ᐂᒨᓯᐅᑉ ᐊᒡᓚᖏᑦ 1:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ.

ᐂᒨᓯᐅᑉ ᐊᒡᓚᖏᑦ 1:14 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 11:1

ᐊᕐᕌᒍᒥ ᑕᕝᕙᓂ ᐅᐱᕐᖓᕐᑎᓪᓗᒍ, ᐊᖓᔪᖅᑳᕐᔪᐊᑦ ᐅᓇᑕᕆᐊᖃᑦᑕᕐᑎᓪᓗᒋᑦ, ᑍᕕᑎᐅᑉ ᔪᐊᐱ ᑎᓕᓚᐅᕐᐹ ᐊᖓᔪᖅᑳᖁᑎᖏᓪᓗ, ᐃᓴᕆᐊᓕᒥᐅᓪᓗ ᐅᓇᑕᕐᑐᒃᓴᖏᑦ; ᐊᒧᓁᑎᒥᐅᓪᓗ ᓵᓚᒋᓚᐅᕐᐰᑦ, ᕌᐸᐅᓪᓗ ᐃᒡᓗᒐᓴᖏᑦ ᑎᒍᓪᓗᒋᑦ. ᑍᕕᑎᓕ ᔨᕉᓴᓕᒦᖏᓐᓇᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 12:26

ᔪᐊᐱᓕ ᑲᔪᓯᓚᐅᕐᐳᖅ ᐅᓇᑕᕐᓂᕐᒥᓂᒃ ᕌᐸᒥᒃ ᐊᒧᓁᑎᒃᑯᓐᓂᒃ, ᐃᒡᓗᒐᓴᖏᑕᓗ ᐊᖓᔪᖅᑳᒃᑯᕕᖓ ᓵᓚᒋᓕᕐᓗᒍ.

ᓴᒧᐃᓕ ᐂᑉᐸᖏᑦ 12:31

ᐃᓄᖏᓪᓗ ᑕᕝᕙᓃᑦᑐᑦ ᓴᓇᑎᓕᓚᐅᕐᐰᑦ ᑭᓪᓘᑎᓄᑦ, ᓴᕕᕋᔭᖕᓄᓪᓗ ᐃᑎᕐᓴᓕᐅᕈᑎᓄᑦ, ᓴᕕᕋᔭᖕᓄᓪᓗ ᐅᓕᒪᐅᑎᓄᑦ, ᐃᖅᑲᓁᔭᓕᕐᑎᓪᓗᒋᑦ ᐅᔭᕋᖕᓂᒃ ᑭᒃᐹᕆᒃᑐᓕᐅᕐᑎᓪᓗᒋᑦ ᐊᕙᓗᕐᔪᐊᒃᓴᒧᑦ; ᑍᒫᑦᓮᓐᓇᖅ ᐱᓂᐊᕐᑎᓚᐅᕐᐰᑦ ᐊᒧᓁᑎᒥᐅᓕᒫᑦ ᓄᓇᓖᑦ ᖃᓂᒋᔭᖓᓃᑦᑐᑦ. ᑭᖑᓂᖓᒍᑦ ᑍᕕᑎ ᐃᓄᖁᑎᓕᒫᓂ ᐃᓚᒋᓪᓗᒋᑦ ᐅᑎᕐᐳᑦ ᔨᕉᓴᓕᒧᑦ.

ᑯᕉᓂᑲ ᓯᕗᓪᓖᑦ 20:1

ᑕᒫᓂ ᓇᓪᓕᐅᑦᑐᒥ ᐊᕐᕌᒍᒥ ᐅᐱᕐᖓᕐᑎᓪᓗᒍ, ᐊᖓᔪᖅᑳᕐᔪᐊᑉ ᐅᓇᑕᕆᐊᕐᕕᖓᓂ, ᔪᐊᐱᐅᑉ ᐅᓇᑕᕐᑐᒃᓮᑦ ᐊᐅᓪᓚᕈᑎᕔᑦ ᐊᒧᓁᑎᒥᐅᓪᓗ ᐃᓄᖏᑕ ᓄᓇᖓ ᓱᒃᑯᑎᕐᐹ, ᕌᐸᓗ ᓴᐱᕚ. ᑍᕕᑎᓕ ᔨᕉᓴᓕᒦᖏᓐᓇᓚᐅᕐᐳᖅ. ᔪᐊᐱᐅᓪᓗ ᕌᐸ ᓵᓚᒋᕚ, ᓱᓇᐅᔪᓐᓃᕐᑎᓪᓗᒍᓗ.

ᔫᐱᐅᑉ ᐊᒡᓚᖏᑦ 39:25

ᑎᑦᑐᓚᐅᑎᐅᑉ ᓂᐱᖓ ᓂᓪᓕᕌᖓᑦ ᓱᐳᐊᖃᑦᑕᕐᐳᖅ; ᐅᓇᑕᕐᓂᐅᑉ ᑎᐱᖓ ᓁᒪᓕᖃᑦᑕᕐᐹ ᐅᖓᓯᒃᑎᓪᓗᒍ ᓱᓕ, ᐅᓇᑕᕐᑏᑦ ᐊᖓᔪᖅᑳᖏᑕ ᐱᖁᔨᓂᖏᓐᓂᒃ ᑐᓵᓕᖃᑦᑕᕐᐳᑦ.

ᐃᓐᖏᕈᑎᑦ 83:15

ᓂᓐᖓᐅᒪᓂᕐᓄᑦ ᒪᓕᓚᐅᒃᑭᑦ ᑲᑉᐱᐊᓱᒃᑎᓪᓗᒋᓪᓗ ᐅᓚᔪᔭᕐᔪᐊᖁᑎᖕᓄᑦ!

ᐂᓮᐊᓯᐅᑉ ᐊᒡᓚᖏᑦ 29:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑎᑭᕝᕕᒋᔪᒫᕐᐹᓯ ᑲᓪᓕᕐᒧᑦ, ᓄᓇᐅᓪᓗ ᓴᔪᒃᐱᓗᖕᓂᖓᓄᑦ, ᓂᐱᖅᑯᕐᑐᔪᕐᔪᐊᒧᓪᓗ, ᐊᓄᕆᕐᔪᐊᒧᓪᓗ ᑬᕙᑦᑐᒧᑦ, ᐊᖅᑯᓇᕐᔪᐊᒧᓪᓗ, ᐃᑯᐊᓚᔪᕐᔪᐊᒧᓪᓗ ᓄᖒᑦᓯᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 9:5

ᐅᓇᑕᕐᑐᒃᓮᑦ ᐱᓱᒃᑏᑦ ᐅᓇᑕᕐᕕᖕᒥ ᑲᒥᖏᑦ, ᐊᓐᓄᕌᖏᓪᓗ ᐊᐅᖕᒥᒃ ᐃᑦᓴᒃᓯᒪᔪᑦ ᑕᒪᕐᒥᒃ ᐃᑯᒪᒧᑦ ᐃᑯᐊᓪᓚᖅᑯᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:19

ᑕᑯᒋᑦ, ᐊᑕᓂᐅᑉ ᓂᓐᖓᐅᒻᒪᓯᖓ ᐊᓄᕆᕐᔪᐊᑐᑦ ᑎᑭᑦᓱᒫᓕᕐᐳᖅ, ᐊᓄᕆᑎᑐᑦ ᕾᕙᒡᓗᓂ ᓄᓇᒧᑦ ᑎᑭᑦᑐᑎᑐᑦ; ᐱᐅᖏᑦᑐᓕᔪᑦ ᓂᐊᖁᖏᓐᓄᑦ ᑎᑭᑦᓱᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 49:2

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᖁᔨᓗᖓ ᓂᓪᓕᕈᒫᕋᒪ ᕌᐸᒥᐅᓄᑦ ᐊᒧᓁᑎᒦᑦᑐᓄᑦ, ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᓄᓇᓖᓪᓗ ᖃᓂᒋᔭᖓᓃᑦᑐᑦ ᐃᑭᓐᓂᑯᐃᓐᓇᐅᓕᕐᓗᑎᒃ, ᐃᓴᕆᐊᓕᒥᐅᓪᓗ ᐊᕐᓵᕐᓯᔪᒫᕐᐳᑦ ᐊᕐᓵᕐᓯᔨᒋᓚᐅᕐᑕᒥᖕᓂᒃ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 21:20

ᐊᖅᑯᑎᐅᑉ ᐂᑉᐸᖓ ᓇᓗᓁᕐᓯᓯᒪᓗᓂ ᐊᖓᔪᖅᑳᕐᔪᐊᑉ ᐊᒧᓁᑎᒥᐅᓄᐊᕈᓐᓇᕐᓂᖓᓂᒃ ᕌᐸᒦᑦᑐᒧᑦ, ᐂᑉᐸᖓᓗ ᓇᓗᓁᕐᓯᓯᒪᓗᓂ ᔫᑕᐅᑉ ᓄᓇᖓᓄᐊᕈᓐᓇᕐᓂᖓᓂᒃ ᔨᕉᓴᓕᒧᓪᓗ ᐊᕙᓗᕐᔪᐊᖃᕐᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 21:22

ᑕᓕᕐᐱᖕᒥᓄᓪᓗ ᖃᕐᔪᒥᒃ ᑎᒍᓯᕗᖅ ᓇᓗᓁᕐᓯᔪᒥᒃ ᔨᕉᓴᓕᒥᒃ, ᐅᓇᑕᕆᐊᕐᑐᓪᓗ ᐊᐅᓪᓚᕆᐊᕈᑎᒃᓴᖓᓂᒃ ᕾᒐᓛᕈᑕᐅᓂᐊᕐᑐᒥᒃ, ᐋᖅᑭᒃᓱᐃᕗᓪᓗ ᐅᑯᐊᕐᔪᐊᖏᓐᓄᑦ ᒪᑐᐃᕐᓯᓇᓱᐊᕈᑎᒃᓴᒥᖕᓂᒃ, ᓄᓇᒥᒡᓗ ᐳᕐᑐᓯᑎᑦᓯᑦᔪᑎᒃᓴᒥᖕᓂᒃ, ᐊᕙᓗᕐᔪᐊᖓᓄᑦ ᒪᔪᕈᓐᓇᕐᓯᑦᔪᑎᒃᓴᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 21:25

ᐱᐅᖏᑦᑐᕐᔪᐊᖑᓪᓗᑎᑦ ᐊᖓᔪᖅᑳᖑᒐᕕᑦ ᐃᓴᕆᐊᓕᒥᐅᓄᑦ, ᐅᓪᓗᖅ ᑭᖑᓪᓕᕐᐹᖅ ᓱᒋᐊᕐᑕᐅᕕᒃᓮᑦ ᓇᓪᓕᐅᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 25:5

ᕌᐸᒥᐅᑦ ᐃᒡᓗᒐᓴᒡᔪᐊᖏᑦ ᑳᒥᓕᖕᓄᑦ ᓂᕿᒃᓴᖃᕐᕕᓐᖑᕐᑎᑦᓱᒫᕐᐸᕋ ᐊᒧᓁᑎᒥᐅᓪᓗ ᓄᓇᓕᒫᖓ ᓰᐱᒃᑯᕕᓐᖑᕐᑎᓪᓗᒍ. ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 25:7

ᑍᒤᒻᒪᑦ, ᑕᑯᒋᑦ, ᐃᓅᖃᑎᒌᒡᔪᐊᓄᑦ ᐱᔭᐅᑎᑦᓱᒫᓕᕐᐸᑦᓯ, ᐱᖁᑎᑦᓯᓐᓂᒃ ᓇᒡᕚᕐᑕᕐᕕᐅᔪᒫᕐᐳᓯ; ᓄᖑᑕᐅᔪᒫᕐᐳᓯ ᓄᓇᒥᑦ; ᑍᒫᒃ ᐊᓯᕈᕈᒫᕐᐸᑦᓯ. ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᐂᒨᓯᐅᑉ ᐊᒡᓚᖏᑦ 2:2

ᒧᐊᐱ ᐃᑯᐊᓪᓚᒃᑎᓐᓂᐊᕐᐸᕋ ᑭᕆᐅᑎᐅᓪᓗ ᕿᒫᕕᖏᑦ ᓄᖑᓪᓗᒋᑦ; ᒧᐊᐱ ᑐᖁᓂᐊᕐᐳᖅ ᓂᐱᓕᐊᓗᖕᒥ, ᕾᒐᓛᕐᑎᓪᓗᒋᑦ ᑎᑦᑐᓚᐅᑎᓗ ᑐᓴᕐᓴᐅᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)