ᐋᐴᓯᑕᓖᑦ ᐱᓂᐊᕐᓂᖏᑦ 28:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᒎᑎᐅᑉ ᐊᑕᓂᐅᕕᖓᓂᒃ ᐊᔪᕆᕐᑐᐃᑦᔪᑎᖃᕐᓗᓂ ᐃᓕᓐᓂᐊᕐᑎᑦᓯᑦᔪᑎᖃᕐᓗᓂᓗ ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓯᕘᕋᓇᓂ ᐊᒡᕕᐊᕐᑕᐅᓇᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 28:31 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 4:23

ᔩᓱᓯ ᒐᓕᓕᐊᓕᒫᒥ ᓇᒧᑐᐃᓐᓇᖅ ᐂᖃᑦᑕᕐᐳᖅ, ᐊᔪᕆᕐᑐᐃᕙᒡᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᐅᖃᐅᓯᖃᕐᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐊᑦᔨᒌᖏᑦᑐᓂᒃ ᐋᓐᓂᐊᓖᑦ ᖃᓂᒪᔪᓪᓗ ᐃᓄᐃᑦ ᐋᖅᑭᒃᐰᑦ.

ᒫᑯᓯᐅᑉ ᐊᒡᓚᖏᑦ 1:14

ᔪᐊᓇᓯᐅᑉ ᑎᒍᔭᐅᓂᖓᑕ ᑭᖑᕐᖓᓂ, ᔩᓱᓯ ᒐᓕᓕᐊᒧᐊᕐᐳᖅ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᒃ ᐊᔪᕆᕐᑐᐃᔪᑎᖃᕐᓗᓂ.

ᓘᑲᓯᐅᑉ ᐊᒡᓚᖏᑦ 8:1

ᑕᒪᑐᒪ ᑭᖑᕐᖓᒍᑦ ᔩᓱᓯ ᐃᖏᕐᕋᓚᐅᕐᐳᖅ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ, ᐊᔪᕆᕐᑐᐃᓪᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ. ᐃᓕᓐᓂᐊᕐᑎᓂ 12 ᐃᓚᒋᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 1:3

ᐋᓐᓂᐊᑎᑕᐅᓂᕐᒥ ᑭᖑᓂᖓᓂ ᐅᓪᓗᓂᒃ 40ᓂᒃ ᓴᖅᑭᖃᑦᑕᓚᐅᕐᐳᖅ ᑖᒃᑯᓄᖓ ᐅᓄᕐᑐᐃᕐᓱᕐᓗᓂ, ᒪᑭᓯᒪᓪᓚᕆᖕᓂᕐᒥᓂᒃ ᖁᓚᖏᑦᓯᐊᓕᕈᑎᒃᓮᑦ ᐊᑐᕐᓗᒋᑦ, ᐅᖃᖃᑎᒋᓪᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:25

“ᒫᓐᓇ ᑕᑯᒋᑦ, ᐃᓕᑦᓯᓐᓄᑦ ᐊᔪᕆᕐᑐᐃᖃᑦᑕᓚᐅᕐᑐᖓ ᒎᑎᐅᑉ ᐊᑕᓂᐅᕕᖓᓂᒃ ᖃᐅᔨᒪᕗᖓ ᑕᑯᒃᑲᓐᓂᕐᓂᐊᕈᓐᓃᕋᑦᓯᓐᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 23:11

ᐅᓐᓄᐊᖑᓕᕐᑎᓪᓗᒍᓕ ᐸᐅᓗᓯᐅᑉ ᓴᓂᐊᓂ ᐊᑕᓂᖅ ᓇᖏᕐᓗᓂ ᐅᖃᕐᐳᖅ, “ᓯᕘᕋᓂᐊᕐᓇᒃ, ᔨᕉᓴᓕᒻᒥ ᐅᖃᐅᓯᖃᓚᐅᕋᕕᑦ ᐅᕙᓐᓂᒃ, ᑍᒫᒃᑕᐅᖅ ᕉᒪᒥ ᐅᖃᐅᓯᕆᔭᕆᐊᖃᕆᕙᕐᒪ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:30

ᐊᕐᕌᒍᒃ ᒪᕐᕉᒃ ᓈᓪᓗᒋᒃ ᐸᐅᓗᓯ ᑕᕝᕙᓂ ᐃᓂᖃᓚᐅᕐᐳᖅ ᐃᒡᓗᒥᓂ ᓇᖕᒥᓂᖅ ᐊᑭᓕᕐᓱᐃᓪᓗᓂ, ᕾᔪᓕᒫᓂᒃ ᑐᓐᖓᓱᒃᑎᑦᓯᖃᑦᑕᓚᐅᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 4:29

ᒫᓐᓇ ᐊᑕᓃᖅ, ᓯᕘᕋᓵᕆᑦᔪᑎᖏᑦ ᑕᑯᓚᐅᒃᑭᑦ, ᐱᔨᑎᑦ ᐅᖃᐅᓯᕆᖁᔭᕐᓂᒃ ᐅᖃᕈᓐᓇᕐᑎᒃᑭᑦ ᓯᕘᕋᖏᓪᓗᑎᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:42

ᖃᐅᑕᒫᑦ ᐊᔪᕆᕐᑐᐃᖏᓐᓇᖃᑦᑕᕐᐳᑦ ᑐᒃᓯᐊᕐᕕᒡᔪᐊᒥ ᐃᓄᐃᓪᓗ ᐊᖏᕐᕋᖏᓐᓂ ᐅᖃᐅᓯᖃᕐᓗᑎᒃ ᐊᔪᕆᕐᑐᐃᓪᓗᑎᒡ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯ ᙭ᔅᑑᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:12

ᐃᓄᐃᑦ ᐊᖑᑎᑦ ᐊᕐᓁᓪᓗ ᐹᑉᑎᑕᐅᓕᕐᐳᑦ ᐱᓕᑉᐴᓯᐅᑉ ᐅᖃᐅᓯᖏᓐᓂᒃ ᐅᒃᐱᓕᕋᒥᒃ ᐊᔪᕆᕐᑐᐃᑎᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᔩᓱᓯ ᙭ᔅᑑᓯᒥᒡᓗ.

ᐱᓕᐱᒥᐅᓄᑦ 1:14

ᑎᒍᔭᐅᓯᒪᕕᖕᒦᓐᓂᓐᓄᓪᓗ ᐅᒃᐱᕐᑑᖃᑎᕗᑦ ᖁᓚᕈᓐᓃᕐᑎᑕᐅᑲᓐᓂᕐᐳᑦ ᐊᑕᓂᕐᒥᒃ, ᒎᑎᐅᑉ ᐅᖃᐅᓯᕆᔭᐅᖁᔭᖓᓂᒃ ᐅᖃᓪᓚᖁᓪᓗᒋᑦ ᓯᕗᕋᖏᓪᓗᑎᒃ.

ᑎᒧᑎᒧᑦ ᐂᑉᐸᖏᑦ 2:9

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.