓂᕐᑍᓪᓕ ᑯᒥᓐᑏᑦ ᐊᓇᐅᓕᕐᑕᐅᕙᒃᐳᑦ ᕿᔪᑯᑖᒧᑦ, ᑯᒥᓐᑏᓪᓗ ᐊᓇᐅᑕᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 41:15

ᑕᑯᒋᑦ, ᓂᐊᖂᔭᒃᓴᓂᒃ ᓴᓃᔧᕕᒃᑎᑐᑦ ᑍᒤᑎᓐᓂᐊᕐᐸᒋᑦ ᓄᑖᓂᒃ ᐃᐱᒃᑐᓂᒃ ᑭᒍᑎᓕᒃᑎᑐᑦ; ᖃᖅᑳᓗᖕᓂᒃ ᓴᓃᔧᔪᒫᕐᐳᓯ ᓯᖁᑦᑎᕐᓗᒋᓪᓗ, ᐱᖑᐃᓪᓗ ᓄᖑᑎᕐᓗᒋᑦ ᓴᓂᕕᓂᑐᐃᓐᓇᐅᔮᓕᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 7:16

ᓄᑲᑉᐱᐊᕐᓗ ᓇᖕᒥᓂᕐᓱᕐᓗᓂ ᐊᑐᕆᐊᖃᕐᑕᒥᓂᒃ ᓂᕈᐊᕈᓐᓇᓕᖅᑳᕐᑎᓐᓇᒍ ᐱᐅᖏᑦᑐᖅ ᓇᕐᕈᒋᓗᒍ ᐱᐅᔪᕐᓕ ᓂᕈᐊᖔᕐᓗᒍ, ᑍᒃᑯᐊᒃ ᐊᖓᔪᖅᑳᕐᔪᐊᒃ ᐃᓕᖕᓂᒃ ᓯᕘᕋᓵᕆᔫᒃ ᓄᓇᒋᔭᖏᒃ ᐃᓄᖃᕈᓐᓃᕈᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 7:8

ᓯᕆᐊᒥᐅᑦ ᑕᒫᓯᑰᓯᒥᒃ ᓂᐊᖁᖃᕐᒪᑕ, ᑕᒫᓯᑰᓯᒥᐅᓪᓗ ᓂᐊᖁᖃᕐᓗᑎᒃ ᕆᔨᓐᒥᒃ. ᐃᕗᕅᒥᐅᓪᓗ ᐃᓅᖃᑎᒌᖕᓂᖓᑦ ᐊᓯᕈᕐᑕᐅᔪᒫᕐᐳᖅ ᐊᕐᕌᒍᑦ 65 ᓈᓚᐅᕐᑎᓐᓇᒋᑦ, ᐃᓄᖃᕈᓐᓃᕈᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 8:4

ᑖᓐᓇ ᓄᑲᑉᐱᐊᖅ ᐊᓈᓈᕈᓐᓇᕐᓯᓚᐅᕐᑎᓐᓇᒍ ᐊᑖᑖᕈᓐᓇᕐᓯᓚᐅᕐᑎᓐᓇᒍᓗ ᓱᓕ, ᑕᒫᓯᑰᓯᒥᐅᑦ ᐊᔪᕐᓴᖏᑦᔪᑎᖏᑦ ᓴᒥᐊᕆᐊᕐᒥᐅᓪᓗ ᓵᓚᒃᓴᕈᑎᒋᓯᒪᔭᖏᑦ ᐊᐅᓪᓚᕈᑦᔭᐅᔪᒫᕐᐳᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.”

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᐂᒨᓯᐅᑉ ᐊᒡᓚᖏᑦ 1:13

ᐊᑕᓂᖅ ᐅᖃᕐᐳᖅ, “ᐊᒧᓁᒥᐅᑦ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐊᕐᓇᓂᒃ ᕿᑐᕐᖓᒃᓴᓕᖕᓂᒃ ᐱᓚᒃᓯᓚᐅᕐᒪᑕ ᐊᖕᒪᕐᓗᒋᑦ ᒋᓕᐊᑎᒥ, ᓄᓇᖁᑎᑎᒃ ᐊᖏᒡᓕᒋᐊᕈᒪᓪᓗᒍ.

ᐂᒨᓯᐅᑉ ᐊᒡᓚᖏᑦ 1:6

ᐊᑕᓂᖅ ᐃᒫᒃ ᐅᖃᕐᐳᖅ: “ᒑᓴᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ.

ᐂᒨᓯᐅᑉ ᐊᒡᓚᖏᑦ 1:9

ᐊᑕᓂᖅ ᐅᖃᕐᐳᖅ, “ᐱᖓᓱᓄᑦ ᑍᕆᐅᑉ ᐊᔪᕐᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᕐᑎᑦᓯᓚᐅᕐᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᕐᑕᒥᖕᓂᒃ ᐃᓚᒌᑦᓯᐊᕈᒪᓂᕐᒥᒃ.

ᐂᒨᓯᐅᑉ ᐊᒡᓚᖏᑦ 2:1

ᐊᑕᓂᖅ ᐃᒫᒃ ᐅᖃᕐᐳᖅ, “ᒧᐊᐱᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐄᑐᒥᐅᑉ ᐊᖓᔪᖅᑳᕐᔪᐊᖓᑕ ᓴᐅᓂᖏᑦ ᐃᑭᑕᐅᓚᐅᕐᒪᑕ ᐊᕐᔭᓕᓂᓐᖑᕐᓗᒋᑦ.

ᐂᒨᓯᐅᑉ ᐊᒡᓚᖏᑦ 2:4

“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ.

ᐂᒨᓯᐅᑉ ᐊᒡᓚᖏᑦ 2:6

ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ.

ᓴᑲᕅᐊᐅᑉ ᐊᒡᓚᖏᑦ 9:1

ᐊᑕᓂᐅᑉ ᐅᖃᐅᓯᖓᑕ ᕼᐊᑦᕌᒃᒥ ᓄᓇᖃᕐᑐᑦ ᐊᑭᕋᕐᑐᕐᐰᑦ ᑕᒫᓯᑰᓯᒥᓗ ᓄᓇᖃᕐᑐᑦ ᐊᑭᕋᕐᑐᕐᓂᖓᑕ ᓵᓐᖓᔪᒫᕐᐰᑦ: ᐃᓄᐃᑦ ᐃᓴᕆᐊᓕᒥᐅᓕᒫᓪᓗ ᐊᑕᓂᐅᑉ ᑕᑯᓐᓈᕐᒪᒋᑦ.

ᓴᑲᕅᐊᐅᑉ ᐊᒡᓚᖏᑦ 9:2

ᕼᐊᒫᑎᒥᐅᓪᓗ ᐊᑭᕋᕐᑐᕈᒫᕆᕔᑦ ᓯᓚᑖᓂᑦᑐᓪᓗ ᑍᕆ ᓮᑐᓂᓗ, ᐃᓄᖏᑦ ᓯᓚᑐᔫᒐᓗᐊᕐᑎᓪᓗᒋᑦ.