18 ᐋᐴᓯᑕᓕᖕᓂᒃ ᑎᒍᔭᐅᑎᑦᓯᕗᑦ ᑎᒍᔭᐅᓯᒪᕕᖕᒧᐊᕐᐰᑦ.
ᑖᒃᑯᐊᒃ ᑎᒍᔭᐅᕘᒃ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒃ ᖃᐅᒃᐸᓐᖑᕐᓯᐊᕆᓪᓗᒍ, ᑍᑦᓱᒪᓂ ᐅᓐᓄᓕᕇᕐᒪᑦ,
᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ.
ᑕᒪᒃᑯᐊ ᐱᓚᐅᖅᑳᕐᑎᓐᓇᒋᑦ ᑎᒍᔭᐅᔪᒫᕐᐳᓯ, ᐊᑭᕋᕐᑐᕐᑕᐅᓗᓯ, ᐋᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯᓗ, ᐊᖓᔪᖅᑳᕐᔪᐊᓄᑦ ᐊᐅᓚᑦᓯᔨᓄᓪᓗ ᐱᑎᑕᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ.
ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.
ᐃᓚᖏᓪᓕ ᒥᑕᐅᑎᒋᔭᐅᓚᐅᕐᐳᑦ ᑏᒐᕐᑐᕐᑕᐅᓪᓗᑎᒡᓗ, ᐃᓚᖏᓪᓗ ᐊᕐᓵᕐᑑᔭᓄᑦ ᐊᑦᓱᖏᐅᓯᕐᑕᐅᓚᐅᕐᐳᑦ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒡᓗ.
ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.
ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.
ᔩᓱᓯ ᑐᓴᕋᒥ ᔪᐊᓇᓯᐅᑉ ᑎᒍᔭᐅᓂᖓᓂᒃ, ᒐᓕᓕᐊᒧᐊᕐᐳᖅ.
