15 ᔧᑯ ᐄᑦᔨᑉᑎᒧᐊᓚᐅᕐᐳᖅ, ᑕᕝᕙᓂ ᑐᖁᓚᐅᕐᐳᖅ ᓯᕗᓕᕕᓂᕗᓪᓗ.
ᑕᕝᕙ ᐃᓴᕆᐊᓕ ᐊᐅᓪᓚᓕᕐᐳᖅ ᐱᖁᑎᓕᒫᓂ ᓇᒃᓴᕐᓗᒋᑦ, ᐱᐊᕐᓯᐸᒧᓪᓗ ᑎᑭᓐᓇᒥ, ᑕᕝᕙᓂᓗ ᑐᓂᕐᕈᓯᕐᐳᖅ ᐃᑯᐊᓚᑦᓯᓪᓗᓂ ᐊᑖᑕᖓᑕ ᐂᓴᑭᐅᑉ ᒎᑎᖓᓄᑦ.
ᓯᕗᓕᓐᓂᓕ ᐃᓗᕕᕐᓯᒪᖃᑕᐅᔪᒪᕗᖓ; ᐄᑦᔨᑉᑎᒥᑦ ᐊᐅᓪᓚᕈᑎᓗᖓ ᑍᒃᑯᐊ ᐃᓗᕕᕐᑕᐅᕕᒋᓯᒪᔭᖏᓐᓂ ᐃᓗᕕᕐᑕᐅᔪᒃᓴᐅᕗᖓ.” ᔫᓯᐱᐅᑉ ᑭᐅᕚ, “ᐅᖃᐅᓯᕆᔭᑎᑦ ᐊᑐᕐᓂᐊᕐᐸᒃᑲ.”
ᔧᑰᓪᓗ ᐃᕐᓂᓂ ᐱᖁᔨᓂᕆᔭᒥᓂᒃ ᐅᖃᐅᑎᔭᕇᕋᒥᒋᑦ, ᐃᑎᒐᓂ ᐃᒡᓕᕐᒧᐊᕐᑎᑉᐰᑦ, ᐊᓂᕐᓇᒋᕐᓗᓂᓗ, ᐃᓚᓕᐅᑎᓪᓗᓂᓗ ᐃᓅᖃᑎᕕᓂᕐᒥᓄᑦ.
ᑕᕝᕙ ᔧᑯ ᐄᑦᔨᑉᑎᒧᐊᓚᐅᕆᕗᖅ; ᓄᓇᑖᕐᓗᓂᓗ ᕼᐋᒥᐅᑉ ᓄᓇᖓᓂ.
ᑭᖑᓂᑲᓪᓚᖓᒍᑦ ᔫᓯᐱ, ᖃᑕᓐᖑᑎᖏᓪᓗ ᐃᓚᓕᒫᖏᓪᓗ ᑐᖁᓯᒪᓕᓚᐅᕐᐳᑦ.
ᒨᓯᓯᐅᓪᓗ ᔫᓯᐱᐅᑉ ᓴᐅᓂᖏᑦ ᓇᒃᓴᓚᐅᕐᐰᑦ; ᔫᓯᐱᐅᑉ ᐃᓴᕆᐊᓕᒥᐅᑦ ᐃᓄᖏᑦ ᐊᒃᓱᕈᕐᓗᓂ ᐊᖏᕐᑎᓐᓇᓱᐊᓚᐅᕐᒪᒋᑦ ᑕᒪᑐᒧᖓ, ᐅᖃᕐᓗᓂ, “ᒎᑎᐅᑉ ᐅᐸᒍᒫᕐᐹᓯ; ᑍᒤᒻᒪᑦ ᑕᒫᓐᖓᑦ ᐊᐅᓚᓕᕈᑦᓯ ᓴᐅᓂᒃᑲ ᑕᒫᓐᖓᑦ ᐊᐅᓪᓚᕈᑎᔭᒃᓴᕆᕙᓯ.”
ᓯᕗᓕᕕᓂᕐᐳᑦ ᐄᑦᔨᑉᑎᒨᓚᐅᕐᒪᑕ, ᐄᑦᔨᑉᑎᒥᓗ ᐊᑯᓂ ᓄᓇᖃᓚᐅᕐᐳᒍᑦ, ᐄᑦᔨᑉᑎᒥᐅᓂᓪᓕ ᐅᖁᒤᒃᓴᕐᑎᑕᐅᓚᐅᕐᐳᒍᑦ ᓯᕗᓕᕕᓂᕐᐳᓪᓗ.
ᓯᕗᓕᕕᓂᓯᓕ ᐄᑦᔨᑉᑎᒧᐊᓕᕐᑎᓪᓗᒋᑦ ᑍᑯᓐᖓᕐᑐᑦ 70ᑐᐃᓐᓇᐅᓚᐅᕐᐳᑦ; ᒫᓐᓇᓕ ᐊᑕᓂᐅᑉ ᒎᑎᑦᓯ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᓯᑎᓯᒪᓕᕐᐹᓯ.”
ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ.
ᔫᓯᐱᐅᑉ ᓴᐅᓂᖏᑦ ᐃᓴᕆᐊᓕᒥᐅᑉ ᐃᓄᖏᑕ ᐊᐅᓪᓚᐅᑎᓚᐅᕐᑕᖏᑦ ᐄᑦᔨᑉᑎᒥᑦ ᐃᓗᕕᕐᑕᐅᓚᐅᕐᐳᑦ ᓯᑭᒻᒥ, ᓄᓇᐅᑉ ᐃᓚᖓᓂ ᔧᑰᑉ ᓂᐅᕕᐊᕆᓚᐅᕐᑕᖓᓂ ᕼᐊᒧᕆᐅᑉ ᐃᕐᓂᖏᓐᓂᑦ ᓯᑭᒻᒥᐅᑉ ᐊᑖᑕᖓᓂᑦ, ᑕᕝᕗᖓ ᐊᑭᖃᓚᐅᕐᑐᒧᑦ 100ᓂᒃ ᓯᐅᓪᕕᕆᓂᒃ, ᑕᒪᓐᓇ ᓄᓇ ᐱᒋᔭᐅᓕᓚᐅᕐᒪᑦ ᔫᓯᐱᐅᑉ ᑭᖑᕚᖏᓐᓄᑦ.
ᐂᓴᑭᓗ ᑐᓂᓚᐅᕐᐸᕋ ᔧᑯᒥᒃ ᐄᓴᒥᒡᓗ. ᐄᓴᓗ ᓄᓇᒥᒃ ᖃᖅᑲᓕᖕᒥᒃ ᓰᐊᕆᒥᒃ ᓄᓇᑖᕐᑎᓚᐅᕐᐸᕋ, ᔧᑯᓕ ᕿᑐᕐᖓᖏᓪᓗ ᑕᐅᓄᖓ ᐄᑦᔨᑉᑎᒧᐊᓚᐅᕐᐳᑦ.
