ᐋᐴᓯᑕᓖᑦ ᐱᓂᐊᕐᓂᖏᑦ 3:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 3:26 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 1:21

ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 3:22

ᒨᓯᓯ ᐅᖃᓚᐅᕐᒪᑦ, ‘ᐊᑕᓂᐅᑉ ᒎᑎᑦᓯ ᑎᓕᓯᕕᒋᔪᒫᕐᐹᓯ ᓇᓚᐅᑦᑍᔪᒥᒃ ᐃᓅᖃᑎᑦᓯ ᐃᓚᖓᓐᓂᒃ ᑍᒫᑦᓮᓐᓇᖅ ᑎᓕᓚᐅᕋᒥᖓ. ᓈᓚᒋᐊᖃᕈᒫᕐᐸᓯ ᖃᓄᑐᐃᓐᓇᖅ ᐅᖃᐅᑎᑐᐊᕐᐸᓯ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 3:25

ᑭᖑᕚᖑᕗᓯ ᓇᓚᐅᑦᑍᔪᑦ ᒎᑎᐅᓪᓗ ᐊᖏᕈᑎᒋᓯᒪᔭᖓᓄᑦ ᓯᕗᓪᓕᕕᓂᑦᓯᓐᓄᑦ ᐃᓚᐅᕗᓯ, ᐂᑉᕋᕼᐋᒻᒧᑦ ᐅᖃᓚᐅᕐᒪᑦ, ‘ᐃᕝᕕᑦ ᑭᖑᕚᖏᑎᒍᑦ ᐃᓄᓕᒫᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.’

ᐲᑦᑐᕉᓯ ᓯᕗᓪᓖᑦ 1:3

ᒎᑎ ᓂᕐᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᕐᑖᕐᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᕐᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᒥᒍᑦ ᔩᓱᓯ ᙭ᔅᑑᓯᒥᒃ,

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᕉᒪᒥᐅᓄᑦ 15:29

ᖃᐅᔨᒪᒐᒪ ᐃᓕᑦᓯᓐᓄᐊᕈᒪ ᙭ᔅᑑᓯᐅᑉ ᓮᒻᒪᕐᑎᑦᓯᓂᖓ ᓈᒻᒪᑦᓯᐊᕐᓗᒍ ᓮᒻᒪᕐᑎᑕᐅᑦᔪᑎᒋᒐᔭᕋᒃᑯ.

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:15

ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:24

ᒎᑎᐅᓪᓕ ᒪᑭᑎᓚᐅᕐᐹ ᑐᖁᒥᑦ, ᑐᖂᑉ ᐋᓐᓂᕐᓇᕐᓂᖓᓂᑦ ᕿᓚᕈᑦᔮᕐᓗᓂᐅᒃ, ᐊᔪᕐᓇᓚᐅᕐᒪ ᑖᓐᓇ ᑐᖁᖎᓐᓇᕆᐊᒃᓴᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:20

ᒎᑎᐅᑉ ᑎᓕᓂᐊᕐᐹ ᙭ᔅᑑᓯ ᓂᕈᐊᕐᓯᒪᔭᓂ ᐱᑦᔪᑎᒋᓪᓗᓯ, ᑕᕝᕙ ᔩᓱᓯ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 31:18

ᐃᕗᕅᑎ ᕿᒃᓵᒡᓗᓂ ᐅᖃᕐᑐᖅ ᑐᓴᓚᐅᕐᐸᕋ, ᐋᖅᑭᒋᐊᓚᐅᕐᐸᕐᒪ ᓄᕐᕋᕐᑎᑐᑦ ᐃᓕᓴᕐᑕᐅᓯᒪᖏᑦᑐᑎᑐᑦ, ᐃᓂᕐᑎᕋᕕᖓ, ᐋᖅᑭᒍᑎᒋᕙᕋᓗ ᑕᒪᓐᓇ ᐅᑎᕐᑎᓚᐅᓐᖓ ᐅᑎᕐᓂᐊᕋᒪ ᐊᑕᓂᐅᒐᕕᑦ ᒎᑎᒐ.

ᒫᑎᐅᓯᐅᑉ ᐊᒡᓚᖏᑦ 15:24

ᑕᕝᕙ ᑭᐅᕚ, “ᑎᓕᔭᐅᓯᒪᑐᐃᓐᓇᕐᐳᖓ ᓰᐱᓄᑦ ᐊᓯᐅᓯᒪᔪᓄᑦ ᐃᓴᕆᐊᓕᒥᐅᓄᑦ.”

ᔪᐊᓇᓯᐅᑉ ᐊᒡᓚᖏᑦ 4:22

ᑐᒃᓯᐊᕐᕕᒋᔭᓯ ᖃᐅᔨᒪᖏᓐᓇᓯᐅᒃ; ᐅᕙᒍᓪᓕ ᖃᐅᔨᒪᕗᒍᑦ ᑐᒃᓯᐊᕐᕕᒋᔭᑦᑎᓐᓂᒃ, ᔫᑎᓂᑦ ᐱᐅᓕᔭᐅᓂᖅ ᐱᖕᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:32

“ᑖᓐᓇ ᔩᓱᓯ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ, ᐅᕙᒍᓪᓗ ᑕᒪᑦᑕ ᑕᒪᑐᒥᖓ ᖃᐅᔨᓯᒪᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:13

ᐂᑉᕋᕼᐋᒻ ᒎᑎᖓ ᐂᓴᑭᐅᓪᓗ ᒎᑎᖓ ᔧᑰᓪᓗ ᒎᑎᖓᑕ, ᓯᕗᓕᕕᓂᑦᑕᓗ ᒎᑎᖓᑕ, ᐱᔨᓂ ᔩᓱᓯ ᓂᕐᑐᕐᓇᕐᓯᑎᓚᐅᕐᐹ, ᑖᓐᓇ ᐊᖓᔪᖅᑳᓄᑦ ᑎᒍᔭᐅᑎᓚᐅᕐᑕᓯ ᓇᕐᕈᓇᕐᓯᑎᓚᐅᕐᑕᓯᓗ ᐰᓛᑑᓯᐅᑉ ᑕᒃᑯᐊᓂ, ᐰᓛᑑᓯᐅᑉ ᐊᓂᑎᑕᐅᖁᒐᓗᐊᕐᑎᓪᓗᓂᐅᒃ.

ᕉᒪᒥᐅᓄᑦ 15:8

ᐅᖃᐅᑎᕙᑦᓯ ᙭ᔅᑑᓯ ᐱᔨᓐᖑᓚᐅᕐᒪᑦ ᔫᑎᓄᑦ ᑭᐱᓯᒪᔪᓄᑦ ᒎᑎᐅᑉ ᓱᓕᑦᓯᐊᕐᓂᖓ ᓴᖅᑭᑎᑕᐅᖁᓪᓗᒍ, ᓯᕗᓕᕕᓂᖏᓐᓄᑦ ᐊᖏᕈᑎᒋᓯᒪᔭᖓᑕ ᑲᔪᓯᑎᑕᐅᓂᖓᒍᑦ.