26 ᑭᓯᐊᓂᓕ ᐃᒃᑲᕐᕆᓐᓂᐊᕐᐳᒍᑦ ᕿᑭᕐᑍᑦ ᓇᓪᓕᐊᓐᓄᑐᐃᓐᓇᖅ.”
ᐊᖑᑎᓂᓪᓕ ᐊᒧᓕᕐᑕᐅᓪᓗᓂ ᐅᒥᐊᕐᔪᐊᕐᒧᑦ ᐅᓯᓕᐅᑦᔭᐅᕗᖅ, ᐊᒃᖢᓈᓄᑦ ᐅᒥᐊᕐᔪᐊᖅ ᐅᖓᑕᖏᕐᓗᒍ ᓂᒥᕐᐹᑦ ᐊᑦᑕᕐᓁᓕᓇᓱᐊᕐᓗᒍ, ᐃᒃᑲᕐᕈᒧᑦ ᐃᒃᑲᕐᕆᓐᓂᐊᕋᓱᒋᓕᕋᒥᒃ ᓲᕐᑎᓯᒥᒃ ᐊᑎᓕᖕᒧᑦ; ᑎᖏᕐᕋᐅᑕᖅ ᑲᑕᒃᑎᓪᓗᒍ ᐅᒥᐊᕐᔪᐊᖅ ᐊᓄᕆᒧᑦ ᑎᒃᑕᐅᑐᐃᓐᓇᕐᑎᓕᕐᐹᑦ.
ᐅᓐᓄᐊᑦ 14ᒋᓕᕐᐹᑦ ᓱᓕ ᐃᒪᕐᕕᖕᒥ ᒥᑎᑐᕇᓂᐊᒥ ᑎᒃᑕᐅᓪᓗᑕ, ᐅᒥᐊᕐᑐᕐᑏᑦ ᐅᓐᓄᐊᑉ ᕿᑎᖓᓂ ᓄᓇᒧᑦ ᖃᒡᓕᓇᓱᒋᓕᕐᐳᑦ.
ᓯᕘᕋᓕᕋᒥᒃ ᐅᒥᐊᕐᔪᐊᖅ ᐃᒃᑲᕐᕆᓐᓂᐊᕋᓱᒋᓪᓗᒍ ᐅᔭᖅᑲᓄᑦ, ᓯᑕᒪᓂᒃ ᑭᓴᐅᑎᓂᒃ ᓂᖏᑎᑦᓯᕗᑦ ᐅᒥᐊᕐᔪᐊᑉ ᐊᖁᐊᒍᑦ, ᕿᓚᓈᕐᓗᑎᒃ ᐅᓪᓛᒃᑯᑦ ᖃᐅᒻᒪᖕᓂᐊᕐᑐᒥᒃ.
ᓄᓇᒦᓕᕋᑦᑕ ᑐᑭᓯᓕᕐᐳᒍᑦ ᕿᑭᕐᑕᖅ ᐊᑎᖃᕐᒪᑦ ᒪᐅᓪᑕᒥᒃ.
