ᐋᐴᓯᑕᓖᑦ ᐱᓂᐊᕐᓂᖏᑦ 28:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ “ᑕᒪᓐᓇ ᐱᓪᓗᒍ ᖃᐅᔨᒪᖁᕙᑦᓯ ᒎᑎᐅᑉ ᐱᐅᓕᒃᓯᓂᖓ ᑐᕌᖓᑎᑕᐅᓕᕐᐳᖅ ᔫᑎᐅᖏᑦᑐᓄᑦ; ᑖᒃᑯᐊ ᓈᓚᒍᓐᓇᕐᒪᑕ.” [

ᐋᐴᓯᑕᓖᑦ ᐱᓂᐊᕐᓂᖏᑦ 28:28 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:26

ᐊᑕᓂᐅᑉ ᐱᐅᓕᒃᓯᓂᒃᓴᖓ ᐅᑕᖅᑭᐊᕆᓗᒍ ᐱᐅᓂᕐᓴᐅᕗᖅ ᓂᐰᑦᑑᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 36:32

ᐃᓕᑦᓯᓕ ᐱᑦᔪᑎᒋᓗᓯ ᑍᒤᓕᐅᕐᓂᐊᓐᖏᓚᖓ, ᐊᑕᓂᖅ ᒎᑎ ᐅᖃᕐᐳᖅ; ᑕᒪᓐᓇ ᖃᐅᔨᑦᓯᐊᕐᓯᐅᒃ. ᑲᓐᖑᓲᑎᒋᓗᒋᑦ ᐅᒡᒍᐊᕈᑎᒋᓗᒋᓪᓗ ᐱᓂᐊᕐᓂᕆᓯᒪᔭᓯ ᐱᖁᓪᓗᓯ, ᐃᓴᕆᐊᓕᓄᑦ ᑭᖑᕚᖑᔪᓯ.

ᓘᑲᓯᐅᑉ ᐊᒡᓚᖏᑦ 3:6

ᐃᓄᓕᒫᑦ ᑕᑯᔪᒫᕐᐳᑦ ᒎᑎᐅᑉ ᐱᐅᓕᔭᐅᕕᒃᓴᐅᑎᑕᖓᓂᒃ.’”

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:38

ᑍᒤᒻᒪᑦ ᐃᓅᖃᑎᒃᑲ ᖃᐅᔨᒪᓕᕆᑦᓯ, ᐃᓄᒃᑯᑦ ᑖᑦᓱᒨᓇ ᐊᔪᕐᓂᕐᓂᑦ ᐃᓱᒪᒋᔪᓐᓁᕕᐅᔪᒃᓇᕐᓂᕐᒥᒃ ᐅᖃᕐᕕᐅᕗᓯ,

ᐋᐴᓯᑕᓖᑦ ᐱᓂᐊᕐᓂᖏᑦ 14:27

ᐊᓐᑎᐅᑭᐊᒧᑦ ᑎᑭᓐᓇᒥᒃ, ᐃᓚᒌᒃᑐᑦ ᑲᑎᖁᕔᑦ ᐅᓂᒃᑳᕐᕕᒋᓪᓗᒋᑦ ᑕᒤᓐᓂᒃ ᒎᑎᒧᑦ ᐱᓂᐊᕐᕕᐅᓂᕐᒥᖕᓂᒃ, ᐅᒃᑯᐃᕈᑦᔭᐅᓂᕐᒥᖕᓂᒃ ᔫᑎᐅᖏᑦᑐᑦ ᐅᒃᐱᕐᑎᑕᐅᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:14

ᓮᒨᓂ ᐅᓂᒃᑳᕋᑖᕐᒪᑦ ᒎᑎᐅᑉ ᐱᓇᓱᐊᓚᐅᕐᓂᖓᓂᒃ ᓯᕗᓪᓕᕐᐹᒥᒃ ᔫᑎᐅᖏᑦᑐᓂ, ᑖᒃᑯᓇᖓᑦ ᑎᒍᓯᒐᒥ ᓇᖕᒥᓂᕆᓂᐊᕐᑕᒥᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:17

ᐃᓄᓕᒫᑦ ᐊᑕᓂᕐᒥᒃ ᕿᓂᓕᖁᓪᓗᒋᑦ, ᔫᑎᐅᖏᑦᑐᑦ ᓇᖕᒥᓂᕆᔪᒪᓪᓗᒋᑦ ᕾᖁᓯᒪᔭᓕᒫᒃᑲ,

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:14

ᐲᑦᑐᕉᓯ ᓂᑯᕕᓪᓗᓂ 11 ᐋᐴᓯᑕᓖᑦ ᐃᓚᒋᓪᓗᒋᑦ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᔫᑎᐊᒥᐅᑕᐅᔪᓯ ᔨᕉᓴᓕᒻᒥᐅᑕᐅᔪᓯᓗ, ᑐᓵᓚᐅᕆᑦᓯ ᐅᕙᓐᓂᒃ, ᖃᓄᖅ ᑕᒪᓐᓇ ᑐᑭᖃᕐᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:21

ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐊᐅᓪᓚᓕᕆᑦ; ᑎᓕᔪᒪᒐᒃᑭᑦ ᐅᖓᓯᒃᑐᒦᑐᓄᑦ ᔫᑎᐅᖏᑦᑐᓄᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 28:29

ᐸᐅᓗᓯ ᑍᒫᒃ ᐅᖃᕐᒪᑦ, ᔫᑎᑦ ᕿᒪᕉᑎᓕᕐᐳᑦ ᐂᕙᖃᑎᒌᓕᕐᓗᑎᒡᓗ ᐃᒻᒥᖕᓄᑦ.]

ᐋᐴᓯᑕᓖᑦ ᐱᓂᐊᕐᓂᖏᑦ 4:10

ᖃᐅᔨᒪᓕᕆᑦᓯ ᑕᒪᑦᓯ ᐃᓴᕆᐊᓕᒥᐅᓕᒫᓪᓗ, ᐅᓇ ᓵᑦᓯᓐᓃᑦᑐᖅ; ᔩᓱᓯ ᙭ᔅᑑᓯ ᓈᓴᕇᑎᒥᐅᑉ ᐱᔪᓐᓇᕐᓂᖓᒍᑦ; ᑖᑦᓱᒪ ᑭᑭᐊᒃᑐᓚᐅᕐᑕᑦᓯ, ᒎᑎᐅᓪᓕ ᑐᖁᒥᑦ ᒪᑭᑎᓚᐅᕐᑕᖓᑕ ᐋᖅᑭᓚᐅᕐᐹ; ᒫᓐᓇ ᓵᑦᓯᓐᓂ ᓇᖏᓕᕐᐳᖅ ᖃᓄᐃᖏᑦᓯᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᕉᒪᒥᐅᓄᑦ 11:11

ᐊᐱᕆᓕᕐᐳᖓ, ᐹᓪᓚᒃᓯᒪᕚᑦ ᒪᑭᒃᑲᓐᓂᕐᓂᐊᕈᓐᓃᕐᓗᑎᒃ? ᑍᒤᓐᖏᓚᖅ! ᐃᒫᒡᓕ ᐊᔪᕐᑐᓕᓯᒪᓂᖏᓐᓄᑦ ᐱᐅᓕᔭᐅᓂᖅ ᔫᑎᐅᖏᑦᑐᓄᑦ ᐱᑎᑕᐅᕗᖅ, ᐃᓴᕆᐊᓕᒥᐅᑦ ᑐᓱᓂᕐᒧᑦ ᓯᓇᓕᖁᓪᓗᒋᑦ.

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.