ᐋᐴᓯᑕᓖᑦ ᐱᓂᐊᕐᓂᖏᑦ 7:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:36 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 14:21

ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᒨᓯᓯ ᐂᑉᐸᖏᑦ 12:41

ᑖᒃᑯᐊ ᐊᕐᕌᒍᑦ 430 ᓈᑎᓪᓗᒋᑦ ᐃᓅᖃᑎᒌᑦ ᐊᑕᓂᐅᑉ ᐃᓄᖁᑎᒋᔭᖏᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᔪᐃᓐᓇᐅᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 33:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᓄᓇᒥᑦ ᓇᔪᕐᑕᑦᓯᓐᓂᑦ ᐊᐅᓪᓚᓕᕆᑦᓯ ᐃᓄᒐᓴᒃᔪᐊᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎ ᐃᓚᒋᓗᖏᑦ, ᓄᓇᒧᑦ ᐂᓕᕐᓗᓯ ᐊᖏᕈᑎᒋᓯᒪᔭᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ ᑭᖑᕚᖏᓐᓄᓪᓗ.

ᒨᓯᓯ ᐂᑉᐸᖏᑦ 16:35

ᐃᓴᕆᐊᓕᒥᐅᓪᓗ ᓂᕿᖃᓚᐅᕐᐳᑦ ᒫᓇᒥᒃ ᐊᕐᕌᒍᓂᒃ 40ᓂᒃ, ᓄᓇᒧᑦ ᐱᕈᕐᑐᓕᖕᒧᑦ ᑎᑭᓚᐅᖏᓐᓂᕐᒥᖕᓂ; ᓂᕿᖃᓚᐅᕐᐳᑦ ᒫᓇᒥᒃ, ᑬᓇᓂᐅᑉ ᓄᓇᖓᓄᑦ ᑎᑭᓚᐅᖏᓐᓂᕐᒥᖕᓂ.

ᐄᑉᕈᐃᓄᑦ 8:9

ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ, ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ, ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ, ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 13:18

ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒥ ᕿᓄᐃᓵᕈᑎᒋᓚᐅᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:42

ᒎᑎᐅᓪᓕ ᐊᓚᓚᐅᕐᐰᑦ ᓵᑎᓪᓗᒋᑦ ᕿᓚᐅᑉ ᐅᓪᓗᕆᐊᖏᓐᓂᒃ ᑐᒃᓯᐊᕐᕕᖃᕐᓂᕐᒧᑦ, ᓇᓚᐅᑦᑍᔪᑦ ᐊᒡᓚᖏᓐᓂ ᑎᑎᕋᕐᓯᒪᖕᒪᑦ: ‘ᐃᓴᕆᐊᓕᒥᐅᖑᔪᓯ, ᑐᖁᑦᓯᓗᓯ ᐆᒪᔪᓂᒃ ᑐᓂᕐᕈᓯᕐᕕᒋᓚᐅᕐᐱᓯᓐᖔ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒦᑎᓪᓗᓯ?

ᐃᓐᖏᕈᑎᑦ 95:10

ᐊᕐᕌᒍᓂᒃ 40ᓂᒃ ᐃᓅᖃᑎᒌᑦ ᑍᒃᑯᐊ ᖁᕕᐊᓱᖏᑦᔪᑎᒋᓚᐅᕐᐸᒃᑲ, ᐅᖃᕐᓗᖓᓗ, “ᑖᒃᑯᐊ ᐃᓅᕗᑦ ᐆᒻᒪᑎᖏᑦ ᑕᒻᒪᕐᓯᒪᔪᑦ, ᐊᑐᕐᑕᐅᖁᔭᒃᑲᓗ ᖃᐅᔨᒪᓇᒋᑦ.”

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᒨᓯᓯ ᑕᓪᓕᒪᖏᑦ 8:4

ᐊᕐᕌᒍᓂᓕ ᑖᒃᑯᓇᓂ 40ᓂ ᐊᓐᓄᕌᓯ ᐱᐅᔪᓐᓁᕐᑐᖃᓚᐅᓐᖏᓚᑦ, ᐃᑎᒐᓯᓗ ᐳᓪᓕᓕᓚᐅᕋᑎᒃ.

ᒨᓯᓯ ᐂᑉᐸᖏᑦ 3:20

ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

ᐃᓐᖏᕈᑎᑦ 95:8

ᐆᒻᒪᑎᓯ ᓯᑎᔫᑎᓐᓂᐊᕋᓯᒋᒃ, ᑍᑦᓱᒪᓂᑐᑦ ᓄᓇᒥ ᒥᕆᐸᒥ ᓯᑎᔫᑎᑦᓯᓚᐅᕐᑐᑎᑐᑦ, ᒫᓴᒥ ᑍᒤᓕᐅᓚᐅᕐᒪᑕ ᐱᕈᕐᑐᖃᖏᑦᑐᒥ.

ᔪᐊᓇᓯᐅᑉ ᐊᒡᓚᖏᑦ 4:48

ᔩᓱᓯᐅᑉ ᐅᖃᐅᑎᕚ, “ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᑕᑯᖏᒃᑯᑦᓯ ᐅᒃᐱᕈᒪᓐᖏᓚᓯ.”

ᐄᑉᕈᐃᓄᑦ 3:8

ᓯᑎᔫᒐᓱᐊᕐᑍᓕᒋᑦᓯ ᐊᑭᕋᕐᑐᓚᐅᕐᑐᑎᑐᑦ, ᓱᓇᖃᔪᐃᑦᑐᒥ ᐆᒃᑐᐃᓚᐅᕐᑐᑎᑐᓪᓗ ᒎᑎᒥᒃ.

ᐄᑉᕈᐃᓄᑦ 3:9

ᑕᕝᕙᓂ ᓯᕗᓕᕕᓂᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ ᐱᓇᓱᐊᕐᓂᑲ ᑕᑯᓚᐅᕐᐰᑦ ᐊᕐᕌᒍᓂᒃ 40ᓂᒃ.