ᐋᐴᓯᑕᓖᑦ ᐱᓂᐊᕐᓂᖏᑦ 26:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᖓᔪᖅᑳᕐᔪᐊᖅ, ᖃᐅᒪᔪᐊᓗᖕᒥᒃ ᑕᑯᓚᐅᕐᐳᖓ ᐊᑐᕆᐊᒥ ᐅᓪᓘᑉ ᕿᑎᕋᕐᓂᖓᓂ, ᓯᕿᓂᕐᒥᑦ ᖃᐅᒪᓂᕐᓴᒻᒪᕆᐊᓗᖕᒥᒃ, ᕿᓚᖕᒥᑦ ᖃᐅᒻᒪᒃᑎᑕᐅᔪᒥᒃ ᐅᕙᓐᓄᑦ ᐃᖏᕐᕋᖃᑎᓐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 26:13 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 24:23

ᑕᖅᑭᖅ ᑖᕐᓯᔪᒫᕐᐳᖅ ᓯᕿᓂᕐᓗ ᖃᐅᒪᔪᓐᓃᕐᓗᓂ, ᐊᑕᓂᖅ ᐊᔪᒐᖃᖏᑦᑐᖅ ᐊᐅᓚᑦᓯᓕᕈᒫᕐᒪᑦ, ᔨᕉᓴᓕᒥ ᓮᐅᓂᐅᑉ ᖃᖅᑲᖓᓂ, ᐃᓄᐃᓪᓗ ᐊᖓᔪᖅᑳᖏᑕ ᐱᓐᓇᕐᓇᕐᓂᕐᔪᐊᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᒫᑎᐅᓯᐅᑉ ᐊᒡᓚᖏᑦ 17:2

ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 22:6

“ᑕᒫᓯᑰᓯᒧᓪᓕ ᖃᒡᓕᓕᕐᑎᓪᓗᖓ, ᐅᓪᓗᖅ ᕿᑎᕋᓕᕐᑎᓪᓗᒍ ᕿᓚᖕᒥᑦ ᖃᐅᒪᔪᐊᓗᖕᒥᑦ ᖃᐅᒻᒪᒡᕕᐅᓚᐅᕐᐳᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 22:9

ᐃᓚᒋᔭᒪᓕ ᖃᐅᒪᔪᖅ ᑕᑯᒐᓗᐊᕐᐹᑦ, ᑐᓴᕋᑎᒡᓕ ᓂᐱᒥᒃ ᐅᕙᓐᓄᑦ ᐅᖃᕐᑐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:12

“ᑕᒪᓐᓇ ᐱᑦᔪᑎᒋᓪᓗᒍ ᑕᒫᓯᑰᓯᒧᐊᓕᓚᐅᕐᐳᖓ ᐱᔪᓐᓇᐅᑎᖃᕐᑎᑕᐅᓪᓗᖓ ᑎᓕᔭᐅᓪᓗᖓᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:14

ᑕᒪᑦᑕ ᓄᓇᒧᑦ ᐅᕐᕈᒐᑦᑕ, ᑐᓴᓚᐅᕐᐳᖓ ᓂᐱᒥᒃ ᐄᑉᕉᑎᑐᑦ ᐅᖃᕐᑐᒥᒃ, ‘ᓴᐅᓗᓰ, ᓴᐅᓗᓰ, ᓱᖕᒪᑦ ᐊᑭᕋᕐᑐᕐᐱᖓ? ᐃᓕᖕᓂᒃ ᐋᓐᓂᕐᓯᑐᐃᓐᓇᕐᐳᑎᑦ ᑐᒡᒐᕋᓱᒃᑐᑎᑐᑦ, ᐊᖑᓴᓪᓘᑉ ᑐᒃᑲᕋᓱᖕᓂᖓᑐᑦ ᐃᓄᐊᑕ ᐊᓇᐅᑕᖓᓂᒃ ᑲᐴᑎᓕᖕᒥᒃ.’

ᐋᐴᓯᑕᓖᑦ ᐱᓂᐊᕐᓂᖏᑦ 9:3

ᑕᒫᓯᑰᓯᒧᑦ ᖃᒡᓕᓕᕐᑎᓪᓗᒍ, ᖃᐅᒪᔪᐊᓗᖕᒧᑦ ᕿᓚᖕᒥᑦ ᐱᔪᒧᑦ ᑕᕝᕔᓐᓇᖅ ᖃᐅᒻᒥᑕᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:16

ᑕᓕᕐᐱᖕᒥᓂᓗ ᐅᓪᓗᕆᐊᓂᒃ 7ᓂᒃ ᑎᒍᒥᐊᕐᐳᖅ, ᖃᓂᖓᓂᓪᓗ ᓄᐃᔪᖃᕐᐳᖅ ᓴᕕᒡᔪᐊᒥᒃ ᐃᒡᓗᒃᑐᑦ ᑮᓇᓕᖕᒥᒃ, ᑮᓇᖓᓗ ᓯᕿᓂᐅᑉ ᖃᐅᒻᒪᕆᖕᓂᕐᐹᖓᑎᑐᑦ ᖃᐅᒪᑎᒋᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.